蘇媽.蘇媽馬來西亞茶餐室

營業中

休息中

This Semua Semua is located in mk, you can find it easily with its old chinese styled outlook haa, indeed large shop and i guess they may also have upper floor if more ppl coming Nasl Lemak with Rending Beef is in pretty large portion, esp for rending beef, with several large pieces haa, and the meat texture is tender, and the sauce isn’t too spicy, adding peanut, dried fish, and fried shrimp pieces as the sides, giving the feeling of south east asian dishes. But sadly coconut rice is pretty dis

原來旺角都開咗蘇媽，朋友話不如入去飲番杯馬來西亞拉茶，我都見有啲肚餓，就入去食少少嘢先再去睇戲。馬來西亞拉茶拉茶入口順滑，茶味香濃，味道香甜可口。怡保雞絲湯貴刁因為可以轉其他粉麵，我就揀咗老鼠粉，雞湯底鮮甜美味，雞絲嫩滑，老鼠粉入口滑溜溜。魚仔醬蘿蔔糕蘿蔔糕煎到外脆內軟，魚仔醬料鮮甜惹味。馬拉沙嗲串燒分別叫咗雞牛豬三樣，醃都非常入味。咖央多士外脆內軟，牛沖咖央醬濃郁。

好耐冇食過馬拉菜，今日行旺角嗰陣經過蘇媽就入咗去食。椰香咖央多士呢個多士基本上台台都會叫，多士烘到外面脆卜卜，咖央醬香甜濃郁。辣死你嗎配咖喱雞肉雞扒煎到外脆裏面好多汁，咖喱非常濃郁，充滿椰香味道。魚仔醬蘿蔔糕蘿蔔糕配上辣辣地嘅魚仔醬超級惹味。馬拉沙嗲串燒叫咗雞肉牛肉和豬肉，串燒唔會乾爭爭，沾上沙嗲醬度非常好味。桔仔話梅水味道酸酸甜甜，好解膩。

旺角蘇媽蘇媽馬來西亞餐室又encore了蘇媽蘇媽！南洋菜色出品高質，每次來都食到停唔口超喜歡旺角分店裝修帶點點南洋風，充滿舊香港的懷舊氣氛。即使只是簡單菜色，例如半熟溫泉蛋蛋黃金黃流心口感滑嫩，配埋甜豉油，簡單卻美味-辣死你嗎配仁噹牛肉牛肉軟腍入味，辣味剛剛好，---配埋江魚仔、花生、葱花和特調辣死你媽醬油，撈飯超惹味！-個人喜愛新出品檳城白咖哩海鮮老鼠粉: 白咖哩湯底濃而不會過火，加上雞湯底有種很奇妙的Balance,海鮮配料也很多，青口大蜆魚蛋魚肉春卷，我還把麵改為餐廳的招牌老鼠粉，一入口會有上癮的感覺。 對了，不要忘記馬來西亞拉茶: 茶香濃郁，帶點薑母香，奶滑味濃，必飲！ #蘇媽蘇媽 #馬來西亞菜 #南洋菜 #旺角 #香港美食 #旺角美食 #朗豪坊 #馬來西亞美食 #肉骨茶

來自馬來西亞的一間餐廳,提供多款地道馬來西亞美食，這裏裝修有舊式獨特的風格，牆上有一幅大油畫，天花板有燈籠佈置。᪥怡保手撕雞湯貴刁這碗手撕雞滲滲，湯底清香，不會太濃，手撕雞嫩滑，喜歡滲滲的配搭，有油面和米粉組成，兩款面種帶給我不同口感。᪥檳城福建蝦麵相對地這個湯底香濃，材料更豐富，包括有大蝦，雞蛋、魚蛋、豬肉、通菜等。很有馬來西亞風味，又帶點中式感覺。᪥椰香咖央多士這個是必點的小食，椰香咖央醬料豐富，而且很有口感，必定要趁熱享用，᪥馬來西亞拉茶馬來西亞拉茶是馬來西亞傳統茶飲，由於馬來西亞居住印度人研發出來，拉茶帶甜，熱騰騰的奶茶，最好要趁熱使用，才能將奶茶的感覺引出來。᪥椰汁斑蘭冰顏色奪目的椰汁斑蘭冰，整杯也是全綠色的，味道帶點甜，也帶點斑蘭香味，小朋友喜歡的飲品。

星期五放工去咗旺角買嘢，順便去食好耐冇食過嘅蘇媽蘇媽，好掛住嗰個老鼠粉😆招牌砂煲老鼠粉 $88呢個老鼠粉一上枱即刻撈勻生雞蛋同埋肉碎、脆脆炸魚仔、蔥花、炸蒜各種配料，用砂煲嘅熱力爆炸幾下真係香噴噴，老鼠粉好入味好惹味，雖然材料簡單，但係味道好好，而且幾香口。辣死你嗎配烤雞髀 $68睇到個名驚咗，以為會到噴火，所以揀咗醬汁另上，點知又估佢唔到喎，我覺得又唔算好辣喎。原來係參巴醬，幾濃味惹味，用嚟配個椰汁斑蘭飯再加啲炸花生同埋炸魚仔好好食。烤雞髀好香口，雞皮烤得好香，雞皮少少油滋滋嘅感覺配埋啖啖肉嘅嫩嫩雞髀肉好好味。

喺香港食到地道的馬來西亞菜不容易，經過旺角發現了這間餐廳十分之地道，和我在馬來西亞吃的時候一樣。餐廳的其他經典菜式同樣出類拔萃。他們的肉骨茶以大馬胡椒和大量蒜頭熬製,既帶有暖胃的辛香,又展現了濃郁的馬來風味。而他們自家製作的咖央,更是讓我難忘至今 - 焦甜濃郁的口感,彷彿令人回到了在馬來西亞的美好時光。咖央多士更是使用上椰漿、鴨蛋或雞蛋、砂糖和牛油等材料隔水加熱撈勻做成。非常之開胃同埋好食。肉骨茶仲可以無限飲，呢度嘅價錢亦都十分之抵食。

依間間中都會同朋友黎食，因為正宗又抵食，裝修又有心思今次試左個高佬麵配雞扒（$72），高佬麵係撈麵配甜豉油、生雞蛋同特製辣醬咁，撈完好入味甜甜地但又唔會太鹹，仲有花生同炒魚仔，口感豐富雞扒都煎得幾好，多汁又滑，一啲都唔韌另外叫左怡保手撕雞湯河粉（$64），個湯係清雞湯再帶淡淡蒜香，清淡得黎又唔會太寡！除左雞絲，仲有蝦、魚片、韭菜、芽菜咁，好豐富飲品就試左龍眼冬瓜茶($29)，清新又唔會太甜依間真係好好食！

最近蘇媽蘇媽呢一間馬來西亞菜出咗啲新菜式所以我就諗住入去試吓好唔好味 結果同意料之中一樣成日去蘇媽蘇媽都覺得佢啲嘢食好鬼死正 亦都係好食過好多間馬來西亞菜超級多 個味道夠傳統同埋正宗又好食👍🏻紫菜肉鬆咖央多士咖央多士本身已經唔錯 但係佢 今次仲加咗紫菜同埋肉鬆 口感同埋層次都得到昇華👍🏻砂煲老鼠粉一打開就聞到好香 老鼠粉口感好好 好有咬口成個煲都好多配料 粉嘅份量亦都超級多 絕對係對得住佢嘅價錢👍🏻檳城福建蝦麵第一次食呢一隻湯面 個湯嘅味道係有少少辣不過都接受得到嘅😆👍🏻斑斕椰絲卷呢個好似都係新品嚟㗎 一咬開 裏面啲椰絲就爆出黎 因為真係好足料 值得一試呀！蘇媽.蘇媽馬來西亞茶餐室地址： 旺角上海街618號地下G01號舖 #hkfoodie #foodiehk #旺角 #旺角美食 #馬拉菜 #馬來西亞菜 #吃貨 #香港美食 整體推薦指數： 5/5

蘇媽。蘇媽 @ 旺角香港地道馬拉菜。記得第一次去蘇媽係深水埗。眨下眼就好多年…要用once upon a time…今次點左👇🏻高佬麵 點呢個主要原因係未試過同埋見到個名好正…高佬麵當然要配我鍾意既仁當牛肉…其實就係巴東牛肉。巴東牛肉份量都幾多…味道微辣…好香香草味…如果可以再辣dd就惹味好多…高佬麵原來類似公仔撈麵…口感煙韌…本身個汁甜甜地…我就撈埋個巴東汁…辣死你嗎？ 呢個椰漿飯都幾香…飯就濕dd。配左炸魚仔…花生…青瓜等等。雞脾好大隻…點左個醬汁好惹味魷魚通菜 呢個每次必點。玻璃魷魚好爽口…因為魷魚本身無乜味…全靠呢個醬汁即刻醒神哂桔仔水 呢度個桔仔水都幾好飲…好解喝呢度除左食物…裝修從檯櫈…擺設…地磚都散發住馬拉風情…好似去左馬拉食野咁

蘇媽蘇媽以前係深水埗見到成日都好多人，咁岩今日係旺角見到有分店，可以直入，就入左去～天氣好熱，即刻叫返杯椰汁斑蘭冰解暑，冰冰涼涼，充滿椰汁味！小食叫咗串燒，沙嗲醬香濃！馬來西亞餐廳一定要試吓最出名嘅肉骨茶，揀咗傳統嘅一字骨，一煲入邊有四件骨，肉質好淋好易咬開，濃濃既藥材湯底好入味，仲可以自己加蒜蓉辣椒黑醬油去食，有馬來西亞風味！另外仲叫咗個檳城白咖喱海鮮麵，白咖喱湯底好香，建議食少少辣味，海鮮都有幾多款，有蜆、青口、蝦、豬紅同蛋，都算幾足料！

一入店就聞到陣陣肉骨茶嘅藥材香味，裝修有馬來西亞檳城感覺，傳統嘅感覺～～唔少得必點嘅肉骨茶，有多款肉類選擇，我揀咗食開嘅一字骨，份量兩個人食剛剛好，有四嚿啖啖肉，入味肉嫩，湯底濃郁鮮甜，配料豆卜、金菇索晒汁～點黑醬汁食～另外，叫咗個睇落吸引嘅檳城白咖喱海鮮面，呢個有驚喜，白咖喱轉咗少辣，都幾惹味，係我鐘意嘅奶香湯底，蜆肉飽滿幾鮮甜～仲叫咗份小食，豬、牛、雞各一嘅沙嗲串燒，唔錯，沙嗲汁香濃～椰汁斑蘭冰，椰汁奶香好濃好滑！

今日食既呢間位於旺角的新加坡菜店, 好耐之前已經聽過佢個名當時仲hit到要排隊食檳城白咖哩海鮮麵滿滿的材料包括有魚蛋, 蜆, 豆卜, 蝦, 春卷等等, 白咖哩同平時一般吃既咖哩有少少不一樣, 呢個係比較甜一點, 因為店家加了一丟丟的辣醬, 所以有幾分辣既味道, 但未至於超級辣既感覺, 海鮮味亦都十足, 而且超級足料一定要飲的肉骨茶呢度既肉骨茶有超多唔同既料可以配搭, 而且最重要係可以無限任飲, 當然一個人都唔飲得幾多, 但係就可以keep住飲暖暖的湯, 味道很好, 點埋佢教既醬油調法, 整個味道都上升了一個層次

點了一份玻璃魷魚通菜、百吉爹肉骨茶（大雜錦）及咖央多。 那份咖央多士，不及以前那麼好吃，有種說不出的感覺。反正中間綠色餡料不是太甜，上檯時已經沒有溫度。玻璃通菜魷魚很乾身。肉骨茶也沒有像以前那麼濃味。 質素下降了～ 檸檬薏米水內的薏米很硬⋯ 沒有咬口，很生⋯⋯

馬來魚仔醬雞扒熱撈 ➰ $76魚仔醬非常之濃郁，加上好多炸乾蔥，味道好似蝦醬炒通菜的醬，麵條本身好有彈性，配合呢一個濃郁嘅海鮮魚仔醬，好馬來西亞風味。但如果唔太接受蝦醬味既人要注意雞排外脆內軟，黑椒係脆脆的外皮上作為調味同熱撈面非常之配合。檸檬薏米水略嫌薏米未夠腍，仲有生生硬硬口感，甜度適中。〰️〰️〰️〰️〰️〰️〰️〰️〰️〰️〰️〰️〰️〰️〰️〰️辣死你嗎配仁噹牛肉 ➰ $73又辣唔死我既。但不得不讚d辣醬係好惹味，放埋一邊可以自己點，同本身滷牛肉好夾。牛筋炆得好腍。飯好特別全綠色，係斑斕味。仲配有魚仔乾同花生乾。多重豐富層次分明既口感。熱桔仔話梅水正常水平，生津解渴〰️〰️〰️〰️〰️〰️〰️〰️〰️〰️〰️〰️〰️〰️〰️〰️店舖食馬來西亞食物，但裝修風格係懷舊風格，牆上有幾幅模仿馬拉街頭嘅壁畫。地板係舊式馬賽克。展示櫃入面有好多兒時玩具玩具，勾起人童年嘅回憶。