蘇記(茶檔)

營業中

休息中

想蘇記試豬扒麵好耐，但係地點好吊，兩個地鐵站之間，兩頭唔到岸。今早去開深水工作乘機蛇王食個早餐，差不多十一點，仍然好多人。叫豬扒麵同茶走。豬扒醃得入味兼係即煎，麵身爽口。茶走唔記得叫少甜，比較甜但夠滑。同檯有位食客叫滑牛麵，食完一碗再叫多個，証明十分好味。雖然埋單要$26.5，似乎貴，但係街邊大排檔真係買少見少，淨係食風味都值回票價。

(20/1/07)呢排朋友介紹的好o野,都在呢區。出左地鐵也要行一段距離。無乜車,坐馬路邊食o野,感覺很有風味。豬排麵,好快有得食。豬排為左令佢"林"落過粉,不過無過份,而且味道調得好好。麵灼得唔太夠,我卻欣賞那份口感,食到尾也不會被浸"林"。和豬排味一樣的湯底,濃濃的被麵也吸收了。熱檸茶,茶唔苦澀,仲好香紅茶味添!

隔咗約半年後又嚟呢度食早餐...依然係豬扒麵加凍奶茶...味道依然好，豬扒醃得剛好夠味，冇經鬆肉粉洗禮，骨邊黐住嘅肉最有吃頭...麵淥得彈牙，下次加少少錢轉一丁麵先...

在網上得悉石硤尾村七層大廈就黎要拆,就去影下相,留下回憶...影影下,肚餓了,就行過黎呢度食...耀東街有四間大牌檔,下午四點幾,呢度都算多人食,見到有張空檯,就坐落,叫左個豬扒麵同支可樂...呢度的豬扒麵唔同吉祥果d,豬扒同麵唔係分開上,吉祥的係幼麵,而呢度的係即食麵...雖麵係即食麵,浸在湯,但沒比湯浸淋,夠爽口...豬扒唔'un',唔'鞋',唔硬,夠入味,夠香口,好好食...可惜唔算大碗,都唔算平,但好味,已經滿足了...七層大廈的景象快將消失,而大牌檔都一樣,買少見少了,所以要珍惜所有的人,事,物,與時間...

這只是一篇後補食評.看了數篇這裏的食評, 各食友都覺這裏的豬扒麵好吃, 趁星期天便來一試. 豬扒麵果然好吃, 豬扒醃得入味, 一定是用鮮豬扒醃上一段的時間才能這樣入味, 生熟程度掌握得好好, 不會過熟. 麵本身平平無奇.順帶一提, 不要以為大排檔的杯杯碟碟一定是不潔的, 這裏的杯碟非常新凈, 好過很多茶餐廳.另外喜歡豬扒麵的朋友, 可試試黃大仙地鐵站B出口附近的一個熟食中心, 裏面有一間店的豬扒麵亦非常出眾, 店名已忘記, 下次再一提吧.

20060807 08:15食豬扒, 最怕食鞋著口,乾爭爭的, 嚼良久也未能吞下.蘇記的豬扒一點也不鞋,相反非常鬆化,豬扒邊粘著一點肥膏的, 尤其美味. 經驗估計, 要有這樣的效果, 一定是用新鮮豬扒. 調味亦出色, 簡單得來不失味道, 煎到微火農更覺香口. 份量亦唔係講笑, 足有兩大塊, 比吃豬扒飯的份量更多. 麵又如何呢? 標準光身麵, 淥的時間略短, 比較硬身, 要扣少少分.加埋一杯凍檸水($8.5), 成為一頓豐富的早餐.$27.5埋單.

看到網評及電視介紹，特地來吃一下這個小檔很難找，可能因為我對深水埗不太熟，找了差不多半小時杜找的到點了招牌豬扒麵及冰檸檬茶豬扒麵的豬扒，沒有像大家講的好吃，應該再用刀背把豬扒拍鬆一點，再煎的久一點變成黃金色才好吃是我到訪時間的問題嗎？大家說它的豬扒又鬆軟又香的．．．我覺得我媽做的煎豬扒還比較正呢！麵條是大光麵，值得一讚的是湯底不是味精素煮的，喝的出來應該是用雞粉或雞湯煮的，為了湯底可以加分！

星期六下午終於可以去蘇記, 2個人叫左豬扒面及豬潤滑牛面及凍檸茶.豬扒係招牌菜就真係無假, 好有家庭feel又鬆軟又香口...豬潤同牛肉都好鮮甜..我最喜歡個湯. 明知會有少少味精, 但都忍不住飲左好多啖.檸茶又係好飲只係收$8.5一杯真係好抵.

真係估唔到呢排咁旺深水la...小弟今日下晝及夜晚餐都係深水攪掂，水準依然保持，無得頂...下晝先呢個茶檔食佢招牌--- 豬扒麵，小弟久聞呢度大名，今日終得償所願。麵一到，即刻飲啖湯先，味道不太鹹，無落太多msg，可以接受；吃一口麵，雖則係大光麵，但頗彈牙，明顯係過冷河，抵讚；豬扒係新鮮貨，有骨，晒我口味，而且煎得微焦，夠晒香口，吃一啖，味道醃得相當唔錯，帶點甜味，係幾近完美豬扒烹調試範。最正係黐住骨邊肉，我成塊住"lun"，無以尚之。再加一杯凍檸茶，不羨仙....

如果大家有睇過回味無窮都可能知道有呢間野，大排檔真係越來越小，我屋企樓下果幾檔都係兩年前左右一齊執鬼晒.....，講返呢度，環境絕對只可以比一分佢，真係一貫大排檔環境，之不過黎得呢d地方就梗係咁嫁啦，叫o左個豬扒麵，實在正到飛起，d麵煮到軟硬適中，d豬扒又正，雖然有骨痴住，但係就唔會好似我上次去美心咁會食倒骨碎，湯底又超好味，我本身盡量都唔會飲出面d味精湯，但真係太正都忍唔住飲o左幾啖，$19好似貴o左小小，但其實又相當值得。

石硤尾耀東街之中,當年光顧得最多,莫過於蘇記,中五夜校年代,放學例牌同幾個同學仔來,吃個豬扒/雞翼麵等.吹吹水同侍仔講下馬經.闊別十年,同學仔各奔前程,昔日侍仔面目全非.再無人同我刨下馬仔,講下邊個女同學靚唔靚.但豬扒麵味道,依然不變.唯獨麵底已升格用上出前一丁.並非昔日廉價大光麵.價錢亦略貴過以前.當係買番個回憶都好,不知仲有無機會同昔日同伴,再一起吹下水.

19-11-2005 1651心情不太好，過下SSP 散下心。行完後就過大排檔吹下風及食個下午茶，唔想食麵，只係叫了奶油多及奶茶，奶油多幾脆但不硬，奶茶會比一般既茶記好，但當然係熱飲時候最好。簡簡單單就報告完畢，搞掂！

去深水買野，難得o黎開呢頭，決定去食僅存無幾的大排檔。之前已睇過食評，推介煎豬扒，當然要一試啦!我食豬扒烏冬，豬扒果然唔錯，煎得夠熱夠香口又好鬆化，但食唔出好勁肉鬆粉味。老公食豬潤麵，豬潤當然沒有維記出名，不過見有唔少客叫。豬潤雖然細細件，但不失爽口。花生醬多士，一般茶餐廳貨式，沒有特別。再來兩杯大奶茶，雖香濃但唔夠茶味。總體ok，如果想試下大排檔風味，都不妨一試。

自從睇完回味無窮後, 老公成日心思思要去蘇記食碗豬扒丁.終於擒日特地去0左深水土步...去到個陣成2點幾, 但係0的人都仲係人山人海...實在太多人0拉,所以我0地等0左成2個字都未有人肯同我0地落order. 原本有個哥哥好心幫我0地take order, 但係落完order 佢番埋茶檔交order時, 竟然比人鬧, 話叫佢唔好再接order, 因為實在係做唔切.況且我0地0既價錢牌相信已經因為人氣盛而大幅加價.而家食碗豬扒面要19蚊, 出前一丁另外3蚊.仲要免費贈送陣陣異味...已呢個價錢, 再加上呢個環境,我諗真係要諗清楚.

嚷著要來，終於有機吃過夠．．．我這個大鄉里一坐低不知這裡有甚麼好吃，只是一心嘆「風味」，看牛角風扇、摺檯、摺椅、排椅．．．鐵皮屋騎樓底大排檔格局，地頭龍「醒」了杯「啡走」給我，又見他那碗豬扒麵香香的，偷吃一塊，很是吸引，於是叫碗豬扒米。要吃這碗豬扒米是要經一輪爭扎，實在太「油」喇（比起在億榮吃的更甚），亦都很鹹，不禁想起一個似曾相識的道理來，愈鹹愈乾愈煎炸討多杯飲品。但我相信這裡不用這種招數，而是她們醃製的豬扒實在是「入味」，跟媽媽菜一樣，也煎得很香，我很喜歡；另一喜歡之處，是她們的麵／米粉都是那麼的「爽口」並不「糊」或「發脹」那般，爽呀！「啡走」非我杯啡，還是下次試回鴦或啡、奶茶便算了。