蘭香茶餐廳 (已搬遷) 新店位置

好耐都無留食評, 雖然一個月都有三, 五數次係食早餐!今天例牌叫早餐, 叉燒湯意, 蛋治留邊走油, 奶醬包, 凍奶茶, 茶走少甜, 共 $40! 其實次次都係叫同樣食物, 但有時收 $38.5, 有時 $39.5, 有時 $41...因為我地同老闆娘都幾熟...唔去計較, 是但啦! 同樣, 我既至愛蛋治都係次次唔同, 我指既係麵包厚度, 當然厚啲好食啲, 今次就係我食過既最薄既一次, 老公仲要安慰我...算啦...今晚我要去 outback gathering....咁heavy...咪食少啲 lor! 奶茶做得唔夠隔離咁有茶味, 叉燒得兩, 三塊, 但老公話幾好食嫁, 不過, 意粉太腍! 今次仲聽到有人叫蛋白三文治, 同埋華田走糖, 前者下次可以試下, 後者就覺得奇怪, 唔係不嬲都無加糖, 黎到先自己加嫁咩?? 何解? 何解?

:係荃灣居住多年,每天早上都要幫襯蘭香,飲杯熱奶茶,食件油多留邊,咁多年keep住水準依然.....yummy.有好多時lunch都會係到解決,由於公司係附近,常和一班同事落嚟食午飯,佢哋有Ｄ飯餐$30都唔洗,有老火例湯,一碟飯加飲品.........抵呀！精選推介-咖喱雞飯.......正.咖喱入味,雞又滑.另外豬扒飯,炒飯亦非常好味.講到最有誠意莫過於例湯,跟飯附送無味精材料十足的老火湯一大碗,好似媽咪煲咁,好夠味.Ｂ餐相信係佢哋嘅皇牌,聽見兩位似係太子爺侍應常嗌....Ｂ餐再嚟,就知多人食啦！一件多士+火腿煎双旦+一碟茄汁义燒會意粉+飲品,廿幾蚊,又幾好味,仲想點！食得飯多呢個都係另一個好選擇.仲有樣好勁的就係佢哋唔洗寫單,用腦記,又記得Ｄ客食乜,又無錯,佩服,佩服.

今日第一次試.....試完後覺得會係最後一次原因只有一個,凍奶茶小弟每慣光顧茶記都例牌order凍奶茶而今次呢杯凍奶茶真係...難飲難飲在唔係苦澀,唔係太甜而係無茶味....就好似酒店自助倒奶溝茶既西冷紅茶又好似平時叫茶記外賣,因為外賣仔遲送黎,溶左d冰既淡奶茶淡而無味食物係ok既,豬扒抄烏冬,茶記黎講算中上可惜加既分唔夠扣奶茶既分睇番師兄們既食評,都有唔少人講佢既奶茶唔掂真係好難明,一間有番咁上下歷史既茶記奶茶竟然一d功力都無好難令人有再光顧既意欲

剛吃完了包子"鍋貼"，感到有點口喝，看身後的茶餐廳名字怎麼有點印象，細想之下原來是出名茶香幼滑奶茶的蘭香。這真是突然而來的奇遇，不作他想就衝進去來買一杯奶茶外賣少甜。殊不知，一切想得太美好了。為什麼呢﹖這奶茶是極之失敗之作，除了茶香味不錯之外，不夠幼滑，因而嚡口非常。我不是在說買了後幾分鐘的事情，而是買後即時飲下去的感覺......難道，這奶茶只能熱而不能凍嗎﹖基於還沒試過熱奶茶的品質，所以暫時不給與喊臉~

早幾日同女朋友再去呢度食,之前都食過好多次,亦都寫過食評,食物真係o晒k,只係多左d油,但係今次我叫左杯凍奶茶走甜就有少少出事了(之前我喺道飲開熱奶茶),我杯凍奶茶走甜一飲,唔止走甜,仲好似走埋奶同茶,所以我好似飲緊杯冰水咁,因為杯凍奶茶走甜,今次只可以俾個ok佢喇!

睇到有些食友嘅食評，都係話去到旁邊嘅嘉樂見到冇開門先至過來呢度幫襯。估唔到今次自己都係一樣...一心想帶太座去試試嗰個八隻蛋嘅奄列，但撞正端午休市，不得要領。不過都不太緊要la，反正自己已食過多次....究竟呢度嘅水準係唔係真的及不上嘉樂呢 ? 講真，又唔見得噃老實講，嘉樂嘅出品勝在一味夠大份，講味道就真的算不上很出色。呢度嘅份量就比較"正常"，講味道，絕不比嘉樂遜色，甚至可能仲好DD添....淨係睇睇嗰件西多士就知一二。望上去，賣相有點兒像响西貢泗益食到嘅出品。顏色呈淡黃色，應係醮上蛋漿後慢慢煎炸的，吃落口亦冇咁油膩，跟平常吃到嗰種放入滾油炸出來嘅完全不同。跟泗益嘅最大分別係冇夾入咖央醬，只係靠牛油及糖漿嚟俾味。太座覺得有點美中不足 (因佢比較喜歡有花生醬餡的)，我又覺得冇乜所謂，好嘅西多最緊要有蛋香、麵包夠軟熟及牛油糖漿份量下得夠重手。呢度嘅出品已很不錯，絕對食得過...茶走冇乜茶澀味，飲落滑口順喉，很不錯....聽講呢度嘅烘厚多士係名物，就叫份油多試試。所謂嘅厚多，以依家坊間水平來講，實際上並不算厚。包質感的確頗軟熟，牛油夠多，搽上剛烘起嘅多士上面，呈半溶狀態，又香又好吃....

懷住一個期待o既心情...去喜樂...點知....端午節佢放假,果然係唔憂做呀結果去左隔離蘭香...好彩都有睇過下食評,知道下佢係點同樓下個位兄弟一樣....茶餐廳最重要既奶茶居然係唔合格,真係同m記差唔多...好難想像佢會咁多人去...食物我叫左特b同年午餐....完全冇特別...同一般茶餐廳一樣原來想比喊ga...因為奶茶真係差得命...但好彩d service真係唔錯...好多人等緊都仲有禮貌...呢點補番啦!!但...都係一次夠晒數~!!!

很久沒有到蘭香, 早兩天突然想起杯奶茶, 三人行便走了一趟.沒有寫單嘅伙計, 只聽到不停嘅"B"餐多士, 奶茶.................... 記性好犀利嘅水吧師傅!可以一試嘅牛肉麵, 牛肉夠滑... 奶油多士, 夠厚, 好味! 但奶茶就真係好失色, 定師傅嗰日失準呢? 只同麥記嗰杯差不多喎. 請留意...仲有食咗碟滑蛋蝦仁飯, 蛋真夠滑, 蝦又爽...正!

我叫了營養B餐...... 有豬排x1 雞中亦x2 鮮油多1份 熱奶茶1杯豬排好食又無渣,雞亦好滑肥嘟嘟,而鮮油多真係在兩塊包中間全是解牛油,一d空位都無,奶茶都幾滑,ok啦......而且呢度其他餐都好抵食架.....不過呢度d野都幾多油,如果有d人唔中意就唔係好岩食了

再度蘭香,全因去到嘉樂,仍未開門營業.油多仍然夠厚,放隻蛋上去吃更加快感,杯中的奶茶,仍然不夠味,奶同茶味失衡.人來人往的早上,個個都要午餐.午餐有些什麼?除多士煎蛋之外,由叉燒炒意粉,來代替湯通粉.見每個人都吃,心想應該幾好,其實,這個意粉,只是用茄汁略炒過,再加幾舊叉燒便成.一味得茄汁味,如果你們愛茄汁之單一酸味,或者會愛上也不定.我就不知所以,想起勝利道奇香的茄牛會意.

4/4/2008拜山完畢，番落荃灣，有d肚餓，就o黎左蘭香食午餐。媽媽叫左個海鮮炒米粉($28)，而我同爸爸每人要左一個午餐B(423)。午餐B有油多、煎雙蛋火腿、同埋叉燒會意粉。個油多烘得好香，麵包好「軟熟」。煎雙蛋火腿就太油了。叉燒會意粉的汁係茄汁，幾香，叉燒幾林幾好味。食晒成個餐，其實都幾飽下。熱檸茶都幾香。唔錯唔錯……再試試媽媽果個海鮮炒米粉，無乜油，好正。隻青口仲好鮮甜tim~如果呢間茶餐廳o係我屋企附近，我一定成日幫襯呢！^^

朋友岩岩係日本返香港～話好掛住香港既凍奶茶！身為朋友當然要帶佢飲返杯靚奶茶～須手食個ｌｕｎｃｈ啦！朋友叫左午餐ｂ．．．．一般貨色，２５蚊有埋凍飲有多士又有炒蛋，叫做係咁！我自己叫左豬扒飯，見佢就咁好似好ｄｒｙ咁．．．就問老細可唔可以轉炒飯，老細話要加５蚊～冇所謂啦，價錢唔係問題，最重要係好食，同食得開心！連埋凍飲３７蚊埋單～個人覺得豬扒幾ｏｋ林林地唔錯，係個炒飯好似有少少濕，不過都接受到～仲好大碟ｔｉｍ朋友仲另外叫左７仔”老水”雞翼．．．我覺得一般姐．．．．仲要幾貴野，唔太低食！豬扒飯＝３７午餐ｂ＝２５雞翼ｘ７＝３０由於今餐我請，所以～ｈａｈａ

本想到嘉樂冰廳一試, 但不知何故星期六的上午十時仍未營業,只好到旁邊的蘭香解決。叫一份最common 的早餐加熱啡,通粉真是十分普通, 還稍嫌不夠熱,幸而旦治的九成熟的炒旦炒得很滑, 看到旦黃和旦白的顏色鮮明。熱啡不過不失吧,雖用上瓷杯但仍不夠溫度。是我太寒了嗎??

朋友經常問,喂~荃灣區有咩好野食先???一時之間我都答唔到...平時趕時間多數都係去快餐店...今日有時間,不如就來e到試下啦...去到都差唔多2點...見入面冇咩人就入去啦點知入到去,冇錯空桌係有好多...不過就冇人汁野囉...食完就係放係到...d樓面好似偷緊懶咁...坐低睇左陣就同朋友叫左2個一般既set...因為其他果d好似冇咩新意...好普通咁...個餐有一個燴茄汁意粉,厚油多,2隻egg既奄裂加野飲有驚喜係因為意粉用茄汁燴,唔係用"士"油...e到坐得冇嘉樂咁迫同咁多人...可以坐耐d都得...不過冷奶茶就好一般...好似好淡...冇咩味...不過如果講低食應該係嘉樂...起碼奄裂有成4隻egg先啦...不過,如果嘉樂冇位,e到都係一個好地方!!

今朝老公陪我食早餐...又係照舊, 今天只想講...老闆娘偏心...老公叫既奶醬包勁厚!