蘭香茶餐廳 (已搬遷) 新店位置

專登揀左星期五早上八點多去試下，果然唔多人，一去到就有個位。今次隨便叫左個餐去試下味道，因為見openrice 都幾多人比好評~服務幾好，個waiter見比錯左野，即刻自動幫我換番~個奄列就一般啦，中等，但係奶醬多就好正！奶茶都O K不過其實呢個餐份量比較小，下次會叫埋通粉先得~感覺幾好，下次會再去，值得堆薦

看完各食評, 再仔細留意, 他們這一家各有特點!老闆...負責茶水, 跟幾個瘦瘦的親友在廚房負責食物!老闆娘...負責樓面, 大大聲中氣十足, 最了解我所需, 點野食盡量都搵佢!亞哥...笑容不多, 點野講得不清楚會不耐煩, 盡量避開佢!細路...笑容較多, 有禮, 親切一點!麗姨...不知有否記錯, 同樣中氣不足, 開始知我所需!餐具方面, 何時用透明杯/瓷杯, 仍未分清楚? 飲品可加色, 加奶, 少奶, 麵包可加減厚度, 切開免切, 任君選擇, 雖然蛋不夠嘉樂大, 飲品不夠嘉樂大杯濃郁, 但一家已在此經營多年, 已有一班熟客, 我想最可取的地方是他們多數不放公眾假期, 晨早六時已營業, 實在方便了不少早出的上班族!P.S. 上次食評的相片有點錯誤, 好吃的應是麵包, 意粉腍了一點!

叫了午餐A,B各一個A餐 牛油厚多士, 火腿奄烈, 鮮奶一支 賣$21, 多士好普通只係厚左,麵包唔夠軟,奄烈好單薄,蛋又少B餐 牛油厚多士, 叉燒燴意粉,熱奶荼 賣$27 多士都是一樣,叉燒燴意粉,意粉好(林)以這個價錢,賣這樣食物,實在太差了 !難怪隔離嘉樂咁好生意

朝早獨自一人...要出 Trip...於是食多一點, 自己叫了一個早餐, $21, 蛋治留邊走油是例牌的, 水準依舊, 火腿湯通, 通粉好腍, 而且食完件大蛋治, 好飽, 好飽, 吃了兩啖便放下, 下次要叫少通粉, 杏霜唔夠濃, 佢換咗隻捷榮四方杯, 好討厭, 隻匙都放唔到, 拎起隻杯後, 又要再將隻匙移開先放到隻杯, 以後要叫膠杯上!R23

25/10(六) 4pm為是晚的火鍋張羅,涉足了荃灣楊屋道街市.這街市實在琳瑯滿目,誘人得很,光是海鮮已佔據地下全層的面積.衝鋒陷陣前先到吃個茶點.四時許,隔壁的"嘉樂"門前依舊呈現一片繁榮景象,無謂"湊熱鬧";進了"蘭香"草草的分享了雞翼併豬扒餐$22跟牛油多士及餐飲.牛油多士--約有一寸厚的多士異常鬆軟,跟原味強勁的厚切牛油合起來成了黃金拍檔!雞翼併豬扒--2隻滷水雞翼看來發育不健全,但很是入味,另一主角洋蔥豬扒,肉質軟腍,唯肉味單薄,五香粉稍重手.茶走--茶味偏削,奶味主導的茶走."嘉樂"出色,"蘭香"亦不要小覷!

26/10/2008三點幾見肚餓就來試下喇叫左個特餐,蛋牛治個特餐除左塊餐肉煎得好食外都無咩特別之處,個奄列等得耐唔緊要,等左一大輪之後來既係超多油既奄列,要瓊一瓊d油先放得入口個蛋牛治完全唔得,d免治牛一陣酸味,難食到嘔,真係好想換個另一款,不過聽到d待應咁粗豪,多一事不如少一事,都係算喇!

今日去咗呢度食Tea, 之前見佢門口好多人排隊. 今次好好彩, 等咗幾分鐘就有位喇.間鋪嘅格局係好街坊傳統七、八十年代裝修.我哋叫咗常餐, 特餐同o架哩牛腩米. 當然要試試佢最出名嘅奄列啦. 奶茶緊係必定動作.個奄列幾好, 好有煎蛋味, 煎得幾香.奶茶不過不失, 有傳統茶餐廳風範.另外個架哩牛腩係同米粉分開上. 個米粉係星洲炒米嚟. 好有架哩味, 好香.服務方面, 唔好以為佢係傳統茶餐廳所以差喎. 可能係因為呢間茶餐廳係家族經營, 個個都好賣力. 佢哋都會有"多謝", "唔該". 都幾有禮貌.大家可以一試.

一心找下午茶吃，荃新天地的食肆又不合口胃，決意食番餐茶記的下午茶。走過嘉樂碰碰運氣，但一如以往，嘉樂是大排長龍，等得來都天黑個種。反觀隔離的蘭香，只得數人排隊，於是便退而求其次來這裡。呢度既招牌出品牛油多士，仍是用厚多。扒爐輕煎過，再塗上牛油，必然是又香又脆，難以抗拒；港式茶記做法的叉燒燴意粉，一堆茄汁，炒一炒意粉，再加幾舊叉燒。茄汁味偏重，有點酸，感覺一般。凍檸茶茶味不夠濃，甜味就夠。食物比起嘉樂遜色，難怪隔離長期人山人海。

好懶的一對人終於的起心肝睇教堂，第一站來到荃灣，當然順便也會搜尋美食。是日午餐於蘭香，叫了午餐($21)、特餐($30)各一，評價如下：　奶茶(午)-茶味奶味不太重算不上香濃，不過那絲滑口感卻令人十分好受，水準都算滿意令人欣喜。牛油多士(午)-新鮮的厚多士質地棉熟，烘熱再塗上牛油，無論賣相或是味道都十分誘人。火腿奄列(午)-用料單薄，煎得較油又不夠蛋香，這味隔離嘉樂做得好好多。　凍檸茶(特+$2)-龍漸漸脫離甜魔行列，叫檸茶都要少甜，作死!例湯(特)-唔算求其有雞腳湯，龍甚喜愛，不過浮面肥油較多，睇到都唔想試。蘭香炒飯(特)-料足勁鑊氣，頭幾啖香口美味，不過再吃下去就發現勁油，很快就膩了不想吃。　整體來說食物水準一般，嘉樂絕對出色好多。不過蘭香環境比嘉樂好，我們坐四人卡位，店方都唔會逼我們同人夾位，好坐度贏返一分!

新村街咁多間茶餐廳，, 蘭香未必係最最抵食，但在於我黎講，一定係最好食~!!!!!!!!!!!(同嘉樂o個D嚇壞人既食滯size比較下，lee度反而正常dd~)今日見平日冇咁多人係門口度排隊，咪同男友落黎歎番個lunch囉~２個人食，點了>>咖哩牛腩飯： 呢個飯係小妹每次黎必食既，陣咖喱味又香又濃，辣得來又好香濃，點油多食就更一流，不錯!!牛腩同牛筋好淋，兩者都十分鬆化入味，而且有辣有唔辣，任君選擇。Ｂ餐：多士+火腿煎双旦+大碟茄汁义燒會意+飲品，廿幾蚊咁好味仲想點！奶醬多"留邊"：烘過的厚身多士加上香滑花生醬，一流!!!(LEE件係EXTRA愛黎返家做小食既~)我見樓下都有唔小食評話lee度D service時好時差，lee點我就唔知，不過呢度d野就真係好岩我同男友食喇，但我都留意到，門口眼大大O個位哥哥一多人廚房煮得慢D有時就會暴躁DD，但另一位四眼哥哥(應該係弟弟黎嫁...)呢，幾多人等緊都仲好有禮貌好友善...呢點補番啦!!

8月頭同女友行完三棟屋博物館打算沿路走過去搭西鉄，知道沿路會經過嘉樂冰廳所以就打算去嘉樂食中午，點知去到真係好多人，而且天氣熱到暈，又唔想等既情況下惟有黎呢度.....其實都要等，而且門口聽到好多人都係因為嘉樂太多人而被逼走過來，都知道今餐要將就下，點知......我同我女友坐低打算求其食完就走，我點左個常餐，我女友點左個特價餐之類，order落完前後不到10秒我女友想改食第二d野點知比個企堂鬧返轉頭話入左單整緊唔改得.....都算，但係佢所謂整緊都等左我地10幾分鈡！炒蛋同湯通粉渣！仲話整緊？我當時問另外一個企堂點解咁耐，但頭先鬧我地個企堂竟然話我地有無搞錯，等左一陣就話好耐，我真係想即刻起身走人咁擠，不過我女友拉住我.....d野終于上到來，老實講，味道就一般般啦，炒蛋無汁又細份，奶茶唔算滑，可能受緊氣......同我地搭台既兩母女都話其實都想食隔離，不過太多人先被逼走過來，佢地話係街坊，呢間野成日都係咁樣至有生意，所以d人都好串！老實講以後都唔會再幫襯，不過條氣唔順就要同各位飯友講下！

大熱天...係 GYM 做完運動, 搵老闆娘食個美味三文治, 原本諗住飲凍奶, 老公發現有新飲品 - 胚芽好立克, 結果一人叫咗一杯(我要少甜)! 逢星期日都好多人, 二人要迫埋一邊卡位, 不過, 我地都慣咗! 好立克同一般飲開既差不多, 只係多了半個生菜既纖維, 可能感覺會健康啲, 不過, 飲到最後....好多都黏在杯邊, 實際就食少條菜! 其他, 三文治, 叉湯意都係慣叫既....不評了, 兩杯飲品比平時飲品每杯加多 $4!

,我虽不是香港人,但早以爱上香港美食,每次来香港要揾野吃,当看"开饭啦",今次目的地是荃湾,又住如心,要吃好野当选兰香啦!第一,此餐厅在"开饭啦"荃湾区的第一页,好评很多,第二,住如心几天在杨屋道附近的好几间茶餐厅都帮趁过,真的很差,(之前几天都找不到巨),到左第四天,我才找到,虽近在咫尺. 废话少说,排了10分钟左右的队,终于到我,我是一个人,吃完还要打包给朋友的! 环境装修很茶餐厅,我留意很多食客都叫咖哩牛腩饭或伊面,我也要了个咖理牛腩饭,我喜欢这里饭和咖哩分开装,一口咬落牛腩,嫩而多汁,咖哩的味道和颜色和我在内地吃的很不同,因为我们只用咖哩粉做菜,不象这里用的是香料,分量很足.例汤是老火节瓜汤,很多海味配料,很鲜美,最后,汤和牛腩我都吃光光,只剩白饭.之后打包两个外卖给FD,他们说是这几天来最好吃的一餐,

最喜歡食呢度o既 咖喱朱扒飯及干炒朱扒公仔面 ！咖喱朱扒飯係意外地好吃，辣辣地，又好夠香！不過呢度o既咖喱汁比較稀，但係都ok！炒公仔面通常都炒得好乾身，而且唔太油！雖然係夠味，但在下每次食o既時候都會要求加「蘭香秘製雜醬」(自己改o既名)，好好吃！不過在下都好喜歡佢地o既服務，家庭式經營。家母係佢地die-hard fans，去到大家都知道家母o既口味，就會好自動自覺就會「奶茶，多茶少奶」！

朋友介紹於是去呢間茶餐廳食個tea, 坐低打算下午茶叫個火腿奄列食下, 點知就一肚火, 一個$2x既火腿奄列同一個麵餐附送既火腿奄列既size係一模一樣, 初時以為佢搞錯, 就問問老細係咪送錯左, 點知老細話, 係咁細件, 咁我不如叫個茶餐, 我食唔落比我個fd仲好, 叫餐仲有餐飲, 加陣得個一隻定兩隻蛋既奄列, 真係搵笨, 呢間餐廳啲嘢又唔係好食, 以後唔會幫襯~