薩莉亞意式餐廳 (得寶商場)

營業中

休息中

薩利亞煙三文魚佢一份煙鏟三文魚，佢經歷左無數風雨，到最後游到碟上邊，灑過一層橄欖油，就好似一個肌肉男喺沙灘度搽咗啲黑鬼油，中間加啲沙律菜，幫個肌肉男插把遮，鍾意嘅話再灑少少檸檬汁，用陽光嘅汁液射上佢塊面度，成件事好刺激，一入到口首先就係煙三文魚嘅重煙熏味，之後之後做到橄油香，到最後就係三文魚香。相信我你會迷戀佢🙈

薩莉亞晚晚都好多人, 無他 ! 因為價錢真係抵, 食物質素也正常, 而且又不用加一, 好吸引街坊, 中學生們去食。所以每到星期五,六,日真係好多人, 今晚再次去九龍灣得寶商場搵朋友食飯, 朋友住得寶, 可以早些去拎位。去到該店, 真係盡情ORDER都唔會肉赤, 因為價錢真係幾平, 見到終於換左新餐牌, 之前個本餐牌, 好油黏黏, 感覺好污穢。睇晒餐牌我地叫左以下 :周打海鮮湯 $10椒鹽焗大蝦 $24水牛芝士簿餅 $29菠菜煙肉辣汁意粉 $29菠菜三文魚意粉 $32店舖雖然多座位, 感覺無上次咁嘈, 我地無要飲品, 自已出去加熱水, 網上話佢地的杯好油, 我又唔覺得, 用之前咪用熱水沖一沖, 再用紙抺下都無問題。 周打海鮮湯 $10份量少得可憐, 看圖便見到連匙一半份量也沒有, 明白可能價錢太便宜的關係。材料唔算多, 食到少少魷魚,蜆肉。以$10價錢是可以接受椒鹽焗大蝦 $24共有6隻蝦, SIZE唔算係大蝦。蝦表面用椒鹽焗所以惹味, 但咬落去就無蝦味, 應該係急凍蝦, 味道麻麻 !水牛芝士簿餅 $29中意芝士的可以一試, 芝士味濃, 而且新鮮出爐。好快能夠 KO晒菠菜煙肉辣汁意粉 $

都有一排冇食呢間餐廳，但都係一貫多人，加上因為係mothers day，所以相信仲人多左。最後等左約50min，睇睇餐牌，有驚喜，多左一兩樣新野，例如果隻鐵板大蝦真係之前未見過。所以都叫左嚟食，但係係勁！失！望！因為隻蝦一啲都唔大，大約係無名指咁長啦，真係勁唔抵！反而果啲鐵板蜆，香腸，pizza都有保證，難食有限！不過今次，竟然望到牆上面有兩隻小強，好恐怖，雖然係喺隔離檯，但諗諗下如果食食下跌左落嚟都幾得人驚，衛生情況真係有待改善。

今日自己一個食飯，所以決定頹頹地食著名平價西餐廳 薩利亞。相信好多人都好熟悉呢間餐廳，我個人覺得佢地既小食仲好食過啲主菜。餐牌就唔多影啦，個個都好了解佢地有啲咩食。我今次叫左一個主菜兩個小食。第一樣係雞肉多莉亞。雞肉焗到有啲乾，醬汁有啲creamy 過頭變得膩，不過不失吧。之後係我本人既最愛-煙肉配薯角！薯角焗得岩岩好，煙肉都好入味，落埋芝士粉簡直係perfect match。三文魚沙律 係正常既口味。啲芝麻醬撈埋沙律菜真係好好味呀，份量好夠。雖然唔係特別好味，但呢個價錢呢種質素已經合格有餘啦

門口帶位一口氣叫咗二十個號碼，都未俾人有機會反應就話你個號碼已經過咗超過三個 唔俾入，等個幾鐘結果唔俾入，未見過啲咁嘅服務態度，牛頭角德寶薩利亞 永久黑名單....

1. 第一碟黎既係雞翼，雞翼來講好難煮得難食，上枱熱辣辣 已經合格2. 然後就係每次嚟到都會叫嘅墨魚汁意粉，最鍾意佢裏面有好多墨魚圈同埋好濃嘅蒜蓉味3. 蒜汁燒墨魚一啲都唔un，值得讚嘅係擺喺鐵板上面燒亦都唔會太乾，一樣咁多汁4.羊架既肉比我想像中好有肉味，亦好有質感，美中不足嘅係冇安排到醬汁可以伴到羊肉，唯有點辣椒仔

最近換季，衣服買多了，錢包瘦了，都不敢再花大錢了！想大飲大食又想省，第一個選擇就是薩莉亞了雞翼點了8隻以後再追加8隻，辣味雞翼是絕對必點的。絕對程度有如吃壽司必點三文魚一樣！熱辣辣，辣得起勁，真的覺得一個人來也應該點8隻羅勒墨魚仔，第一次點的，很開胃的適合當前菜吃。羅勒醬很「杰」，香草味非常突出，就是一小碟有點小。芝士三文魚塊，$19像薯餅一樣的外型，點酸醬一起吃。咬到中間發現芝士芳蹤，雖然沒有吃到三文魚香味，但還是很香口的小食。地中海海鮮焗飯，一向水準穩定的今天有點失準了，飯焦太多太硬，咬都有點吃力。今天的白汁雞肉菠菜焗得有點鬆散，口感不及紅磡店吃過的好。不過芝士味相當充足，咸香適中，味覺的一大滿足。下午茶時段來吃，人客不會太滿，可以吃完一輪再一輪，慢慢享受。當然最大重點還是便宜。

星期日想平平地食西餐，所以與朋友決定吃薩莉亞。想不到連下午時段也要等位，不過為了平吃，我們也要等！過了七張枱終了有了，安排了一個較逼的卡位但無辦法啦。薩莉亞必點的當然是辣味雞翼，$32 八隻，好味又抵食。雖然說是辣味雞翼，但辣味不是很重，雞翼肉汁多，入味。前菜也選了這個羅勒墨魚仔，第一次點這個前菜，原來是個冷盤。賣相不算討好，羅勒醬汁黏黏的，有點奇怪。吃下去就有股熟悉的感覺，像是街頭的冷麵，比起想像中的好，但我不會再點。芝士三文魚塊好吸引，咬開入面啖啖芝士，但三文魚味被蓋過，不過不失，但喜歡芝士的朋友可以一試。叫了兩個飯，第一個是地中海海鮮焗飯，這個飯是我每次到薩莉亞都叫的，有點像西班牙海鮮飯。我真的要說！！這次的飯是完全失準，飯像是米的一樣乾，半生半熟，是中間有沾上醬汁的較正常，／可能是假期很多客，失了準吧。飯粒十分乾。另一個飯是雞肉多莉亞，相比起海鮮焗飯，這個雞肉多莉亞就好吃得多。這是白汁飯，整個飯充滿忌廉，雞肉應該有預先炒過，十分香！ 飯粒不會很乾，可能醬汁比較多，香濃可口。 其實薩莉亞的意大利粉也做的十分不錯，煮到al dente 的質感，忌廉煙肉配合青醬味道清新不會過膩。 P

在意大利薩利亞想連以前自以為慳家的在下也認為十分 “慳皮"因為4只雞翅只17元若選任飲12蚊見下午茶時間一個西湯只要10元辣味雞翅不錯吃得辣的，好辛辣一個周打海鮮湯內含薯仔粒蘿蔔虾仔些小魚魷魚西芹覺得不能苛求了10元8塊小小雞翅比任飲還便宜2塊！餐廳一下午27塊消磨永晝了！ps還有冷熱水免費

今日無所事事，晚餐又想平平地，又唔想茶記，突然記得德寶有佢。水牛芝士比薩，自命芝士控的我，又點會錯過呢一個pizza。咁嘅價錢，都唔會太大要求，個餅底很普通，不過材料上，就冇慳家。水牛芝士加上pizza的芝士，係有厚度，芝士香，餅底軟，熱辣辣。肉醬焗意式鷄肉雲吞，面層是厚厚的蕃茄肉醬，加上芝士焗，熱騰騰的上枱，價勝比絕對贏晒。

每次經過薩莉亞的門口都要是滿著等候入座的人，今日五點多，有點肚餓，看到不需等候太久，所以就去試試！串燒帆立貝一碟四串，每串三粒，內裡有迷你帆立貝，沾上拌醬，提升了帆立貝味道！肉醬焗意式雞肉雲吞面層舖滿自家製肉醬、香濃蕃茄醬及芝士，雞肉香草雲吞連同肉醬一起入口，味道也不錯！水牛芝士比薩 上枱熱騰騰，原個Pizza 自己切，簡簡單單一個芝士Pizza，拎起一塊時，就睇到芝士的厚度，這個價格有著這樣的水準，已經很不錯！墨魚汁意大利粉 墨魚汁不算很均勻地掛滿在條意粉及墨魚圈上，意粉的軟硬度尚可，墨魚汁味道調得剛剛不錯，還有著蒜香味，不錯！這個價格，這個水準，兩個人的晚餐都是 $109，絶對是平民意大利菜的好選擇！

星期六又係同啲姨甥去食野既時候，薩利亞好多分店嘅，間間都係多人等位今次去到得寶商場呢間，又係佢地揀既。中午去所以都頂得幾耐有位啦咁呢我哋都係叫返自己鍾意食嘅小朋友好鍾意食多利亞，咁就叫咗個雞肉多利亞同埋鮮蝦多利亞，我就鍾意食呢度嘅墨汁麵嘅，小朋友媽咪呢就鍾意食蒜蓉包同埋叫咗個鐵板雞仲有三重芝士pizza。我之前冇食過多利亞嘅原來都幾好味（牛油牛奶芝士白汁煮嘅飯就叫多利亞？）超多汁嘅飯，蝦肉同雞肉都係一樣味既，墨汁麵依然係好味👍🏻，佢係用真係墨汁煮既唔係淨係個面黑色果種，唔係好多地方有得食。小朋友就唔識欣賞嗰種深度既味道，但係就覺得搞笑因為啲牙黑晒😁三重芝士pizza芝士味好濃仲有得拉絲嘅，鐵板雞就普普通通，蒜蓉包都好味不過得一舊，小朋友叫任飲汽水就真係無敵價啦，好抵只係大人嘅半價，我都唔執輸＄12起碼飲番幾杯先啦。

雖然心情佳時會喝咖啡是文青但有時太過熱心我意思指有時我害怕友好有好野唔知^訂^例如正常餐廳裝修好干淨任何時間歡迎客人12蚊任飲任坐真的我今天特地問接待員可以淨飲嗎？可以就這樣我用12港幣一直飲我好飲得!mocha hot薩利亞plaincoffee難是難飲一些但我不會浪費一定飲光如果不是太趕也會叫2，30元小吃但我想見證這邊真是12元全君飲盡茶芒果味煎茶其他生果,,....一4，5種咖啡熱朱古力！

約朋友交收兼食埋飯, 兩個人又無咩idea想食咩, 見到呢到有分店, 唔諗啦................, 就呢間啦!朋友係鷄翼控, 二話不說就要叫鷄翼, 咁確實呢度既鷄翼又幾好味既, 皮香肉嫩, 有少少辣但朋友再另外加辣椒仔, 佢話辣D仲好味喎! 呢8隻好快被我地KO晒!主菜叫左呢款水牛芝士薄餅, 材料就只係水牛芝士, 簡簡單單就食到香軟芝士味, 熱辣辣上枱, 拉開就見到芝十, 一人半個, 份量岩岩好!仲有空位食埋呢個菠菜三文魚意粉, 有幾片薄切三文魚, 味道頗咸, 用黎送意粉食就唔錯, 面頭灑上芝十粉, 撈勻一齊食令意粉更加香, 質數一D都唔差!侍應落單及上菜速度快, 又唔收加一, 價錢親民, 食物水準又OK, 要等位都值既!

星期六朝早出左街，林住返屋企食晏，但又唔想食杯麵，所以渣車去左德寶商場睇下有咩食,去到地下個層好似foodcourt既地方，冇咩岩食，所以上左一層既薩莉亞，好彩唔使等好耐，5-10分鐘就入左去。之後叫左個肉醬意粉，鐵板牛排同煙肉菠菜。肉醬意粉味道ok,肉醬唔會少到撈唔到，不過本人鐘意食林d既意粉，佢既意粉偏硬左少少，不過唔太差😄佢個牛排幾好味，好入味，又唔會過熟，不過有點靭，但以$47有依個質數，ok呢！煙肉菠菜本人覺得味道比較淡，但你可以話健康d,冇咁多味精😝黎到薩莉亞最抵就係佢地既$12任飲，所以次次黎到，我都會選擇任飲，你鐘意飲咩都得，飲幾多杯又得😁