虎蔵食堂

營業中

休息中

近排有事忙，已經好少出街食今日忙裏偷閒想食🍣🍣獎勵自己點知揀錯星期六，周圍都勁多人排隊😥最後揀左呢間「虎藏食堂」試款式相片價錢都好吸引👍🏼👍🏼.為彌補食唔到壽司既傷感決定🏮帶子蟹肉飯拉麵定食$75🏮本身以為又飯又拉麵會食唔曬但兩碗都係細你版，食落啱啱好🍜拉麵細細碗都有3塊叉燒🍥腍身又夠味味噌湯底同拉麵以呢個價錢黎講冇得輸🍚帶子蟹肉飯都好足料有4塊帶子刺身+半邊既蟹肉只係白飯冇任何調味就咁加豉油有d寡套餐唔包飲品，可以加$7要檸茶檸水對唔住大家，太肚餓食完個飯先記得影相得返碗🍜走個陣望到隔離既漢堡弁當好吸引，提自己下次去一定要試下😋

平價即炸唐揚雞今日去開荃灣一田，唔想排隊又想平野，所以就去左一田入面既虎藏食堂食晚餐。其實平日都經常食，因為平得黎食物都係即點即煮，絕對係平價之選。今日點了唐揚雞便當🍱，包一碗麵豉湯。便當入面既炸物全部即點即炸，好夠熱。當然質素唔可以和日本相比，仍然有少少油，不過$58算唔錯。炸雞要唔油夠脆，油溫係非常仲要，佢地都算控制得幾好，舊雞夠脆又唔會太老，同埋好入味。我覺得呢個價錢合格有餘。

今日去了荃灣一田行街，覺得肚餓就去咗呢間餐廳食飯。貪佢價錢平，選擇都算多。雖然快餐店價格，但有即製嘅日本食物。帶子蟹肉飯拉麵定食$75唔算好貴，仲要有帶子和豬骨湯拉麵。拉麵應該係即煮，熱辣辣，叉燒只有一片，個湯都OK，細細碗，份量剛剛好。質素一般，不過不失。帶子蟹肉飯：蟹肉加咗蛋黃醬，份量唔夠多，唔夠撈全碗飯。帶子有三薄片，質量一般般，唔係好鮮甜嗰種刺身，但尚可接受。$75唔可以要求太高，算勉強合格。

日本菜一直比人既感覺都係貴d , high class d , 好味d ~ 但呢間野既日本菜竟然平過中國菜！日式魚餅蕎麥麵只售$34！ 同街邊$30蚊碗既魚蛋河差不多價錢！真係好平，好抵食。而且唔鍾意食蕎麥麵，可以轉食烏冬；覺得一塊魚餅唔夠食，可以加$12要多一塊！魚餅既口味有好多，包括粟米魚餅，蔬菜魚餅，8爪魚魚餅，墨魚魚餅同埋帶子魚餅！店員話帶子魚餅最受歡迎，我就試左帶子魚餅。一分錢 一分貨，呢個價錢都冇得要求咁多，叫做醫飽肚

今日係荃灣行街找一下平靚正美食，結果食左呢間便當，開頭都無乜期望，一心想食對面間魚屋不過太多人無位，就入左呢間。叫左個2號餐，個名水蛇春咁長無影低都唔會記得， 「明太子串燒魷魚三文魚炸雞便當」你一定要試下呢個，平食大雜燴之精選。睇圖都已經吸引。個餐等左一陣唔係好耐就到左，先試炸雞🍗好味嫩滑唔太油，跟住再試左口飯，無影到但其實飯下面鋪左明太子不錯，撈飯一流，再試魷魚，試之前都搵緊條三文魚一直唔覺眼，原來讓左入魷魚到！正呀喂！估唔到幾好味wo,魷魚都彈呀！加埋紫菜香口得來味道夾而且開胃。今次堅抵食wo，睇到我朋友都話想食我呢個。下次再泥試其他。

同老公去完一田買完野唔想返屋企煮飯因為好累難得放假就想係出面食見到間餐廳未試過就膽粗粗坐低然後去叫餐配餐速度非常快而且位置多唔洗等位好快有得食點餐前 可以睇下D道具好真實好貼心我地全部叫拉麵不同湯底湯底十分濃郁而且溫度剛剛好材料新鮮拉麵好彈牙而且份量好大好滿足炸雞好好惹味食無停口仲有野飲飽到上心口親民的價錢可以食到好滿足最緊要係好方便唔洗行咁遠行開經過的朋友仔可以坐低試下新野誠意推薦卑大家信心保證！

12點左右去左餐廳食午飯，但我地唔夠飽，最後我地係一田行左一陣，之後係一田入面搵到一間食拉麵，便當既餐廳。過了午飯時間，不用等位，餐廳是自助式，要自己出去買，出去自己拎餐。我們買了東京拉麵和九洲拉麵，價錢不是太貴，所以不要期望太高，拉麵夠大碗。九洲拉麵-麵軟硬度適中，叉燒都有三塊，配料都算多，有粟米粒、紫菜、蔥、荀、雲耳、紅薑絲，但拉麵湯底比較淡同稀。東京拉麵-醬油湯底，湯底鹹了一點，配料都有荀，雲耳、蔥、 叉燒有兩片。

喺荃灣廣場竟然揾到間價錢貼地嘅拉麵 $40-60就已經可以食到 今日我食左個拉麵套餐 有一碗九洲豬骨湯拉麵 一碗迷你紫菜木魚飯 另外仲有三隻煎餃子 成個set都只係$58 豬骨湯拉麵我覺得都幾好食 起碼個湯夠味唔會好淡先 不過個木魚飯就一般 食落比較乾身 如果加啲沙律醬我諗會好食啲 最後煎餃味道都係一般 無乜賣點 不過對應返個價錢 個人就覺得不過不失啦 如果大家要求唔高嘅話不妨一試

眾所周知，香港的所有日資百貨公司都有一個特色，就是必定附設有美食和餐飲部門，相信這都是承傳自日本的本土生活文化。這種附設食堂一般面積不會很大，但價格平民，而食品質素絕對中上，確實是逛街購物兼醫肚的最佳選擇。今天介紹這家食店「虎蔵食堂」位於荃灣「一田百貨Yata Supermarket」4/FCollabo美食區。美食區內共有四家食肆，包括魚屋、魚河岸、虎蔵食堂、魚兵衛。當中的「虎藏食堂」店鋪地方不大，約二十個座位。食物方面主要提供日式便當和拉麵，價錢十分親民，約HK3X—6X左右。全部顧客自助形式運作，包括落單付款，待叫號取餐，用餐後自行將餐具送到收集架處理。如要飲用水的話，就要走到對面的「魚兵衛」櫃檯自助啦！ ▲虎蔵雜錦便當 HK$65 (包括白飯、麵豉湯、燒雞翼 、燒魷魚三文魚卷、天婦羅鮮魷及蟹柳、煙肉腸仔卷 、日本漬物、韓國泡菜、薯蓉沙律 、日式玉子燒) 材料豐富，除了包括白飯和麵豉湯外，還有九款食物，「前菜」有薯仔沙津、牛蒡及泡菜，「主菜」有串燒雞翼及魷魚釀三文魚，「小食」有玉子、 煙肉腸仔卷及天婦羅蟹柳和魷魚，雖然每款只有一兩件，但勝在好味抵食 ▲魷魚釀

很多人都說food court 的食物很一般，但今天我試了一間在一田內的餐廳，卻令我喜出望外。我們二人各叫了一個set ，包括是紫菜串燒便當，與及虎蔵雜錦弁當。我的便當內，主要有三隻燒雞翼、煙肉腸串、炸天婦羅蟹柳等。雞翼燒得很香口，煙肉腸仔串不錯、炸天婦羅蟹柳好味，炸粉不會太多。埋單都係一人幾十元，價格平民，但食品質素絕對中上。

今日到荃灣一田第二次來幫襯依家飯堂因為感覺都好味同抵食環境都好舒服如果想買嘢飲就可以喺一田超市再選購自助購買約10分鐘就可以取食物😄九州拉麵都大大碗，基本上一個人都食唔晒叉燒嘅質感好似五香肉丁咁都幾好味至於個湯我覺得鹹咗少少其餘配菜都OK最緊要個湯夠熱👍👍👍😄炸豬扒便當個賣相非常吸引都增加開胃感豬扒炸得外脆內軟但係冇咩味，不過有沙律醬同甜豉油配搭其他配菜味道都OK兩個餐加埋＄110都可以接受，因為唔需要加一服務費！

荃灣一田超市設有三個日式食店，當中魚屋最受歡迎但我反而喜歡虎藏。虎藏店鋪地方不大，約二十個座位。自助形式，建議用餐後，將餐具放回收集處。食物方面提供便當及拉麵，價錢親民，約4X—6X。點了虎藏雜錦便當 $65材料豐富，有九款食物，前菜：薯仔沙津、牛蒡及泡菜。主菜：串燒雞翼及魷魚釀三文魚，小食：玉子、 煙肉腸仔卷及天婦羅蟹柳和魷魚。餸比飯多。每款只有一兩件，最適合眼闊肚窄又想多吃幾款食物的我！魷魚釀三文魚配搭新鮮感又好味，其他餐廳少有這配搭 。外層魷魚爽囗內層三文魚嫩滑，燒烤時間配合剛好不會過老。燒雞翼亦外脆內滑。另外薯仔沙律及牛蒡也不錯。最差是天婦羅魷魚，可能炸了－段時間，脆漿已稔。食材豐富又好味，價錢又親民，抵食！下次要試下拉麵，見有不少人點相信也不錯！

喺香港食過幾乎所有嘅拉麵店(包括高質有名嘅；中等平凡嘅；或者隱世偏僻好食嘅)，個人認為依間嘅北海道拉麵係性價比最高top 10，特別是拉麵的彈牙質感比一些大型拉麵店(即係一X，一X堂個啲)煮得還更好！！46元拉麵份量又多(平時我吃拉麵都會叫替玉的)，本來還以為此價錢一定會是港式味道那一種，但吃起來竟然沒有此感覺！若果有時懶惰不想專登去銅鑼灣尖沙咀等地方吃拉麵，這裡可食住頂住擋，止住“對拉麵嘅口痕”先。順帶一提，在這裡吃拉麵還可以過對面舖頭買鯖魚壽司等等小食過來吃，彌補了這裡小食提供的不足。

去完一田掃貨, 行經呢間拉麵店, 見到冇咩人, 入左去醫醫肚｡ 拉麵黎講, 佢都算係好便宜, 四五十蚊就有一碗｡九州拉麵 $50湯底係奶白色嘅豬骨湯, 味道唔係好濃, 自己加左一羹七味粉落去調味｡ 配料有芽菜、紫菜、木耳、荀、青蔥、紅薑絲｡ 拉麵煮得啱啱好, 口感唔會太淋, 又唔會太硬｡ 叉燒有兩片, 味道 OK, 唔會太肥｡北海道拉麵 $46湯底係味噌湯, 初嚐嘅味道較淡, 但之後越食越咸, 咸到有 D 食唔到 配料有芽菜、粟米、木耳、荀、青蔥｡ 拉麵煮得好有咬口, 叉燒都係有兩片｡總結: 拉麵味道雖然唔係太突出, 但以咁嘅價錢黎講, 已經係好超值｡

自助式拉麵店。自己買飛，整好自己出去取食物。食完自己清理。不過，無所謂，價錢相比一般拉麵店平一截，要自己做都係合理的。札幌拉麵：一個字 - 咸！個湯底真係好咸。叉燒都係一個字 - 鞋。 筍係2個字：無味。不過拉麵煮得幾好，沒有過淋。九州拉麵：相對無咁咸。但個湯雖然夠味，但質感好稀薄，唔似係自家煮豬骨湯。不過拉麵煮得幾好，沒有過淋。價錢雖然平，但唔好食，幾平都無用。食完要馬上買飲品。去茶記食個常餐好過。