蘇亞印度餐廳

營業中

休息中

Went to this place for a curry because the rest of the restaurants nearby were Chinese food.I had the aloo gobi lunch set which was cheap costing $42.When the rice came, the last thing I was not expecting was not Indian rice!For Indian rice, I had to pay an extra $25 for Saffron rice which is silly because an Indian place should be serving Indian white rice and not Chinese rice.The Saffron rice was much nicer and it was flavoured.The aloo gobi was ok but the spices were weak and probably localiz

茄汁燴雞，超好味，必叫㗎哩牛腩，夠肉味，幾好，小小um烤餅，夠熱，冇油，好味咖啡，較淡，正常ok正宗印度風味，包括食物，裝修，店員整體味道不錯，用心做菜，店員有禮，價錢合理，而且由於位於小型住宅區，不會太迫太多人，好舒服，環境不會太嘈，又傾到計，看見其他枱上食物都好吸引，一定會再去試，另外當日，港人和東南亞人客各佔一半，所以正宗得黎都好啱各人口味。

自從在新加坡吃了一餐難吃的印度菜後, 很想吃回一餐好吃的印度菜, 回來後想起「蘇亞」, 而現在旺角正被佔領, 在荔枝角至深水埗一帶回家, 也不怕巴士沒位坐了, 反而空得很, 坐得很舒服, 因為巴士從佐敦開出後, 就由油麻地駛出直飛深水埗了, 所以這時候就適宜到這一帶覓食。我們七點幾來到, 立即有人招呼我們坐, 並且奉上兩杯清水, 我們便慢慢看餐牌選擇了。現場雖然有電視, 但調得聲音很小, 所以無礙食客聊天, 我們到的時候, 只有一兩枱客人, 環境很靜, 即使後來多了兩三枱客, 也不算吵。 我們在一人和二人餐中考慮, 發現如果兩個都喝芒果奶昔的話, 選擇二人餐比兩個一人餐抵, 會多了一個主菜。二人餐$158內容:- 印度威化餅- 雜菜咖喱角- 香燒雞- 咖喱羊肉- 香料椰菜花薯仔- 烤餅- 芒果奶昔x2印度威化餅, 未點菜已送上來, 無論你叫什麼都會送的吧, 很薄和脆, 可點醬汁同吃。青色的醬是微辣加薄荷味, 深啡色的醬是酸酸甜甜, 大愛後者。 點了菜後一會, 就聽到製作芒果奶昔的聲音, 應該夾了冰塊一起打, 所以很冰凍, 而真正的冰塊數量不多, 所以不會越飲越淡, 芒果味道不算假

哈哈哈，今天同靜妍妹妹食左正宗印度餐。店子好像是一家四口經營，媽咪落單，女女針水，細佬B 做功課， 爸爸煮餸…感覺好似去左佢地家作客!很好全部菜都沒有豬肉，唔洗挑豬肉碎。三角型脆餅好脆，呀妹超鐘意!原來咖哩角是大粒過 火合 雞蛋，還有薯茸，沾上深紅色調味料，綠色調味料超正!那個魚好滑，燴羊很軟，個汁無得頂!薄餅nan 底脆 面軟好食到唔識形容!熱奶茶 ,好香好滑!本來仲想食印度甜品，點知食晒d野，發覺好飽!晚餐每人只是$68,超抵食!行過荔枝角舊郵局，記得入去試下!好多款薄餅，甜品…好想試。

我同朋友經開長沙灣o個頭，本身其實唔係想食呢間平平無奇o既小店。但原本想去o個間要等兩,三張先到我地，所以我地轉戰食間唔洗等o既。我地見成間餐廳得小猫三四隻..覺得不妙。點知係驚喜。佢有Dinner set o既，好抵食。我地chose左tandoori chicken, samosa, curry chicken, 果仁咖哩什菜，芝士烤什菜同烤eggplant. 雞肉唔鞋，既Juicy，又有香料o既味道。樣樣上碟o既都熱，保證係o岩o岩煮完就立即送上。samosa唔會太多油，d pototoe又唔太濟，而且有啖啖o既香料味。不過咁..你係要like indian spice先會鐘意。雖然d食物香料重，但你唔會覺得口干wor..最後，我亦好like佢o既masala tea...好香濃，好滑。美中不足係佢冇隔清d茶葉渣。

心血來潮食印度野,之前見comment唔差,今日決定去試.經過望到入面無咩人,門口有點簡陋,但最後都入左去試.入面的裝修較舊,燈光較暗.岩岩有兩個外國人食緊,0個一下好好奇:長沙灣/荔枝角竟然都有外國人黎食...??叫左個二人餐,之後個waitress就俾左籃poppadom,熱辣辣,好食.先上的係印度咖哩角,samosa,平時唔鍾食,因為係d雜菜豆為主,同埋有d皮厚,但呢個熱辣辣,入面唔會淨係得青豆,主要係薯容,皮薄,唔油.之後就上左個tandoori chicken,面頭係有少少乾,但d肉係唔"鞋"的,加少少檸檬汁,味道唔錯!mango lassi,唔會太奶/太多冰.ok!跟餐仲可以揀兩個咖哩,揀左咖哩素菜同羊肉,羊肉有d "un",兩款咖哩唔算好難.個人鍾意素菜多d,有薯仔同椰茶花.叫左個飯同naan,陪埋一齊食,好味! 

多次經過這間舖沒有信心入內,但經友人推介後,終於有機會約兒子試下.進入舖內,感覺很舒服,一並不噪吵,二燈光柔和,星期六只得幾枱客,還是二人居多,顯得很清靜,並不像其它舖吵得很看二人套餐選擇不多,便選了二份一人餐先上了份薄趣,再上咖喱角,剛炸好,內有青豆,土豆...很地道咖喱牛腩-我本身喜辣,它做不夠辣,可能我沒有要求加辣,牛腩只有4-5塊,不夠肥,還好夠淋,咖喱汁不太濃,沒有煮溶洋蔥質感,我只可說緊合格波菜芝士-味道可以,份量不少,不知是否印度煮這菜的芝士味是偏淡,多次在不同咖喱餐廳點這菜,芝士都是淡味的,但我兒子極欣賞我反而欣賞它的薄餅,份量夠大,又熱呼呼很好吃套餐加芒果酦奶-78元,加啤酒88元(啤酒是印度啤酒),沒有加一但我比較喜歡傳統的印度酦奶,看這舖是家庭式,也很用心地道,但不知印度咖喱在香港做出名堂並不容易,如'恆河'那麼出名,但說真的,恆河只是攺良香港咖喱,像這家家庭式咖喱,真的不容易經營,希望下次再去的時候,它還未消失

其實想去牧羊少年的分店,只是週末下午已全院滿座,一人前也需在炎熱的內街等候位置,店內蠻擠迫的情形也不是我那天想要的用餐氣氛,況且也不知等到何時??即時啟動PLAN B就是位置更便利的印度菜。長沙灣道必看到的印度餐廳反而跟內街的牧羊少年剛成反比,整家印度餐廳除了兩位印籍女侍應外完全沒有客人,除了靠窗的一邊較光亮外,裡面暗沉沉的像未營業,幸而門前掛著的"營業中"膠牌解開疑團,不然我也不會入內。這家其實沒有什麼印度氣氛的印度餐廳,餐牌除了英文也有中文,點菜是完全不成問題,印度姑娘送上一杯冷水後站在一旁靜待客人點菜,只是這裡的印度午餐沒有如其他印度菜館般送上免費脆餅小吃,點菜後只好打打機或看看翡翠台的電視節目消磨時間。身兼侍應及廚師的印度姑娘在開放式水吧開動攪拌器後,將跟餐飲品加$20換來的MANGO LASSI來了,這杯著名印度飲料有著淡黃顏色,跟心目中那完熟芒果顏色有點分別,芒果味道沒有完熟的濃甜但也香甜自然, 相信只用上一般菲律賓香芒而非印度芒果了;乳酪味輕如沒有,整杯飲料芒果味較重,冰凍的飲品在空調不大的餐廳裡非常有作用。咖喱羊肉配飯($58)以印式銀製小鍋盛載來得別緻,以前吃過的印度

星期六的晚上 到了長沙灣 相約友人到這家Sohal Indian Restaurant 晚餐其實每次坐車經過時都好想找個機會試這家餐館一進去 餐廳暗暗的 連冷氣都無開 哈 是環保嗎? 星期六8點多 只有一桌食客最喜歡就是不用等位! 場內有幾位印度女子招呼還在看餐牌時就已經為我們送上papadum 印度威化餅我們點了個set dinner for 2 $158Our orders:-papadum 印度威化餅-vegetable samosa 雜菜咖哩角-tandoori murgh 香燒雞-gosht masala 咖哩羊肉-baingan bharta 香料椰菜花著仔-nan 烤餅-mango lassi 芒果奶昔papadum 印度威化餅 威化餅好薄身 入口非常香脆廚師將威化餅捲成三角cone型 賣相很好威化餅本身有點咸味 隨碟附上兩碟醬汁一是辣的 一是酸酸甜甜的非常開胃!我們都較喜歡酸甜的那個 vegetable samosa 雜菜咖哩角 這個剛剛炸好就上碟熱騰騰的 將它切開後都有很多煙出來這個咖哩雖說是炸的但一點都不油膩 那張放在底的托紙都沒有沾到一點的油相當出式呢! 咖哩角

咖哩牛腩，很諗好味，不太濃不太辣！茄汁牛油雞，很香很好味，配薄餅很夾！薄餅，夠熱好味夠大份洋蔥薄餅，夠熱，無需點咖哩也可吃，咸了少許涷濘水，正常過正常，冰不多，讚！

1支公喺呢頭做完野都2點, 上Openrice睇下有咩好食, 見有間茶仔將軍堡, 點知搵唔到, 唔知係我搵錯定係...附近見到我的至愛, 當然即入, 時為下午2點, 只有一枱客(西方人士)午餐由42蚊雜菜至78蚊大蝦, 叫左牛腩50蚊, 同平時去西灣河同佐敦食開比較, 算係偏貴.午餐只係一個咖喱飯加杯飲品, 下低好多細字白飯轉餅加8蚊, 轉黃飯加10蚊, 飲品轉汽水加10蚊!!! 轉乳酪加20蚊, 轉啤酒忘了加幾多, 咁加法都幾費.先黎Lassi, 唉! 飲過恆河同上過重慶大廈的話, 呢杯就似係正宗的1開2加水加冰, 唔夠味!薄餅好好味, 雖然唔係正常那種厚身的nann, 但係薄得黎又脆口!咖喱味道就真係似恆河, 即是"為了遷就香港人口味改良了的"咖喱味, 牛腩有5-6件, 每件約2cm x 2cm, 就好似椰林閣d下午茶size... 個汁就杰杰地, 點nann或者撈飯食都應該唔錯.開頭唸住咁少會唔飽, 食完行出門口又覺得飽喎!可能係呢區唯一的印度人主理印度餐, 所以賣得貴d都有人幫襯, 走之前約2:30有4位印巴藉人士進入.

印度菜，我很少食...只是試過屯門及佐敦咖喱... 但一直很期待來，因為從商業區下，難得有1間印度小店 就即刻衝來食，公司附近，行5分鐘左右... PAPAD印度威化餅 脆脆地，還附有配料 還是我一個人包場 入到呢間印度餐廳，雖然侍應用英文，但餐牌是中英文對照 不過其中一位識講中文，所以都不用怕 與她傾談，還未問她叫甚麼名...有時間再去問下先 坐的位置，是望出馬路及街 每次都會見到街上的人望入來 SAMOSA雜菜咖哩角 新鮮出爐的咖哩角，有菜，豆類...咖哩 這個小食，我最喜歡 椰汁咖哩雞 咖哩份量唔錯，但真係好食烤餅 原本想食印度雪糕，但沒有 甜品，熱情孖寶...原來凍熱都可以 食落似熱香餅咁，還有糖漿 不知印度那邊人真的是喜歡食呢款甜品 好喜歡呢間印度餐廳，印度人很熱情呢...會笑還會傾談 期待下一次再來

公司附近的食肆都吃得七七八八，今日就走遠些少，吃得特別一點，找一間正宗的印度餐廳開飯。午市套餐幾款，大家都對咖喱牛腩和咖喱魚有興趣，而我則想吃Tandoori Chicken，可配飯或Naan，我要了後者。先試點咖喱魚和牛，前者偏淡口，後者就好得多，香料味足，也有幾重牛味。牛腩夠稔身，沒渣，很對辦；Naan做得鬆化可口，醮上咖喱汁，好開胃，吃兩三件是閒事。Tandoori Chicken是鐵板上，夠熱。雞肉燒得香口，仍保持點肉汁，味道正宗，又是不錯。我就連墊底的洋蔥和菜絲亦唔放過。是正宗的印度口味，區內獨有，難怪中午也有不少印度人來惠顧。

Ｋ小姐今日特別約我午飯送我紅炸彈. 十二點午飯,換來清靜的環境,全店只有我地一檯. 眼前人正在努力減肥中,為免浪費食物,倆人只要了一個午餐咖哩薯仔雜菜配白飯,飲品轉了mango lassi,另加蒜蓉烤餅.一般重慶的mango lassi都係橙黃色的,這裏的lassi淡黃色的,芒果香甜味不足,是因為過了芒果季節嗎?! 跟住上的咖哩薯仔雜菜同一碟白飯(有三碗以上),pre-cook 既,唔係好夠熱,而咖哩亦無咩辣味. 還是蒜蓉烤餅最對板,新鮮烤的,烤得外乾內濕潤,原粒切開的蒜頭,唔會特別咸同油. 食到一點,已經開始多人,而且滿了九乘. 原本二人佔的四人檯都要答檯. 地方窄窄的,吃罷還是早點離開.

晚了下班, 沒有做飯.跟男友提議到這家常常路過的餐廳吃晚餐見到門外餐牌, 晚餐$ 68 有: 1) 脆餅 + 咖哩三角samosa 2) 主菜一款 3) 飯或薄餅plain naan 4) coffee/ tea我們點了 兩份set dinner + 1份a la carte 芝士菠菜主菜1) tandoori chicken - 兩隻雞上脾的size, 味道不錯, 如果多點肉汁就perfect 2) 咖哩魚 - 魚肉嫩滑, 不是霉霉的千年古魚. 咖哩不太辣, 香料味夠, 滑滑的texture 配plain naan - 好香的麵粉味, 上枱時很脆. 每人一個basket, 有3片, 男仔都夠食 3 ) 另外order的芝士菠菜 Palak Paneer - 味道不錯, 芝士口感略遜(像豆腐渣) 餐飲1) iced coffee - 不過不失啦. 2) 原味乳酪 original lassi - 加$10餐飲轉mango lassi, 我喜歡原味, 所以要求原味.好味, 香滑, 只有淡淡的甜味. 埋單$ 199 環境方面都ok, 可能是地區問題, 是晚只有3枱客