蘇記(茶檔)

營業中

休息中

不過在大排檔飲，總算要比在舖頭茶記有特色一點吧，我諗。周未又有波踢，未開場前在附近食左早餐先。剛好經過耀東街，又見是日不太熱，就來個茶檔早餐。照舊是鴦走少甜，加件奶油多。老實講，這裡的鴛鴦，水準不見很好，起碼我叫「多啡少茶」，來時又是茶味多，啡味淡淡的，水準一般；奶油多賣相麻麻，不過都烘得夠脆，如果要夾心的話，要加多一蚊。呢兩味食物，比平時在返工地方吃到的，是略遜一簿。埋單12.5元，經濟抵食。這些排檔，無論擺設菜牌餐具等都是本地飲食文化遺產，吃一次算一次，如果在附近的話，也來吃一下吧！

下午時分，成條街都係cab，泊左超過卅部。可想而知呢條街真係唔野小。幾間大牌檔一間未預備好夜市，一間就剛開始炒野。剩底茶檔同粥檔無甩拖。反正我都係想黎個3點3，其實都4 點幾喇，選中茶檔有咩食咩啦。見到豬潤麵、餐蛋麵等例牌野，豬潤早兩個星期先食過，餐蛋就朝早先食過，於是，點個豬扒麵跟凍茶。茶先上，呷啖，較淡，稍為要等一等，因為豬扒同麵都係即制的。聽到炸豬扒的bolu bolu聲，聞到一陣油香…係唔溢的油香。碗麵有成兩塊豬扒的份量，食落好香，好似屋企煎豬扒煮麵咁。加埋只係$25，值得推薦的大牌檔。