蘭桂坊車仔麵 (已結業)

喺中環呢一啲咁繁囂嘅地方，要搵一碗好食嘅粉面其實係好艱難。喺蘭桂坊附近要搵一碗麵，難上加難。自從明珠執咗笠之後都冇乜嘢平靚正。平時食晏經過呢間車仔麵都見到有幾個人會排隊，今日早少少放飯就去咗食。12:45 去到間鋪頭仲有大約六七個位，成間鋪頭坐到大約30人。好啦講返食物，我叫咗雞翼蘿蔔麻辣豬耳同埋辣汁嘅米粉再加多一碟菜心，最出色嘅就係蘿蔔而佢嘅湯底同埋菜心都係淡而無味。我係落咗少少豉油去吊味。分量來講都算可以，不過我覺得以一隻雞翼就一味餸有啲過分。我會覺得性價比唔係特別高可以唔使排隊。特別一提，間鋪頭淨係收現金同埋冇紙巾。