蘭桂坊車仔麵 (已結業)

蘭桂坊車仔麵 #中環喺eatigo見到原來蘭桂坊都有車仔麵，喺levels再上少少。車仔麵當然唔少得可以自己揀麵條同埋配料，仲有幾款唔同湯底。麵條: 除咗平時一般嘅粗麵、幼麵、米線、米粉，仲有烏冬菠菜麵同埋菜底揀。湯底: 清湯、咖喱、沙嗲、辣汁、滷水、腩汁價錢方面，都係按照餸嘅數量計:單餸: 36雙餸: 43三餸: 50四餸: 57 五餸: 64 之後每款加$10今次分別試咗豬軟骨蘿蔔腩汁米線同埋雞肉蘿蔔清湯米粉。兩碗味道其實都正常不過不失啦，不過啲餸嘅份量就真係比較少，但係勝在佢嘅蘿蔔都真係幾鮮甜。我個人就覺得除非你係外國遊客或者真係咁得閒無啦啦想喺蘭桂坊我試吓食香港嘢食，如果唔係都冇需要試呢間餐廳，香港有大把車仔麵平過又好食過呢一間。味道: 3/5性價比: 3/5

Came here the other day in the evening. The hours here run pretty late, so you should be able to come here at a more reasonable time of day, but the late hours are a nice feature.The place is affordable, and the staff here seems pretty nice. I would probably be back again, and anticipate doing so in the next couple weeks.

今日收工落老蘭 想食車仔麵 平平地就食佢我份人好健康架(其實係..因為已經山窮水盡)  所以我就去左食車仔麵7:00pm嘅蘭桂坊仲未係好多人以車仔麵黎講 呢到D裝修幾靚幾特別 環境舒服牆身仲有一個叉電位(usb頭)可以叉電 呢個設計幾好 因為Saved My life haha睇左好耐都唔知食咩好可以自選配餸同麵底 再自選湯底 再自選配餸餸既選擇唔少 有成三十五款咁多OMG~所以真係唔知食咩好不過好彩佢有啲預配搭 唔想揀食咩就Fit la~《蘭桂坊至尊車仔麵》$78超級大碗 好豐富 魚蛋 牛丸 豬紅 豬頸肉 牛腩 蘿蔔 時菜etc 乜都有啲招牌嘢基本上係齊到  湯底我覺得味道清左D... 唔係喎 我份人健康架床 都真係健康既! 豬頸肉幾好味 烤得幾香又彈牙 肉質都OK爽嫩牛腩好腍 真係好入味 肥瘦分佈均勻特別地方係佢有酸齋 令人開胃 如果腍啲酸啲仲正！整體份量其實真係多 ~小食就揀咗軟殼蟹 上枱時裏面仲係熱辣辣軟殼蟹炸得好脆 幾肉嫩 帶有微辣 不過係有少少油膩姐~其實呢個價錢係中環真係好難搵~而且我用左Eatigo Book 位仲有折扣...真係平到喊!!!! 

I think its still acceptable, especially when you have a craving for the local 車仔麵 at a strange hour in the vicinity and at an affordable price. The ingredients are ok, but the noodles and soup🤐

我去咗呢度幾次囉, 每次都同唔同朋友去, 個個都話幾好食, 仲話下次要去多次, 呢度已經成為我宵夜其中一個好選擇, 不過有時開得唔係好夜, 有時又 好似兩三點都未收, 唔知佢哋係咪睇心情㗎哩. 佢啲車仔麵 全部餸都好似幾好食, 佢啲食材用得幾靚 一食落口就知.

中環返工，日日諗食咩真係頭都痛。上開飯網搵到呢間車仔麵店，就試試啦。首先食物嘅份量少得可憐，介紹吓本人叫左五餸份量（淨餸+菜底）魚皮餃：1粒（味道淡）廚師腸：1條芝士腸：1孖貢丸：2粒（冇味）海膽丸：2粒（味道淡）湯底要沙嗲汁，但一啲沙嗲味都冇，食物同湯淡而無味，真係唔知點解咁多好評話係正宗港式車仔麵⋯⋯真正中伏！價錢$6x燒賣$20/8粒（貴）想食正宗港式車仔麵真係寧願行去上環，或者搭車去灣仔/銅鑼灣囉⋯⋯真心唔推介！

每日都煩lunch食咩好， 咁同事話不如食車仔麵吖! 最近公司的就系蘭桂坊車仔麵。 我話經過數次都勾唔起我的興趣， 不過當陪她們啦。去到都幾快有位。 點左個三餸米， 分別系牛腩， 豬軟骨和響鈴。 一上來， 哇！ 好似食剩嘅咁😣 (張照片系碗嘢剛上枱時影， 完全冇掂過) 同事叫凍檸茶來左熱嘅。 個侍應姐姐仲面黑黑，單手lap走杯嘢， 唔好意思都冇句。咁樣情況， 如果食物好味都話算啦。。。sorry， 出品味道唔需要比面。 我當場就同同事講以後唔來。食唔飽， 當日仲要隊下午茶添呀！😤

喺中環呢一啲咁繁囂嘅地方，要搵一碗好食嘅粉面其實係好艱難。喺蘭桂坊附近要搵一碗麵，難上加難。自從明珠執咗笠之後都冇乜嘢平靚正。平時食晏經過呢間車仔麵都見到有幾個人會排隊，今日早少少放飯就去咗食。12:45 去到間鋪頭仲有大約六七個位，成間鋪頭坐到大約30人。好啦講返食物，我叫咗雞翼蘿蔔麻辣豬耳同埋辣汁嘅米粉再加多一碟菜心，最出色嘅就係蘿蔔而佢嘅湯底同埋菜心都係淡而無味。我係落咗少少豉油去吊味。分量來講都算可以，不過我覺得以一隻雞翼就一味餸有啲過分。我會覺得性價比唔係特別高可以唔使排隊。特別一提，間鋪頭淨係收現金同埋冇紙巾。

晏就嘅蘭桂坊冇夜晚咁多人，行左好耐都唔知食d咩又平又正嘅嘢食好…見7仔轉角有間車仔麵，二話不說就入左去試下😂環境舒服，牆身仲有usb頭可以畀人叉電，幾鐘意呢個設計。叫左二餸麵，揀左沙嗲汁魚腐、豬頸肉米線，另加凍柚子蜜。魚腐浸喺沙嗲汁吸哂d味，好食，豬頸肉彈牙，果然係推薦系列。

叫左個兩餸車仔面，一泥到大大隻曱甴浮係面，變左三餸wor。做飲食有蟲係好小事，一定會有添，但大佬你唔好比我睇到先得架。一放低碗麵就見到係咩意思先？超碼比我撩兩野碗面先見到都好呀，都叫做有體驗過尋寶既樂趣係咪先。ok唔講蟲，講個湯，鹵水湯底。一d味都冇，我以為我圈錯清湯。仲叫左個炸軟殻蟹，3x蚊，我都冇期望d咩，not bad not good啦。總結而言，唔好食鹵水，除非你甘心平淡。p.s. 最好味係杯凍檸樂。（唔會係跟餐價+9蚊。係20蚊一杯）

放工去咗蘭桂坊搵野食, 竟然俾我發現到蘭桂坊有車仔麵! 間舖嘅裝修好有香港特色,用嘅都係香港舊式嘅碗碟, 而每個座位上都有一張紙畀你揀湯底,麵,同埋餸。而且仲有好多特色小食! 我淨係揀湯底都已經揀咗好耐因為實在太多選擇! 最後我決定咗麻辣湯底米粉, 再揀咗三個餸分別係:麻辣豬耳,肥牛,同埋蘿蔔。小食就揀咗炸魚皮同軟殼蟹, 再加杯招牌凍奶茶。等咗五分鐘就有得食, 最啱啲好肚餓嘅朋友! 個麻辣湯底好正宗夠曬麻! 蘿蔔炆得好林而且好甜好好味, 而且個麻辣豬耳我覺得係必定要試,因為好好味同埋好爽口!! 炸魚皮同軟殼蟹都好正,浸落個湯度食就一流。喺蘭桂坊度食車仔麵實在太有風味了, 最啱啲happy hour完又想搵嘢食嘅朋友仔們!

Happy hour 之後，大家都好肚餓，行到落斜路底見到一間新開嘅車仔麵  ，地方都幾企理，裝修都好潮次次飲完嘅一係就食串燒，一係就食翠華，諗起都悶，飲完酒之後食車仔麵都係第一次，呢度嘅車仔麵選擇好多，如果有選擇困難症嘅，佢仲有幾款車仔麵係幫你諗好晒有啲乜餸，仲可以俾你揀其他小食添，好過以前淨係可以食嚟食去都係果幾樣野。位置一流，一上黎就望到！飲多左少少，最好嘅梗係叫啲辣野去令個人醒啲，我就叫左麻辣湯豬頸肉肥牛蘿蔔米線，小食就要左炸魚皮，再叫左凍韓國柚子蜜。蘿蔔好清甜，吸埋啲辣汁，個人即刻醒一醒，再加埋色慾瘦嘅至愛豬頸肉同埋肥牛，咁就唔怕啲酒氣散左之後就肚餓啦。朋友就揀咗麻辣湯白蘿蔔豬耳肥牛米粉，注意好爽脆入味，小食就要左避風塘炸軟殼蟹，軟殼蟹炸得好脆趣，裏面仲係熱辣辣嘅！配埋杯金牌凍奶茶，好香濃，順便補充下糖分。

無幾耐之前去過蘭桂芳食吉列牛，行過時就見到呢間車仔麵，心諗，咁搞笑？喺蘭桂芳開間車仔麵？之後仲同大少講邊有人去食㗎？但其實呢個係好聰明嘅策略，飲完酒一定肚餓啦，食返碗地道車仔麵，正喎！睇睇menu ，除咗車仔麵料都仲有其他小食啊！我哋餓到死，叫咗幾款小食，有魚皮、雞翼尖、雞翼同炸雞軟骨。不得不讚下個雞軟骨，即炸，味道好唔錯，夠香口又惹味！我哋兩個都分別叫咗油麵，但麵質似拉麵多啲，唔似平時嘅油麵呢！幾特別係唔多地方有酸齋呀，呢度都有，味道如果酸啲更正！下次去開飲嘢，可以嚟試下呀！

同朋友去蘭桂坊happy hour，飲完酒又唔係好想食好多野見到呢間車仔麵就入左去。以車仔麵店黎講裝修好靚，幾有特色。一坐低又有d肚餓，所以叫左個好多餸既招牌車仔麵再加個海膽丸，幾個朋友再叫小食些牙，特色豬頸肉，椒鹽燒賣同雞軟骨。個招牌車仔麵份量都幾多，蘿白好甜，牛腩好腍同埋牛丸都好食，個沙嗲汁好濃好惹味。個椒鹽燒賣幾意想不到咁好食，推薦，燒賣皮炸到脆一脆再加上d椒鹽味，燒賣入面又腍一腍咁，食唔停口。

在無數酒吧坐落的蘭桂坊竟然找到一間食車仔麵嘅鋪頭，可謂標奇立異。餐廳的裝修比較新派，沒有傳統的那麼街坊環境，而且亦迎合到大眾OL或西裝友要幫手機叉電的要求，牆身有叉電抽頭，可謂照顧周到。招牌車仔麵（$66)+凍檸茶（$9）+豬頸肉（$32）招牌車仔麵即是乜都有啲，有魚蛋、牛丸、豬紅、豬皮、蘿蔔、生菜等。湯底OK，但每樣餸似乎細咗啲，少咗啲，味道冇乜特別，一般啦。豬頸肉就幾好味，但幾塊就要＄32，唔抵食！