蘇亞印度餐廳

營業中

休息中

行過見到有燭光晚餐, 價錢合理, 於是入去.招呼尚算殷勤.chef 全是印度人, 食物好正宗, 拍得住 TST 個d 印度餐廳.跟餐麵包新鮮熱辣, 一定要點.mango lasi 好好味, 又大杯.好滿足的一餐.

都幾好食無意在open rice 見到，就近女朋友公司附近，見既就腳同新鮮，即管一試，如之前的食評一樣，星期六下午果然好少人，好寧靜又好舒服。叫左兩款set lunch咖哩羊同咖哩牛腩，值得一讚店員好細心，問清楚我地要唔要加辣，飯可以轉烤餅(加$8)，牛腩唔(銀)，羊肉唔太騷，烤餅點咖哩，味道好滋味。總括，好值得一試再試，食咖哩可以唔一定去重慶。

尋日肥妹個阿媽（即係未來外母）比佢家姐（即係未來家姐）坤咗出荃灣聽個Ｄ健康飲品鎖售講座, 佢家姐仲買咗成幾千蚊所謂補充骨膠原粉狀沖劑, 仲好叻話比我聽每包成三十蚊o架, 唉... 我都唔明呢D咁嘅嘢而家都仲有人信...佢家姐比人坤完之後,就上咗嚟我屋企, 坐咗一陣跟住就出咗去食晚飯喇.今次肥妹介紹咗間印度餐廳, 都好近屋企, 就即管去試吓啦!四個人坐的士, 十五蚊唔洗跳標, 唔洗五分鐘就到咗Heritage Indian Restaurant翡翠印度餐廳.一坐底, 正如其他印度餐廳一樣, 先送上印度威化餅伴兩種sauce同吃, 一種係差唔多間間印度餐廳都有供應嘅青BB 辣辣sauce, 另一種我同肥妹都係第一次見同試嘅, 味道酸酸甜甜, 肥妹話有D似薑醋味喎, 我都覺係, D印度威化餅脆卜卜, 好鬆化, 點埋D sauce又甜, 又酸, 又有D辣, 好好食, 轉個頭已經比我哋掃青光了.係食威化餅嘅同時, 我哋就睇吓餐牌睇吓有乜嘢正嘢食.好快就決定咗叫乜喇, order咗三個set, 另外再散叫多一客果仁咖哩雜菜o添.每一個set都包咗一件雜菜咖哩角, 一客主菜跟飯或烤餅, 同埋一杯飯品

今日去食個set lunch，一個人，叫客咖哩羊肉，白飯轉烤餅。可能係星期六，我一點三個字度入去，只有一檯客二個人，我食到一半時，這二位客也埋單走人，所以大部分時間都係得我一個。環境清靜，正合我意。都等二、三個字先上，烤餅二件，看上去很不錯，咖哩羊肉一碗，賣相普通。先撕一小塊烤餅，唔，好食：新鮮熱辣，又香又軟，有位置稍稍有焦，很香口，我鍾意！試一小啖咖哩，唔錯呀！再叉件羊肉，聞一聞，有羊肉香味。一切落去個下，我就知係好，很鬆軟呀！食落去，果然冇錯，有點羊膻味，但可以接受：羊肉唔膻邊度好吃呀！我點菜時，個待應就問我，spice要中還是高，我說要中等。我不是太能食辣，中等對我是可以接受，我諗如果是最辣，一定頂唔順。不過一個人食一份，真係有多，除非係好大食。如果唔係好食，我諗都食唔完呢份餐。餐飲叫份檸檬蘇打，都ok。環境都ok，仲有播輕柔音樂。但唔知星期一至五人客多唔多，如果都係今日咁樣，睇怕都唔頂得好耐。埋單六十八。如果下次有機會，想試下牛油烤餅！