薩莉亞意式餐廳 (得寶商場)

營業中

休息中

同朋友諗住睇戲前食d 野，得一個鍾頭，快食快攪掂。朋友話自讀書後都無再係度食過，以前細個貪佢又平又抵食種類多又食得飽。平均一人100蚊到已經勁飽！叫左個周打硯湯， 都熱辣辣，入面有六粒硯肉，$12 絕對ok個沙律係賣相差左小小，不過係ok 既普通薯仔沙律。芝士磨姑pizza係新鮮整既，入口都rich 芝士味，溶住甘入口。蕃茄海鮮意粉味道普通，兩色青口有d "san", 我諗下次都係叫番d 普通意粉會比較好！説真的服務有d 差，不過哩個價錢就真係當快餐店要求！

平價美食薩莉亞大家都知道每到晚餐時間都非常多人排隊，今次平日夜晚黎到，只是等了10mins就入到。今次安排坐卡座，sofa坐得非常舒服。餐廳設飲品自助吧，方便客人。我同朋友都非常喜歡pizza，所以點左煙肉菠蘿薄餅，菠蘿酸酸甜甜，好開胃，薄餅底不會太厚，煎得很香。再點左一個野菌忌廉意大利粉，蘑菇香味撲鼻，意粉沾上忌廉粉，異常美味，而且意粉焗得岩岩好，有咬口。仲有一個肉醬白汁焗飯，攪拌之後，香氣四溢，忍唔住快快送入口。

從未見過一間餐廳衛生情況可以咁差，每次黎食都見到d碗碟痴滿油積，根本冇認真洗過，d枱又係唔會抹乾淨，次次都見到有人地食剩既野食冇抹走。堂堂一間連鎖餐廳，居然最基本既野都做唔好

a sudden and heavy rain ☔️ made me stay a while Wandering around The Italian restaurant is always a great hiding place inexpensive Various kinds of western dishes Light or rich Namely All kinds of everything I am a lover of baked food Spinach is also appreciated for Popeyes's fans a rich Cheap Healthy food 🥘 Only At this Italian cafeteria 25$

昨晚7個人本來到九龍灣得寶分店食晚飯，非繁忙時間，5點9開始等左9個字先入到去，以為想拍埋2人台比張8人台比我地所以要先等耐D，但原來入到去係喺另一邊4人卡位搭張2人枱，如果你一開始就識咁做我地唔會嘈，但等左8個字之後要一大班男仔坐得咁屈質有冇搞錯？之後我地見另一邊可以拍到4張2人枱，就同店員提出想轉位，但店員竟然叫我地同店長講，話佢地新黎唔敢出聲，ok, 我地過到果邊之後同店長講，果位一來就已經黑口黑面嘅店長同我地講只能安排6人枱比我地就行開左，但係我哋七個人呀點樣坐六人枱呀？ 佢串串貢話安排左原先個位，我地質問返明明一開始就可以有條件可以咁做，點解要我地等足9個字先比枱？ 佢就話總之只會安排6人枱比我地仲話一開始冇4人卡位+2人枱，我地咁多隻眼望住有位呀大佬！ 然後連續兩次眾目睽睽之下，問都唔問就拉開我地張枱，態度差到沒有更差！我地其實一坐底已經落單，你為左做夠出面等緊嘅8個人頭嘅生意，而得失緊7個已經點餐既客，真係咁做生意？本身只想見人少少又時候早，人多等都唔會好耐 ，點知最後等足9個字仲要受你個店長一肚氣？簡直不知所謂！ 我一世都唔會再踏入呢間完全冇服務質素可言既店！簡直受到前

本人日前到以上分店進食，如常咁叫左野食，一開始幫我點野既waiter都好好人好nice，咁就繼續慢慢食，無啦啦有個waiter衝過黎唔知講左句咩，跟住就比左第2張單我。我跟住心諗咩事想問下佢，但佢就好似刻意唔行過黎我張枱咁避開，永遠都係得其他waiter係隔離serve我，不過佢地既態度都好好。到最後我都唔記得左問番佢地張單加左咩，因為趕時間急急腳走左。所以我整體上都希望部份員工既態度可以好番啲。同埋睇到我食評既人如果有咩不滿都應該盡快提出，唔好好似我咁谷鬼氣。

今日收半晝遲左，同媽媽黎食午餐，已經接近3點，最近附近商場又開了分店，本身以為少左人，但人氣依然多，等左差唔多10張枱先到今次叫左3樣野，一意粉一pizza一沙律。如果要飲品就要加錢，除左冷熱水可以自取。自助形式，有需要就禁鐘仔，不過由於太多人，要等一陣先有人招呼。但上菜速度都算快。水牛芝士薄餅，要自己切，薄餅唔算厚，有d脆，芝士味夠。蕃茄煙肉意粉，一般般，蕃茄味濃，煙肉都多，意粉軟硬適中。反而最欣賞個雞絲沙律，雞絲配合個粉味道好出，菜又夠多又夠脆，加上薩莉亞獨有既沙律醬，混合一齊好惹味呀

薩莉亞一向受歡迎，每次去都要大排長龍。但因為價錢平，叫多幾樣都抵食所以就會照排🤣每次泥食我都會叫好多野食，呢度食物份量都算正常，選擇都越泥越多😊周打蜆肉湯：吾知點解每次點都係吾熱🤷‍♀️，不過都會想飲。哈蒜香法包：呢個好好食。烤得好香又軟。真係必點！甜蝦沙律：好食！蝦既分量又夠多，拌沙律醬夠清新好味魷魚🦑：呢個真係好平，一條又夠大條！平時出去食好貴，呢度平靚正！抵食香辣腸：又係好食！吾似平時腸仔，係脆皮腸，又係烤得好香，正黑松露意粉：嗅落好香，食落都有少少味既，一個人食份量岩岩好蘑菇汁意大利飯：反而覺得呢個麻麻，太濕同個菇味太重，有點奇怪牛扒：好咸，同煎到過火，係全熟，無牛味，吾好食

想信唔少人都認識呢間超抵食嘅意式餐廳，已經有一排冇食，又覺得佢幾好食喎，又抵食又大碟。今次叫左碟挪威三文魚，唔好以為平野就唔好，事實佢好新鮮又肥美，加上酸酸嘅檸檬汁，味道更加好。仲有人氣No.1嘅辣味雞翼，外表金黃，賣相吸引，非常香口，令人越食越上癮，最少要食8隻先夠。主菜叫左個墨魚汁意大利粉，意粉爽口，條條分明，味道不錯。墨魚汁亦很香，配合意大利粉亦很好。如果想平平地食餐西餐，大家不妨考慮下呢間餐廳啦!

是日一個人晚餐, 去左薩莉亞. 果度等位真係超恐怖, 基本上幾點都係要等.....一個人真係有啲唔想等...不過好彩今次等左一陣就有位. 見MENU 出左個新意粉 - 番茄海鮮意大利粉. 睇圖貌似唔錯, 於是就叫左. 仲叫左個挪威煙三文魚做前菜, $24 有咁多塊, 都算係咁啦~之前覺得薩莉亞啲野差左, 所以都冇黎一排. 但今日一食, 又覺得好返啲. 番茄海鮮意大利粉內有青口同魷魚, 與MENU 圖相近,  冇花假個番茄汁幾好味, 青口尚算肥美, 魷魚口感爽口, 都唔錯. 

價錢公道，質素也好！等位係多人啲，但又要平又要好食，仲想唔使等？有時去食啲大型店，價錢較貴既pizza都要等啦~不過呢間上菜快，人流都快~水牛芝士pizza，好好好味，芝士味香濃，簿餅鬆脆，正辣味雞翼，有4隻和8隻，分別係17和32蚊較辣蒜汁燒魷魚，鐵板上，好腍身唔會話咬到牙骹軟，不過個汁較鹹，但28元大大隻好抵囉！ 黑松露野菌忌廉意粉，好香好好食！又足料算大碟，食完後朋友還買了這個外賣做第二天午餐！最後一個卡邦尼忌廉意粉，我比較喜歡黑松露那個，這個太黏口，不過也不錯！另外還有12元任飲水吧，有汽水、咖啡、朱古力飲品，汽水機出來的，一般啦，而且得百事，無可樂。但總括來講，呢間真係平靚正，良心餐廳，會多啲來幫襯

星期六lunch想食西餐，平平地去左薩莉亞食。但這裡永遠都要等枱，今次都要等40mins, 可能這裡價廉物美，性價比高。例牌會叫煙肉菠蘿薄餅、野菌忌廉意大利粉、辣味雞翼。這三款食物味道很好，最like 全部都熱辣辣上枱，特別好味！今次試了新菜，有脆焗香味雞球，味道很好，咬落唔乾身。仲平平地叫左蒜香法包、意大利菜湯、粟米忌廉湯。蒜香法包看落很香口，可惜食落沒有蒜香味，有些失望。係這𥚃食到幾飽都很化算，經濟實惠！

平價之選平民午餐，12:00pm呢個時段去食，等左一陣就有位啦，都算快；之前試過7:00pm左右去食，等左差不多60分鐘先有位，呢間野長期滿位；落單快，黎野食都快，有好有壞，因為啲野食好快凍曬；免收加一服務費感覺好似平左

是日放假喺九龍灣唔知食乜好，就求其嚟咗呢間食，已經好耐冇食過呢間嘢。因為嚟到已經2點幾3點所以等位都係半小時內嘅事。一入到去張枱係唔乾淨的，叫咗幾次先有個侍應幫我哋哋抹返乾淨。然後揀好想落單㩒咗好多次鐘都冇人嚟幫手，起碼等咗10分鐘以上個企門口嘅經理先睇唔過眼嚟幫我哋落單，全程見部分侍應都好得閒喺後半場行行企企。今次嚟見menu更新咗叫咗個周打蜆湯同沙律做頭盤，沙律不過不失，湯份量略嫌有點少，味道都ok呢個就係新品，有隻半熟蛋喺意粉上面，有啲煙肉，食落都ok唔會覺得好膩。然後就係呢個黑松露意粉，好似都係新出咗一排，黑松露味唔係幾夠，個汁有少少cream，食晒成碟會覺得有啲膩，不過30幾一個咁嘅意粉算係咁。最後叫咗個雞肉鐵板，粟米好甜，應該係罐頭嗰種，雞肉平平穩穩冇話好嫩亦唔會好“鞋”，整體嚟講呢碟嘢都一般。

差唔多到月尾，又係時候食平DD。去德福廣場行完街，就行去得寶商場「薩莉亞」食超抵嘅意式快餐。CP值高，所以每次嚟到，都會見到長長人龍。原本想喺度堂食，點知撳咗張飛出嚟，見號碼太後，要等好耐，所以決定外賣 。款式選擇都好多，仲好抵。雞肉多利亞 $29 + $1 (外賣)每次嚟到必點~ 係我至愛。雞肉粒鋪喺飯上面，再拎去焗至金黃色。雞肉唔乾，白汁份量仲好慷慨，每一啖飯都食到白汁，好 creamy，但食晒又唔會覺得好膩。雞肉粗管麵 $29 + $1 (外賣)見有新菜式推出，就叫嚟試試。原來味道同雞肉多利亞一樣，只係飯轉左做粗管麵，同樣做得唔錯。水牛芝士薄餅 $29 + $1 (外賣)薄餅有6件，出去超市買，都唔止呢個價，所以好抵食~薄餅底好脆口，水牛芝士味道香濃，好食。