薩莉亞意式餐廳 (已搬遷) 新店位置

與其在家裡洗碗煮食，不如到這間好評如潮的地方吃東西。叫左最出名既田螺（佢既蒜頭牛油汁完全搶晒D味道，田螺個野味唔算重，六粒真係前菜Size)；之後有白汁雜菌甜蝦意粉（白汁唔夠惹味但都合格，之後將上碟既汁放入去，個味道升晒呢，蝦都爽既，呢個好緊要）之後我又將剩低既白汁放落D煙肉炒菠菜度(煙肉唔算帶到味，菠菜亦有少少老態)，咦，又幾好食Wor@@"對於飲品Bar，我只飲左一杯美祿同兩杯「甜味」檸檬茶，前者勁好飲@@"埋單七十幾蚊，細細碟，Arm想食唔同野既人食，但唔好預算佢好精品囉~

一向都好鐘意同朋友黎呢度食飯,可惜出名之後就好似越做做差墨汁意粉--少左好多汁,特登每次都叫多汁都仲係好少 以前多汁到每條意粉都係黑色,但宜家完全做唔到,不過味道仲ok~墨魚都多左菠菜三文魚意粉,卡邦尼意粉--頭幾次食仲幾好食~~不過唔知係咪煮得唔夠熱..d芝士粉唔溶..食落口一粒粒咁好粉好難食><海鮮pizza,唔錯幾好食,不過分件分得唔太好仲有13蚊任飲既drink bar因為實在太多人,d staff個個都好忙咁叫好耐先有時間serve客不過廿幾蚊意粉呢個價錢仲係好抵食希望餐廳改善上可以上返以前既水準

上次來過Saizeriya食後，四月飛日本住新宿見到Saizeriya的本店，本身識丁點日文所以都知點讀呢間野個名，呢間野的本店好多OL但可惜佢有樣野唔啱我— 全店喫煙! 所以都係HK好，non-smoking! 不過返港迄今才醒起再來呢間野食飯。當然唔會再比機會食甜品-- 上次中哂計，all cakes太難食了! Spicy Chicken $16: 頗惹味，好抵好像街頭小食 。Spicy Sausage $16: 很幼頗乾身，似hotdog sausage，味道一般，薯仔角OK。Seafood Pizza $32: 較fresh，味道OK，不太膩。Spaghetti NERO DI SEPPIA $26: feeling of GUAM partially come back!!!!! 成世人食過最好的墨魚汁麵係係美國關島(GUAM)! 仲記得GUAM的墨魚汁麵勁大碗是完全深黑色分不出汁與麵，食到口、牙、咀旁都全黑了但是非常非常滿足! 恨不得把它take away返HK。之後在HK再怎樣搵也搵唔到那種味道! But this time at Saizeriya，若say GUAM'

我又要講個句.神的奇妙之處,就是世界難找二件物件完全相同.我記得上次去天水圍店食.地方細,環境嘈.我仲話3個員工.就可以為50個人客服務,是該店可以推出平價食物主要原因..今次到荃灣分店,環境大左1倍.員工又多1倍,仲環境寧靜.絕對係傾計的好地方,不過上次在天水圍分店2個人只吃了58元,今次在荃灣2個人吃了102元...這次絕不是跳樓價.2間分店最大的不同係價錢...上次我在餐牌上難以找到一樣食物40元以上.今次輕易找到...而服務我都覺得一般.就算開口問店員問題..店員都不願意答....點的食物如下:首先講飲品.呢間店最大的特色.8元任飲.以我的記憶.我記得有多種選擇5款以上的茶包.多款百事汽水.幾種咖啡.牛奶,朱古力,同齋啡等...仲有熱美祿.當然仲有冷熱水,和天水圍店有同一個問題.熱水同冷水分別不大....海鮮炒飯.上次我叫意粉,應該乾身..就濕到好似湯.呢次我叫飯,吃每一口的感覺都是超硬.幸好飯的表面有蕃茄汁.同超硬的飯混合.總算入到口..所謂海鮮,都係硬到似咬模型咁..係咪想考我呢位老人家的牙力?難怪此店有一種飯係似湯飯咁,完全濕身.下一次我要試下.是什麼味道pizza我試左

大大話話已經幫襯左佢好多次既Saizeriya, 幫襯原因好簡單, 因為貪佢夠平。不嬲都知道佢D野食係一早整定晒, 有人叫就去焗。還記得第一次幫襯既時候係年頭, 水準都仲有係度。唔知係唔係出名之後, 多人左去食, 就愈做愈差。食物完全冇晒水準。得過且過。PIZZA , 不嬲都覺得佢PIZZA如果D 芝士再熱D, 融D會仲正。一凍左就痴埋晒 ~ 意粉, 尚算KEEP到, 有口感, 彈牙~ 香辣腸, 我真係呢個愈食愈失望。因為佢焗到好乾。以前都唔係咁既... 至少連D配菜都愈焗愈乾, 好似食柴皮咁.. 雞肶鐵板餐, 好似好唔抵, 30幾蚊, 食隻雪藏雞肶?? 抹茶雪糕, 還是沒變。幾似哈記D味道 ! 好好味~

看了open rice的食評大部分都是好評才來這裡知道是不設等位及過半數才可以入座, 所以一早來了, 幸好我們到的時侯不是太多人, 所以也只是等了半小時便可以入座。用膳時間是一個半小時, 也許是閒日的關係, 我們過了時間職員也沒有過來催促, 值得一讚看到餐牌上的食物大部分都是廿多元, 所以一口氣點了5種食物, 有辣雞冀, 芝士及蒜泥包各一, 吞拿魚長通粉, pizza每碟份量不大, 大食的人可能不夠吃, 幸好我們只是一般食量, 所以對我們來說是剛剛好。辣雞冀-少少辣, 很香口, 應該是焗的,作為前菜很惹味芝士包-包底很脆而且很熱, 即叫即整最窩心蒜泥包-也不錯, 不過自己本身偏好芝士吞拿魚長通粉-醬汁特別, 似白汁又沒有忌廉味, 很香口, 我們連吃包也要沾這種汁來吃pizza-餅底厚薄剛剛好, 又不油膩, 而且size細細, 真的可以一人ko一個吃完再order沙拉及再點意粉北海道鮮蝦沙拉-不推薦, 蝦有點不新鮮, 自家醬汁太多又水汪汪雞扒意粉-醬汁跟之前的長通粉是一樣, 很正!總結: 可以經常來的

朋友介紹喱間既食物唔錯，佢地食過將軍澳分店，原先諗住有一日都會黎荃灣試，但一路都未有機會，趁今日周末就同老公黎試下。周打魚湯：多料，味道較得岩岩好。芝士包：食落好有口感，芝士味亦唔會太重。辣雞翼：果真幾辣下，但好好味喎。墨魚汁意粉：只有幾條墨魚圈做配料，個汁味道都適中。Tiramisu：硬身左些少，味道都唔會太酒味或太過朱古力味。飲品：每人$12任飲咖啡，汽水，Milo，煎茶，我地兩個飲左茶，Mocha and Cappuccino，其實如果要求唔太高，兩款咖啡味道都不錯架喇。

今日同朋友去荃灣行街, 正煩惱晚餐食咩好嘅時候, 佢突然諗起喺 open rice 睇過附近有間意大利餐廳有好多個"正", 提議去試吓. 好, 横豎未試過, 就 try try la. 去到見到 d 食物 poster, -- 嘩 ! 好抵呀, 大部份食品都係廿幾蚊..... 但要試過至知係咪真的好食又抵食呢 ? 唔知點解, 3-4 位好快就有位, 2 人枱就等咗好耐.....終於有位 la, order 咗 : 北海甜蝦沙律 -- 蝦鹹咗少少, 但都好好味周打海鮮湯 -- 好多料 吞拿魚蕃茄焗長通粉 -- 面嗰層芝士焗到脆, 又多吞拿魚 墨魚汁意大利粉 -- 因為褢面有洋蔥, 所以好惹味 其實已經好飽 ga la, 但都忍唔住 order 咗件 Tiramisu -- 冇咩酒味但都好 creamy. 總括來說, 真係又好食, 又抵食 -- 正 ! ^o^

正當唔知去邊度食果時, 響呢度搵到呢間, 咁就決心去試一試.夜晚去到唔多人, walk-in 都有位, 見到餐牌, d 野食好平 ~~ 之後叫左煙肉pizza又未去到好似pizza huts 咁多料, 但係廿幾蚊, 同埋味道不錯, 真係抵食 ~~ 蜆肉意粉意粉就硬左少少, 但都叫彈牙. 蜆肉都可以接受, 細少少, 但廿幾蚊, 都係果句, 抵食o架啦~ 辣味雞翼都煎得幾金香, 都幾野味. 蒜蓉焗田螺唔重味, 入口有肉感, 好味 ~仲要加廿幾蚊, 野飲任飲. Overall 黎講, 如果話要好高質素o既野食, 呢度就未必係首選, 但係如果係抵食 + 好味, 呢度係個唔錯o既選擇

12:18左右跟5位中學舊同學入座,不太多人,安排卡位俾我地坐,我地1:18pm左右離開餐廳果陣見到人們也不用等位的,不過見到有個男職員0係drink bar果道,換 整盤膠杯果陣跌晒所有杯落地,幸好那些不是玻璃杯,否則便麻煩了~ 我地5人好耐無聚在一起,傾得很投契又開心的~米蘭風味肉醬意粉 $25表面灑上芝士粉,加上整碟意粉的意粉條口感一致! 野菌忌廉意粉 $26真係有好多款菇,份量又夠多,秀珍菇不會咬不開,磨菇鮮味 好味之選 牛肉漢堡pizza $30青椒很爽口,漢堡扒粒好好味~滿意!但係pizza的質感很煙韌,很難用刀切開來分開一件件...... PIZZA底可以脆些就更加好 (蒙特利拿)mozzarella cheese pizza $28睇落去真的燶左d,芝士很好味~非常之creamy!芝士可以拉到好長~好抵食~ 海鮮焗長通粉 $24長通粉一件真係好粗身,不過一碟內的長通粉份量真的不太多,濃味的牛奶芝士~芝士粉唔係好多,海鮮味道鮮甜!有蝦,蜆和青口,鮮味十足~食量大的朋友,相信可以點多款食品來滿足食慾喔!!!加上我地多人食,每人夾份食咁多野都好平~~~~~order後

今晚五個人食, 因為開會想試新地方, 所以我提議這裏, 因為之前已食過幾次, 真的好得!價錢真係平, 但等位好多人, 五個人食, 得個半鐘食, 但最終我地八點入坐, 坐到十點幾先走。無人催我地, 都算好吧。講返食物, 有人比較喜歡的pizza, 這值得推介的, 相信是有人的心水選擇吧, 但地點太遠, 我想有人未必想到吧。其他食物, 以價錢論質數, 真的超值! 這個質數, 相信在其他地方難以試到。田螺好好食, 勁熱, 但總覺得多油一點吧。意粉和意大利飯都好正,真係好好食!這個價錢, 去邊到搵呀!!!上之係又一城食的糙米飯, 有點硬, 這裡真係剛剛好。意粉又是我比較喜歡的, 有點硬, 不林, 正是我喜歡的。其他小食都真係好好食!

我和一家人來吃中午飯想試試這間! 叫了兩款 set 另外加個 Spinach Gratin ok 菠菜面上白汁夠香夠味, Set Spaghetti with Mushro 意粉及配菜味道好吃....但當我另外也叫了一款 Steak Sauce 七成熟 太熟了有硬似十成熟, 最後我只好把配菜吃完只剩一件牛排不吃

某日星期三下午三時十五分, 一個最不忙的時間, 入到店內, 3個服務員全站在收銀機位內, 店內有7成坐位是空的, 我指定要坐卡位, 服務員問我幾位, 我說只有一位, 就要我坐2人單邊位置, 我見店內人不多, 卡位多的是, 再次要求坐卡位, 服務員無耐點頭.本人點了2份下午茶餐, 想將吃不完的飽帶走, 問有沒有細紙袋可以包走, 服務員走開, 到另一位服務員手拿一個白色有耳仔手抽膠袋回來....掉在卓上即走開. 想問.. 你是否要我將2塊面飽放入膠袋內!!! 她已即消失 !!!食物幾平幾好食都無用, 見到D咁既服務員, 無即時投訴已很比面 !!

等左差不多４５分鐘。等左真係好耐！！不過都值得，野食黎得快！！４個女仔叫左差不多２０樣野食，埋單每人竟然唔洗１００蚊！太誇張吧！我們叫左：蒙特利拿芝士pizza雞翼：好味，不過再辣點兒就好！ 薯角：正。叫左兩轉芝士肉醬飯：怪怪地！！有點兒乾！芝士意大利包，蒜蓉包：正。一人一塊咁食！好香沙律：菜麵幾新鮮！不過最喜歡係佢個汁，一定要食鐵板燒牛扒：一般！同出面普通食差不多！甜品：ＯＫ！我們叫左芝士蛋糕和朱古力慕士蛋糕！我個人喜歡朱古力多點！仲有其他果點唔記得！加１２蚊有任飲汽水，不過待覺得點汽水好像溝左水，無咩味，飲茶安全點！

夜晚九點幾黎到, 等左一陣就入得, 仲有卡位坐 甜蝦多利亞焗飯 - 好香芝士味 蒜蓉青口 - 唔錯 墨魚汁意粉 - 墨魚少左 d 鐵板羊架 - 羊肉勒左 d每人加十二蚊可以任飲咖啡同汽水, 係自助水吧自己攪 埋單 $126, 唔使加一, 抵食也 另留意到有好多人帶埋生日蛋糕係度慶生, 而餐廳會收返二十蚊 "蛋糕雪櫃費"