薈景

營業中

休息中

經由KKday訂購 環球海鮮滋味盛薈六大2小的自助晚餐而每位付費成人可享一名6歲或以下小童之免費優惠👏🏻當晚6:30pm開始 食到21:30pm 職員安排入坐 環境舒適 地方夠大 而食物種類豐富，主要都係海鮮為主龍蝦 長腳蟹 青口等等，肉質不錯，只是欠缺鮮甜味食物方面仲有大量冷盤，沙律菜，pizza，中西泰湯3款，片皮鴨，蒸魚，蟹粥，燒牛肉，種類繁多，只是有少少美中不足，沒有鵝肝，生蠔另外仲有比較小見的琵琶蝦 味道都不錯😋肉質彈牙，配菜種類多蒸扇貝雖然每次只限取兩隻，但人手非常充足 添加食物速度快👍🏻收碟快👍🏻最後甜品時間心太軟同雞蛋仔都非常出色，另外當月生日之星可獲贈生日蛋糕一個(需要提前告知餐廳)一個好滑好香濃的紐約芝士蛋糕🎂一家人都食得好滿足👍🏻👍🏻👍🏻以每位6百多元價錢，有此水準，真的不錯，值得推介

今晚一家人去食自助餐，安排了既位置好滿意枱與枱之間夠寬闊，不會好迫，環境乾淨，沙律吧夠大多款式，凍盤龍蝦就可惜冇咩味，熟食有好多款式選擇，羊架力推幾好食，北京填鴨，點心，湯粉麵任君選擇，也有東南亞美食選擇，印度咖喱，天婦羅，蟹鉗，pizza等等，擺放食物位置也夠闊，所以就算排隊拎食物都不會覺得迫，刺身選擇少但有大大隻甜蝦，我最愛食甜蝦，甜品也多選擇，雪糕是人人愛的movenpick，推薦此餐廳適合大夥人敍會。

啱啱母親節去左灣仔會展薈景食自助午餐慶祝💗揀呢間因為聽聞好食, 環境又好, 仲要6歲以下免費添!🤭 真係超級抵🤭一入去, 落地大玻璃又望住大海景, 再加上超高樓底, 感覺真係好舒服!😇野食同飲品種類都好多🍷紅酒, 白酒, 啤酒, 可樂, 鮮榨橙汁, 咖啡茶.… 🍴凍蝦, 凍龍蝦, 青口, 海螺, 威靈頓牛, 豬腩肉刈包, 琵琶蝦, 壽司, 刺身, 芝士, 各款甜品都樣樣出色, 而且 refill 得好快!因為節日, 每位媽媽仲送左個小小粉紅色既日式芝士蛋糕, 唔只靚, 仲好好食添!😋地址 : 薈景灣仔港灣道1號會展廣場6樓評分 : 9/10

吃自助餐當然要性價比高😂環境當然亦要精美😛這間店在電腦頻道中亦有很多人介紹，坐位寬敞，食物試過後亦覺得十分不錯，而我們吃中午的自助餐，可能晚上會有更多不同及好吃的菜式呢！有機會要試一下🙊接著去海鮮吧內看看，有龍蝦🦞朋友至愛😍還有那些琵琶蝦，青口那些，新鮮爽滑，也算不錯，不過蒜蓉扇貝只屬一般🥲其他有威靈頓，牛肉等，燒雞，燒鴨😛刺身，壽司等也好吃哦，雪糕也有數款口味，吃吃甜食也是不錯的選擇，這間自助餐值得再試🤪

上年10月，我去薈景食左個以龍蝦主題自助餐，太忙了，唔記得寫返食評。我覺得呢間自助餐性價比幾高。佢最抵係7歲以下免費。是次自助餐好似係Klook定KKday買的，4大1小，好似$400內一個。以龍蝦做主題當然有冰龍蝦，又有焗龍蝦，任你拎，refill都好快。味道係正常，我覺得熱好食過凍，凍龍蝦啲肉好似會un 啲。佢熱食冷盤都好正路，有粉絲蒸扇貝，點心,pizza樣樣都有啲，有刺身凍嘅貝殼類但係就冇長腳蟹。不過令我最驚喜嘅係有威靈頓牛食，威靈頓牛喺出面食好貴，依家任你食，而且好好食，入面舊肉好淋好juicy 。甜品方便質素中規中矩，有movenpick 雪糕，反而我覺得佢飲品幾多元化，有幾款罐裝飲品，我覺得自助餐最好有得任飲，有啲得一杯餐飲感覺唔多夠。總括嚟講幾滿意呢間自助餐而且價錢唔算好貴有7歲以下嘅小朋友更加覺得好抵

2月22日當天我們一家數人去食自助晚餐，因為看到影片分享網站 介绍多野食，食物質素幾好，就去試下，又佢價錢偏高，$758位，雖說有八折，但連加一每都要$680，但食物種類比影片分享網站少許多,而且數量和質素很差，没有之前所講的燒味，片皮鴨，海鲜種類又少，連自助餐常見的長腳蟹，青口也沒有，而龍蝦，生，麵包蟹都很小，refill 又慢，很多時要問先補，但有時又無人，鐵板燒海老非常乾，好多熟食打開蓋都所淨無幾，甜品種類唔多，味道一般，全晚最值得贊的是日本刺身，同汽水飲品任飲，總括這個價錢，這種質素不合理，不會再去~

已食過多次，今日滿開心帶朋友來就健怡自助午餐，今次令我好失望，一直甜品都係主要靈魂，每次去都不同款式又好味又唔會好甜，雞蛋仔香口外脆內軟，但今次所有甜品及糖水非常之甜，甜到不能入口，而雞蛋仔非常之硬很難吃，甜品部完全失了水準，其他沙律及湯類就仍然保持水準，希望可以改善留意一下甜品部水準。

11/2/2023今日約咗家人去薈景食自助晚餐，對上一次係十月，已經覺得大進步，原因係飲品任拎，同甜品款式多咗。但係見10月之後open rice有食客劣評，所以再試。首先，凍海鮮類有蒸龍蝦，龍蝦蚶，田螺，青口，虎蝦，麵包蟹等等，龍蝦鮮甜多膏，連吃了三件，虎蝦大隻新鮮，還有生蠔，不算肥美，亦很鮮甜。刺身有三文魚，油甘魚，帶子，八爪魚，赤蝦，全部都厚切，肥美新鮮。熱葷有蒸魚，粉絲蒸扇貝，燒蝦，最特別是和牛漢煲扒，鮮嫩有肉汁，正燒牛肉亦做到不柴粉嫩，羊架惹味，湯有龍蝦湯及蓮藕煲豬骨，日式蟹膏粥味道亦不錯。甜品有各款小蛋糕，即焗心太軟，雞蛋仔，椰汁紫米露等等。飲品有可愛，凍熱茶，自助咖啡機，橙汁，紅白酒任飲，咁豐富，星期六埋單仲有8折，平均$680一位，而且高質好食，超超超值！

印象中大概有2至3年沒有去自助餐選擇了平日晚去吃新春晚餐薈景位置灣仔會議展覽中心4樓用餐時間為2小時，由18:30開始​從前看過其他食家介紹今次自己親身去嘗試 再分享我的感覺值得稱讚的地方是 自助餐的飲品是任飲因為有部份的酒店自助餐只包一杯飲品​飲品包括有紅白酒、啤酒鮮橙汁、咖啡、奶茶各式各樣的罐裝汽水、紙包茶提供了檸檬片，客人可自製特式飲品檸樂、檸7、檸水應有盡有​沙律Bar包基本的款式供自助調製，新鮮的羅馬生菜、火箭菜、雜菜等配上栗米、粟米、紅腰豆、提子乾、蕃茄仔、菠蘿粒最後加入沙律醬、芝士碎、麵包糠等​冷盤區的亦有已拌好的沙律包括冷麵、雜菜沙律最吸引是有明太子沙律可以品嚐滿滿的明太子旁邊有龍蝦、麵包蟹、鮮蝦、海螺、青口等滿足一眾海鮮控肚皮​最令我期待的是生蠔Bar獨立設置在一個4方區域每人每次可取3件生蠔可惜我試了一轉後非常失望一入口感覺滿口是鹽的味道(比喻)蠔質不夠鮮甜肥美0分​刺身推介必食有帶子及甜蝦鮮甜肥美，其他吞拿魚、八爪魚可淺嚐而三文魚可以直接略過壽司是值得一讚的尺寸大小剛好一口放進嘴巴味道比刺身更為出色​熱葷款色選擇多，但感覺沒有特式中、西、日、泰、印均有中式點心、粉

尋晚去咗灣仔嘅薈景食自助晚餐，薈景位於會展中心內，由地鐵出口行到過嚟全程都係室內，位置十分方便唔洗日曬雨淋，因為我哋食嘅係30/12，所以主題係環宇盛宴節日自助餐✔️一入到去就好驚訝個空間可以大到咁，枱同枱之間嘅空間好闊落，坐得好舒服，外面嘅景色對住一片維多利亞港，如果坐正窗口位，一邊望住窗外景色，一邊歎美食真係人生一大樂事🔮出面嘅飲食地帶一樣都好大～我都要行咗一陣先至行得完成個area😂而拎嘢食嘅空間亦好充足，唔會出現人迫人嘅情況。食物款式極多，有沙律、壽司、各款時令海鮮凍盤 (例如生蠔、蟹腳、龍蝦等)、刺身 (赤蝦、三文魚、吞拿魚、八爪魚等)、廚師秘製熱燻 (羊扒、牛扒、煎大蝦、串燒、炸物、各式咖哩等)、小朋友最愛嘅食物例如迷你漢堡、薄餅、炸薯條雞塊等，另外亦有即製意粉及是日粉麵（當日係豬肉湯米粉) 特色甜品嘅種類亦極多，有蛋糕、雪糕、撻類、曲奇、奶凍，仲有雞蛋仔同木瓜雪耳糖水，好有驚喜✨作為一個湯怪好中意佢哋嘅西湯同中湯，一樣咁好味🙆 當日嘅西湯係雜菜湯💯酸味較重入面有秋葵，好啱我胃口，飲完一碗即刻開胃番；而中湯好有老火感覺，我飲咗兩碗😋 個人覺得佢哋個飲品吧值得一讚，有各式罐裝飲

一行九人到這𥚃新春團拜，被安排海景座位，餐廳樓底高加上天氣好，首先感覺良好。飲品有大量選擇，紅白酒、果汁、罐裝汽水果汁、咖啡茶等等。食物方面，蒜蓉粉絲蒸扇貝仔、蝦春卷、干燒伊面都吾錯，威靈頓牛柳肉嫩得嚟個皮又好鬆化，十分出色，銅鑼灣某餐廳$980/5件（1小條）系度食兩件已經回本。脆皮豬肉卷，個脆皮不脆麻麻地，凍海鮮開邊龍蝦肉地好橡根，生滾雞粥完全冇味，潮洲粉果個皮厚左啲。甜點方面，薑汁焦糖燉蛋比較特別，葡撻鬆化、有一款普通忌廉蛋糕吾太甜好食。奇怪沒有即灼粉麵檔，刺身就普普通通啦。埋單$488/85 折一位，都可以啦。

已經第二次光顧這家自助餐，食物種類款式雖不多，但食物都很有水準。食客可預先訂座，到達後店員會帶位先坐下，由於筆者早到，也可以先在場拍食物照，到6:30pm便可以盡情享用自助餐！🦀🦞環球海鮮滋味盛薈🦐🦑🦪生蠔打頭陣當然係門口既生蠔bar! 即開即食，不過生蠔size略細….要食多幾碟先回本！海鮮仲有長腳蟹、麵包蟹、鮮蝦、海螺、青口、蟹鉗、龍蝦，款式眾多。👍🏼🦀長腳蟹啖啖肉而且不會過鹹，很新鮮乾淨！👍🏼🦐鮮蝦和蟹鉗都好大隻鮮甜。👎🏼🦞凍食龍蝦不推薦，肉係un 到咬唔開….其他海鮮筆者就冇食到。🍣刺身壽司大路食材：三文魚、帶子、甜蝦、吞拿魚、八爪魚🐙師傅即叫即切，新鮮刺身。壽司都五花八門好多款，但因為怕飽肚，所以冇食。🥗沙律筆者食自助餐喜歡先食沙律「墊底」，比較健康一些。新鮮的火箭菜、法雜菜、羅馬生菜自由配搭上粟米、提子乾、紅腰豆、小蕃茄、紅蘿蔔絲、菠蘿粒等等配料，加上沙律醬、芝士碎、麵包糠，豐富又美味的沙律令人十分開胃。熱葷方面🥩焗安格斯西冷牛扒、火雞卷、羊架正常發揮。🍢有日式串燒，烤雞軟骨、炸雞、豬腩肉、春卷，稍嫌沒有炸天婦羅🍤。🦐烤大蝦都很不錯，香脆不失蝦鮮味。龍蝦湯濃度適中，不會過鹹

晚上6:30開始，提前6:15已可進場等候，可以先享用飲品，茶、汽水、橙汁、紅酒白酒任君選擇；食物質數很好，排列整齊企理，食物也常添加，選擇多，員工對長者也很禮貌親切，餐廳的聖誕佈置充滿節日氣氛，我帶同老人家一起用餐，坐窗口位置，枱與枱之間很濶落，很有空間感，整體感覺有驚喜，與家人為慶祝聖誕享用一個開心的晚餐！主題是聖誕餐，所以食物也是針對聖誕有關的，特別喜歡燒羊架及火雞卷，口感非常嫩滑，椰子雞湯也是極之推介，非常濃郁的老火湯，我喝了三碗✌🏻，聖誕蛋糕不但外表吸引，味道不太甜，非常合適香港人口味！

當日係星期日嘅下晝時間入座環境係咁多間酒店之中最闊落嘅一間 拎野食/座位都好大活動空間唔會出現人逼人嘅現象😍🦐海鮮當日冇長腳蟹同生蠔供應但有龍蝦 龍蝦鉗 海蝦等龍蝦質素都唔錯 冇出現擦子膠嘅情況肉質算係彈牙 海蝦質素最高 略有海水味夠晒冰凍 呢個最❣️龍蝦鉗反而一般 冇咩鮮味比較靭身 🫣🫣♨️熱葷當日有蒜蓉粉絲蒸扇貝呢個一出爐就秒速俾人掃晒佢確係幾香蒜蓉味 但我食嗰隻比較細粒同有啲overcook 🦐其他海鮮有香煎琵琶蝦係有個師傅即場煎呢個蝦味比較出眾❣️威靈頓牛柳呢款唔知點解個牌寫住係鴨胸但有客人問 師傅話係牛入口最出嘅係🧀 入面保持嫩滑呢款唔錯 ❣️❣️🐖燒豬肉卷就係類似中式燒肉咁但用在西式嘅捲法豬皮激脆口 食完會即喉嚨痛個種調味唔會太過重口味 唔使點汁都夠味❣️❣️配菜有甘筍 番薯 薯蓉等自由選擇薯蓉非常出色 好重煙肉香氣😍🐖燒豬頸肉呢個勁好食 會食到有啲玫瑰露就有啲似中式叉燒咁 配埋酸甜汁宜家好掛住 必食❣️❣️❣️香草腸 比起平時西式All day Breakfast 嘅個種濃味 都唔錯🤤🥘 咖喱魚肉厚 但唔係用龍脷柳 用咗比較貴嘅魚 所以比較結實咖喱牛肋肉喺印度嗰隻紅咖喱 入味冇渣印度薄餅有多

家人生日 帶佢地黎依間位於會展既buffet之前都食過一次首先 位置非常寛敞不論係buffet line定係座位都係當日8成滿座都唔覺得迫同多人食物種類算係咁唯獨係冇左生蠔同長腳蟹特別一提依間餐廳有紅白酒任飲唔需要額外收費算係加分位仲有一個細心位就係枱面上既餐具擺位有碟盛放夠整齊乾淨👍