蘭香茶餐廳 (已搬遷) 新店位置

今日十二點同女友試下尼間，見同嘉樂一樣咁旺，叫了早餐和特餐，火腿奄列都好多油喎，面包鬆軟，熱華田好淡，凍檸檬茶ok，總括來說無咩特別。

今朝晨早去完physical...join 老公去蘭香搵老闆娘嘆下先!例牌咩都唔駛講...老闆娘已搞掂, 兩杯一大一小茶走少甜, 奶味重, 叉燒湯意, 奶醬包係老公平時既例牌(佢都話唔錯), 我就要蛋治留邊走油, 今次加相係想大家比較下佢同嘉樂既不同, 蛋真係好薄好少, 但係佢既麵包係好鬆軟, 比平時既茶餐廳三文治厚, 蛋只係作為一點點襯托, 這才是我喜歡的三文治!

一心想到嘉樂冰廳吃早餐,誰不知摸門釘.在隔幾個舖位的"蘭香",之前聽過公關姐姐講過其厚多士不錯,既然一場來到新村街,絕無理由要空肚回.舊式茶餐廳格,門口櫥窗陳列一排樽裝鮮奶,很有上兩個年代的味道.記得小時候,也記得有些茶記,是愛放些鮮奶樽在櫥窗的.有支裝鮮奶,就一定有營養餐.這一個早上,當然要特餐,貪其有多士,菴列,奶茶一次過.厚多士不算特別厚,市面比她更厚的大有人在,牛油完全溶化,又香又甜,沒有人做植物油的討厭假味道.火腿菴烈煎得剛剛好,蛋白同蛋黃雖然溝得不夠均勻,但我反而喜愛這種不刻意營造出來的"不修遍幅"味.蛋本身入口嫩滑,不過火,打橫一切,甜美的蛋液連同火腿絲一併流出...餐肉通普通料,邊處吃也差不多,奶茶味道不夠香滑,奶味略略多過茶味.雖然為舊茶記,但比其他老店多一份活力,侍者大多年青人,一身便服,乾乾淨淨,可能是一家人拼手抵足地經營.聽聞其港式會意粉也有水準,如果下次中午時段路過,也樂於前來一試.

今朝晨早落荃灣,未開工先醫肚.呢間老牌茶餐廳,人頭湧湧想個位都唔係咁易.叫個早餐($21)有旦治,腿通同奶茶.麵包厚切兼鬆軟,D旦又新鮮炒,夠熱但少油,正.其他就OK啦.舊式茶記以家庭形式經營,阿爸茶,阿媽收銀,個仔就做伙計巳經越越少,希望佢後繼有人,繼績做落去.

因為見到好多人寫左食評所以專登黎食架..下晝兩點幾黎到, 都幾多人wor~叫左個常餐b($23),有牛油厚多士, 火腿奄列, 叉燒燴意粉.多士好味, 原來可以轉其他款既多士(占多),火腿奄列油左d, 不過都好多料,我鍾意食燴意粉, 茄汁地濕濕地….不過食晒真係好飽.杯咖啡就冇咩特別.一路坐見到佢地有好多熟客仔, 下晝都好多人食炒飯, 個賣相唔錯, 但係好大碟架, 我一個人肯定食唔晒..不過, 呢間整體黎講都幾好味!!下次試埋隔離間冰廳先

二間都在荃灣新村街. 因為嘉樂未開, 我就試吓蘭香, 但不是太好.

上星期六係度食個午餐, 一件厚多士,火腿蛋, 叉燒燴意粉同埋一杯凍奶茶. 其實真係無乜特別, 尤其是個叉燒燴意粉真係麻麻,奶茶又無乜茶味,我諗無下次啦! 反為下次再黎荃灣,會試下間鄰個間"嘉樂冰廳"因為我走個時見到有好多人係個門口度排隊.

我地都有好一陣子無黎啦...老公今朝陪我食早餐, 佢既照舊, 我今朝就學人叫大茶走, 少甜, +$3, 大杯, 茶味又夠, 唔太甜, 好好味, 岩岩睇到報紙講話...茶餐廳既冰含菌量好高, 以後都係飲番熱飲啦! 加多件特厚留邊少油蛋治, 軟綿綿...又開始新既一天!

尋日朝(19-8-2007 Sun)趁可以自己一個食早餐又要落荃灣整啲要體力勞動o既o野,於是想去好評如潮o既嘉樂冰廳試試.點知,8:05am o黎到,未開門?唯有行去隔一個舖位o既蘭香,都有7成滿,亦仍然有卡位.我叫o左$@3.00 o既特餐,加$0.50要多士,熱奶茶(因為我覺得個位幾凍).一會兒,奶茶送到,其他o既牛油多士,火腿奄列,午餐肉通粉都到齊.其實賣相一般,通粉幾大碟,而湯係較深色.先食火腿奄列,普通啦,牛油多士幾厚,好脆.食完後食通粉,食o左幾啖開始飽飽滯滯,不過都要食晒佢,最後飲埋杯變暖o既奶茶,好彩只落兩茶匙糖,否則會太甜,都o岩o岩好o既,有茶味唔會太淡.呢o度真係做熟客生意,九成o既入o黎o既客人佢o地都識,不過對生客招呼都唔錯o既.佢o地都朝氣勃勃咁o架,而且啲亞姐真係好盡責,人多order自然會多,而廚房亦會做漏或慢啲,亞姐就會睇吓邊張枱欠咩o野就提廚房,最佩服佢o地o既係佢o地唔寫紙就記得o個枱食咩一直都埋單都係,真係醒.其實o野食係普通,不過可以話係人情味搭夠.可惜呢o度離我屋企算偏,否則可以密密o黎o既.

成日聽到人地話好食,但係自己住荃灣灣咁耐竟然未食過,叫左最多人好評既常餐,多士比其他餐廳厚,不過唔夠澳牛厚同脆,牛油多得滯,隻蛋同炒意粉又係勁多油,唯一係杯凍奶茶幾好飲

呢家野真係幾乾淨同好坐返工食lunch想坐耐d都係去佢,雖然野食無咩特別但真係幾好味每次去都係特餐轉油多加ot!的確係唔錯的!至少佢個個油多夠熱又香脆

七月份都無乜幫襯過老闆娘, 今日經過自己入黎搵野食! 唔想成日都食餐(麵包), 要一個均衡既飲食, 我在上既餐牌發現了一行字- 蕃茄牛肉湯粉麵, $18, 好! 今餐要健康, 等了三五分鐘即上, 一碗紅紅既米粉呈現眼前, 它跟我想像的不同, 我以為係普通幾舊蕃茄, 估唔到湯底會有紅色既景象, 牛肉一般, 唔係好腍, 反而蕃茄好, 湯底味道亦有好濃蕃茄味, 如果可以淡番少少, 就哂我, 下次問下可唔可以轉牛肉先!

老公要開工, 自己做完gym 就黎食個豐富既早餐!例牌老闆娘好鬼sweet, 知道我喜好, 不過今次自己叫個叉燒湯通, 通粉腍少少, 唔緊要...有我既留邊蛋三文治少油, 食之後都好飽, 今餐就算無人陪都好滿足啦!

琴日開了小小OT，推到3點半才吃午餐，本來打算到久違的荃灣新村街嘉樂冰廳吃其大份奄列，無奈捧場客太多人龍太長，飢腸轆轆之下往一舖之隔的蘭香開餐。二人點了一份午餐和一碟咖哩牛腩飯，$20午餐有火腿意粉或火腿奄列＋油多＋維記鮮奶；哩個餐就無咩特別好講，一般味道唔難食，好耐無飲的金蓋維記鮮奶，同近排飲開的蒙牛相比，算是另外一種味道。。。。要重點推薦的是咖哩牛腩飯，$25包送例湯，可是例湯一D都吾係例牌，味道濃郁，裡邊居然有淡菜，以茶餐廳例湯來說是頗落本吧。咖哩牛腩飯的牛腩份量不少，有牛筋及牛腩，兩者都十分鬆化入味，而那個咖哩汁和灣仔惠記的出奇地相似，辣得來又好香濃，點油多食就更一流！以後要吃好味的咖哩又多一個選擇了～

昨天去完嘉樂, 今日試蘭香.男朋友讚叉燒燴意恰到好處,和推介熱奶茶,茄牛米就普通啦.不過食得舒服少少,招呼都友善少少......