蘇波記川湘粵菜館

營業中

休息中

每次返到長洲都必定食呢間餐廳。今日再幫襯，哇😧真喺垃圾到不得了！先唔講啲餸已經越黎越差，連態度都越黎越衰。等半個鐘先黎一個餸菜再等15分鐘先一個餸，之後再等成個鐘啲餸都未黎。催佢出餸又話廚房證緊🤬等到我地唔耐煩，話要cut單。佢地又話廚房煮緊，前後等咗半個鐘⋯ 建議唔好再幫襯！R人入去食飯嘅時候態度好多舐晒鞋底咁，笑容滿面。落order嘅時候都仲係好好態度。結果等咗成個鐘之後，催佢快啲上菜，結果黑晒面，態度西到不得了😡😡🤬

於2024年6月8日進食。很多年沒來長洲，除了想念長洲大魚蛋，就是海鮮餐。記得很久以前有在蘇波記記過晚餐，所以街邊上姐姐熱情招手時就入座，想不到是一場惡夢。點了一個188$套餐，包括了兩個自選小菜，一個湯品，一個炒菜。椒鹽瀨尿蝦🧂份量對兩個人來說剛好，不過吃完我頭都大了，滿臉問號。可解純吃蒜頭有味道，但瀨尿蝦的味道完全是沒味，肉質更是不佳，談不上新鮮，更談不上惹味，它最好的關係就是從沒往來。蒜蓉蟶子🌊一盆有很多蟶子，但屬於細小，可處理不善，有沙，更有殼碎、內臟衣膜等，非常之可怕，馬上向侍應投訴了，他幫我們退了並換了椒鹽魷魚給我們。椒鹽魷魚由我重新點菜到上菜不用2分鐘，令我有理由相信一早已經弄好。同上兩道菜一樣，都是欠缺咸味和鮮味，但上兩道菜太可怕，所以這個已可以叫中上，至少酥脆、乾淨。另外粟米羹味道正常，但吃到生粉形成的糊狀口感，未能溶化，感覺就像口裏有痰。至於炒菜非常油膩。

終於捱過一星期，又到放假嘅日子。今日元宵佳節適逢港鐵有半價優惠，於是同女朋友計劃去咗長洲行吓。我哋遲起身，未食早餐；一落船先隊左個芒果糯米糍頂頂肚先，根住行過有個姐姐介紹食海鮮。佢話278有三個餸，海鮮小菜都可以，任揀。佢仲話送炒菜同湯。我哋見都多人食，姑且試吓。菜心同粟米羹係送嘅，另外我哋叫咗薑蔥鮑魚，粉絲蒜蓉蒸扇貝同清蒸䱽魚，另外叫多咗個白飯同啤酒。先講送嗰兩味餸，菜心都算鮮甜，而且份量唔算少。個粟米羹都算幾好味，每人有兩碗夠晒飽肚。蒜蓉粉絲蒸扇貝，係細粒啲，但係都新鮮；粉絲同蒜蓉都好味，而且有六粒都唔算少。薑蔥鮑魚每人都有兩粒，味道算唔錯。至於條蒸䱽魚，簡直係點睛之作，大條又多肉，蒸嘅火候啱啱好；條魚都好嫩滑。埋單共收327。我哋食得好開心，加埋個開陽海景，性價比甚高。食完嘢我哋經北帝廟上咗去北眺亭，行吓山沿途風景好靚，來回行咗一個鐘，輕舒腳頭夠晒寫意。

當年住長洲，絕少幫襯北帝廟果邊d海鮮店，反而最多去BBQ.今次入去長洲影櫻花兼探吓D舊街坊，順道過去食埋飯先出反香港.深知係海鮮街搵位不易，所以準備 Plan A Plan B，搵唔到位就出香港先食晚飯，行過蘇波記，見到有位，於是坐係海邊食晚飯.海鮮街有成十多檔餐廳，已經忘記咗手勢最好係邊間，而且一早已知道好多低質店，所以無期望就無失望.點咗薑蔥鮑魚，椒鹽軟殼蟹，娃娃菜，椒鹽鮮魷，蒸扇貝.曾經係長洲東灣摸過蜆，知道當地D蜆超好食，殼大肉大，唔係殼大肉細，問D待應妹妹豉椒炒蜆係咪長洲蜆，答覆吞吞吐吐話係，9成吹水啦，見上枱嘅菜都係細細碟，所以叫埋豉椒炒蜆.首先所有菜份量都過低，偷工減料! 薑蔥鮑魚叫做最滿意，夠軟夠鮮甜，軟殼蟹夠脆但太油膩，蒸扇貝得三隻雖然夠大隻但粉絲過少，口感比較韌，椒鹽鮮魷太細，又一偷工減料之作.炒蜆，殼細肉細，肯定唔係長洲蜆，呃人！另外叫兩罐汽水，追四次都未見.無那那又上蠔餅俾我，轉頭又上蒜蓉開邊蝦俾我，無點嘅小菜一碟一碟上俾我，好明顯D單亂哂籠！雖然無期望，但唔會再幫襯吧! 亦都唔見意大家去幫襯.

第一次寫食評，因為好耐冇去過一間咁垃圾的餐廳，希望大家切勿浪費金錢和時間在此處。放假入長洲海鮮街食晚飯，頭一兩間都full哂，就一直穿梭在海鮮街，俾蘇波記門口阿姐煩到乖乖坐低，好快叫咗兩餸 $188 （ 送粟米羹）分別係避風塘炒蟹同蒸扇貝。大概10分鐘後，先黎四件軟殼蟹，嗰刻呆左🙄食落去仲一口油，已經好唔對路再嚟蒸扇貝3隻，超靭又完全冇味😑我錯了我不應受門口阿姐的疲勞轟炸入去呢間需要受殲滅的垃圾餐廳

呢間垃圾餐廳嬲到要我哋一次寫食評我哋新年去食，預咗佢收加一同埋俾貴少少，但係呢間真係又抵又唔好食。出面阿姐話比我地4餸$328入到去落單就寫原價4餸$408想側側膊收貴我哋份量少 質素差 扇貝勁又多碎殼，又乾。伴碟粉絲又少又唔熱。炆雞勁多碎骨又多味精，肉質又梅又唔好食。椒鹽鮑魚份量少，得四隻，仲要超細隻，蚊型鮑魚都係第一次見，仲要冰鮮扮新鮮，放喺重用鮑魚殼上面。煎蠔餅 雞蛋佔大部份，感覺像用$80買煎蛋餅，完全唔抵食。嗌咗個四餸餐 四個人食，唔使10分鐘食晒，完全冇飽肚嘅感覺。

本身食開隔離果間，點知果間休息，成條路得佢地一間開左，心諗應該唔差得遠啦，就入左去。一入去，無人理，見佢地樓面少都算，打算叫個4餸328食下。一心想食蟹同花螺，點知話無😑 最尾叫左瀨尿蝦、鮑魚、扇貝同埋聖子，全部都好細份/細隻，又唔新鮮🙃 本身價錢都貴，仲要無送青菜同粟米羹。有4隻，但勁乾，汁又無乜，乾蒸咁，朋友仲要食到好似有石仔😑分量唔多，完全無椒鹽既味，啲肉又霉終於算叫正常，但好細隻，除左鮑魚，就無野食。又係好細隻，仲要多沙😓服務態度好差，見到佢地呼喝隔離枱要自己寫菜落單，後廚係咁嘈交，見我地食完就趕我地走，茶都未喝完🙃 隔離幾間一係休息，一係未準備好晚市，今次真係中伏🥲 食左328,都唔知食左咩落肚。可一不可做。無咩事我下次都係去返第一間🌝

共點三個菜，在最後一菜上桌前寫食評消遣。從點單到現在已經過去兩小時，面前是慘澹無比的水煮青菜和空盤兩隻，還有一道菜難產在路上，我的身心都被困在這裡。更淒涼的是菜的味道，第一道扇貝擺盤糊弄，肉質老到不愧費時一小時。作為海鮮大排檔，海鮮沒有鮮味，大排檔沒有鍋氣同風骨。其他不忍再說只留二字別來相勸

入到長洲當然系要食海鮮大餐啦，見想食果間要排隊，俾呢間店既員工氹左入鋪，同樣既海鮮，價錢唔差得多呢邊唔使等位，咁就入啦。一坐低就叫左8個菜，結果個餸一個上完食埋隔成20分鐘先出第二個菜，於是乎就催單啦，員工態度極之惡劣又黑面，來緊啦，做起左上唔切，咁見到樓面員工得個三個就算啦，體諒下，但系催完單只系再出左兩樣，等左個鐘第四樣都未上，又再催單，就又話來緊，我地話等唔到啦要趕船，未煮就取消啦，又唔俾我地取消硬要我地等，真系好不知所謂，結果等到真系冇時間啦，唔等要取消，先黑住面取消！開頭又話叫4個餸送一個菜俾我地，最後收錢又系收返我地果碟菜，明擺就系black store來啦！明知自己做唔掂就唔好系咁氹啲客行入嚟啦，每枱客等菜等成20分鐘都未上到一個，就算出左來完全系唔專業既服務，拎住個菜逐枱問有冇叫過呢個餸，問左一輪先兜返轉頭落我地張枱，個餸都已經系凍既，完全唔系熱既，仲要賣相擺碟極之差，圖文與實際上出品系兩個極端，張圖就顯示到d蝦，蜆大大隻大大碟，結果上到張枱碟野得果少少，同埋系超細仔，仲要系冇鑊氣，味道又唔好食，避風塘炒完全系冇味，酸菜魚水又過酸菜同魚，魚仲要系一舊舊而唔係一片片既，完

黎長洲，點都要食下海鮮，雖然都要等位，但見都幾多人食，唯有等啦😇叫左4個餸，蠔仔湯飯、椒鹽九肚魚、涼瓜炆倉魚、蒜蓉蒸開邊蝦😋蠔仔湯飯都幾多蠔仔，同埋粒粒又大又肥又甜，咬落去會爆漿，好味喎！👍😋椒鹽九肚魚，新鮮炸起就上枱，粉漿好薄，九肚魚嫩滑💓涼瓜炆倉魚勁多涼瓜，好甘甜好味，倉魚炸起，邊位有啲脆口，同埋份量都幾多👍👍👍蒜蓉蒸開邊蝦🦐🦐都常叫，呢度啲蝦雖然細隻少少，但蝦肉彈牙新鮮架喎其實長洲食海鮮都唔係咁差唧😝

一開頭話叫3個餸（$248）會送一個菜，寫單個陣就寫4餸個價錢（$328），問埋佢先話「唔好意思寫錯咗」，唔緊要😑。嚟到啲嘢食十分失望，瀨尿蝦同蟶子細過手指尾，我哋問返個侍應，佢話「係呀，蟶子仔呀嘛」。蟶子蒸到勁乾，油同豉油都無滴，仲話好鮮甜，唔鮮甜唔收錢😑，霉嘅😑。其實你賣貴啲唔緊要，但唔好寫喺menu係蟶子同瀨尿蝦，圖又show到勁大隻，出到嚟又唔同，真係好失望，感覺係俾呢間餐廳呃咗😑😑。平時都唔會寫食評，今次真係嬲到要寫食評😑。

我地兩個人一坐低叫左三個餸，上菜速度極慢，一個食完接一個，先唔好講味道一般，重點係餐廳按人數出菜量，唔明同一個價錢點解隔離檯多咁多，我地兩個人食三個餸加飯都唔飽，成餐望住隔離檯食不知味。個椒鹽鮮魷又乾又un, 份量唔多，蒸倉魚大概有一個半手掌咁大，蒸得老左啲。蠔餅話係招牌菜，真心覺得唔好食，蛋有水而且油多，食唔到有蠔味。如果唔係有位坐而又趕搭船，應該都未必會入去，一個字伏，早知食老麥好過，非常失望的一餐。

睇到食評都好兩極化，食完之後就明白點解會咁。事緣屋企人平時都會買啲海鮮之後去餐廳加工，咁啱平時去開嗰間冇開門，賣海鮮嘅師傅就介紹咗去呢一間蘇波記。以上呢兩碟豉椒炒蟶子同埋椒鹽賴尿蝦，都係自己買完海鮮去餐廳加工，所以非常好食非常靚，可以話係我食過最好食嘅炒蟶子頭三位，賴尿蝦間唔中都會有好多蝦膏，好吸引，食到舔舔脷。廚師亦都炒得非常有鑊氣，所以好高評分。不過，呢一碟係佢餐廳自己嘅蒜香炒魷魚，雖然外貌唔錯，但係非常之硬身，一食落口就知道唔新鮮，只不過未至於會嘔返出嚟。魚亦都一樣，唔知佢原本條魚質素唔好定係蒸得太耐，食落口好鞋，同埋一樣食得出唔新鮮。如果我唔自帶海鮮去呢間餐廳加工，只係食到咁嘅質素嘅食物，一定會非常唔滿意。不過，唔知係唔係師傅介紹的緣故，送咗一碟炒青菜，反而菜仲好食，因為夠鑊氣。總括而言，我覺得廚師並冇問題，因為青菜 同埋自己帶去嘅海鮮，煮出嚟都好好食。但係用料方面餐廳可能需要改善下，入啲靚貨，如果唔係，客人唔識得自己帶海鮮加工，就食唔到好食嘅嘢食啦！

食物方面 菜炒到老曬又乾又柴又冇味 最後放棄左碟野豉椒炒蜆完全冇鑊氣蒸扇貝勁細舊肉同埋冇味三色蒸蛋就一般般，皮蛋得半隻我地仲叫左碟椒鹽鮑魚 , 食曬其他送都仲未上到枱不過都有四隻細細隻比你 呢碟都算係比較良心啦碟碟都細細份仲有一個奇怪嘅位就係唔知點解佢冇比埋大盆你用滾水洗餐具 , 雖然唔係太大影響環境方面我地入左去店入面坐 , 都算係寬敞同乾淨 , 冷氣啱啱好 , 坐得都舒服 整體啲野比隔離嗰幾間大排檔細份加難食仲要收你一樣價錢總之唔推薦啦

初五入長洲諗住散下心，點知遇上騙子話說落船後肚仔餓，連忙去搵食，去到海鮮街，好多人喺食肆門口兜生意：「2餸$168！」行行下，突然去到呢間蘇波記門口，呢位阿姐大叫「3餸$168！」我就停下，眼見她手上拿住菜牌「2餸$168！」我就問清楚：你個牌寫「2餸$168喎？！」她肯定的「3餸$168！」我再確認一下「係咪真架？」她再肯定的說：係呀！就係咁，我哋就叫咗3個餸：1）蒸扇貝2）白灼花螺3）鐵板蠔煎蛋先嚟鐵板蠔煎蛋還可以；再嚟白灼花螺好細碟，已經食晒，味道: 蠔餅很少蠔, 味道還可以; 螺太少, 味道很淡不鮮甜。追吓蒸扇貝係咪漏單？！呢個時候，個阿姐好大聲夾惡話：你哋$168只係得2個餸！！我火都嚟埋：頭先你喺出面兜客講明「3餸$168！」，我問咗你好多次你都係咁講！而家分明呃人最後，我都唔想同佢嘈，擺低$170走人奉勸大家，千祈唔好幫襯呢間！好離譜！好過份！呃完人仲要態度極惡劣！！後記：呢2碟野點睇都唔值$168！唔怪之得要用呃人手法去兜客