蓮香樓

營業中

休息中

今晚玩懷舊食老牌粵菜，蓮香樓扎根香港數拾年一直都未試過這裡的晚飯中菜，今次專程來試試。裝修同傢俬保持上世紀大酒樓飲茶感覺，今時今日我們可以話係有特色。🤣🥢見到推廣介紹「錦鹵雲吞」就試試有點點失望，雲吞皮太厚不夠脆口，餡料用了一舊又乾又難叉燒味道怪怪，酸汁不夠酸菠蘿青椒一大堆。😅🥢客家釀鯪魚這道客家名菜做等不錯，廚師取出魚骨魚肉，保留魚皮同頭尾，加入魚膠蝦米陳皮打到起膠再重申釀入魚殼炸香，外層香口內層魚肉彈牙可口蝦米起到惹味作用。👍🥢咸排骨大芥菜煲咸排骨煮得諗好有咸香味，加入胡椒的芥菜湯底特別惹味。朋友的大碗白飯，換了是我起碼食一個星期。😅😅甜品古法馬拉糕，鬆軟香甜，綠豆沙糖水送的，綠豆起沙有臭草味正啊！👍牆身上的招牌推介我完全看不懂銀碼🤣。

成日經過呢間蓮香樓都想試吓今日終於的起心肝不過可能我試一次就夠啦 哈哈食物質素中上但環境一般，未必會再嚟呢度飲茶其實唔算貴中環喎燒味飯都算抵食位置好多我兩點嚟都幾乎滿座通常都會有一架點心車喺度推住入面每次都會有新嘅點心但如果車入面冇你想食嘅點心原來你可以order點心嘅真係好懷舊嘅點心車春卷同鹹水角首先凍冰冰鹹水角個皮好厚好厚都係凍嘅可以唔使試蝦餃幾好食啵皮薄餡靚啲蝦又大又爽調味亦都恰到好處值得一試鳳爪普通嘢冇乜特別糯米雞又大隻又好食入面足料有雞，燒肉，肉碎，鹹蛋黃，冬菇依家咁足料嘅糯米雞都唔係度度都有雞札係我哋order嘅入面都係好足料有雞啦魚肚冬菇你睇吓舊冬菇幾厚呢個西米布甸唔係成日都有得食㗎朋友話成日都賣晒呢個都值得叫入面有蓮蓉好滑好滑蓮香樓最出名就係蓮蓉呀嘛最正係因為蓮蓉甜所以佢個西米布甸就整得唔甜加埋一齊就啱啱好Very good！ 不過熱少少就更好喇整體來講食物質素中上服務都唔錯侍應叔叔普遍都係有禮貌環境一般感覺比較污糟，餐牌黐立立而且冇乜冷氣雖然食物幾好食但又冇乜令人好驚喜嘅感覺所以我諗下次都未必會再嚟但值得一試既

今日經過中上環 去咗蓮香樓飲早茶 因為十點幾 酒樓大部分都有位 但係不知道為何 侍應跟我們說要跟其他食客一齊搭枱 但係周圍全部都係吉枱 佢哋話要留畀啲熟客 可能我唔係成日幫襯佢哋 但係覺得咁樣服務態度不是太好 食物方面中環嘅價錢 質素一般 食咗四五碟點心蝦餃蝦腸 鳳爪排骨飯 其實食物質素其他酒樓差唔多冇乜特別驚喜亦都唔係太難食 當然來到係食環境 醉翁之意不在於此 但係我留意到呢度嘅員工其實真係唔係志在做嘢叫佢哋好似所以入右耳出 去廁所見到職員喺度打牙骹因為準備休息 服務水準真係有待改善 埋單三百幾蚊呢個價錢其實中上環仲有好多更好嘅選擇

倒屎咁早入去飲茶🫖好傳統嘅舊式茶樓😂 都係第一次過嚟，原來要企喺張枱隔離攞位😅，仲要出去嗰啲車度拎嘢，冇得落單㗎等咗15分鐘左右有得食，大約11點到😂叫咗10個點心，埋單360🙋🏻‍♀️價錢都可以最好食係叉燒餐包同埋蛋散☺️☺️ 其實樣樣都好好食😋但拎嘢食要自己拎係疫情期間都好麻煩，因為架車出嚟，你就一定要衝過去，咪嗰姐姐行到你個位都冇得食😂不過都係一個幾好嘅體驗，但係你要好有耐性😂

成日想係中環食點心 但真係冇咩選擇🧐 呢間價錢還好 平日中午1230去到都仲有位🤓最特別係保留咗茶盅同點心車 幾個姨姨會係茶樓推住架車仔叫賣 架架車都盛住唔同點心🤣 想食可以等佢經過𥄫下有冇👀————————————————————————🐕 各款點心 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯當日點心種類都幾多👅有盅頭飯 糯米雞 豬腳姜 炸春卷 鳳爪 叉燒腸 蒸蘿蔔糕 蛋撻 菠蘿包 蛋散等等當然有唔少得嘅蝦餃燒賣幾特別係佢仲有豬潤 豬肚燒賣揀點心質素正正常常值得一提係少見嘅碗蒸蘿蔔糕比起一般件裝嘅會軟身啲叉燒腸個樣似牛肉腸但食落又真係叉燒味🧐雖然食物平庸但不妨黎呢度體驗下昔日香港🇭🇰————————————————————————🐰題外話：咁有香港風情 梗係唔少得香港嘅服務態度🤣🤣 有個覇氣姨姨嬲我哋冇應佢 扭計唔賣點心比我地lol😂😂

很久沒有喝中式茶了，今日剛好在中環附近，所以就去蓮香樓飲茶，中午時段人很多，要自己找位置，幸好只是找了一陣就找到了☺️蓮香樓仍然是用點心車，但不會叫賣，所以每次看到點心車就要問呀姐是什麼點心🤗而茶亦可以選擇用盅或者是茶壺等..錦路炸雲吞是點菜的，我們點的是小，有6大塊炸雲吞，每塊都很香脆，而個靈魂醬汁多料到呢😱嚇一跳🙈有豬肉片，豬潤，魷魚等！而且個醬汁酸酸甜甜很惹味😋肉絲炒麵，麵底很香脆，個汁雖然淡味了一點，但也是可以接受的，而且份量很足！

上次到蓮香樓取特價盆菜時見到有賀年糕卷售賣，只是 HK$68 盒 ... 都幾抵試其中可以在四款賀年糕點中任選三款的『賀年三色糕卷』只是 HK$188 張計番每盒只是 HK$63 ...儍媽就買了幾張送親友和自己食 ...換了 ... 蘿蔔糕、芋頭糕和年糕糕面已經看到很多蝦米、臘腸和臘味粒 ...又用了 bruno ...唔需用太多油都煎到香脆的糕點 ...即煎即食、熱辣辣又香脆最好食 ...儍媽較喜歡芋頭糕切件後見到骰子大小的芋頭、芋頭夠粉，入口有芋頭香又有臘味香年糕煙韌軟滑又不甜膩 而蘿蔔糕 ...可能有上次鏞記有機蘿蔔糕的比較蓮香樓的蘿蔔糕有點比下去，但這個價錢就係抵食** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡 ! 如發現未經授權使用，本人將保留一切追究權利 ! 多謝合作 !

上星期响網上見到蓮香樓做緊4人盆菜優惠, 只係$188,$188,$188就食到大大盆4人盆菜。呢個價錢加上蓮香樓呢個老字號，諗都唔駛諗即刻訂！拎盆菜時，汁係用碗另上。返到屋企打開盆菜！嘩！$188抵到呢！有雞，义燒，蝦，扣肉，豬手，冬菇，蓮藕，魚蛋，芋頭，西蘭花，豬皮，枝竹..... 食後感，👍份量比想像中多，4個大人都食唔晒👍枝竹新鮮，唔係煲到淋晒，好爽口👍扣肉，豬手，比教重成本嘅食物，每款有最少4件，入味，肥瘦適中👎义燒好硬，咬唔開👎芋頭太大舊，佔左好多位，可以切細d👎冬菇唔夠淋Anyways, 以$188呢個價錢，絕對抵食，再有呢個優惠都一定會再買黎食😉$188 食到4人盆菜，自結己煮都唔止呢個價！

多得友人報料 ...儍媽至知老字號茶樓『蓮香樓』 4 人份的盆菜做特價 HK$188 個 ... 當然要試吓喇 !!!醬汁分開盛裝 ...返到屋企將醬汁倒入盆菜內，翻熱就食得囉 !煮煲飯，加點生菜 ... 又是一頓美味的晚餐喇 !!!先食最上面的貴妃雞、燒排骨和椒鹽蝦下面還有鮑汁鵝掌、客家扣肉、南乳豬手、蠔皇炆花菇、南乳炆蓮藕咖喱魚蛋、蘿蔔、豬皮、枝竹、西蘭花、津白、芋頭客家扣肉脂肪均肉，入口香軟不油膩南乳豬手炆得入味又軟腍，滿滿的膠原蛋白質最底層的蘿蔔、豬皮和枝竹吸收哂醬汁的精華，特別惹味可能我們細食 ...這個 4 人份量的盆菜我們一家四口食唔哂 ...食剩了 1/3 下餐繼續...** 以上分享是以我的口味、體質和情況作出分享及感受，一試 / 合用與否請自行決定** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作

一到大時大節，就會諗起食盆菜。方便唔使自己整，一盤過，碟都洗少幾隻。只需要加熱，上枱就會熱辣辣。依家啲盆菜成日見到都要過千蚊，不過最近見到一個疫情下嘅推廣震撼價，仲要係由老牌有名嘅酒樓推出。$188四人用，平均每位唔使$50 ，平時食個叉燒飯都唔止啦。不過無論點都睇咗個質素先。用料都唔係矜貴嘅材料，不過燒味妹覺得佢嘅叉燒同貴妃雞都好唔錯。鵝掌煮得好淋，南乳豬手幾唔錯，冬菇好大隻，就連豬皮都整得好入味。唯一就係椒鹽蝦始終係乾爭爭，就如大部份盆菜一樣。少少建議，直接擺上爐火加熱下面浸住湯汁嘅嘢食熱，但上邊既都唔會熱，建議成個盤攞去蒸完先上爐，咁就上面嘅嘢都會熱了。$188絕對交到功課，四個人我哋冇食飯都食唔晒。聽酒樓姐姐講盆菜預訂成日都爆滿，建議早啲打電話去預訂。

老字號茶樓《蓮香樓》首先，想去的朋友要有心理準備要自己搵位，要早d去尤其係喺假日，因為真係超多人，加上限聚令限兩人一台，又唔可以搭枱，所以更加難搵位🥶🥶傳統茶樓，當然要用茶盅沖茶，古色又古香🥰 蝦餃燒賣點少得😬 反而，春卷令我好驚喜，因為依家飲茶已經好少傳統嘅春卷啦 🤗另外，仲叫咗 「豬膶燒賣」，講到好勁 即叫即整仲要等半個鐘，其實係兩片厚切豬膶放燒賣餡料上面一齊整😂最值得推薦嘅係💁🏻‍♀️春卷

呢排要清大假， 我通常都係揀星期二，三放， 貪平日放假條街無咁多人。今日又趁閒日去飲茶，點知都係咁多人要等位。✨燒賣燒賣大大粒，啖啖肉，正。.✨鮮蝦腸粉腸粉皮薄適中，蝦肉夠爽口。.✨鵪鶉蛋燒賣姐姐話啱啱蒸好熱辣辣叫我地試下。.✨潮州粉果細個去飲茶都好鍾意食粉果，呢個好似我細個食到既味道，真令人懷念。.✨蛋撻好耐無係茶樓食呢種蛋撻仔了， 好有懷舊既味道。.✨蝦餃大大粒，皮又薄，蝦肉夠爽口。.✨雞扎見到隔離枱阿叔話好正，我地都叫一籠黎試下，腐皮好滑，雞肉好有鮮味，魚肚爽口，果然唔錯。.🏠 蓮香樓🛤️ 中環威靈頓街160-164號📍 港鐵上環站E3出口，步行約5分鐘-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining

🇭🇰蓮香樓·我地去行山之前想食少少野 就決定去食呢間懷舊既茶樓😙佢呢間茶樓要自己搵位既 所以大家記住要分散投資咁排隊😂😂呢度係每人一盅茶既 超有風味 不過我地唔係好用得慣 成日斟一半倒一半 你睇下我地張檯就知🙊·灌湯餃$32豬肚燒賣$30豆苗餃$30菇粒雞包仔$26鮮竹魚肚扎$32·我地今次全部都係叫左必較懷舊既點心 全部味道都好好 不過始終因為用點心車既關係 點心既外皮會偏乾少少 但係都好唔錯🤤🤤佢個灌湯餃餡料超級豐富 而且好多蝦粒 調味都好好 不過個外皮就真係乾左少少🥟之後個豬肚燒賣個肉超好味 好彈牙 但係個豬肚就真係焗耐左少少啦🥺個豆苗餃超級出色 個皮好煙韌好薄 而且入面D豆苗超香 口感超級豐富 我自己好中意🥬個雞包仔我其實第一次食 我覺得都幾唔錯 而且D菇粒都好香😎最後個魚肚扎我就覺得無咁特別啦 同平時既雞扎差唔多 不過呢度D點心係可遇不可求既 你要睇下個日點心車有咩🤣🤣所以我地最後都食唔到想食既蛋散 唯有下次再黎😤·#rbyeat#rby港式#rby中環·📍中環威靈頓街160-164號

如果你想谷氣就幫襯！不愉快經歷1: 前幾天幫襯買盆菜做冬，加埋中號蓮蓉焗布甸，收銀亞姐講唔出與大號size嘅分別， not professional.之後落咗大號布甸，我要中號，收錯錢，仲blame 我講錯，之後收咗我錢又話無，隔離負責人都知我無講大話，（因為之前我無現金，我要去㩒機，他都在場）。及後又漏咗寫布甸的收據給我，要隔離嘅負責人提佢.😤不愉快經歷2: 今天取盆菜，counter 亞姐話無布甸😲有單有記錄，咁都得！！！佢話廚房做咗兩盆，已派發，廚房已收工，最後退錢了事。有冇挍錯！俾咗錢，有單有據都漏單⋯⋯如果大家想在大時大節經歷谷氣經歷，就考慮吓幫襯，我就無下次。後記：就此事，我寫在該商號的社交平台 訴說我不愉快的經驗。負責人亦很快回覆，表示歉意及願意付出$188盆菜一份及蓮蓉焗布甸一盒作補償。我本應高興，但我的回覆是”...不要了。知道現今香港飲食業在疫情下經營不容易，但是作為香港傳統老店，維持食物質素與服務態度，同樣重要。今次事件令閣下知道現存的缺失及需要改進的地方，希望貴公司在流程上多加改善。”其實我實在很嬲，嬲到連免費盆菜及布甸嘅補償都唔要😤😤😤

香港傳統廣東茶樓買少見少，今次約咗朋友去中環蓮香樓食晚飯，才踏進酒樓就有一種回到70年代的感受。蓮香樓的裝修不是懷舊，是歲月的痕跡，每一個部份都是歷史。不管是大門往上的木樓梯丶沖滾水的大水煲或是客人所坐的中空桌子都是充滿味道。除咗裝修，這裏的食物也是充滿了懷舊感。蓮香樓做手工懷舊菜好出名，朋友推介順德家鄉煎釀鯪魚。聽個名真係好普通，不過見到條魚真身先知咩叫「真正手工菜」。將成條鯪魚肉嘅皮起咗出嚟，然後將魚肉搗碎再釀返落成條魚度，再經過蒸同煎，真係好多手工，抵食夾大件都係$98，而且仲好好味。朋友話以前香港上一輩家家戶戶都識做，返去問返阿爸原來係真，真係好神奇。佢哋個老火靚湯真係好正，粉葛赤小豆煲豬展，濃郁到起沙咁滯，之後嚟過再叫都係保持水準。另一個好精彩嘅小食叫金錢雞，食落口嘅時候就好似有叉燒嘅香甜，我但質感又有啲唔同。折解之下發覺原來裡面無雞既成份，薄叉燒同肥豬肉夾住雞潤，然後用整燒味嘅方法去製作，最正係熱辣辣，雖然只係叫咗每人一件但係真係好滋味，好甘香。之前成日聽人講呢間酒樓服務態度好差，但係嗰晚上去啲夥計真係出奇咁熱情真係嚇咗我一跳！朋友話因為而家都係老員工接咗手經營，佢哋自己有