影片
開飯介紹
大型BBQ放題，地方闊落，足有6000呎大。以自助餐形式提供食材，食客可以拿取喜歡的食品再回座位燒。而且餐廳提供流水蝦，食客可以一嘗夾蝦的樂趣。
繼續閱讀
營業時間
今日營業
17:00 - 00:00
星期一至五
17:00 - 00:00
星期六至日
12:00 - 00:00
公眾假期
12:00 - 00:00
公眾假期前夕
17:00 - 00:00
以上資料只供參考, 請與餐廳確認詳情
有關獎賞計劃
相關文章
大隻仔今次覓食嘅店舖就係💥 蝦蝦燒 💥地址：佐敦白加士街10-12號永富大廈1樓大隻仔今次介紹一間即夾即燒流水蝦餐廳，餐廳座位旁邊設有大蝦缸，顧客可以親自隨時隨地即夾即燒流水蝦，流水蝦會不斷添加，保證貨源充足。除了流水蝦外，餐廳仲提供多款串燒、蔬菜、海鮮選擇，客人可以任拎返去座位慢慢燒。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 平日晚市 $348餐廳以自助形式拎食物，食物種類繁多，除咗流水蝦，仲有多款海鮮選擇，必食沙白、灰蜆、東風螺、魷魚、鮑魚、鮮帶子、帆立貝、生蠔等等，所有海鮮都係職員新鮮即叫即開，保證每樣都十分之新鮮。另外仲有大量燒烤食物選擇，雞翼、羊扒、寸骨、鴨胸、各款串燒。火鍋配料亦有好多選擇，各款丸類、腸仔、蟹柳、牛肉、羊肉等等。餐廳最近做緊優惠，加$1 就可以有個火鍋打邊爐，如果覺得燒烤食物比較熱氣，打邊爐都係一個好好嘅選擇。
繼續閱讀
今日去到非常之熱鬧嘅佐敦區域、有個朋友帶咗一個非常驚喜嘅地方、除咗好多嘢食之外！仲非常之多海鮮選擇！呢度一定要食嘅就係一定係大頭蝦、仲有佢嘅王牌燒白鱔！除咗呢啲之外仲有多款海鮮選擇全部都係飲食！成條魚都係飲食、仲有熟食三文魚，魷魚、鮑魚、仲有花螺！當然唔可以錯過仲有焗蠔大大隻！仲有沙白同埋黃沙蜆！當然唔可以錯過佢仲有一個燒魷魚乾！仲有大大隻嘅扇貝都係非常之抵食！呢度除咗海鮮任食之外、仲有好多唔同種類嘅串燒、同埋傳銷蔬菜！仲有仲有呢度竟然仲有得打邊爐！出名嘅湯底有豬骨湯底、同埋蕃茄湯底！令我覺得最驚喜除咗係有雪糕之外！仲有燒嘅紅豆芝士鯛魚燒！跟住仲有一口甜薯、甜品都有多款選擇！最鍾意食就係佢個燒菠蘿、除咗可以解油膩同埋冇咁飽肚之外！亦都有好開胃嘅感覺！當然呢度嘅飲品亦都係任飲！每位都係400頭左右，咁多食物選擇真係好抵食！蝦蝦燒佐敦白加士街10號永富大廈
繼續閱讀
朋友之前帶我去佐敦呢間任食海鮮燒烤店，真系正喎！佢哋海鮮日日新鮮返貨，原只鮑魚，生蠔，蜆等，海鮮選擇都有好多。最方便系張檯隔離的大水蝦缸有生猛大頭蝦扎扎跳！自己夾➡️冰筒"冷靜"➡️燒，食落啖啖肉彈牙，即燒即食，口感夠新鮮。小食方面，椒鹽蝦惹味到吮手指！濃厚的椒鹽味，口感咸香～只需加多$1，可以試埋火鍋燒烤雙享受！湯底有濃郁豬骨，惹味麻辣，酸甜番茄，燒烤烤到一半時間想轉打邊爐，岩曬❤️過程任燒任食，職員好nice，一開始我哋唔識燒，仲會幫手燒到火候啱啱好。
繼續閱讀
🔥🦐 佐敦「蝦蝦燒」流水蝦燒烤，$348玩足5小時。玩法係可以流水蝦有互動， 一上樓就被「水缸養殖區」吸引，活蝦游水超生猛，自己用夾撈蝦，再放入冰筒瞬間冷凍，再放上烤爐，嗶嗶啵啵既聲音好過癮，蝦殼金黃焦香，肉質緊實彈牙，重點係新鮮度滿分，無冷藏味，配上蘸泰式酸辣醬更惹味。性價比高勁多海鮮，$348/位 食足5小時，海鮮陣容豪華，肥美即開生蠔，手掌大扇貝、肥美鮑魚。原條馬友魚燒到皮脆肉嫩，鰻魚串燒（每人送1串）油香四溢燒魷魚鬚同雞皮餃子串，邪惡停不了口 。加$1小火鍋，仲可以灼下蜆同花蛤，煮菜，非常解膩，湯底清甜襯托海鮮原味。 串燒+熟食配搭肉類推薦有牛柳粒多汁，羊架羶香適中，邪惡之選有芝士腸拉絲，玉子燒甜香，熟食區款式多，配啤酒一流！ 飲品既啤酒放題係重點，啤酒控可以飲返夠。甜品有自製格仔餅同雪糕，醬料仲有煉奶同花生醬，邪惡的。 總評：8/10，「有得玩有得食」既體驗滿分，$348食到高質海鮮加啤酒放題，適合大胃朋友、啤酒團、海鮮黨衝刺！
繼續閱讀
呢間放題真係抵食到爆！主打任食流水蝦，仲有燒海鮮同肉類，啱晒一班朋友去喪食！蝦蝦新鮮生猛，自己撈自己燒，玩得又食得，爽彈鮮甜到不得了～ 其他海鮮如鮑魚、蟶子、扇貝都keep到水準，燒到啱啱好，唔會乾爭爭。肉類選擇都多，牛舌同豚肉好juicy，仲有熟食同甜品墊底，完全唔會悶。 環境乾淨闊落，抽風做得唔錯，冇油煙攻心。服務都幾快手，換碟收嘢好主動。人均$300左右，以呢個質素同份量，絕對係性價比之王！想食海鮮放題嘅話，蝦蝦燒真係可以encore再encore～
繼續閱讀