蔡潤記

營業中

休息中

呢間小店係大埔已經開左好多年 出名到啲遊客都會特登走入黎食碗先走😌小店裝修簡陋 但食物質素係中上🤘🏻.👉🏻魚蛋米($32)魚蛋米有魚蛋同埋魚片 魚蛋比起我地平時食開嘅潮洲魚蛋細粒 但都系一樣咁爽口彈牙 仲食到有魚鮮味👅.魚片都系好彈牙同埋切得好薄 刀工好勁 不過得個4片唔系好夠喉 多番幾片會好啲☺️—————————————————蔡潤記大埔東昌街7號地下

好多人話大埔嘅蔡潤記魚蛋粉好出名，今日一試，感覺很差。入到鋪就傳來異味，我諗係多年來嘅鹼水味導致成間鋪有一陣奇怪嘅味道。午餐時間，叫咗一碗魚蛋牛腩河同埋一碗魚片牛腩河。相當失望嘅魚蛋魚片：粒魚蛋真係細過粒乒乓波一半，塊魚片同郵票差不多大，幾環保。湯底淡而無味，牛腩又唔入味，唯獨是個河粉叫做平平凡凡。食完一次真係唔會再去。本來試炸魚皮，不過算吧，連普通一碗魚旦粉都整得咁差，其他唔方好。咁就浪費了我中午的quota。

身為大埔人真係第一次食蔡潤記～～啲河粉質感完全正中我下懷勁稔身！間唔中食到啲好闊嘅河粉至於個湯底冇想像中咁重口味 望落好深色以為好鹹但其實一啲都唔鹹魚蛋同魚片都不過不失間鋪頭真係幾懷舊下，好有舊茶餐廳嘅風格

早前屋企人帶了我來這家魚蛋麵店說是明星也會來吃的非常有名的大埔老店。所以我期望佢嘅味道會係超級正。我叫咗一碗魚蛋魚片河粉，同埋玻璃樽裝忌廉。佢嘅主角魚蛋同魚片食落非常之普通，聽老一輩講佢10幾年前係真係好好食，而家差咗好多，咁十幾年前我唔肯定啦，總之而家食落真係冇咩魚味，而且魚蛋鬼咁細粒，食得好唔過癮。個湯底望落好深色，以為好好味，點知其實就係味精味，加咗啲蔥花，毫無特色，都幾失望。————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️味道：⭐️⭐️⭐️性價比：⭐️⭐️⭐️回頭指數：⭐️⭐️————————————

呢日放左半日假, 去左蔡潤記食個魚蛋粉住左咁耐大埔, 竟然未試過蔡潤記聽講平時大排長龍, 閒日去果然好好多魚蛋粉魚蛋好彈牙, 魚片比平時食開既細塊, 唔係好夠喉如果所有野既份量多返D 就好, 湯底幾清甜

Boxing day終於有假放！約左男友去大埔過聖誕^^男友建議順便去呢間蔡潤記食野，話呢間好出名去到果然係出名既餐廳，坐無虛席呀好多人都企係度等位，我地都等左好一陣先等到位一坐低即刻問食咩即落單，好彩我地等緊個時都諗左食咩「唔該一碗牛腩河($30)同埋一碗粉腸魚蛋麵($44)，加支大可樂($8)」伙記將粉腸魚蛋麵叫左粉蛋麵（笑依家先知原來玻璃瓶可樂有分大小 哈等左一陣兩碗麵送到牛腩河個湯底有D意外，食開元朗既牛腩河，蔡潤記既湯底係偏向老火湯味牛腩足料又幾好食而粉腸魚蛋麵既湯底就清D，我中意呢碗湯底多D見好多枱客都有叫魚蛋，所以都幾期待魚蛋好重魚味！好似好廢話，但比起平時出街食黃色既炸魚蛋魚味更濃，係手打魚蛋既味

土生土長大埔人應該無咩人會唔識蔡潤記因為中學時在大埔墟附近返學所以每日都會行出大埔墟或者火車站搵食魚蛋粉係其中一款常常食既野因為夠平學生仲有汽水飲添讀左大學開始反而無咩點留係大埔食肆都變左好多但蔡潤記都仲係到今日係專登行出大埔墟就係想食返中學既味道行入門口基本上餐牌都唔洗睇直接就叫左碗牛腩河加魚皮其實好奢侈細個個陣唔會加魚皮呀叔好熟練地落單紙都唔洗寫湯底仍然濃郁河粉唔會爛霉霉牛腩入味成碗粉都係精神的你話佢係最好食又唔係就是一種歷久不衰的味道

第一次去問有無魚皮同有無外賣，個老闆好惡咁問 '幾點呀！重問有無外賣' 我係聽朋友介紹先去試，點知係伏，講真，靠惡扮到對自己食物好有信心唔志在，去食嘢變咗受氣真係唔值，又未必宣傳中好

假期一定周圍搵食既我 今日去左大埔蔡潤記 下晝兩點幾先去到 都仲可以full house河粉仲已經賣哂 真係好誇張喎! 嗌左魚蛋魚片米同牛筋牛肚麵（牛腩又係賣哂）再加一碗淨牛丸。我個人覺得魚片係好食過魚蛋既 我比較鐘意食大粒少少有咬口啲既潮州魚蛋 蔡潤記既魚蛋比較細粒同滑身朋友嗌既牛肚牛筋麵 湯頭好香濃。最好食就係呢碗淨牛丸 超級彈牙 仲要係我最愛既牛筋丸!!! 下次要買一斤返屋企打邊爐哈哈! 不過魚蛋粉黎講 價錢都真係幾貴。

<<生在美食天堂，點可以唔識食>> <<I born in Paradise of Food，but what Food do we have?>>身處小巷的老字號小店每次都滿座，但好少要等位。氣氛有，枝裝汽水都有，舊風味依舊吧。不過份量相當少，味道不突出，性價更是低丫!考慮到此一遊的，一遊就好了=]不正常~普普通通的炸魚皮，清清淡的味道，脆是脆但是貴正常~金錢肚河魚蛋河，味道偏淡，份量少。裝潢整潔，懷舊味濃，來回回味也可。

We were visiting a friend nearby and dad brought me here to try their famous fish balls. We arrived just before the lunch rush hour and were quickly seated. We ordered the crispy fish skin, the fish balls/fried fish ball slices combo and beef brisket with noodles. The fish skin was the best of the three dishes, crispy, salty, delicious. However it’s really no difference to what we could get from Tai Yuen wet marker nearby. Fish balls/slices combo was a disappointment. The fish balls were very sa

蔡潤記 是有一大班固定的喜愛者 亦同時有很多人不肖這店。.繁忙時段可能要 花上30分鐘或以上 去等位 再要 「耐心等待」所點的食物，千萬不可以催促，亦 無需擔心 會漏了你所點的食物。始終會到你！這是蔡潤記的特色。.我對這店細細粒爽彈的魚蛋 情有獨鍾！ 有時魚片偏點鹹。牛腩牛筋都好入味 但偏腍，牛丸就一般好味的。粉腸是不錯的選擇。我多數都吃河粉，滑的，最怕有些河粉在湯中發脹。.喜愛店舖保存多年來的裝潢，簡單！ 這種傳統細細粒的魚蛋越來越少，希望可以傳承下去。

天氣熱，午餐唔想吃飯，提議吃粉麵，貪佢有湯容易入口，於是同事又話帶我去試新嘢。她說這間「蔡潤記」是大埔無人不識的店舖，有新舊兩間，今天我們去的是東昌街舊舖。門口右邊是煮粉麵的位置，有兩個人分工合作，頗有默契，裏面陳設簡單，放有十張左右的圓枱，有大有細，亦有不少客人。我們找了一張大枱坐下，看到牆上的餐牌，發現除了魚蛋牛腩這些大路食物外，還有粉腸，平時吃牛雜就最怕大腸d肥膏，所以每次都叫「走腸」，但粉腸就唔同，一定要試，於是點了「牛腩粉腸河」，此外同事還點了「淨蛋片」和「魚皮」一齊share，話叫我一定要試。「牛腩粉腸河」河粉幼滑，湯底濃郁，有牛肉味，但略為偏鹹，不過伴著本身無乜味的河粉來吃，味道亦可，也不會感到口渴。牛腩非常入味，肉質鬆軟，粉腸我最欣賞，清洗乾淨無異味，應該頗新鮮，咬落軟腍得來又有口感，值得推介。魚蛋比一般潮州魚蛋細粒，食落彈牙，魚味濃，沒有腥味，雖然間中有點碎骨，但完全唔會影響繼續食的意欲，因為真係好味呀！魚皮的賣相也跟平日吃的不一樣，沾了粉，炸得很鬆脆，放落湯一段時間都唔會浸腍，仍是脆卜卜，而且味道與湯好夾，今餐簡直樣樣食物都係主角囉！同事無介紹錯，怪不得大埔無人不識

.淨牛筋腩($60)魚蛋河($30).呢間大埔老店 一入到去要自己搵位坐然後當我坐都未坐低嘅時候個叔叔就問我食啲咩😆然後我諗都冇諗嘅情況底下唯有答魚蛋河之後再加個牛筋腩牛筋腩吾錯比較入味 炆到好淋平時出街食有時有啲會好硬身呢個相比之下好食得多魚蛋河都幾好食 魚蛋同魚片係偏鹹嗰隻佢用啲出面比較少用嘅河粉比較厚身同闊身 不過我覺得較為細碗 男士食一碗未必飽🙉不過相比起其他粉面舖頭喺香港來講呢間都算係出色嘅👍🏻👍🏻👍🏻.

大埔一向多出名嘅小店，呢間蔡潤記確係必食推介，上星期六，我們一行三人專程黎幫襯，果然冇令我地失望。潮州辣椒油，係靈魂所在， 食潮州魚蛋魚片加少少確實可以帶出鲜味來！淨魚蛋魚片， 魚蛋很彈牙， 魚片切很薄， 有很香嘅大地魚味道！金錢肚夠厚身，入口有咬勁！牛丸都唔錯很有牛肉味！亦好有彈力，好啱我胃口！牛腩炆得夠味， 肉質紮實！最正就係個河粉，很滑很滑，入口不易斷，每條都很幼細！仲有係一張大圓枱，坐滿八個人，大家三唔識七，為的只是一碗令人滿滿口福及貨真價實可飽肚嘅港人美食!