薩莉亞意式餐廳 (得寶商場)

營業中

休息中

由於6點pm 就去到 餐廳人數較少 無需等位多次光顧 所以一早念好食咩 叫左 雞肉多利亞-->飯中首選 個人偏愛 濃味 多汁食物煙肉青醬意粉 --->好味 醬汁恰到好處甜蝦沙律---> 好多醬 蝦雖小 但對應價錢絕對合理蕃茄海鮮意粉-->友人 至愛 味道不錯雞翼---> spicy 幾惹味 但怕辣人士 不宜食 另外 加12元 有任飲 但我地冇加到因為感覺唔抵 講真 食埋d 野 都飽啦 飲得幾多杯餐廳不設加一服務費 明碼實價好啦 重點黎啦...... 服務態度 一個字形容 差兩個字形容 惡劣十分同意某位食評家所說 一開始講過 多次光顧 起初 第一次親臨該店 員工服務態度 佳 食物平 正隨後 多次光顧 只見服務態度 每況愈下 但食物保持水準近來 更減少到訪 因為多次受氣 起初只是 普通員工 態度差 但數日前 再度光顧 竟然連「 黑色衣服」 的員工 也受同化 由於 有一位友人未到 因此 我地只好食住等 等左3個字左右 就黎到 之後再洛單 係果個 黑3 員工 再次同我地洛 洛完 根住我聽到門口 有客人話 點解咁耐都未有位 我好奇望下 竟然見到 黑3 員工

呢間野都幾多國家有得食，係內地食，d料好足，而且又平，味道係幾好。今次九龍灣見到，就入去小試一下，叫左個中華沙律食，味道幾好，而且分量好足，非常抵食!另外叫左個三文魚沙律，個三文魚應該係煙三文魚黎既，好香好好味，蔬菜方面都好新鮮，都幾甜。不過真係好多人等位

2人6點多到達~完全不用等位~之前都光顧過數次~覺得食物都不錯另外加了2人的飲品吧~有茶,汽水,咖啡,選擇蠻多的蒜汁燒魷魚-原隻燒魷魚加上蒜汁,好好味~而且魷魚很淋~墨魚汁意粉-墨魚味濃,不過入面的墨魚會較硬~而且墨魚汁是有點腥,未必人人都喜歡甜蝦沙律-甜蝦份量好像比以前少了><,但仍然好味,菜和車厘茄都新鮮肉醬焗雞肉雲吞-肉醬和芝士配合得很好~味道濃,而且有Cream,很香~雲吞配上肉醬好味~喜歡食千層肉醬闊麵的朋友不要錯過~味道其實很相似~

已經有好多朋友試過Saizeriya，今日終於有機會黎朋友食個tea朋友提議食下午茶，不過我仲未食晏，所以叫左好多野食，我地分別叫左一個set，一個意粉同飯，而且有得任飲飲品既種類好多，百事﹑檸茶﹑美綠等等，我仲一總飲左三杯，檸茶係紙包飲品味，百事可樂得個甜字，唔好試！美綠就唔錯啦，可以一戰周圍既環境都幾好，都見到有好多後生仔女黎食野，呢到食野真係好平！卡邦拿煙肉意大利粉（呢個意粉好濃芝士味，味道唔錯，不過食完有啲濟，同埋較濃味，意粉偏硬，份量足夠！）雞肉多利亞（朋友之前以為係薄餅，點知係飯，不過佢話好食，所以今次再叫返佢！）辣味雞翼（十六蚊四隻，有啲細隻，不過味道唔錯）飲品洋蔥蒜蓉焗青口（廿一蚊，有咬口同埋鮮味）蒜蓉焗田螺（廿三蚊，肉質好淋，唔太喜歡，仲要有勁多油）呢一間，平既價錢，一般既水準，有無下次？暫時無呢個興趣啦！

九龍灣真系好多好野食lol其實之前已經上過openrice睇呢間餐廳既食評 見到有好多人都話幾平 食到好飽都系$100幾 我地又見而加月尾 所以諗住平平地食個lunch。我地大約11：45去到餐廳 其實一去到商場上電梯左邊就見到 一d都吾難搵架。餐廳入面有好多都系卡位 其實卡位好舒服架 好似有自己既空間甘 我地見有幾張無人好快就坐低左喇。menu好簡單 大大張食物圖下面就寫住名同價錢 甘樣好易揀 更清楚大約系咩泥。大部份既pizza飯意粉都系$25-$35 仲有好多小食 您可以自由配搭 中意叫咩就叫咩 如果+$12就可以任飲野飲 凍水熱水免費：P薯角焗完吾會仲好硬 加埋芝士汁同煙肉幾香 而加都吾熱氣 幾好：Dpizza抵到爛aoa 8吋大大個 仲有好多雞粒 一d都無偷工減料。不過呢個pizza比較稔既 如果中意食脆卜卜果d就吾岩喇〜意粉好好味 菠菜吾會蓋過左意粉既味道 而且意粉好入味 煙三文魚都系有醃過 質素好過好多出面既普通餐廳 同埋都幾大碟架。但系飯就麻麻 因為佢真系好多醬 雖然味道好香好濃 但系d飯太濕 食落口有少少冷飯甘 不過味道好好架：P除左個飯扣左少少分 其實都好好既 仲要

計劃好再到這裡用餐，餐前抵受不了麥記薯條的香氣先享用了個套餐，再到這裡吃晚餐～胖死了挪威煙三文魚 ﹝$23﹞這次的乾了點，要加上檸檬汁才好吃水牛芝士比薩 ﹝$29﹞起士味道不算濃郁，普普通通我還是比較愛Paisano's 的比薩多點～雖然起士還蠻厚的，但味道很淡撒了起士粉後會比較好肉醬多利亞 ﹝$25﹞朋友推薦的～果然不錯只是飯的份量有點少，但味道很棒這餐埋單$77，不過有點小空虛所以用完餐後，還買了不少的壽司回家當宵夜～

幾日前去左九龍灣薩莉亞分店食野，點知遭受到非常「好」既遭遇。一開始叫野食既，個男waiter要求我大聲清楚將食物名稱一字不漏地讀出黎，我都覺得無問題。D野食上得好快，吾洗幾分鐘就上哂所有野食。開始食野啦，我同幾個朋友食果碟野仲有2啖飯，突然有個男waiter走埋黎，（飛快地）收左我地碟野，問都無問過我地仲要吾要就收左。吾知點解差吾多次次收碟都係佢，第二次佢飛快地收碟既時候，整跌左我朋友餐具，佢無講對吾住就咁汁番起個餐具就走左。我同d朋友完全地呆哂，佢收走左個餐具又無拎番個乾淨既餐具比我朋友。要自己出去拎。依間餐廳規定每張枱既進食時間係90分鐘。當我同班朋友食左50零分鐘既時候，禁叮多叫個小食，已經比個waiter 怒啤。為左吾想破壞氣氛，算了。到左60分鐘啦，前後分別有2個waiter走埋黎提醒我地已經last order，之後吾可以再加叫野食。同一班朋友食飯當然會傾下計，食緊個小菜既時候，有個男waiter 吾知有心定無意地係我地張枱行黎行去幾次，極度比壓力我地。我地都打算食埋就走，到左係73-75分鐘既時候，個男waiter走過黎企定定吾郁，我朋友即刻食埋最後個啖，點知一食完佢立馬

係淘大睇完戲之後經細佬介紹就行左過得寶搵食點知原來係薩莉亞話說薩莉亞我之前係內地食過N次所以我唔係抱好大既期望 ORZ不過  事實証明原來香港既質素係好過內地分店 =]但價錢比內地貴一倍左右所以價錢完全係合理地平  :3雞翼可以話係我既至愛去到邊都係必點咁濟 哈哈~本身諗住30蚊8隻應該唔會話太好食但係依個真係above my expectationD雞翼好嫩滑 唔錯唔錯依個我覺得一般可能係D芝士有點"留"7蚊貨仔果然冇乜特別~普通西生菜 + 千島醬當菜食都OK既但唔好祈望會好好食囉=00=9蚊一大碟   絕對係超值!!!!係百X.惠X都未必買到咁平何況係餐廳 XD個人覺得不錯 不過媽媽話焗得唔夠乾身炒飯底 再加茄汁成個飯都好開胃海鮮既份量都算OK依個D味重手得濟....最後食甜品~見佢依家做緊推廣買2送1 即係28蚊3杯  ;)

平日我都好鍾意同朋友一齊去哩間野食，因為見野食都唔錯，價錢又合理，但唔知係咪哩排請多左暑期工，雖然野食既水準都係咁上下，但係服務就好令人失望。坐低左揀好左野食，咁就禁鐘叫WAITER過泥。我有個朋友無聊禁多左幾下，洗左佢地顯示板。咁係我地唔岩，我都諗住陣間等個WAITER過到泥之後幫我個朋友同佢地SAY番SORRY。點知係等緊WAITER過泥既時候，其中一個WAITER望住我，跟住同我講「X你老X」。我當堂就即刻好慶 : 你無野呀! 我同朋友食餐飯都要俾你問候我家母?本來臨住叫幫我寫單個waiter叫罵我o個個waiter泥罵。但係因為我同朋友食緊野，唔想影響個mood，所以收尾我都算數。到個waiter個泥寫單。叫好哂之後有個朋友三心兩意想轉野食，叫佢改。點知個waiter 話:「唔該諗好先一次過叫呀」。成枱人即刻面色變哂，一齊望住個waiter，個waiter都知道自己唔係路，低頭寫左單一陣就走左。到埋單既時候，我地就同個收銀講唔該分開一個個餐咁俾。點知個收銀望住部機一陣，跟住就拋低一句:「唔得喎!」我有個朋友唔抵得，就話:「之前我地成日泥都得架喎!」點知個收銀答番:「由今日開始唔

凱撒沙律唔錯，蔬菜新鮮，價錢又平、抵食。 墨魚汁意粉:墨魚少左d，同埋咸左d。 pizza都ok。 加$12元，仲可以任飲，很多選擇，其中朱古力咖啡唔錯。下次經開會再幫襯。

七點幾到見勁多人，都估到要等好耐，其實呢間餐廳有無邊日係唔使排隊等位？不過一間咁多人食嘅餐廳係開飯居然只有八個食評，可能係因為呢間分店比較新開掛。玩左陣電話都係未見起色，落去樓下超市shopping先，返黎等多陣就有位了，好肚餓哦。辣味雞亦 $16友人最愛，少少辣，雞亦juicy，真係幾好味喎。鐵板黑椒汁牛扒 $42鐵板都咁快到嘅，整定？但好夠熱。牛扒五成熟，好有牛味。伴碟嘅粟米有牛油調味，又甜又鹹，好正。至於薯角，一般大眾貨式，無乜特別咁囉。蒜蓉焗田螺 $23又係友人至愛，田螺比大量蒜蓉蓋住係焗，好香口，不過好油。本人比較like啲蒜蓉多過田螺。水牛芝士比薩 $29本人一向大愛芝士，梗係要叫呢樣試下啦。芝士味好濃，正呀。pizza比較像麵包，並不太硬身，口感唔錯。煙三文魚沙律 $24有三文四片，火箭菜，生菜，紅椰菜，蕃茄等，好fresh。少許日式沙律醬，甜甜酸酸又帶少少鹹，無蓋過蔬菜本身嘅鮮味。加幾蚊可以去自助水吧無限添飲，其實好抵，不過對飲野麻麻，喝水已經夠了。叫到成枱係都係百幾蚊，仲無加一服務費，超抵食。唔怪得係面書一打卡，個個都係留言平靚正啦。

由於腳傷的關係，想找個地方坐坐，難得這餐廳並未有太多人（平時門口常大排長龍），於是入內試試。之前的午餐還未消化，所以只叫了一杯雪糕同兩杯任飲。由於首次光顧，唔知規矩，便問其中一個男職員，“係咪自己出去攞杯就得？‘男職員答” 當然“，然後急步行開。好簡潔的回答，好特別的服務，真係前所未見， 給嚇得目定口呆！餐廳給我的印象並不太乾淨，有一隻隻昆蟲飛來飛去，大部份職員都是較年青的，給人的感覺似在嬉戲多於似返緊工。經過今次的經歴， 相信都唔會再有下次了！

等了女朋友仔好久, 都八時許, 應該沒那麼多人結果等了兩張便到一個湯很多洋荵很多mushroom, 我不太喜一個辣肉腸pizza還是熱吃較佳不知哪來的辣肉腸? 又不像pepperoni 那麽大塊, 就像是平常的香腸般, 但略帶微辣, 還可以餅底不太美味, 和麵包店的麵包沒分別焗飯都是每次都要吃, 其實間間都差不多薄薄的飯, 加層奶奶的醬, 伴些肉醬一起吃, 美味首次點了鐵板, 洋荵雞扒端來的是又大又厚又肥美的雞扒上面密舖洋荵蒜粒熱熱的吃, 一流, 雞油配上乾荵, 絕頂旁邊的少年則大煞風景6人, 其中有人拿著ipad 之類電子產品, 與對話的好友來個視像對話不停在說有什麼吃什麼喝, 高談闊論拍到我們, 不是感到不好意思, 還要有點揶揄的取笑我們這, 明顯就是年輕, 90後一輩的自大狂妄, 目中無人吧 (並無對90後帶有標籤意味)

經朋友推介，話响九龍灣得寶商場裝修後，有間意式餐廳好抵食，仲要係好大眾化。重點推介係個下午茶。朋友講到咁緊要，過通一定要試一試啦。原來呢間餐廳响商場裡面，唔係之前有人通知，都唔知道呢到有關意大利餐廳。睇下個門口餐牌，原來主要都係食批pizza 同意粉為主。店舖好多都係自助式經營。坐低左點左一個PIZZA飲品肥餐，同埋加左一個餐湯。除左PIZZA外，原來仲有好多食物去選擇，品種都唔少。除左PIZZA，飲品可以任飲，呢個真係好驚喜，有汽水，有咖啡任飲，仲要係自助COUNTER型式，十分抵飲個忌廉湯和PIZZA都同一時間到，雖然份量唔係好多，但係以一個下午茶餐來講，真係好抵。個PIZZA都好足料，菠蘿和火腿都夠份量，而且個批都好夠熱，味道都不錯。食完個PIZZA，仲可以坐多一陣，飲多幾杯飲品，嘆個下午茶，冇加一，真係好抵食。

雞翼好食, 焗得剛剛好, 入面幾juice, 我從來都好怕同唔食入面有紅色的, 但佢真係剛好無, 幾嫩滑, 多士大件但唔係次次都好味, 我第一次食果陣又鬆脆, 又軟熟, d 蒜蓉好好味, 但第二次時無咁軟熟之餘, 個蒜蓉麻麻地怪怪地形容唔到, 鐵板嘅食品都幾好, 雞扒果種同漢堡扒果種都夠味, 唔太鹹又唔太淡, pizza一般啦, 要揀d有菠蘿之類嘅先會無咁乾身, 但都還可以接受, 不過咁嘅價錢仲想點, 算抵架啦~~服務算係咁, 一撳鐘就有人黎, 都唔係等好耐啫...其實呀helen^^ 你話d人遊魂, 要捉住d人黎落單, 其實遊魂果個係咪你呀??每張枱有個掣比你撳, 舖中間旁邊幅牆有個電子牌, 有show到客人撳鐘枱號嘅次序, 佢地見到就會順次序黎搵你架啦喎...