薈景

營業中

休息中

普天同慶的日子，也是我最喜歡的節日，總之就是要開懷吃喝，好好慶祝。又，吃自助餐好像是必然事，至少筆者由細到大都會咁做，今年就來了會展的薈景食Buffet。嘢食太多，簡單嚟講外面有既佢會有，出面無既佢都有，好誇張。照慣例，庸懶既我只會介紹些節日美食，與及重點項目。冰鎮海鮮款式繁多，海蝦海螺青口呢啲係基本，長腳蟹鮮甜，開邊龍蝦多羔，又唔會韌得像吃擦字膠，難得仲有麵包蟹，滿足。即開生蠔從來是最受歡迎項目，只不過家陣已經唔後生，無可能再一打半打咁狂吞，淺嚐一兩隻就好。刺身壽司，平時或者略過的環節，但呢度水準佳，尤其厚身既帆立貝，同埋紅蝦刺身，最受大家擁戴。印度咖喱都係一個亮點，有印籍師傅主理，保持出品正宗，各式咖喱都好吃，特別欣賞咖喱魚，魚肉質感贏晒，咖喱汁比坊間的偏辣一點點，不論配印度米飯，抑或薄餅，也很恰宜。好想介紹下呢度既烤肉，非常之高質，記緊要留肚。黑蒜香草羊排已經吸引，燒牛肉更加係必食，睇佢嫩紅既顏色已略知一二，入口嫩滑卻不失肉香，邊位還帶點脂香，在自助餐桌上吃到呢個水準，難能可貴。聖誕佳節，更加會供應火雞以及燒蜜餞火腿，後者素來是我的心水美食，火雞亦做到不嚡口，慢煮的確係一個偉大發

今晚嘆環球海鮮滋味盛薈自助晚餐！一行入餐廳就見到好蠔啊！係即開嘅法國Fine de Claire，全部都係任食補身係時候喇。凍海鮮呢晚有蝦、蟹腳、龍蝦、花螺同埋青口。唔想煩自己切沙律呢啲現成嘅就最啱喇！吞拿魚尼哥斯沙律、意式意粉沙律、燒南瓜沙律同埋醃紅菜頭沙律，碟碟都整得好靚仔一於全部食晒佢。跟住仲有沙律菜、配料、環球芝士、精選凍肉碟、紅菜頭醃三文魚仲有煙三文魚。日本嘢就有壽司、卷物、蟹籽抹茶豆腐、水雲柚子醋，刺身就有三文魚、赤蝦、帶子、八爪魚仲有我最鍾意嘅油甘魚。中式嘢就有糯米飯、蒜蓉粉絲蒸扇貝、翡翠炒海鮮、紅燒肉、蓮藕章魚花生眉豆煲唐排、清蒸大海斑、蒜蓉炒時蔬、燒鵝、叉燒同埋燒排骨，都幾多嘢揀唔使驚冇嘢啱食啦。繼續行仲見到有爐端燒、鐵板煎大蝦、日式蟹粥、貢丸米線、汁煮大根牛肋肉同沖繩豚角煮。西式嘢都有唔少好似香煎鱸魚配番茄沙沙醬、煙肉焗蠔、慢煮香草豬串骨、紅酒燴牛尾、香草牛油燒特級牛肋肉、香草羊扒、番茄芝士薄餅仲有甘筍忌廉湯。跟住仲有泰式燒雞、泰式炒粉絲、泰式炒茄子豆腐、馬來咖喱魚柳同埋越式燴牛肉，呢幾款都係好惹味嘅菜式。呢啲好似開party嘅小食啱晒細路仔！有洋蔥圈、韓式炸雞、迷

位處灣仔的「薈景」可容納多達300 位食客， 也許是香港最大的自助餐餐廳。用餐環境寬敞光亮， 即使遇上客人多的用餐日子，也不會感到擁擠嘈吵，而面向香港迷人的維港景，更令「薈景」添加不少分數，可以說是一個美人、美景與美食匯集的好地方！好一段日子沒到訪「薈景」，順便更新一下資訊及節慶情報。「薈景」自助餐僅在星期三至日、公眾假期前夕及公眾假期供應，有了新資訊，大家不怕會摸門釘。今次食物種類也和以前一樣豐富，更有值回票價的亮點食物，聽聞大部分的亮點也會精選到十二月和一月普天同慶的聖誕與新年的大日子，實在叫人興奮！不是每家自助餐也提供難以處理的生蠔，相信喜歡吃生蠔的朋友每次也經過精挑細選。當晚「薈景」的即開生蠔成為亮點之一，選用來自法國的新鮮貨色，即開快食確保一定的質素與衛生。擠一點檸檬汁，把即開生蠔鮮味爽感引出，令身邊的蠔粉相當滿足！溫馨提示：12月24至25日平安夜及聖誕節自助午餐，將特別增設即開生蠔，蠔粉要密切留意！不少香港人也對日本刺身有著瘋狂的熱情，「薈景」的刺身選擇勝在質素平均可取，如當晚的赤蝦、油甘魚、八爪魚、帆立貝和三文魚水準平均，個人特別鐘情當中的赤蝦和帆立貝。溫馨提示：12月

已有一段時間沒有去香港會議展覽中心的Congress Plus吃自助餐了，今晚要來重溫豐富甶滋味。環球海鮮滋味盛薈自助晚餐啦！打頭陣有蠔迷至愛任食即開生蠔，這天供應的是來自法國的Fine de Claire。冰鎮海鮮有海蝦、蟹腳、龍蝦、香辣花螺及青口，我這個海鮮迷表示相當滿意。現成沙律也有數款選擇包括燒南瓜沙律、醃紅菜頭沙律、意式意粉沙律及吞拿魚尼哥斯沙律。日式美食當然少不了刺身！我們可以品嚐到新鮮的三文魚、赤蝦、帶子、八爪魚及油甘魚。繼續有大量不同款式的壽司及卷物，還有蟹籽抹茶豆腐及水雲柚子醋。前菜沙律區亦非常豐富包括有精選凍肉碟、紅菜頭醃三文魚、煙三文魚、環球芝士、各式沙律配料及新鮮沙律菜。來到介紹熱辣辣的美食！率先帶大家看看印度Corner美食，有印式咖喱羊肉、印式牛油燴雞、印式咖喱魚、印式素菜咖喱角、印度香飯及印式薄餅。緊接著是最受小朋友歡迎的派對美食！有洋蔥圈、韓式炸雞、迷你熱狗及迷你漢堡包。緊接著有泰式燒雞、泰式炒粉絲、泰式炒茄子豆腐、馬來咖喱魚柳及越式燴牛肉等東南亞美食。西式美食打頭陣有甘筍忌廉湯，番茄芝士薄餅、香草羊扒、香草牛油燒特級牛肋肉、紅酒燴牛尾、香煎鱸魚配番茄沙

我最愛的聖誕節🎄快到啦每年聖誕節，我都好開心💕有得收禮物🎁、有得聽聖誕歌🎵還有最重要的～聖誕大餐!!!每年都去會展的 【 薈景 】 吃自助餐今年𝟏𝟐月𝟐𝟎日至𝟏月𝟏日開始供應「𝐃𝐞𝐚𝐫 𝐒𝐚𝐧𝐭𝐚」佳節自助餐✨午餐和晚餐都有聖誕氣氛還有無敵維港景看呢～ꔚ冷盤推介:即開法國生蠔🦪、冰鎮長腳蟹🦀加拿大波士頓龍蝦、紐西蘭青口、海蝦 、麵包蟹 及 多款刺身ꔚ熟食推介:聖誕燒火雞、燒香草火雞卷威靈頓牛柳、特級牛肉🥩、蜜餞火腿、黑蒜香草焗紐西蘭羊排鮑魚花膠螺頭、鐵板煎龍蝦🦞、香煎鴨肝ꔚ聖誕主題甜品:白朱古力伯爵茶榛子卷郵箱📪聖誕帽紅桑子開心果脆蛋糕🎅🏻聖誕樹泡芙塔、聖誕雪人榛子果仁蛋糕、會展聖誕馬卡龍、聖誕曲奇🍪ꔚ飲品:無限添飲指定紅白餐酒、啤酒、橙汁、汽水ꔚ優惠:❶ 小朋友免費獲贈聖誕禮物包連明信片和糖果🍬❷ 即日至𝟏𝟐月𝟏𝟓日或之前預訂，可享𝟗 折早鳥優惠❸ 惠顧自助晚餐，可享 𝟖𝟓折信用卡優惠（除部分日子）❹ 除夕當晚更有特別優惠，可以邊吃邊喝兼到觀賞區，近距離欣賞璀璨的除夕煙花匯演😍

今日同屋企人慶祝升職，book左4位自助餐，官網網上訂位有20%off佢個大蝦prawn真係主打 其他自助餐都搵唔到凍海鮮龍蝦/蟹腳不過不失，生蠔不錯，有海水味其他中菜表現不錯，會斷續返食

😘生活需要儀式感😘今日喺蕉媽和MM爸的結婚周年紀念日由於MM爺爺嫲嫲外遊中所以幸運的MM今年有得跟我哋一齊食餐好我哋去咗灣仔會展嘅薈景食自助餐🤤咁啱呢個月🎃薈景有萬聖節自助晚餐小朋友見到咁多款得意嘅食物非常興奮今年以「神秘南瓜派對」爲主題，供應多款海鮮冷盤，包括有即開生蠔、加拿大波士頓龍蝦、長腳蟹、海螺、海蝦 及青口等，仲有多款賣相趣怪嘅主題美食🥰食物好味之餘，賣相亦都非常吸引，大家見到一定瘋狂打卡😆🤣✅自助晚餐仲免費提供無限添飲指定紅白餐酒、啤酒、橙汁及汽水。✅每晚8時更有期間限定Trick or Treat環節同小朋友體驗萬聖節嘅樂趣，增添節日氣氛。

The hospitality is disappointing, the staff who serve the raw oysters is really unfriendly and being rude, also the beef guy is unwilling to serve the beef, ur company need to give a proper training on how consumers should be treated in ur restaurant, the dinning experience is unpleasant and disappointing, will definitely not revisit again.

前一陣子慶祝父親節，見到灣仔薈景做緊環球海鮮滋味盛薈 主題，就去嘗試下。首先海鮮會有生蠔，龍蝦，龍蝦鉗，長腳蟹提供，呢啲都係可回本既海鮮，值得一讚。之後有日式炸物，印度美食，串燒，燒味，西式燒牛柳等等。係各個area都用左唔同烹調方式煮海鮮，日式就炸蠔，串燒就燒蝦，中式就上湯蝦，蒜蓉蒸蟶子，焗蠔，煎三文魚等。不過我地就覺得貝殼類海鮮size稍為細隻。日式方面除左炸蠔，有炸洋蔥圈，炸雞，天婦羅。串燒有燒蝦，燒三文魚鰭，蔬菜等。印度美食方面，有各款咖哩，烤肉卷，燒雞，呢兩樣我食過係覺得好食。而印度薄餅都有兩款提供，不過我同屋企人都覺得兩款都偏硬，有啲難咬。刺身方面，雖然自己冇食到，但見刺身切出黎分量幾足，都好新鮮咁，係要留意啲手工要再細心小小。甜品方面，是次自助餐甜品主要以環球朱古力，所以會有好多世界各地既朱古力片同朱古力粒，亦都整左啲朱古力例如松露朱古力，甘納許朱古力。不過質感唔太滑。除左朱古力其實都有唔同味既蛋糕，甜點提供，好似係焦糖燉蛋，芝麻布甸，藍啤梨乳酪杯，紅桑子慕絲等等，蛋糕就有咖啡蛋糕，草莓戚風蛋糕，杏仁芝士蛋糕，拿破崙等等，多款選擇。總結，無論海鮮種類，美食款式同煮法都有好

Klook buy 2 get 2 free promo.星期日28/4 去食，唔多人，安排到window seat ,全部唔駛排隊，生𧐢即開，雖然細隻，但係好鮮甜，另外有半邊龍蝦，長腳蟹，青口，凍螺。刺身帶子，牡丹蝦非常新鮮，熟食種類唔算多，但質素平均都幾好，肉眼扒非常嫩滑，仲有羊架，和牛漢堡扒。生果盤有切件果盤仲有原個生果供應要芒，紅寶石。。。仲有兩種生果唔記得咗係咩老火湯有媽咪煲嘅感覺，有個世界各地嘅朱古力Corner，飲品自斟，有奶茶咖啡，各款汽水，紅白酒任飲 ,總括嚟講質素都好好

因為要宴請一枱同事食自助餐，希望盡善盡美，千挑萬選選了薈景。薈景地點方便，餐廳樓底高環境寬敞，取餐區與座位完美分開，而且座距離感好好，坐得好舒服。網上訂位十分方便，用餐前一天有訊息提示。當晚提早到達，接待處的姐姐好禮貌叫我地坐坐等等，差唔多時間就安排我地入座。走了一轉，食物擺放整齊，擺盤用心，款式多，所以好吸引。🦐🦞🦀🐚海鮮區款式好多又靚，見到好多大大隻紅彤彤既龍蝦和鉗，已經流口水。試下味道，肉質彈牙又有膏，無雪味，蟹鉗啖啖肉，正！必食必食！🩷食到最後見仍見補貨，好有態度既餐廳♡即開生蠔 ，仲要一路開 一路已經準備一大盤俾你去攞，唔需要排長龍，安排好好。不過，唔知係咪季節問題，生蠔雖然新鮮但比較瘦，唔夠肥美。因為無限量供應，所以都忍不住食左8隻。💓💋刺身有5款，有比較少有既帶子🥰，5款都試左，好新鮮。壽司款式琳琅滿目，擺盤靚，好吸引。熟食區， 我就沒有點試，已經好飽。印度薄餅，即場煎起，配咖哩好香，怕太飽都忍唔住掃左一塊落肚。甜品區，安排太好。因為我比較喜歡順次序食野，所以甜品都係到最後先食。好多時到最後，甜品區已經俾其他人掃曬或者掃蕩到不似預期，但薈景安排員工於甜品區幫你切餅，所以

尋找適合一家大小自助餐的場所？我推薦大家一嚐薈景餐廳！薈景餐廳為對美食充滿熱愛、追求獨特餐飲體驗的人們提供高級的自助餐體驗。從踏入餐廳那顆開始，便感受到美食取自精心挑選的頂級食材，由會展中心多位屢獲殊榮的各國大廚用心設計，並在餐廳內即席烹調，確保新鮮火熱。環境方面，薈景餐廳的就餐環境可容納約300位賓客。餐廳設有貴賓房，讓賓客在品味美食的同時，得以盡情欣賞窗外壯麗的維港景致。我喜歡以城市景觀為主題的現代設計巧妙運用了各種綠色物料，其中包括以循環再用的餐酒瓶製成的屏幕，為餐廳增添了優雅，讓賓客感受到身心愉悅，深深著迷。美食方面，感覺種類繁多，質素極高。尤為推薦蟹鉗龍蝦擺盤。一咬下去，龍蝦透涼新鮮的口感填滿口腔，齒頰留香，完全感受到食材鮮美優質。餐廳有源源不絕的龍蝦供應，食客可以盡情大快朵頤。另外我在自助餐裡挑選了不同種類的食物，推薦威靈頓牛柳，配搭餐廳濃香的燒汁，凸顯牛肉的嫩滑烘烤。燒腩肉皮脆內軟，非常難忘。師傅現場製作的壽司魚生擺盤非常豐富，特別推薦芝士包三文魚壽司，適合一家大小享用。自家甜品方面，味道清雅宜人，包括黑芝麻慕斯，芝士蛋糕，檸檬塔等等。沒有市面上甜點的一股兒甜，只有清香的

吃朱古力可幫助提神、調適心情，讓人感到幸福！所以，BeautySearch 特別喜歡吃朱古力，無論心情好與壞，都希望享受朱古力帶來快樂的感覺！  最近發現，灣仔會議展覽中心的《薈景》推出環球海鮮滋味盛薈自助晚餐，除了備有多款國際美食，更特設期間限定的朱古力專區 ~ 「環球朱古力之旅」，無論是蛋糕、雪糕、朱古力噴泉、甜點或原粒朱古力，均一應俱全，作為朱古力控，又怎可錯過？加上薈景餐廳坐擁無敵海景，在餐廳內進餐，食客可以欣賞維港美景，更可享受店內格調高雅，闊敞舒適，在這環境中享用美食，實在太捧了。平常吃自助餐，BeautySearch 習慣由冷盤開始，但這裡的朱古力專區實在太吸引了，結果，未吃主食前，先來一轉「環球朱古力之旅」。必試法式甘納許，這種由朱古力和鮮奶油組成的一種柔滑的奶油，軟質固態的朱古力，營造出一種獨特而細膩的順滑口感，這次，我品嚐了當中的三種味道：黑朱古力香橙、焦糖牛奶朱古力及威士忌牛奶朱古力，各有特色，尤其威士忌牛奶朱古力，散發出酒香韻味而沒有威士忌的濃烈。而這杯手工朱古力熱飲，人手沖泡，即時注入豐盈泡泡，不但朱古力味香濃，而且口感順滑豐盈，實在令人難以抗拒，一試難忘！重