蕉積妹 (已搬遷) 新店位置

每次去葵廣掃街，一定會幫襯呢一間招積妹已經食過好多次榛子或者朱古力味，今次就試吓佢個法式焦糖香蕉煎餅$40即叫即整，每一次拎上手都係熱辣辣煎到外皮脆卜卜，今次呢個法式焦糖嘅做法，令到個層次多咗記得要吹凍少少先食，如果唔係會俾啲香蕉片焫親個嘴，建議兩個人share好味指數：🌕🌕🌕🌕🌗

話說嗰陣時喺呢度搵葵廣嘅餐廳，就發現咗呢間食泰式甜品嘅地方，覺得好正，跟著搵一日嚟呢度掃街，嗌咗個🍫朱古力醬香蕉pancake 🍌，好好食，不太甜也不太膩，每一次掃街都食呢隻味，食到唔想食😂。 跟住今次掃街就試咗隻法式焦糖味，冇諗過焦糖同香蕉味咁夾，食落去嗰陣覺得pancake面上嘅焦糖同香蕉肉好夾，同埋食嗰陣時仲係熱辣辣嘅，同嗰上兩次食一，—D都唔膩又好食，以想不到嘅驚喜~(建議攞咗即刻食，凍哂就唔好味)店鋪資料 ： 💛 葵涌廣場1樓1092號舖

睇片分享網站見人介紹，講真真的不好吃。一拎到手，見到好似ok，點知一擺入口，又唔脆，仲要勁冧。好明顯整唔透，多人買就求求其其煎，貪快，仲要成個盒都係油，好難食。無諗過咁差，之前求其屯門一間試過幾好味，以為呢間出名應該實好食，點知。。。。。。

星期一紅日同朋友約好去葵廣掃街一早已搵定幾間心水必食小店要去試下朋友好中意食泰國既香蕉煎餅， 一見到呢間，就話要試下。叫左個香蕉煎餅配煉奶醬$38， 即叫即煎既關係， 要等大概10分鐘， 其間見隔離開左間新既手打檸檬茶，又叫左杯試下（詳情睇另一篇食評🙈） 。 一拎到手， 好熱， 4邊少脆， 整體都唔算好酥脆， 最緊要係裏面既香蕉竟然唔甜， 朋友就話好一般， 唔算好食。 可以試下order既時候叫店員煎脆d,可能就會好食d

🫓🍌🇹🇭葵廣掃街～香蕉煎餅☑️香蕉煎餅（阿華田醬） -$38落完單大概要等10分鐘，即叫即整，新鮮滾熱辣，職員會問你要唔要煉奶，甘吾怕肥嘅緊係加埋🫣都幾大份，切開咗16個小格，方便同朋友share。煎餅雖然有好多阿華田醬，但都唔算好甜，個皮幾脆幾香口，入面夾住切片香蕉，但唔係好覺啲香蕉味，可能用嘅係比較生嘅香蕉。整體感覺不錯，自己一個食比較滯。🔸蕉積妹🔸地址：葵芳葵富路7號葵涌廣場1樓1092號舖

夜晚同朋友去掃葵廣，今次特登由下以上食，第一站見到有香蕉煎餅，即刻被吸引！！我未試過食，所以其實都唔太知道正宗香蕉煎餅味道係點樣，所以試下係香港先食為快啦～ 叫咗阿華田味，落order後，要等大約7-10分鐘，所以等既時候去咗附近睇下有咩其他嘢食～ 7分後就返去，等一陣就拎到～ 一拎上手係熱辣辣，真係即叫即整！！攤涼少少先食，第一啖感覺幾脆，餡入都有好多香蕉，但因香蕉多，蓋過阿華田味，不過都有啲脆脆係面（唔知係煎餅既脆脆定阿華田脆脆），感覺多咗啲口感！！不過因為阿華田都有一定甜度，所以再加煉奶真係有啲漏，食咗一半覺得要停一停，會想食返啲鹹食去溝淡😅 所以覺得呢個煎餅適合3-4人，每人食幾粒！總括都ok好味同脆，甜度就要留意，唔食得太甜試下叫老闆唔好落煉奶～

去到泰國都唔係咁易見到香蕉煎餅，香港有幾間鋪頭有，今次係葵廣見到，地點勁方便。。香蕉煎餅 $38首先揀醬，有榛子、阿華田、朱古力、煉奶、花生。最特別有廚師發板同法式焦糖(各加$2)之後可以加配料，彩針、阿華田粉、美祿粉、抹茶粉、炸蕉、棉花糖、Oreo碎碎(加$2-3)即叫即整，等左十分鐘左右。熱辣辣，煎餅好鬆脆，香蕉夠熟甜甜地，配埋煉奶同美祿粉，穩陣又好食嘅配搭，一個唔錯嘅甜品。。白桃烏龍冷泡茶 $20完全俾個樽吸引左，價錢算ok就買左。味道正常。

嚟到葵芳都會去葵廣掃街✨今次推介嘅係蕉積妹嘅法式焦糖香蕉煎餅🤤呢個口味嘅表面係燒焦嘅糖漿好香脆，咬落去麵包仲好軟，唔會好乾身， 配埋香蕉就好夾啦❤️飽肚感唔算好多，即使食晒成份都唔覺得好膩，一人食一份都可以，同朋友仲可以試多幾隻味添啊～✨shake shake 燒賣呢款係炸燒賣，配咗辣味Shake Shake粉～唔算好辣嘅，燒賣炸得好脆，整體嚟講都唔錯❤️呢間餐廳性價比唔差，加$10仲可以要泰奶，果然係fat choice ❤️❤️

【葵廣】【美食體驗】.
🐷📌 #豬西食葵涌 #豬西食新界
.呢排間唔中要去新都會番Part Time 所以有時都會去葵廣買下野食 之前都同大家介紹過 蕉積妹🍌 小編對佢地嘅香蕉煎餅實在係念念不忘 尤其是去完泰國番黎 唔食唔安樂～.🐷香蕉煎餅 👅8.5/10 $38香蕉煎餅味道香甜 外脆內軟 加埋柯華田同Oreo 仲有香濃煉奶真係好邪惡👿 但肥就肥啦 因為好好食🤤 嘅香蕉仲要好好好多🍌🍌.🐷五香肉丁串串雞蛋仔 👅8/10 $26五香肉丁串串雞蛋仔口感酥脆 充滿住五香玉丁嘅味 少少辣 真係好少😂😂 雞蛋仔口感都唔錯😆.🐷Shake Shake炸燒賣 👅8.5/10 $15Shake Shake炸燒賣外皮酥脆 咬落去好爽😂 出面係海苔粉😂 小編覺得好好食🤣🤣.🐷泰式愛玉涼粉 👅8.5/10 $32泰式愛玉涼粉好正 泰奶香濃又滑 唔會太甜 加上口感細滑 同埋愛玉的口感滑嫩😍😍 飲極都仲有愛玉 毫不嗇色份量🤩.強推大家去葵廣食蕉積妹 真係好好好食呀😭😭 香蕉煎餅！小編最中意嘅生果係香蕉🍌 所以好中意食佢地呢啲咁多香蕉餡嘅煎餅 要買爆！吃爆！🤣.蕉積妹📍葵芳葵富路7號葵涌廣場1樓1092號舖.#食

個薄餅似炸，邊位係幾脆，加上花生醬，太油。中間既香蕉幾好味，唔係太甜，但冇咩蕉味。唔知係唔係我點錯左,又或者剛剛打完風可能食材未入得切貨。我覺得好一般般，唔係太好食，但係我會俾多次機會佢。

香蕉煎餅喺香港好像比較少地方有賣， 喺葵沖廣場一樓的呢間鋪自從開店就人氣旺盛這次特地留左個「甜品胃」來試試鋪頭有幾款醬同配料比客人㨂，我就叫左最基本的組合，香蕉煎餅配榛子醬原汁原味等左十分鐘左右就拎得，煎餅望落好唔錯，啲醬查得好均勻到手勁熱，聞落同食落都係牛油味滿滿，香蕉跟榛子醬的撘配都不錯，但真係太油太甜了建議一定要同3-4個朋友一齊share吃，我同朋友兩個人食真的太漏喇，食到臨尾幾件都頂唔順了

好耐冇黎過葵廣行街食嘢，見又開咗唔少小食店，當然要試吓啦！揀咗呢間香蕉煎餅，因為我自己未食過。首先要揀醬，有榛子/阿華田/朱古力/煉奶/花生廚師發板（+$2）法式焦糖（+$2）之後可以加$2再加配料：彩針/阿華田粉/美錄粉/抹茶粉或加$3:炸蕉/大粒棉花糖/Oreo碎碎我揀咗榛子醬+美錄粉+炸蕉等10 分鐘就有得拎。啱啱整好熱辣辣食真係超好食！配榛子醬好夾，感覺同食crepe差唔多。加粉我就覺得可以skip,應該冇咩太大分別，係味道豐富D D。炸蕉我覺得係必食既，價錢唔貴，炸得好好！炸皮又薄又脆，入面蕉肉好淋，口感好特別！

疫情關係 上一次去葵廣掃街已經唔記得係幾時 再去已經多了很多小食經過見到香蕉煎餅令人聯想到泰國香蕉煎餅 香港亦少會見到以香蕉煎餅作為主打的小食店落單之後等待差不多十分鐘就有了 即叫即煎的香蕉煎餅十分辣手 煎餅上淋了大量朱古力醬 十分吸引 可惜口感與想像中不一樣 並非好似泰國香蕉煎餅一樣外脆內軟 口感似煎到表面香脆的中式煎餅 偏油 餅皮不是以牛油煎香 少了一陣泰國香蕉煎餅獨有之香味 煎餅中間有香甜香蕉 幫煎餅加左不少分數 如果以小食而言是不錯 如果滿懷想重溫泰國香蕉煎餅的味道 期待則會落空 

#蕉積妹 @chiuchikmui #榛子香蕉煎餅 #泰式香蕉煎餅 #何華田 #抺茶 2隻粉🤣#炸蕉#荔枝伯爵冷泡茶#熊仔樽裝冷泡茶 #熊仔樽 好得意店員哥哥仔好有禮貌感覺很暖男😆我地之後買茶佢仲細心問我地係咪買咗野食計返我地 $10換購價👍🏻#葵廣 #葵涌廣場 #葵廣美食 #葵廣黃店 #葵廣掃街

有一段小時間冇嚟葵廣掃街，今日再拜訪發現新開唔少美食，決定同一眾貪吃的人推介下～葵廣顧名思義就係小食集中地，想要係大堆食肆入面突圍而出，必須花點心思同埋做好品質，先至會長做長有🥹泰式香蕉pancake唔係到到有，同時要控制好分量、油溫、時間，落足心機整看似簡單嘅嘢🍌🥞香蕉煎餅（hazelnut）$38等咗大約十分鐘，新鮮熱辣的煎餅就到手了。竹籤上印有店舖名，幾別出心裁嘅。味道亦都相當唔錯，係偏油少少。但相比元朗果間要等至少一個鐘，呢度絕對值得一試