薩莉亞意式餐廳 (九龍城廣場)

營業中

休息中

之前呢個集團劣評如潮，清潔欠佳。今次見佢裝修好新，進去試試，食物不錯，幾好味。最好味是個粗管粉，個汁好正，撈飯超好，個扒都唔錯，很嫩又juicy. 店內環境舒服，眼見很衛生，下次都會來幫襯。

大年初二諗住嚟九龍城搵嘢食，點知大量小店都字開鋪搵嘢食搵咗一輪，見到啲招牌諗住去呢個九龍城廣場醫肚！本身連譚仔都冇開好失望，發現有間薩莉亞！咁就食飯呢間啦都係嗌返平時嘅嘢，質素好穩定，今次肚餓搭單嗌多幾隻雞翼食！咁耐冇食覺得呢間好似大隻啲好味啲好欣賞呢間舖頭出產嘅速度好快！所以肚餓嘅我哋好快就可以醫到肚幾碟嘢質素都同平時差唔多， Pizza好多芝士！而且新鮮煙靭 又有好脆嘅邊位質素穩定！如果多啲哈同魷魚就正啦意粉今次就好水！不過顯嘅質素唔錯，有一粒脹卜卜好大粒！今次呢碟就冇乜辣味，我哋自己加黑椒同埋辣椒仔意粉份量好多好煙韌好味鐵扒餐等咗好耐！熱辣辣上碟非常可口

水牛芝士pizza沒有以前好吃，餅底沒那麼脆，雞翼還是那麼好吃，外脆內香，好入味。黑椒煮蜆滴蜆都新鮮既，無咩沙。新出既檸檬雪糕比較甜，有濃濃的檸檬味，好似食緊檸檬夾心餅甘。

薩莉亞一向係我嘅食堂，鍾意嘅食個$30意粉可以解決一餐，想豐富啲嘅可以叫多啲小食主菜又得，豐儉由人周打海鮮湯（$12），味道濃郁配料充足，好飲過好多所謂西餐廳嘅白湯每次我都會叫呢一份美國肉眼牛扒（$78），雖然加咗價但以呢個價嚟講性價比非常高，最少唔會比鬆肉粉葉到軟林林冇晒味，入口食落係有肉味白焗白汁雞肉菠菜，菠菜吸晒白汁後好好味，加埋少少雞肉好豐富最後又點少得佢個招牌雞翼（$20/4隻），外脆內嫩又入味，每次都要叫薩莉亞唯一一樣嘢唔好就係衛生問題，佢每間分店都係油笠笠，爭在邊間冇咁污糟🫣

同家人食飯, 父母竟然揀九龍城廣場嘅薩莉亞, 話性價比高! DADDY MAMI 預早18:30 去拎位, 由於餐廳係B 類餐廳, 我地一行6 人要分開2 張枱。我哋2 張枱喺餐廳最入面嘅, 但係服務依然周到, 冇被忽略。由於價錢太抵, 所以我哋都冇細諗就叫。基本上所有食物都性價比高, 每樣最貴都只係$3X。有肉又有菜, 有湯又有意粉。唯有要彈既係意式菠菜伴煙肉, 完全係洽菠菜, 洽到好淋, 又多水。另外, 香蒜辣汁野菌西蘭花份量較少。除左呢2 樣, 其餘都係好食既! 都會再去! 

其實一早就知道呢間薩莉亞係度, 只係一直無咩機會去食下, 呢晚見好多野都食到厭哂, 又見佢門口無人排隊, 於是乎就走入去食, 之前係黃埔食過一次, 服務就無咩要求, 以呢個價錢既食物都真係唔差呢晚 3個人食, 每人點一樣, 再加份沙律, 焗蝸牛同雞翼, 配埋飲品, 平均每人先係 $70, 所有食物既味道都做唔錯, 恰到好處, 而飲品每位 $13 就係無限飲, 而呢邊既服務員態度都幾好, 好有禮貌呢度地方幾乾淨, 地方亦唔算係細, 同時唔會覺得好嘈, 食物上枱時間唔會要等太耐, 雖然有少少快餐感覺, 但姒呢個價錢, 講真又無咩所謂既, 最重要係抵食之餘, 味道又唔差 

以前，20 -30 年前，我们去茶楼饮茶，吃点心是从不用看价钱的。平，靓，正，所以假期永远排长龙。又，吃潮州打冷，也是乱叫，想到就叫，是平民美食。现在已经不可行。点心贵了不用多讲，而且处处是陷阱，看少一眼都要无辜破财，还有茶位费，加一，诸如此类，平，不再，靓，又不见得。想不到，到了今天，西餐反而便宜。这家薩利亚意大利餐厅，是连锁店，主要都在住宅区。连深圳也见过它的分店，估计其他大陆城市也有。周打海鲜汤 12 元，香辣肠以铁板上，19 元。最杀死人的，是红酒白酒都是 16 元/杯。不收加一。味道当然不算十分好。但却是一家正规的餐厅，坐得舒服。贵多不贵精。保证用餐愉快！

平民美食! 呢個價錢響九龍城食到一餐算係好平 , 一開張就受到追捧, 九龍城廣場內其他食肆冇得比, 不過等位需時.  味道都唔錯,  正常水準, 份量適中, 推介煙三文魚忌廉意大利粉, 蒜蓉包,  辣味雞翼同埋蜆(但有啲有沙). 但係付款時要小心, 去到收銀處, 講出枱號就付款, 店員只係講個銀碼總數俾你知, 好在屋企人醒目話要對一對單, 發現單上有一大堆野食根本我地冇叫過!! 估計係佢地將隔離枱啲野落埋去我地張單度.. 店員叫番個落單侍應問下, 佢都答唔出錯係邊張枱... 真係付款最緊要主動要求對單~ 

好耐冇食過薩利亞，難得happy friday 就同朋友去盡情食下，有龍城呢間新開都未試過，環境好大好闊落，但人手明顯吾夠，我地叫左個墨汁意粉，意粉一直都無令我失望，有咬口同幾煙韌，墨汁配有魷魚，淡淡的味道唔會話覺得好咸，飲品自助bar繼續任裝，仲有試左新出海鮮pizza, 有三文魚，魷魚同蝦，個人認為味道不錯，但冇好好食，還是配菠蘿好味啲，仲有最中意既三文魚沙律做前菜，不過感覺整體份量都縮曬水，水準勉強維持到

明太子魷魚蝦仁意大利粉 HK$34今晚去左屋企附近嘅商場是但搵間餐廳開飯！見薩莉亞有位同出左款新意粉，就黎試下啦！點知店員將意粉上枱時，我完全唔知道呢碟野就係自己叫個碟明太子魷魚蝦仁意大利粉！同圖係完全唔一樣！說好的明太子魷魚蝦仁去晒邊呀？只是見到意粉同幾粒配料!而且仲要淡茂茂！雖然係平啫，但都唔洗差甘遠呀！真的理想同現實的差距！好像詐騙案似的！如果做不到圖中嘅外貌，建議改一改個餐牌，落差不要太大！完全違反商品說明條例！

今日阿仔話事話想食Pizza,他選擇了薩莉亞意式餐廳，我地叫咗水牛芝士薄餅，雞肉磨菇薄餅，意大利菜湯，番茄煙肉意大利粉和三文魚籽意大利粉，味道尚可，唔駛等好耐食物好快送到，價錢便宜亦抵食

不斷推出新野，好耐都冇試過，今日一於同叮叮去試下。由於依度係新裝修，所以梳化呀用具都新淨既。不過飲用既杯就始終入面有D漬，拎左幾個都係咁，可以再做好D。或者自己再用熱水沖一沖。 我地係叫SET LUNCH，原因一個餐加13$有個沙律又有得任飲，計落都好抵。有幾種唔好既配搭，又有湯又有飯。 粟米忌廉湯冇乜味，好似飲緊一D好稠既水咁，所以一兩啖之後都棄左。 沙律食材都新鮮，而且沙律醬係靈魂。 鐵板蜆都幾好食，但黑胡椒重手左，部份蜆成隻都有。 總括黎講，我覺得主食既飯、意粉、PIZZA都保持到水準。另外見到好多小食都非常吸引，下次都想黎試下晚餐叫到成枱都係食物。我地依餐浪漫午餐有卡位，又有風景，仲有好大個太陽TIM，不過叮叮似乎都幾開心有得咁樣兩個人jap jap jap。

我同媽咪行完九龍城廣場入去坐內,唔係算太多人。叫野好快就黎,野食味道不錯。如果你逛完商場,到呢到食係不錯既選擇。食物方面,我推介脆脆蝦及蒜蓉包,價錢也合適。唯菠菜煙三文魚意粉味道一般。

攞咗架車去洗就要係附近搵食，離開個商場又熱又怕佢突然落大雨，但又想多選擇又唔想駛太多錢，今次就揀依間連鎖店。裝修都ok又有服務，兩個人叫咗4樣嘢加埋嘢飲都係佰幾蚊好抵，食物唔算差，個4重芝士 pizza同個菠蘿意粉都唔錯，不過我自己就最鍾意食雞翼，佢個辣味雞翼都係$32有8隻，個腸仔係熱狗腸嘅口感都可以，每位加$13就可以任飲，當然都係普通汽水同自動咖啡機，但整體唔算錯又無加1係要俾現金，下次再去洗車都可以再去食。

份量唔算大，價錢又平，可以叫好多款多選擇。最鐘意焗田螺，啖啖肉得黎又惹味。水牛芝士簿餅大件又抵食，不過要趁熱食，因為冷氣太大，食第二件已經凍左開始硬身，無咁好食。芝士排包相對就外脆內軟，好味道！雜菌西蘭花對我黎講太辣，飲品13蚊任飲，都幾多選擇。如果多d分店就更加好