藍海灣 (已結業)

叫咗2個下午茶餐 1) 吉列炸蝦+肉醬意粉+沙律吉列炸蝦正常, 但肉醬意粉冇味, 沙律只有薯仔加醬,但係個醬汁非常難食, 薯仔加鹽仲好食過佢😫2）第2個餐仲難食, 個名叫做芝士火腿焗通粉, 但係見到佢似朝早食早餐牛奶浸麥皮甘, 佢就浸通粉(見圖), 即刻眼都突埋咁樣叫焗通粉😥總結可能轉左廚師不大如前, 以後都唔會再幫襯了😫

知道呢間平民價都好食 所以今日去試吓佢個黑松露意粉外賣返到屋企發現食落係勁淡完全無黑松露味..話佢似卡邦尼都太淡雖然知道係平唔應該要求咁多但無估到會咁失望試過焗飯係好食嘅 同埋都知道係良心小店希望意粉方便可以再改進一吓

本身商場是舊式，店舖在最入一角，店舖細細，不太顯眼，不過裝修幽雅，藍色海洋風格，清潔乾淨。👍🏻本身諗住佢係普通餐廳扮高級，想不到味道會有驚喜，不是普通貨式，南瓜湯，蒜蓉包，菠菜汁螺絲粉，滑蛋飯，味道也好味，擺盤靚，用心製作，為一要改善肉類，雞扒豬扒煎得太乾。職員服務有禮貌，動作也快手。蒜蓉包可以大番少少就好了。😋價錢睇落會貴少少，不過都算合理，當間唔中食好少少。期待下次再去試其他菜式，下次肉類能有改善。😁食完可以附近碼頭打卡，行海邊。👭👫🏽🌅

屯門碼頭終於有間似樣的西餐廳，雖然是小本經營，但試了後發現廚師及老闆都用心製作。首先點了二人套餐及另叫卡邦尼意粉，首先意粉雖然不是正宗雞蛋汁芝士碎拌出來的，免強叫做白汁意粉，但質感爽口，白汁不溜，算合心意。二人套餐有餐湯，凱撒沙律及飲品，當晚是蕃茄忌廉濃湯，很喜歡的款式 ，不是常常喝到，酸甜適中，蒜蓉包亦外脆內軟，沙律菜亦新鮮，正宗凱撒菜和汁料，亦有煙肉及麵包碎，實屬驚喜，如果加埋巴馬臣芝士片更加完美。主菜點了牛扒及羊架，前者略為失望，做不到5成，質感鞋口，可能入錯貨式了。但羊架卻非常美味，軟淋肉質加上帶點羊的肥羔滿滿在口腔內，香酥有緻，好吃。值得一提，套餐跟的白飯或意粉，意粉是我從未見過用白汁拌上，實在驚喜及好味，希望唔係一次半次這樣整，要保持這個特式及水準。大家有機會，一定要支持小店。掛住吃，忘了拍照

自問好少寫食評，但係呢間係屯門碼頭少有超高質西餐廳，老闆又好好人，服務態度又好好。我同阿媽成日嚟，已經幫襯咗好多好多次。特別推介西冷扒同埋軟殼蟹意粉。食過返尋味，大家都要多多支持！！

今日同朋友踩Roller經過見到好似幾唔錯，之後就去咗試試。職員好好服務，見到我哋好熱即刻比兩杯水我地飲先。之後叫咗兩個餐。餐湯同蒜蓉包都好好食。個菠菜焗魚柳飯好好食😋會再光顧👍🏻值得一食☺️

今日在屯門碼頭附近搵食，來到啟豐商場，發現依間西餐廳「藍海灣 Ocean Blue」，決定試試。餐廳乾淨企理，和商場內其他食店格局甚有分別。室內設計簡約，以木傢具和藍白色為主，感覺很有家居感。我們大概三點鐘左右來到，剛好午餐和下午茶的餐牌也可以點平民價錢，和商場其他食店定位相約。我們各點了一份午餐和一份下午茶，我點的是香草雞球拼德國腸意粉配蒜蓉汁。整體味道不錯，個人幾喜歡這種酥炸雞球，炸完保持到肉質，唔係乾憎憎嗰種另外我們還點了一份下午茶，烤雞法包三文治、脆炸薯條、牛油粟米。同樣是整體味道不錯，份量都好足夠，附合期望值得一讚是，餐廳的店員讓人感覺親切，而且食物勝價比亦頗高，值得讓人回頭的餐廳

見啓豐有間新開餐廳即刻去試試先，內籠裝修企理，環境乾淨，平民價西餐，今次食左辣炒意炒味道不錯，不過可以再辣少少，再配埋即磨咖啡，店內放著休閒的音樂，休閒下午好選擇，區內的確少有，會再幫襯！

琴日下午行過見到啓豐商場新開嘅西餐廳， 光鮮企理，自己都唔太餓但又想試下，咁入咗去，點咗三樣嘢， 黑松露薯蓉，雞翼，蒜蓉包，同一杯即磨咖啡，咖啡都唔駛點多講，同出面Starbucks, Pacific Coffee 差唔多， 我個人重點放係食物方面。黑松露薯蓉：冇得彈，松露香味足，薯蓉有質感， 同出面果啲唔同， 同埋之前有睇其他食客嘅留言， 所以果斷嘗試，冇介紹錯。雞翼：香脆可口，肉汁豐富，即係外脆內嫩啦，個名我唔記得， 好似得一款雞翼，咸味、香味都啱啱好， 值得一試蒜蓉包：應該係自己掛住影相，放耐咗先食，都算脆，蒜香味有，但面包邊皮有小小燶。最後，後悔冇試到意粉，見到其他人點既意粉賣相都好靚，好有食慾， 下次行過一定要留肚嚟試下！

上星期行開啟豐商場，見到角落餐廳結業後，新開左間西餐廳，環境變得新淨舒適左好多，個名都幾特別，叫藍海灣之前食過間角落餐廳食物都唔錯，唔知依間好唔好食，今晚無煮飯，落去見佢試業中就入去幫襯下，睇下正唔正餐廳正值晚市時間，但人唔算多，可能位置較入同埋新開關係🤨入到去睇餐牌選擇唔算多，侍廳服務都幾熱情，介紹左廚師之前係酒店做開！咁即係話食物應該都有返咁上下啦！😇我一家三口叫左三份晚餐，分別係卡邦尼意粉、香煎三文魚拼扇貝、焗肉醬薯蓉，等左5-10分鐘左右，上餐啦賣相的確係好吸引，即刻相機食先，之後已經忍唔住要開動啦！晚餐有餐湯同蒜蓉包🥐餐湯係南瓜湯，一試就知唔係開粉既餐湯，南瓜味濃厚，甜甜地好好飲，仲有熱呼呼既蒜蓉包，好味道之後開始上主菜，先試肉醬薯蓉，香氣迫人，味道一試難忘，唔似出面euro xx食果d,真係超正再黎食三文魚扇貝，鮮味十足，扇貝食落仲好彈牙，最後試埋個卡邦尼意粉，依個真心無得彈，汁同意粉唔會煮到痴埋一舊，味道黎講真係可以媲美高級餐廳簡直回味無窮！每碟份量適中，但已足夠我地三個人食得超滿足美中不足係欠缺左一份甜品🍮三份晚餐連埋野飲四舊水有找，超值呀！重要食飽之後可以出去海傍散散

新開張去試下，叫左一個黑松露薯蓉，叫左兩個意粉，分別係辣芝士海鮮意粉同黑松露野菌意粉，这個黑松露薯蓉有驚喜，好食！食落明顯知道唔係開粉打的，個辣芝士意粉好食，野菌意粉都ok 唔錯，下次會再去幫襯

食物同價錢合理，味道方面不錯，符合口味，份量亦多過其他一般貴價西餐㕔！本人推介卡邦尼意粉，牛扒，薯蓉，真係堅好食，希望再增加多些唔同既菜式，裝修環境不錯，而且也坐得舒適