蔡記小食

營業中

休息中

嚟到呢間舖頭，先黎個煎釀豆腐，豆腐真係唔錯，香口又滑，一咬落去，嗰釀魚肉嘅彈牙感覺同淡淡嘅蔥香真係正！搞到隔離枱嘅阿哥都一臉羨慕😉。魚肉翅嘅份量，真係令人眼前一亮！湯汁帶點滑溜溜嘅口感，但同時鮮美得嚟唔俗氣，啲魚肉好有嚼勁，食落又鮮又惹味，好滋味👌。豆腐花上次食得仲記得好清楚，滑得嚟又唔會太稠，就好似食緊雲朵咁。而沙爹螺肉，雖然嗰沙爹醬距離頂級仲有少少距離，但啲螺肉咬落去真係爽口，之後仲想再黎試下其他嘢！個碗麵就係舒適食物嘅代表，啲牛筋牛腩香而唔膩，湯底跟住牛味，感覺好對路。豆花鮮甜得嚟又健康，垂涎欲滴😋。一家大細食得舒心，簡直係平民美食嘅典範啊！

週末一家人和朋友們去一趟南丫島，一大早坐船過去，大家即刻都會諗起蔡記美食～坐低後服務員會給予一張點菜餐單，係上面勾選自己仲意的食物，例如麵條種類和配料，以及湯底口味。其實呢個大排檔食物種類好多，豆漿豆花魚旦和各種街頭小食⋯⋯價錢適中！行到攰攰地，坐低吃碗豆花和牛筋牛腩麵，小朋友開心到呢。牛筋牛腩好入味，腍度啱啱好，湯底係牛腩汁，總括來說非常不錯👍豆花豆味濃郁，每日新鮮製造，健康之選～非常推介給大家

#蔡記小食落山經過見到有人食緊豆腐花，我地又解解渴先😋佢地個豆腐花筒好cute🥰最正係可以無限任fill👍🏼👍🏼啱哂我呢d食黃糖既人😆食得出有豆香味，唔係話好甜🤪📍蔡記小食 (南丫島)南丫島榕樹灣後街

要保持身心健康，郊外吸收維他命D係其中一個選擇👍🏻 第一次去到南丫島，沿路最多嘅係酒吧同印度菜，今次反而被轉彎位一間港式茶檔吸引，野食新鮮又大份，價錢係小島來講亦算實惠😎《 牛雜公仔麵 🍜 》 $40 4.5 / 5原本想食餐蛋麵，但見牛雜都係一樣價錢，兩溝就嗌咗牛雜公仔麵😂 牛雜份量多，尤其是牛根，粗得黎好有韌度，入味得黎湯底唔會過鹹，配搭公仔麵都夾😋 唯一唔開心係牛雜冇牛肺🥲《 煎雞翼 》 $30 4 / 5見店員用鐵板煎雞翼，吱吱聲再加香味，可以話色香味俱全🤤 兩邊煎到色澤金黃，肉質嫩滑多汁，少少扣分在醃料唔均勻，會食到一隻鹹一隻淡🤏《 煎韭菜餃 》 $30 4.5 / 5$30有六舊煎餃，每隻都有半個手板大，相當抵食！亦係即叫即煎，新鮮熱辣😍 餃皮每邊都有煎過，厚度同口感似生煎包，一咬入邊肉汁流晒出嚟🤤🤤🤤勁多韭菜，餡料飽滿👍🏻———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛———————————————

同我高太入黎南丫島拍拖上次同距去既係索罟灣今次係去榕樹灣依面好似大過索罟灣，比較多野行多野睇以前聽講啲人去南丫島行山，行完好多人都会食反碗豆腐花不過之後睇下先知好似唔係講依間餐廳個餐牌寫哂係小店牆上面唔使自已搵同高太首先整個煎釀豆腐都幾好食，煎得幾香口，豆腐又幾滑豬手麵豬手忟又得幾淋，個南乳豬手汁亦都濃淡適中，唔会太過重口味我地都嗌左杯豆漿本來高太想嗌黑豆漿，但可惜賣哂杯豆漿又幾好飲喎幾夠豆香，又唔太甜，幾岩我口味小店價錢又夠片地街坊價，唔係遊客價

從索罟灣去榕樹灣，每次都要食豆腐花滿足心靈由於每次都食呀婆豆花，今次想試試必經路中的蔡記我們沒有試有名的小食，只試了熱豆腐花。老實說，實在是有點失望。正所謂"鞋"中帶點硬，感覺好像吃一個有糖水的豆腐一般.......由於店員友善的關係，下次再去的話，可能會試試其他小食。

I am a huge fan of Chinese dessert - Soy bean pudding. There is many different dessert shops or restaurants that serve this, but I think this is one of the best that I would recommend and revisit again.The tofu is deliciously silken with a mild sweet syrup infused with ginger. It definitely a hidden place that should not be missed if you coming for a hike or something. I had the hot one, can you imagine how good to have every sip of soft tofu slipped through your throat and feeling warmth from

今日一行五人, 食咗魚蛋河, 牛腩麵, 煎韭菜餃, 一碗魚肉, 豬皮, 魷魚, 大腸(四式). 想食煎釀豆腐, 但欠奉.魚蛋係黃色嗰隻, 咬落都算彈牙同埋有啲魚味, 河粉唔特別滑又唔特別鞋, 但係有D碎. 牛腩係車仔麵配料質素, 亦都係比較碎同份量不多, 麵偏軟但入口感覺唔錯. 四式裏面嘅魚肉, 豬皮, 大腸都算合格, 魷魚則完全冇味.以上全部用一款湯底, 偏淡略嫌味道不足.煎韭菜餃, 有韭菜香味, 算係幾樣之中可以推介嘅一樣.本來想再叫啲嘢食, 但係睇見餐牌又好似冇乜好叫, 所以最後都冇再叫.35蚊一碗的淨魚旦河或牛腩不多的淨牛腩麵, 又唔係特別大碗嘅話, 以我呢D低下階層嘅標準黎講, 唔算平.

是日天朗氣清，又係行山嘅好日子，來到南丫島，梗係要醫咗肚先開始行啦。蔡記小食位於榕樹灣，係行去索罟灣必經之路，一定唔會錯過。餐廳主打麵食，亦有碗仔翅及魚蛋等小食，總有一樣啱食。我地叫咗一碗車仔麵，碗仔翅及煎豆腐。車仔麵揀咗魚蛋，豬皮及蘿蔔，麵要幼麵。份量都幾大碗，魚蛋同一般車仔麵舖食到嘅小魚蛋唔同，比較大粒同軟身，食落都算彈牙，豬皮爽口但唔夠味，蘿蔔鮮甜但略嫌過淋。碗仔翅材料足夠，但可惜唔夠杰身，味道亦非常淡，絕對有改進空間。煎豆腐即叫即煎，一碟有五件，豆腐煎得香口，但鯪魚肉較薄，建議可以整返厚少少，咁味道就無咁單調。

是日南丫島快將完結，走了半天山路（其實不鈄），大約下午5時多，期望在走前在碼頭一帶作最後沖刺！因為部份店鋪6時便關門了。即便如此，吃貨當然先吃頓飽的，好的，再談購物。回程，又回到較早時份經過的麵店，被這裡傳統而簡潔的白板紅字餐牌吸引，決定和友人一試。這裡，地方相對寬敞，坐在大路旁的座位，方便擺放Bb車。有車仔麵、豆漿供應，我們決定一人一麵。筆者點了牛腩蘿白生菜油麵（$38--三拼），這個經典組合看似簡單，但不易做得對板。就筆軍鬆化不黏牙，而又不失質感，還有蘿白由選材到炆製得「無渣」、「去澀」而又見清甜軟腍，便不是每家車仔麵店做得到。當然，不能對車仔麵店加以這麼多標準，但這店卻做到上述水準。牛腩入味軟腍，蘿白清甜融於口中，油麵需帶油分亦曾作去油處理，實在出色！推薦指數：5/5沒想到，在南_島最後一站，嚐到令人滿足的車仔麵、為是次旅程劃上完滿句號。

唔知點解，今日特別想食豆嘅副制品，食完首站嘅豆腐芝士餅後，經過蔡記見有啲肚餓，於是就入去坐低，先叫一碟煎豆腐，但姐姐話是日冇豆腐供應，失望之餘，與友人一人叫左一碗麵，叫完麵食，好快有一小碗辣椒醬奉上，滿心歡喜期待我嘅水餃麵。可惜以為會係鳳城水餃嘅我對眼前呢碗自家包嘅水餃麵有啲失望，但食落又係另一回事，望落厚皮,食落皮嘅厚度適中，餡雖菜多肉少，但食得出新鮮，韮菜味濃。麵係一般雲吞麵嗰隻麵，食落爽口冇簡水味。另再叫左碗熱豆花，個人認為豆味太淡，可以話係食唔出，但勝在每檯上都有一膠罐黃糖粉任你加，黃糖粉亦睇得出乾淨衛生

3X度大熱天黎南丫島一遊，經過入黎避暑～黑豆漿（$6)夠凍，夠豆味～ 不只是糖水～ 消暑解渴一流～餃子（6隻 $18)不太焦，有脆邊～最重要係唔貴，好抵食～ 老闆服務周到～唯一唔好係半戶外，無冷氣，而且因為周圍鄉郊環境關係，所以有D蟲仔飛黎飛去～

we took the 1010am ferry from central pier 4 to young shue wan 榕树湾 lama island 南丫岛 & arrived about 1040am on 4.6.2015.walked towards suk ku wan & stopped by choy kee 蔡记 for breakfast = wow, it’s a very good find!^^nice stall, good choices, and inexpensive, good value.stall was nice & airy. very clean. at a road turning.车仔面good selection 4 items for HK$38 (noodles can be included as 1 item).this one had large intestines猪大肠, 红肠 (which was ok like luncheon meat), pig’s blood 猪红(very smooth & tender

食完阿婆豆腐花，友人意猶未盡，經過蔡記見餐牌有牛柏葉，便二話不說坐低叫一碟。估唔到幾爽口彈牙而不靭又見阿姐煎緊豆腐好吸引，但一碟５件好似太多，問阿姐可唔可以同煎餃双拼，YEAH！一個價錢，食到兩味。剛剛煎好的豆腐同餃子都好好味，尤其係餃子，皮煎得香脆，韮菜餡亦好多

原打算去飲茶，然後搭船離開。然而，大街實在太多誘人的美食了，誘惑太大！見蔡記小食門前人山人海，座無虛席，我們也去湊熱鬧！煎釀豆腐一客$15，有五大件，頗為抵食兼飽肚。豆腐咬下未算十分香滑，豆味也較弱，幸一薄層釀魚肉煎得夠香口，且富口感，帶蔥花香和少許魚鮮味。魚肉翅$20碗，坊間之作，大都教人失望，故不寄以厚望。端上枱時，嘩！大大碗，翅中有不少大小均一的魚肉，以及粉絲，冬菇粒笸蛋絲等。搯一匙，味道鹹淡適中，滲出麻油的香味，質感較為稀薄，配以鮮鯪魚打製而成的爽彈魚肉同吃，煞是鮮美可口。