蕃茄仔

營業中

休息中

蕃茄仔細細間但都幾架勢，平日非繁忙時段都要排半個幾鐘先入到去，仲要見到王宗堯買外賣，事實證明佢真係有啲料到，食完已經即刻返尋味！首先佢哋個湯比想像中稠，全因真材料用手打蕃茄蓉加豬骨等各種配料熬煮，充滿蕃茄香味又帶點微酸好開胃！面底刀削麵煮到軟硬剛剛好，仲非常掛汁，好快就比我食哂！至於配料方面，牛魔王係指牛腩同牛肩，兩個部位嘅肉都非常重牛味，牛腩肥得剛剛好咬落好有彈性，而牛肩則十分軟嫩大塊。加配嘅雞胸煎過後十分香，好味到拎嚟做主餸都唔覺失禮。另外輕烤厚鰻足足有兩大塊，估唔到鰻魚味同蕃茄湯結合竟然毫不突兀，肉厚量多仲好香，出色！除咗豆腐無咁突出之外，蕃茄仔啲嘢食真係無得挑剔，用料同製作用心程度比得上日式拉麵！湯都飲埋細聲講我已經諗好下次食乜了haha

平時都想食，不過都好多人排隊。今日lunch落大雨，就去試下希望會少啲人！果然好彩唔洗等位就入到去，不過要坐bar位。餐廳都好自動化，scan qr code 落單，有得自由搭配。今次試左蕃茄湯底，豬三樣(豬手，豚肉片以及豚肉粒 $78，再加左豆腐$10。麵條有得揀上海麵或者刀削麵，今次我揀咗上海麵。蕃茄湯不是好稀的而係飲到係蕃茄溶，好好食，覺得呢個豬三樣值得試下。它的豬肉粒肉質非常軟滑！朋友就點了蕃茄湯底碳燒芝士雞肉$72 ，加味僧蛋花 $10。原本番茄湯已經係真材實料，再加上芝士和蛋花，令到番茄湯更加濃！ 總括而言，有機會下次會再嚟試其他！喜歡食蕃茄湯的朋友不要錯過💛💛💛

店舖座位唔多，出面排隊的客人比店內客人更多，當日等左大約一個鐘先入到去。雖然門口有個QR Code係點餐用，但其實係需要嘟枱面上個QR code黎點餐。秘製金黃鰹魚蕃茄清湯配稻庭麵($98)容器賣相吸引，有好多小碟仔。凍湯顏色看似一般鰹魚湯，但一食落口係濃郁蕃茄味，有驚喜的。慢煮雞胸絲混入稻庭麵一齊食，雙重口感。梅子金茄店員提我最後先食，好酸甜冰凍惹味。看似份量唔多，但個人差啲食唔晒，好滿足。自家鮮茄濃湯配炭燒風味雞扒($62)鮮茄濃湯亦食非常濃郁蕃茄味，仲有大大塊雞排。玫瑰觀音烏龍好夠凍，玫瑰味好濃。

1️⃣ 炭燒雞扒蕃茄濃湯葛絲 (6/10) $62嚟到梗係要試吓佢嘅人氣推介蕃茄濃湯麵🤪蕃茄湯底好濃稠，蕃茄味偏酸🍅，每啖都飲到湯，而麵底揀咗葛絲，佢嘅質感好似薯粉，煙煙韌韌，超級吸湯😳不過唔知係咪因為本來湯底好稠，加埋葛絲有少少滯🤭雞扒燒得好好食 ，好juicy，出色👍🏻雖然各方面都好出色，但係放埋一齊就有少少唔夾，有少少失望🤭個人覺得配刀削麵或者烏冬應該好食啲2️⃣ 秘製金黃蕃茄清湯冷麵 (7/10) $88呢個冷麵有好多配菜，有芝麻，昆布，梅子蕃茄，柚子胡椒等...金黃蕃茄用咗梅子醃製好開胃😋而個秘製清湯與其講話係湯，Olaf覺得更似醬，酸酸地，好適合夏天食，加埋冷麵同其他配菜又好夾同清新🤤配柚子胡椒有少少辣，但配搭起上梨又好特別😋加上冷麵上面啲雞絲肉質鮮嫩，每啖都好有咬口👍🏻📌因為限聚令位置唔多，午餐時間都多人排隊，大概排15-20分鐘📍 蕃茄仔 @softeggsboy 銅鑼灣：希雲街5號地舖

銅鑼灣希雲街一帶都有好多黃店 今次就先幫襯呢一間最近新開嘅主打蕃茄湯底🤩 座位比較少 平日lunch time都等咗20分鐘~~🍗炭燒風味雞扒$62 (+10蛋花)麵條有幾款選擇 唔使加錢嘅有上海麵 刀削麵同米粉 我就揀咗刀削麵 麵質彈牙好食👍🏻湯底好濃郁🤩 蕃茄味重🍅可能另外再加咗蛋花令湯底更加稠身 味道有別於港式嘅番茄湯底 有啲似西式嘅味道🧐 好似羅宋湯咁🤪雞扒都幾大塊 外皮煎得外脆不過略嫌味道鹹咗啲☹️~~總結1）濃郁番茄湯底 可以一試~~評分📈味道 7/10環境 6.5/10性價比 7/10

🍽 特級安格斯牛肩胛刀削麵💰 HK$70New Shop in CWB - Red Object! If you are tomato lover, we highly recommend you to try it out! During lunch hour, the queue is long so make sure you have sufficient time for queue up. Personally I waited for 25 mins. 🍅🍅The tomato soup base was super rich & thick. I rarely drink the broth from noodles shop but I made an exception this time. The beef was moist, soft, tender and juicy. The noodles was super chewy and absorbed the tomato soup. Never expected it to be this good! Wi

久仰蕃茄仔嘅自家製鮮茄湯底好出色，終於有機會試到啦！今次叫左炭烤風味雞扒鮮茄湯烏冬🐔🍅雞扒肉質嫩滑，雞皮燒到又脆又香！見好多食評都寫豬肉好食，但我個人都好推薦大家簡依款呢！自家鮮茄湯底果然名不虛傳，可以食到有蕃茄蓉係入面，而且無人工味精味，每一啖都有濃郁茄味係口中徘徊，不知不覺飲曬成個湯！食完之後都無好口渴嘅情況出現，真係唔錯。店舖唔算大，今次係平日開鋪時間到，岩岩好順利有位坐，但一坐低已經見到出面開始排隊，食完行出鋪係排緊長龍！所以黎堂食嘅話建議大家要預留時間等位呢。

今次嘗試去食一間主打蕃茄嘅餐廳🍅甫入店內已經聞到一陣好濃郁嘅蕃茄香味 呢間係一間主打蕃茄湯底嘅餐廳 而且我都好鍾意食蕃茄湯底烏冬 所以今次一於嘗試一下佢哋並唔係用人手點菜 而係用手機app 一開你會見到佢哋嘅招牌主打-炭燒雞扒濃湯烏冬 所以我就叫咗一客來試佢哋嘅招牌菜真係名不虛傳 雞扒富有炭燒香 蕃茄湯底非常濃郁 你差不多可以食出蕃茄肉 (聽聞每日佢哋用上30公斤蕃茄來熬湯) 至於烏冬方面 佢哋選用左日本稻庭烏冬 非常彈牙爽口 三樣配搭起嚟非常絕配如果各位有興趣嘗試的話記得要着深色衫 因為今日本人去食嘅時候係着咗白色T恤 一不小心好容易就會弄到蕃茄湯彈到成身都係😅

銅鑼灣希雲街，就出名多嘢食㗎啦，今次試咗一間小店叫做番茄仔，估唔到又真係十分之有驚喜。顧名思義，呢間舖頭主打嘅當然係佢哋嘅蕃茄濃湯。今次叫咗一碗牛魔王番茄濃湯麵再加咗幾片雞胸肉。先講下個湯底個湯底，佢個湯底真係名副其實鮮茄濃湯。差唔多去到撈麵嘅程度，十分香濃。 佢嘅牛肉亦都十分有口感，肉味好香。另外佢嘅雞胸亦都有驚喜，佢砌咗薄片之後，煎香咗少少，唔會好似平時其他地方雞胸有好難咬開嘅感覺。唯一美中不足嘅就係店內唔供應清水，食咗咁多濃味嘅嘢有杯水飲下會好啲。

「話說」噚日(25/8)一心諗住去幫襯早幾日喺廣告見到嘅RED OBJECT 🍅✨，點知去到鋪頭先知原來當日傍晚有拍攝活動，已經收左爐，我即時笑笑口咁講：「🤣我咁遠由新界碌過黎，就係想食你嘅野，竟然要我飲恨！咁唯有下次喇！」，正當我推開門出左去，死死地氣去隔離買雞蛋仔嘅時候，有個店員追出同我講：「師傅話你咁遠過黎，點都整埋你果份。」，我非常感動，立刻衝番入去攞張外賣紙同女神商量一下，然後叫左兩個伴麵上車食，分別係「 特級安格斯牛肩胛」同「 西班牙墨魚伴櫻花蝦」(你懂的，喺車度食湯類嘅野，有D論盡)。YUMMY!!，一個字：好食，麵係爽嘅，牛肉唔靭好夠味，墨魚又彈牙，同埋最重要喺伴麵嘅汁，少少辣， 好鬼惹味，整個配搭令人覺得好有驚喜。。一間有"人情味"同埋"嘢食好味"嘅💛店，真心值得推介，睇下幾時有時間，試埋佢哋其他嘢先。。。

因為疫情關係，真係少左好多行街拍拖既機會。今日好彩大家都放假，男朋友帶左我去食一間係銅鑼灣超有驚喜既蕃茄麵!!我地分別嗌左❤️秘製金黃鰹魚蕃茄清湯配稻庭麵 ($98)💙特級安格斯牛肩胛配刀削麵 ($70)❤️秘製金黃鰹魚蕃茄清湯配稻庭麵最值得讚既就係冷麵汁，酸酸甜甜，個味道好特別，食得出有鰹魚既鮮味。而冷麵汁質感好似啫喱咁，所以冷麵可以完全掛起冷麵汁。其他配料有 (胡麻、柚子胡椒、紫蘇、梅子金茄、炸乾蔥) 可以隨意放落去冷麵汁入面，個人覺得加埋配料真係再好味d😋可惜冷麵既份量有d少，食完都唔係好夠~💙特級安格斯牛肩胛配刀削麵刀削麵好彈牙，牛肩胛好軟~本身呢兩樣食物就好配合，加埋超濃既蕃茄湯底，整體味道好perfect~等候時間:我係午市既時間排隊，大約等左一個半鐘先排隊入到餐廳，好食既餐廳係要俾少少耐性啦~

呢間新開既港式蕃茄小店，味道令人一試難忘，鐘意蕃茄湯底既朋友，一定唔可以錯過😋 祕製蕃茄湯底特別濃郁，有好多蕃茄蓉，酸甜適中，而慢煮牛腩亦好嫩口入味，配上吸哂蕃茄湯既葛絲，已經無咩嘢可以挑剔😻 另外既冷麵亦係另一個賣點，冷麵跟上好多唔同既配料；梅子金茄、柚子胡椒，胡麻等，而麵底就配上雞絲肉，放入清甜既祕製清湯，清涼開胃，大熱天時食就岩哂～ 由於呢間小店大受歡迎，大家記得預留時間排隊同多多支持啦💛💛

今日同朋友嚟到蕃茄仔 一直都好想試但好少機會可以過到嚟銅鑼灣呢邊 好似一嚟到嘅時候見到門口好多人 但係都冇阻我哋食蕃茄仔嘅心！見到門口大概有10個人左右 但係我哋等咗大概半個鐘都有得入去啦 之後我哋就坐低 店員就是我哋可以用QR code嚟點餐！真係非常方便 喺疫情期間仲可以減少人與人之間嘅接觸真係非常好！ 我哋兩個都叫咗千里烏龍茶 ，烏龍茶茶底龍得來又唔會苦 咁落去甘甘地咁 個種回甘好舒服 而且一啲糖都冇件事就變得好健康！我就叫咗炭烤風味雞扒刀削麵 飲咗啖湯覺得個蕃茄味真係好濃厚 仲食到啲蕃茄渣添！ 雞扒超級滑而且仲雞味十足！皮脆脆地咁 呢個組合10分好 刀削麵亦都非常掛湯 令到你淡淡都食到啲蕃茄湯味咁！份量都10分足夠 細食既我仲食唔晒添😂朋友就叫咗麻醬牛肉拌麵！上到嚟嘅時候我哋都好驚訝竟然會係麻辣醬而唔係芝麻醬😂但係呢度嘅麻辣醬都10分出色 麻得來又唔係話真係好辣 我都係有嗰種花招嘅感覺喺度麻痹你嘅嘴 啲牛肉就10分香亦都好重牛味 將啲麻將撈埋落個面度10分惹味 朋友勁快就K.O.左😂😂😂😂次有機會你講到呢邊食飯一定會再食呢間蕃茄仔啊！

咁啱喺銅鑼灣行知道希雲街附近有好多餐廳 小店所以行咗過去睇吓有咩食咁啱經過呢間食蕃茄麵嘅餐廳覺得都算幾吸引又係黃店所以就入咗去試吓. 餐廳唔算好大 應該翻到十幾二十個人枱與枱之間嘅距離都唔多 .餐廳Menu嘅選擇唔多都係蕃茄湯底 然後可以揀面底 (得2個選擇) 然後就係要咩餸. 今次我哋叫咗一碗鰻魚飯茄面 令一碗就係牛嘅蕃茄面我哋都揀咗刀削麵. 一嚟到淨係蕃茄湯底嘅色澤已經好吸引而且好餓嘅時候見到咁大碗麵冒曬煙 即刻食慾上升😋😋😋😋食落去個刀削麵同埋蕃茄湯底好夾而且湯入面有擺啲新鮮嘅herbs 令成個湯底更有層次感蕃茄湯嘅味超濃郁！濃郁得來又唔似平時出面啲蕃茄湯底咁樣完全冇好似加咗茄膏or用罐頭蕃茄嘅嗰種感覺咁！聽說佢哋每日都用30斤嘅蕃茄來熬湯😍😍好用心🥰而且佢哋嘅價錢都唔係太貴平平哋60幾蚊都有一碗！而且份量都算幾大. 咁有質素嘅黃店大家都要去懲罰下！💛💛💛

見好多人介紹呢間蕃茄仔於是同男朋友黎試下，我地大約12:15到，已經係出面見到有小人龍，係外面等左20分鐘左右先入得，等既途中可以scan定QR CODE落定單先，一入去到再scan埋臺上既QR CODE 就會完成落單👍🏻我嗌左個特級安格斯牛肩胛，簡左葛絲😍😍男朋友試左豚肉片刀削麵。個人覺得我個個好食D，d牛燒過好好味而d面都索曬d湯，湯都好濃feel到係有d蕃茄蓉，加埋d乾蒜好正，份量都幾大份！👍🏻👍🏻不過就係索曬d湯所以d湯好快消失😂😂鐘意食蕃茄既朋友唔好錯過！🥰