蘭桂坊車仔麵 (已結業)

同朋友happy hour 完見有少少餓，就走左過隔離間蘭桂芳車仔麵到醫下肚。太耐冇落過去都唔知開左間車仔麵，個位置又開得幾好，飲完行二步就食得。價錢係中環真係平到喊，好過要行咁遠去去翠x食。佢都幾多選擇，我就飲到頂頂地叫左菜底加魚腐，蘿蔔，五花腩，再叫左幾個小食share.唔知關唔關飲完酒時，特別開胃同覺得好好食。我揀左麻辣汁，個味道就有d似食麻辣燙咁。蘿蔔好夠味同好腍，魚腐亦都係魚肉較多個款，有d餐廳魚腐真係唔得，呢間有咬口又唔會好粉。另外一定要叫五花腩，佢真係好似韓燒個種，飲完酒最鍾意食肥野🙊小食方面椒鹽燒賣一定要叫，好好食，佢有少少炸燒賣感覺，外面好肥，有少少乾食但唔係難食個種，入面仲係好軟熟，再加上出面椒鹽粉，好好食👍🏻1000000個贊👍🏻其他雞軟骨都唔錯，呢間小店咁多食物都好有水準，價錢平，味道好，酒前酒後醫肚好地方。

估唔到蘭桂坊都有車仔麵食！內在環境都幾靚架，呢個霓虹燈牌仲可以成為一個影相背景添！佢有啲已經預先配搭好嘅廚師推介，如果唔想慢慢揀食咩嘅就可以揀呢啲~當然佢都有其他車仔麵可以比你自己揀啦！佢仲好貼心有USB叉電位！！嗌左呢個《椒鹽燒賣》$20炸燒賣係我由中學時期已經好鍾意食既野，不過中學之後就冇再食過嚕，竟然呢度有得賣，搵返我嘅中學回憶呀！《秘製雞翼》$20都幾入味嫁，而且好淋～朋友就叫咗呢個《蘭桂坊至尊車仔麵》$78超級大碗，基本上有晒佢哋嘅招牌嘢食係入面！好豐富呀！我就叫做自選車仔麵特別推介招牌牛腩，真係好入味好林一啲蘇味都無，肥瘦分佈均勻我就叫左油麵～佢質感有啲似拉麵架不過仲叫咗冬菇，超級大舊呀😆😆

放工好鬼得閒,所以去左蘭桂坊,蘭桂坊俾我既感覺離唔開呢兩種,酒吧同埋餐廳。偏偏係一條咁斜路比我搵到一間與眾不同既車仔麵檔。個名仲好易令人記得,叫蘭桂坊車仔麵。加上都幾肚餓,所以就入面去試下。入到去見到好多以香港街道做裝飾既牆身,再加上木做既檯,都幾符合本土既特色。不過呢間舖頭都幾貼心,跟得上大家一有時間就禁電話既習慣,座位上面都有一個叉電位,當大家醫緊肚既時候,部電話都可以跟住醫肚。由於都幾肚餓啦,叫左一碗至尊車仔麵再加一個小食,椒鹽雞軟骨。等左一陣就有得食,賣相唔太似普通既車仔麵,係一碗有舖排既麵。*蘭桂至專車仔麵 $78一般廣東既粗麵都有好大陣既梘水味同埋麵身好硬,但係呢間既麵身好爽口,另我刮目相看。再加上配料方面都幾多下,大約有牛腩､ 牛丸､ 白蘿蔔､ 豬軟骨､ 魚皮餃､ 魚蛋､ 魚腐。當中白蘿蔔最好食,因為佢大舊得番又唔苦,甜加上爽口,正值時令。其次就係個牛腩,唔係好似食柴,炆得恰到好處,咬落口軟滑。其他都唔錯。最重要係夠大碗,食完真係好飽。**椒鹽雞軟骨$28炸出黎好脆口,唔油膩。跟日式既餐廳不惶多讓,再加上炸蒜紅辣椒,少少辣味好開胃,食落口唔會成口油,絕對大家可以一試。

係LKF happy hour 之後肚餓醫肚，一班人去食我至愛嘅車仔麵。呢度地點係LKF入面，飲野前或之後，醫肚非常就腳。裝修新，開揚同乾淨，唔洗迫，餐牌有多選擇。我叫左魚皮餃，芝士腸，牛腩，大腸。大腸不蘇，份量多，夠入味；牛腩好味；魚皮餃爽彈！呢碗配搭好正！朋友叫左整餸，，魚蛋牛丸好味，夠份量，又夠彈牙！酸齌令人開胃，酸齌配上豬皮同紅腸又夾好到，正！！d麵煮得軟硬啱啱好！！選擇多，價錢合理，服務好！！

蘭桂坊出咗名酒吧多，但竟然有一間食車仔麵嘅鋪頭在云云的酒吧中，名為「蘭桂坊車仔麵」。想睇下呢間店舖同傳統嘅車仔麵舖有咩分別，所以就走咗入去食，比較吓。這裏地方細細，但係都可以有二三十個座位，原因係兩旁設吧枱形式，而中間就擺咗兩張六人方枱。有些吧枱就面對街景，都幾切合蘭桂坊酒吧嘅格局，但亦覺得有些食日本拉麵嘅feel。驚喜的是發現貼住吧枱嘅牆裝有充電制供客人把手機充電，而且還設有櫃桶可放物件，這些設計頗顯得店主在裝修方面有D心思，對客人的細心值得加分。牆身一邊是用雞公仔碗做裝飾，而另一邊則掛了多張中環街道牌。成個環境格調和傳統的車仔麵檔完全唔同。車仔麵可以自己選擇餸菜和湯底，也可以order set好的。我們唔想用腦就索性order咗一個「招牌車仔麵」和「至尊車仔麵」，兩種款式分別有六至九樣餸菜之多，基本上差不多，有魚蛋、牛丸、牛腩、豬紅、蘿蔔和菜，「招牌」多了豬皮，而「至尊」則有魚皮餃、五花腩肉和豬軟骨，油麵加清湯做底。本人比較欣賞個湯底和豬皮，喜歡湯底清甜唔會太醎，食完未有見口渴；豬皮夠厚又夠多窿，令湯汁鎖晒入去, 咬落去好似食緊上湯小籠包咁唧晒啲湯汁出嚟。車仔麵用五花腩肉和豬軟骨做

今天行經中環蘭桂芳見到許多食肆林立，多以西式餐廳為主，估唔到見到在這兒有一家賣港式車仔麵的餐廳，感覺親切。餐廳裝潢具有特色，紅磚牆配上木色桌子和圓接櫈，牆上還有街道名字和雞公碗作裝飾，充滿香港地道風情。最貼心的是，還有叉電位，唔怕電話無電。餐點的選擇好有弾性，除了可自選餸菜和麵底外，還可自選湯底. 麵餸選擇唔少，有成三十五款咁多，仲有十款小食。今天我地要試下車仔麵、炸軟殼蟹同燒豬頸肉。蘭桂芳至尊車仔麵$78:材料有成九種！有牛丸、牛腩、魚丸、豬紅、五花腩、蘿蔔、魚皮餃、豬軟骨、菜同油麵，認真豐富！油麵食落有口感，有旦香而唔覺油膩；牛丸同魚丸都十分彈牙；豬紅好軟稔，索囇湯汁的味道，好滋味；五花腩十分爽口，脂香肉爽；而招牌牛腩是半肥瘦，肉質軟稔，充滿肉香又滷得入味！正呀！五餸麵$64:選了招牌牛腩、龍蝦丸、蘿蔔、魚皮餃、牛丸、油麵及咖喱汁這咖喱汁湯底很香口惹味，但又不會過辣或嗆喉，唔錯。牛腩固然好吃；龍蝦丸大大粒，口感爽彈；魚皮餃味道唔錯；最讚是那蘿白，大大塊，很軟很淸甜無渣，相信他們真是細心選材。特式豬頸肉$32:這豬頸肉烤得焦香，肉質爽嫩，充滿肉汁。炸軟殼蟹$36:這道菜真是必點！軟殼

在以前諗都無諗過蘭桂坊，竟然會有地道的車仔麵食，我一坐就坐落窗口位，食住車仔麵，望住蘭桂坊的熱鬧，個感覺真係幾正只代表個人立場，車仔麵當然係要食油麵，都要提一提這間的油麵麵香很足，另外，選擇了4樣餸，有甜酸齋，豬大腸， 豬頸肉，招牌牛腩，基本上都是店推介豬大腸睇個人喜好，因為這裡的豬大腸，是冧身的，食落口是入口即溶感，牛腩也是，味道好足，亦都相當冧身，果然係必點之選，而豬頸肉都唔錯，口感爽身肉味香最後，小吃的炸軟殼蟹，炸得不錯，有脆得黎鬆軟的口感，而且用椒鹽，所以味道很足，食完，好想開枝啤酒，配合係老蘭的情境

邊個話老蘭一定食西餐@蘭桂坊車仔麵中環蘭桂坊6號地下其實我在中環返工，好多時都會食完晚餐避開人流才乘車回家，蘭桂芳8成食肆都非本地菜，難得有車仔麵一定要支持下。用剔剔紙最方便唔怕落錯3餸麵才$50先挑麵（我要了米粉），湯底好多選擇共7種，分別是清湯，老水汁，腩汁，咖哩汁，沙嗲汁，辣汁同麻辣，我要了麻辣汁先惹味。餸我就點蘿白，豬軟骨同芋絲，芋絲夠爽滑我平時當麵食架，吸左湯汁就好味，館芽菜都係多水淡味，吸麻辣汁後絕配。蘿白清甜無渣又煮到腍身，豬軟骨唔洗請爽口肥獲分明仲有小食飲品，菜心$18 全走用來補充纖維，始終車仔麵太多肉又濃味。雖然係平民車仔麵也是吃慣的味道，但在中環有間車仔麵已很好了，因百里外都沒一間，是慰藉心靈的港人車仔麵。

車仔麵好危險㗎！尤其是呢啲勁多種顏色既湯底 我個朋友就傻仔左啦 食到件衫污糟曬 放心大家 我的朋友不是我 其實中環食晏車仔麵既選擇好多 不過朋友話呢間既麻辣湯底好正 所以就食到成身都係啦 咁我都同意既 同埋個菠菜麵底幾好食 推薦 啊不過我晏就真係好想食飯 所以去到都係嗌左豬腳飯 豬腳都唔錯食既 都係嗰句啦 正路 啊 係加左個麻辣豬耳 偏硬 但係麻辣既味道都係唔錯既 都係一個唔錯既送飯選擇 聽講呢間嘢開到半夜 都幾搞笑既 真係好危險囉 你諗下 我個朋友 清醒狀態下食車仔麵都咁 你地high high地點食麵啊？ （定係我個朋友晏就已經high左？）不過我諗喺鬧市之中都係要放一間光猛既麵舖 好似應該光猛既食店夜裏有特別既作用 講緊消耗完能量要食啲嘢補充一下 應該有趣既 大家夜晚過黎try try

時不時聽到「你就好啦，有老豆撐腰」，其實這只是起步啫。所謂成功需苦幹，力不到財不到。早前在雑誌上介紹過蘭桂坊開了間車仔麵檔，兩位年輕人從外國回流，得到父蔭而成功開店。我抱著八卦心態去睇下，試一下。裝潢比一般傳統的車仔麵檔潮，乾淨舒服。見兩位年青老板在打點一切，親力親為，感覺好有幹勁。點了皇牌至尊車仔麵，餸料有魚蛋，牛丸，牛腩，豬紅，魚皮餃，五花腩，豬軟骨，蘿蔔，時菜和油麵。以七十多元一碗麵，份量不算太多，偏貴價，可能位於中環區，租金高所以定價都有所考慮。湯底清甜 ，食後不覺口乾。牛腩好正，肉質軟熟，有少少肥位，入口即化。牛丸帶有糊椒辣，爽彈開胃。蘿蔔煮得通透，吸盡湯的精華，甜美！魚皮餃比一般皮薄，全無味精，ok 喎！再點一碟推介之選炸軟殼蟹，即叫即炸，熱辣辣，真的小心熨嘴。炸得不油膩，嚼落清脆乾爽，有少許蟹膏，和味。還有點微辣增添食欲。整體水準不錯，服務又好，希望兩位年青老板再加把勁啊！

這間蘭桂坊車仔麵地理位置優越，如果約咗朋友去蘭桂坊飲酒，人未到又有少少肚餓食下車仔麵等朋友來實在方便，飲完酒肚餓都可以食碗車仔麵，星期五六日他們凌晨六點才收工，完完全全方便去蘭桂坊飲酒的朋友，而且在這樣繁盛的地方買車仔麵，老實講價錢合理，當然食物都有一定的水準。車仔麵好食的原因當然食物要有水準但是款式多樣自由配搭也是一個相當重要的元素。椒鹽燒賣 $20燒賣炸過後加上椒鹽食落煙韌得來也十分脆口。秘製雞翼 $20秘製雞翼雞皮滑溜雞肉嫩滑女士至愛。菜心 $18新鮮蠔油菜心條條翠綠加上蠔油的鹹鮮味正。五餸麵 $64沙嗲汁配油麵、魚片頭爽口有魚味，招牌牛腩雖然小肥但味道剛好不韌也沒渣，魚皮餃餃皮煙韌，鮮腐竹豆味香濃柔滑把沙嗲湯汁吸收非常好味，豬軟骨煮得剛好豬軟骨煮得軟身膠口，沙嗲汁味道剛好不會太鹹有沙嗲味配上軟滑的油麵正。

美國既表姐黎香港旅遊, 我就帶佢周圍行下見識下香港地道文化, 今晚來到香港不夜天蘭桂坊, 經過見到原來有間食車仔麵既小店, 表姐覺得好新奇, "車仔麵"亦是香港地道美食, 所以我地就入左去醫醫肚。餐廳小小, 卻提供多選擇既車仔麵Toppings同埋幾款小食, 雖然開設於蘭桂坊地段, 但價錢亦不算"掠水價"先點一些小食開開胃:【椒鹽燒賣】 HK$20燒賣外皮脆中帶點點煙韌, 灑上椒鹽, 很惹味。怕熱氣既亦可選擇蒸燒賣. 同樣價錢, 還比椒鹽燒賣多三粒【魚肉燒賣】 HK$20【炸魚皮】 HK$22香港地道小食, 酥脆, 沒有油益味。【椒鹽雞軟骨】 HK$28表面酥脆, 內裡軟骨爽中帶口感, 同樣是椒鹽, 惹味!【炸軟殼蟹】 HK$36份量為原隻軟殼蟹, 不算太油, 想不到連食車仔麵都可以食到呢款小食。主菜終於來----- 【車仔麵】。很多款都想試, 自選toppings+湯底+麵種, 加HK$9再追加飲品, 我就揀了豬紅、豬腸、水魷魚、海膽丸、牛腩、豬軟骨。麵底份量都幾多, 我揀左油麵, 帶點點彈牙感。我最喜歡當中既牛腩, 非常入味, 而且夠林, 中層有少少牛脂, 肉質不會太乾。海膽丸一咬

記得求學時期，最鍾意就是以車仔麵作午餐，除了因為價錢較碟頭飯平一截之外，最重要就是淥兩淥就食得，方便快捷。記憶所及，當時嘅車仔麵，配料選擇不多， 不外乎豬皮、魚蛋、蘿蔔等。不過時移世易，近年嘅車仔麵餸料，推陳出新，而且愈趨豪華，當然價格亦翻咗兩番，與茶餐廳套餐相若，幸好食味沒大變化。就好似筆者最近幫襯嘅「蘭桂坊車仔麵」，不但味道可口，而且甚具本地特色。店址位於蘭桂坊 6 號地下，店名直接了當，以蘭桂坊命名，簡單易記。踏進店，地方不大，但門面開揚，以木檯配小圓櫈，筷子用玻璃杯盛載，桌上放有調味醬料，環境乾淨企理。餐牌一張過，分成底面兩頁，湯底有七款可供選擇，包括清湯、咖哩汁、沙嗲汁、辣汁、麻辣汁、鹵水汁及腩汁；配料選擇亦超多，足足有成 37 款。至於麵底方面，除了有大路嘅油麵、幼麵同粗麵外，客人亦可選烏冬、米粉、米線，甚至較少見嘅菠菜麵，加埋兩款油菜同十款小食等，相信絕對可以滿足不同客人的胃口。如果唔想傷腦筋嘅話，其實店子亦另備有三款廚師推介車仔麵可供選擇，包括招牌車仔麵、健康之選及蘭桂坊至尊車仔麵。先嚟嘅蘭桂坊至尊車仔麵 ($78)，賣相勁有霸氣，一碗已經有成九款餸料，包括魚蛋、牛丸、

今晚黎到中環出event!! 出完之後去搵食~經過蘭桂芳見到附近有間車仔麵, 望落乾淨企理, 又唔洗等, 所以就入去試下啦!!入到去果然環境舒服, 座位又唔會迫.一坐低先揀野食, 都多多選擇.  麵條、湯底有七款選擇，不過我就中意清清地～所以點左碗米粉，有蘿蔔、牛丸、墨魚丸、芋絲同豬皮，湯底要左個腩汁。蘿蔔非常鮮甜，牛丸同墨魚丸彈牙，芋絲健康，豬皮爽口。食落又真係好唔錯，我都額外加左個秘製雞翼，整得好入味。下次如果黎中環，想食平野可以黎呢間 ！！

最近黎到中環返工, 約左舊同事食飯, 佢呢個地頭蟲話想帶我食車仔麵, 咁當然ok 啦..平時中環食野咁貴, 車仔麵點都唔會貴得去邊~呢間車仔麵檔環境都好乾淨，座位舒服，價錢睇落好REASONABLE!一坐低, 可以TICK 張紙揀自己想食D 咩.都幾多選擇, 麵條同湯底都有七款選擇。我就揀左4個配料既粗麵~ 有豬腸、牛腩、牛丸、甜酸齋~ 份量夠哂多, 又好食, 特別係個牛丸, 彈牙爽口, 下次黎都會必點,最後清清地叫返個菜心, 非常健康!overall 唔錯, 下次會再黎!!