薩莉亞意式餐廳 (將軍澳廣場)

營業中

休息中

最近到該分店光顧，食物一贯中级水平，衛生管理確實差了，水杯内有纸條出現，叉子夾雜着飯粒，不知是否太好彩！😥意粉只是中級温度，其他食物，不是好、也不是差，因為收費平，不可有太高要求！🤔😉🍝🍕🍗

突然很想念薩莉亞的雞翼，於是就坐車來到了附近的這一家薩莉亞。叫了一份辣味雞翼，一個粟米忌廉湯，一個白汁雞肉菠菜和一個蒜味烤魷魚。前三個都是吃過不少次的，都是挺好吃的，魷魚是第一次嘗試，烤得挺香，但太咸了！不加蒜汁就已經很咸了，加了簡直咸到非常咸。

事關呢度既食物大件夾抵食，無論邊一區嘅薩莉亞門口長期到大排長隆。我都有一排冇嚟食啦。前幾日晏咗食飯，見佢門口唔算多人，所以就嚟咗呢度食。過咗一排冇食發現佢個餐牌多咗好多嘢食， 菜同pizza嘅種類都多咗。好開心!我哋兩個人叫咗辣雞翼、雜菜意粉，同埋蒜蓉焗螺 ，全部都好好食，而且好平!不過佢有少少油。間唔中食一餐冇所謂啦!

每次星期六日晏就、夜晚都會好多人排隊，建議早少少去等。兩嗰人嗌咗六碟野，都唔超過200蚊，非常抵食。必嗌雞翼、鯖魚，鯖魚有埋粟米、薯仔。多莉亞無咗以前必嗌的甜蝦，所以轉嗌咗雞肉，如果唔鐘意食雞皮，呢嗰雞肉多莉亞有少少雞皮。蜆肉有差唔多廿隻，大約一蚊一隻左右，當補充吓鐵質，鐵質對男女都好重要～～～～～實在係平令正！如果鐘意食重口味，咁嗰肉眼牛扒就啱哂你啦，超級濃味，大概8,9成熟左右啦，又係當補充鐵質！

星期六返完半晝工，出面又熱辣辣，都係搵啲大型商場行場就算，謝絕戶外活動，所以最後約左男友去將軍澳食好耐無食既薩莉亞，食飽飽再行街。平時間間薩莉亞都排長龍等位，所以今次叫男友早十五分鐘去攞位先，但最後我黎到都仲要等多兩個字，足足等位等左半個鐘先有得入座。我地叫左水牛芝士薄餅、白汁雞肉菠菜、同新出既黑松露野菌忌廉意粉。水牛芝士薄餅，批底夠鬆軟，芝士好厚，仲可以多到玩拉絲添，又夠熱辣辣好新鮮，即叫即做。👍🏻👍🏻白汁雞肉菠菜，菠菜夠嫩夠青綠又夠多，雞肉粒今次比較乾身，有啲咬口，但個白汁好正，撈埋意粉黎食好好味。黑松露野菌忌廉意粉，都算多菇，但黑松露味唔夠，比啲菇味遮蓋晒，仲要無乜忌廉汁又淡又唔夠味，最後我要溝埋雞肉菠菜啲白汁黎食。😪 兩個人食三樣野已經夠晒，飽到上心口。順帶一提，衣間餐廳啲餐具好污糟，堅污糟，勁污糟。強烈建議，各位最好攞杯熱水黎洗下啲刀叉匙，再抹下睇下仲有無黑色先好用。啲碟同杯都一樣要洗過先好用 ! 我未見過一間餐廳可以污糟成咁，所有餐具無一件係乾淨架。👎🏻👎🏻👎🏻

窮人恩物 但退步不少以前初頭知道香港有一間咁平嘅意大利菜真係好驚訝當初衛生質素唔錯食物又用心製作但慢慢愈黎愈差今次黎都不例外啲杯杯碟碟又洗完都好油又多蚊 張台又痴立立成個衛生情況都好差 食左幾間分店都係咁不過值得一提嘅係佢嘅蒜蓉包 係我食過咁耐以黎最香口最重味既！每次都會叫勁多同埋香辣雞翼 都係必叫既（雖然同自己返去焗cp牌雞翼係一樣）明太子意粉 叫意粉呢水準參差 有時會煮得太乾 唔夠汁 希望佢地會改善下 升職加人工 請多d人 d員工用心d做

呢間餐廳係糧尾既好朋友，食物算係唔錯，價錢相宜，由中學食到而家，都仲保持水準。辣味雞翼， 媲美大型比薩連鎖店的味道，但價錢足足平一半，嫩滑惹味，是每次必點食物。黑椒海蜆（$19）!!!!個名完全無呃人，除左黑椒，沒有其他調味，但蜆有鮮味已很足夠，而且份量十足，抵食。白汁雞肉粗管麵醬汁很濃郁，加上面層舖了芝士，邪惡之極，粗管麵能沾上大量醬汁，感覺很滿足。雖然望落份量不多，但因為醬汁有啲膩，所以吃完也有飽肚感。

Went here for some vegetables and they have more options than before.The sauteed spinach with bacon has always been there but the broccoli is new.The broccoli turned out really delicious as the chili made it extremely appetizing and it wasn't too spicy.There was garlic in it too and assorted mushrooms.The spinach wasn't that tasty to begin with but it turns out all the sauce is at the bottom so if you mix it, the taste is great but evidently not fresh spinach so I don't recommend this dish.Drink

很喜歡去這間平民版意大利餐廳， 尤其將軍澳廣場這間有超大玻璃可以遠眺開揚遠景，山景， 來一個下午茶更感覺悠閒。今天點了一款新出意粉， 明太子魷魚意粉。 醬汁唔會太鹹，明太子份量稀少，還好也帶少少明太子嘅鹹香。 反而魷魚煙韌 分量足。午餐都很多選擇，四十多元已有交易，抵食之選！雞翼都係我的至愛，辣辣地好惹味。意式火腿莎樂美腸，預先切好連碟雪藏。 普普通通 味道還可以。飲品吧真是有很多選擇， 但熱飲機嘅Moca 味道一般, 非常苦澀又冇咩朱古力味。廚房出菜很快。衛生方面真的需要加把勁， 碗碟一般都唔太乾淨， 要再自行抹淨。在調味料嘅枱面取了一些紙巾， 但紙巾上也沾滿醬汁，太嚇人了。

2019年2月7日（年初三）下午5點幾，我同一個fd喺將軍澳廣場嘅薩莉亞食tea，點咗三碟食物。我個fd有D口渴，於是就順便嗌左個價值13蚊嘅飲品吧。本來個侍應想叫我地嗌多個飲品吧，但我唔想飲汽水同其他D即沖熱飲就拒絕左。之後本來無咩嘢，我個fd出咗去拎可樂飲，而D食物都好快到。突然有個疑似店長嘅及肩直長髮女人出咗黎（唔記得睇佢嘅名牌），同我地講share嘢飲要收返正價。我地當然好奇怪點解佢會咁講，點知佢話見到我飲我個fd杯可樂，但問題係我完全無掂過個玻璃杯一下，一下都無。我地當然即刻否認，但係佢仲繼續話見到我「飲左一啖」，話要收返正價13蚊。喺我地多番據理力爭之下，佢見我地唔認，同時又攞唔出d咩證據證明我「飲左一啖」，最後晦氣咁講咗聲「下次唔好再飲啦」就一溜煙咁走咗入廚房。之後，我地成餐飯都無見過佢再出黎。試問一個非樓面職級嘅職員（未知是否店長），如何喺我目觀並無CCTV嘅用餐空間喺咁多張枱發現我「飲左一啖我個fd杯可樂」？何謂營商、待客之道？一個職員為咗區區13蚊生意額無恥誣陷客人嘅行為，足以敗掉薩莉亞10多年來扎根香港，建立嘅商譽。本來都覺得薩莉亞食品質素穩定，價格合理，因而三番

好耐冇食過薩莉亞所以呢日心血來潮就去食無論邊間分店 都係甘多人所以就特登11點半黎搵左位先12點前已經好多人等我地叫左周打海鮮湯呢個係我係呢到必叫既湯好濃郁 而且仲有料 唔會淨係得水仲要好平 真心抵嗌另外就叫左煙三文魚呢到啲三文魚唔算話超好食但勝在夠平 質素唔係太差值得一試仲有叫左雞翼黎到緊係要叫佢地既名物啦雞翼辣辣地 幾香口好好味仲有叫左我近來好鐘意既雞肉闊麵我真心覺得佢地既焗野比普通意粉好食芝士白汁濃郁 份量岩岩好 唔會多或少焗完之後芝士味香濃 仲有啲焦焦地 正！最後就試左佢地既新野呢個係脆脆蝦我覺得呢個有啲失色其他全部野黎到都係熱辣辣唯獨呢樣係凍左食得出炸左一段時間粉都有啲厚 冇咩蝦味雖然幾平 但我就覺得唔值得試啦薩莉亞平均質素都唔錯 對我黎講係可以食好多次既餐廳

呢間嘢食真係平嘅，不過樓面清潔欠佳！服務不太好，叫左野食好耐都未有，遲來既客都好快上湯及沙律問職員叫左餐仲未黎，問返我轉頭落左咩，咁即係冇落單啦！下次唔會再嚟食

之前同同學去食薩利亞都冇失望👍🏻琴晚同老豆去食更加啟發左個新石頭😂事先講明我老豆係石頭⛏嘴刁刁⚖️咁都可以啱佢食實在係very good👍🏻—🥢菜品🥢1. 肉醬多利亞🍝 $27每次都必食呢個意大利焗飯😋呢個焗飯比其他餐廳嘅要好食好多🤣調味好適中👐🏻唔會偏鹹或者太甜💦雖然份量唔太多🙈但係呢個價錢已經好抵👍🏻講返佢嘅味道🤪佢嘅口感好綿密非常creamy🧀食完之後都唔會覺得好膩😚2. 周打魚湯🐟$12呢個湯淨係試過一啖😳唔敢作出太詳細嘅評論🙈但係嗰一啖我已經覺得好飲🤣佢嘅味道唔會話好鹹😆而且都好creamy😚3. 白汁雞柳焗菠菜🐥呢個餸有驚喜🙊一食菠菜已經覺得好正🐽但係個雞肉就偏鹹🙈要不停飲水先可以解到個鹹味💦但係個菠菜整體都好好食👍🏻🤣4. 菇菌意粉😭個人唔鍾意食菇菌類嘅嘢食🙊所以冇食到呢個就唔評論啦⋯⋯5. 芝士焗薯角🧀呢個芝士嘅鹹味唔重😆但係配上薯角竟然有驚喜😆食落口個芝士好綿😚😚而且扯起仲有絲🤪正🤩🤩—🍻飲品🍻去薩莉亞都只有一個選擇😂就係佢個飲品吧💦🤣小童 $8 任飲🤣❤️成人 $13 任飲❤️價錢簡直冇得頂🤪雖然淨係有汽水同咖啡揀😛但係呢個價錢來講已經算係好抵😆—✉️題外話✉️呢間薩莉亞嘅衛

平時與友人喜歡去坑口南豐廣場的薩利亞分店，當那店結業後，我們便到將軍澳廣場的分店。與南豐店相比，此店地方較小，座位少很多， 人多了些就比較吵。 食物呢朋友就說比南豐店的好味。 服務及衛生我就覺得南豐店勝一籌。 試過按了幾次鐘都沒有人來給我們落單。至於衛生，曾見過水機上有些昆蟲屍體沒人清理! 。朋友卻不介意，仍然選擇來這裏，因為真的很平，很抵吃。近期來薩莉亞都是叫海草細切沙律，今次還叫了意大利菜湯 ，吃沙律前暖一暖胃。 可惜菜湯鹹了些，也不夠熱，達不到我想暖胃的效果。 沙律以這個價錢不只是用西生菜，還有其他沙律菜，幾粒車厘茄， 沙律醬也不吝嗇， 份量充足， 海草的份量也不少， 真的很抵吃，在其他地方仍未吃過這樣平的沙律。 對我來說只是不喜歡它太凍。

今晚同2个bb（6歲）一起去吃晚饭，虽然位置比较偏，但是人气十分旺，按飛，等佐20分鐘左右先入到去，叫咗一份意粉一份披薩同一份牛肉，對我哋一大倆細黎講，分量剛剛好，不會太飽，都夠夠哋吃咯，上菜速度十分迅速，非常好，服務生態度也很好。價格相宜。在將軍澳黎講可以話是一股清流。希望你們長做長有！