蚊蚊豬老火鍋

營業中

休息中

又嚟到差不多秋冬打邊爐的季節了，今日一於約埋三個閨蜜一齊去太子＜蚊蚊豬老火鍋＞打邊爐過下邊爐癮，套餐任食兩小時放題，包了安格斯肥牛和麻辣雞煲，還有過多種配料飲品任飲任食 麻辣雞煲選用新鮮活雞，雞肉鮮嫩，調味亦不會過濃蓋過雞肉鮮味，我們選了小辣，香辣味滲出麻香剛剛好，非常惹味 安格斯肥牛非常新鮮，入口有點即溶的感覺 一點都不韌，肉質鮮嫩 各種配料的水準都非常高，刺身新鮮，魚皮爽脆，粟米白蘿蔔蓮藕爽甜，萵苣鮮淮山健康美味，皮蛋配上麻辣醬汁是絕配 大家都吃到捧腹離去，非常滿足，這裏總括 環境座位坐得舒適，共兩層有足夠空間，感覺不會太擠擁，室內調校溫度適中，食材質素 一點也不差，以經濟套餐價錢任點任食，性價比十分高

落雨天！心情認真麻麻呀！難得相約好友去飯聚，一於食吓好嘢先！呢間蚊蚊豬老火鍋有麻辣雞煲或萬州烤魚二選一之外，仲有好多火鍋配料選擇，款式令人花多眼亂！飲品仲可以任叫任飲，飲品有大大支雀檸、加多寶、汽水、大大支青島純生啤酒等，啱晒唔同口味嘅人士選擇！火鍋配料我哋就揀咗美國肥牛、毛肚（黑柏葉）、金錢肚、扎肉、即炸魚皮、鵝腸、超甜粟米、蜂巢豆腐、鴨血等，不能盡錄！除咗火鍋配料之外，我哋仲叫咗小食同剌身，剌身有六款，我哋就揀咗三文魚、八爪魚、墨魚、馬刀貝等，我最欣賞係馬刀貝，夠哂爽甜，超好食！小食只係揀咗川汁皮蛋同埋辣味螺肉，味道常算ok啦！雞煲份量絶不惹少，大大煲！我哋叫咗少辣，但辣度比我想像中無咁濃，下次一定叫中辣食吓！雞件夠多肉，一啲都唔求其！我哋好快就食完雞煲！加湯變火鍋，湯底味道較為淡，如果湯底可以濃啲就好啦！重點火鍋配料嚟啦👉🏻安格斯肥牛😍呢碟肥牛大大碟，顏色夠鮮牛，雪花分配夠哂均勻，入口夠嫩又唔羶，正到痺呀！以呢碟份量嘅肥牛喺出面食，最少要三百幾蚊一碟，簡直係超值呀！金錢肚同黑栢葉夠爽口，其他配料都好新鮮！以呢個價錢可以食到咁多新鮮配料，真係唔錯呀👍🏻

今日同老公去太子行街，順便捐窿捐拿去搵好嘢食，見到一間叫做（蚊蚊豬老火鍋），門面唔算好突出，但原來間嘢係食烤魚放題同埋雞煲放題，雞煲就食得多，烤魚就唔係好多地方有得食，所以就同老公入去試下。佢哋嘅放題唔算好貴，二百零蚊就有交易，放題紙都有唔少選擇，但最令我驚喜既係，佢有我出面唔會食到嘅材料，有牛胸爽/牛蒡/牛黃喉/豬黃喉等。呢啲材料真係好特別唔喺度食到。我入嚟嘅主要目的緊係食烤魚放題，咁梗係要叫條烤魚食呀，佢估唔到嘅係條烤魚超級大條，我諗四個人先食得曬，佢呢度嘅烤魚係用鯇魚，仲係原條即叫即炸，炸到熟咗先放落個湯度煲滾，仲有最重要係條魚完全冇泥味。講真係條鯇魚都已經夠我哋兩個人食，但既然係放題咁當然以叫下其他配菜，我哋叫咗個川汁皮蛋（個川汁係佢哋既川汁非常惹味)/三文魚刺身都係另外一個驚喜，因為其實我最驚係一間唔係做日本嘢嘅餐廳做刺身，但依間佢竟然刺身非常之新鮮同鮮甜。安格斯肥牛：脂肪分佈得好平均，入口即溶好香牛味，仲要係無限量供應。佢哋都有其他蔬菜供應，例如杏鮑菇粟米等。魚皮：佢啲魚皮一啲油益咩都冇而且好香脆。福州魚蛋：又係唔係度度都食到，佢係係粒肉丸入面包住一啲肉，一咬落去啲汁會爆曬

一個價錢滿足四個願望 分別係食雞煲 食刺身 打邊爐 及無限暢飲四人份量嘅雞煲應該有一隻雞 份量好多 我哋四個女仔都食唔曬 選擇了小辣 辣度溫和帶點麻味 還有芫茜的香味 整體是惹味的 雞件好滑溜 而且夠多肉 雞皮是爽彈的食完雞煲可以加湯打邊爐 火鍋配料選擇多樣化 沒有標價錢的便是任食 沒想到鵝腸，牛胸爽。。。 等食材也是任吃 平時出面打邊爐食一碟鵝腸 食一碟牛胸爽 都唔平 而家任食真係好爽 唔使就住就住食得好開心火鍋配料整體都好新鮮 好多火鍋配料都係我鍾意食嘅 例如午餐肉 豬紅 鴨血 牛肚 魚皮餃。 每樣食材給我們的份量也不少 全部大大碟另外安格斯牛肉是指定送的 是高質素靚牛 這款不能任點 切得夠厚 食落有咬口 而且肉味香濃鵝腸我真的很喜歡 超級肥美 很爽口 灼一灼便能吃由於個湯底實在太惹味 最後我決定點粉絲食 吸曬湯底嘅精華 超正另一重點刺身也是任吃 三文魚超高質素 又厚又肥 是新鮮的沒有魚腥味 還有甜蝦 墨魚片 馬刀貝等刺身！！加28蚊嘢飲任飲 大致上有好幾款款式 重點係有啤酒 啤酒配雞煲是絕配啊

<雞煲/ 烤魚+刺身及火鍋放題>💕位於大子這間火鍋店, 集合左雞煲, 或者可以揀烤魚, 加任食火鍋. 另外仲有可以任點任叫刺身, 包括三文魚, 甜蝦, 仿鮑片, 墨魚等. 雖然係任食, 但質素依家不錯, 算頗鮮甜.這個任食火鍋套餐, 包送一碟安格斯牛, 雪花分佈平均, 入口有口感牛味. 絕對高質. 基本上其他火鍋配料都可以任叫, 全部都不錯. 整體價錢唔係貴, $2百幾蚊位, 絕對可以食到飽一飽😎🍲餐廳: 蚊蚊豬老火鍋🥘地址: 太子汝州街11號地舖

旺角多嘢食係人都知，不過估唔到太子都咁多嘢食，仲要咁近地鐵站，早排有個friend試完，極力推介，咁見今日屋企冇煮飯，就同老婆兩個嚟試下喺港鐵太子站（d）出口，行幾分鐘就到，好易搵。好早去到都有幾檯客喺度食緊，原來真係幾受歡迎。呢度最出名係烤魚放題同埋雞煲放題。$228任食，仲有安格斯牛任食，順帶一提，張紙冇嘅，但可以無點，只要同店員講就可以。張任食紙好多選擇。我哋嘅烤魚好快就到咗。我哋揀咗小辣，黎到見到條魚我同老婆都呆咗，點解會咁大條，成條手臂咁長，仲要係我哋最鍾意食嘅鯇魚，一啲泥味都冇，啖啖肉，由於佢一早已經炸熟，所以只係等啲湯底滾熟就得。安格斯肥牛：肥瘦適中，好重牛味，呢個價錢仲要係任食，真係唔知邊度搵。炸魚皮：每次我食烤魚，都一定叫炸魚皮，因為炸魚皮點落啲烤魚麻辣湯汁度，索曬啲汁嘅時候，就係最好食。川汁皮蛋：川汁調較得剛好，唔會太辣搶咗皮蛋啲香味。三文魚刺身：我成日都覺得食火鍋嘅餐廳，刺身一定係冇咁新鮮同冇咁好食，原來都有例外，呢間啲刺身好新鮮，好似出面食放題嘅質素咁。大合照當然唔少得，成枱美食，淨係條魚已經贏咗。條魚要4個人先食得晒。ps:下次要叫多幾個朋友一齊嚟食埋個雞煲先

朋友介紹我去蚊蚊豬老火鍋試吓佢嘅任食火鍋。🍲〈各款刺身〉🐙🐠🐟任食火鍋仲有刺身揀，有三文魚、八爪魚、甜蝦、鮑片、馬刀貝同埋墨魚。刺身都好新鮮，抵讚！〈重慶麻辣雞煲〉🐔🥘雞煲揀咗微辣，雞件好夠味，啖啖肉，非常出色。〈安格斯肥牛〉🥩我哋揀呢個套餐每枱有一點安格斯肥牛，肥牛入口即溶，好有牛味，食得出係靚牛。〈各款小食〉🧆🥠🥜呢度都有好多唔同嘅小食可以揀，特別推介嘅係川汁皮蛋、黃金饅頭、芝麻八爪魚同埋辣味螺肉。〈火鍋配料〉🍖🥩🥗呢度有唔同嘅肉類、內臟、海鮮、蔬菜同丸類選擇。我比較推介黑柏葉，因為喺出邊比較少機會食到，而且好新鮮。〈蟲草花雞鍋〉🐣🍲食完雞煲之後，我哋就轉咗個火鍋湯底繼續打邊爐，係咁多個湯底裏面就揀咗蟲草花雞鍋，雞湯味囉，而且仲有好多雞肉喺入邊，食到捧住個肚走。

蚊蚊豬老火鍋太子汝州街11號地下今日跟左朋友出黎太子搵食，試左呢間<蚊蚊豬>任飲任食邊爐，睇見MEUN覺得都幾抵食，呢到除左打邊爐之外，仲可以試埋萬州烤魚或者麻辣雞煲，另外仲有部分前菜、小食同埋刺身都係任食，真係好吸引一開始當然係食左雞煲先啦，我地揀左微辣，雞煲上檯時已經有8成熟，入面混入左秘制既醬汁，仲有洋蔥同埋芫茜，炒多幾分鐘已經聞到香味撲鼻，忍唔住要即刻試下…..食落口雞既肉質都算幾嫩滑，唔會鞋口，再加埋惹味既醬汁，口感一流呀，而且餐廳都幾大方，需然我地得2個人，但份量都好足，有成大半鍋食完雞煲通常個鍋底已經好油膩，如果再直接加入清湯打邊爐真係未必人人接受到，而呢到好細心會換過另一個鍋先開始打邊爐，總共有8款湯底可以選擇，因為麻辣雞煲比較油膩，所以我地就揀左個比較清淡既蟲草花雞鍋，估唔到都幾足料，值得一試火鍋配料方面，最驚喜既一定係個安格斯肥牛，切得非常薄身，只要係鍋到拖一拖水已經岩岩好，而且脂肪比例好平均，唔會太肥，抵讚，除此之外，餐廳仲有黑牛栢葉，出面比較少見，食落好爽口，值得推介小食方面，我地試左芝麻八爪魚，辣味螺肉同埋川汁皮蛋，係打邊爐期間可以點d小食中和

今日去咗太子道買魚糧買完之後朋友就話去間餐廳度打邊爐見到呢間炆炆豬 有兩小時任食烤魚火煱放題 就決定入去試下烤魚係萬洲風格 雖然唔算好辣 但係都幾有麻味 香料非常足夠 除咗辣椒之外仲有回香同埋花椒味道 魚肉亦都十分嫩滑可口特選美國肥牛 顧名思義都真係幾肥 但係牛肉味都算重刺身方面有三文魚 魷魚 馬刀貝同埋甜蝦 質素同出面嘅差唔多八爪魚都係同出面差唔多雞肉味道都算重 牛栢葉就係黑色嘅 冇經過漂色 原汁原味脆肉鯇同豬大腸都同出面差唔多 豬大腸比較粉左啲

雞煲打邊爐不嬲都係我至愛。係社交平台成日見到有人介紹太子呢間舖，所以今日專登留肚夜晚去擦餐勁。入到去見樓面幾張檯都坐滿，開頭仲以為要等，點知店員話可以上樓上。樓上都有好多檯，坐低睇睇下餐牌突然間又full哂，真係好出名咁！叫左微辣雞煲加幾樣打邊爐配料，諗住食完再叫多幾round，點知個雞煲一上就比個size 嚇親，因為真係超超超大煲！個煲應該有起碼半隻雞，味道好香濃惹味又唔辣，雞肉又嫩又多汁，食到停唔到。食食下先醒返起原來仲有配料等緊打邊爐，真係唔講食雞煲都開始有啲飽。叫左店員加湯之後，開始第二輪邊爐時間。開頭叫左啲配料都係丸呀菜呀之類，又估唔到啲菜類都係幾大份下。最後食哂配料超飽超滿足，可惜冇戰鬥力叫多啲唔同種類嘅野試吓，如果下次約多啲人一檯share應該超開心！

中秋同四大長老聚會，揀熱食要好食又唔貴。2小時任飲任食呢個價錢真係唔貴，先食雞煲再加湯打邊爐。平日7點已經全場滿坐要坐2樓，2樓都同樣幾爆。坐底叫個雞煲，揀微辣岩我。因為同一時段有3-4枱叫雞煲，所以等左15分鐘左右，都ok可以食住涼拌口水青瓜同飲住果粒橙邊等邊食。雞煲熱辣辣即整，好香濃難得老爺仲話好食好惹味。雞肉滑溜重點啲醬汁炒過好香。出面食個雞煲都要呢個價錢，今次仲可以打邊爐任飲任食，坐足兩個鐘滿足。

見咁多好評去試下，話就話$228，但豉油$30再加一埋單$276@1人，限時兩個鐘，個半鐘截單根本食唔到啲乜，中途仲要漏單！睇好多食評話刺身鮮甜，完全唔覺！非常低質！三文魚腥臭有陣‘’壓‘’味，甜蝦腥臭到完全食唔到🤮👎🏻，馬刀貝算最正常，鮑片比其他放題差，八爪魚得個韌字😓烤魚完全唔掂！魚肉冇味就咁炸完擺落啲汁，肉質又梅又多骨！牛肉唔錯👍🏻有牛味又唔蘇，湯底唔掂冇乜味👎🏻👎🏻👎🏻，豉油好快點到淡曬，但冇得自助加😓第一轉火鍋料單漏單，個帶眼鏡嘅女侍應一句唔好意思都冇，大大聲話「冇落到！」講到好似我錯咁🙄黎左一轉就得返20分鐘截單，咁食得啲乜呢？牛胸爽勁漏勁蘇👎🏻😓啲丸都唔掂，街市$26/磅好食過佢，油麥菜就幾好食

【抵食☺️任叫雞煲火鍋】睇呢間火鍋店個名，仲以為佢係食豬🐷 點知原來佢係食雞煲同埋烤魚😂😂😂 任食兩小時放題都係二百零蚊，都算幾抵食。首先揀咗烤魚/ 雞煲，然後再叫火鍋料打邊爐。火鍋料同埋刺身都係任點任食😌 如果想任飲汽水同啤酒，就每位再加多$28當我仲苦惱緊揀「#萬州烤魚」定「#重慶麻辣雞煲」，同枱老友已經叫店員落左雞煲😳🙄🤫 雞煲嘅份量都唔少，最重要係多芫荽🍀🍀🍀😍！老友揀咗中辣，雞件全部都好入味，個麻辣汁味道幾有層次唔會淨係得個辣字。食完雞煲之後就加湯打邊爐，#安格斯肥牛 淥一陣就食得，肥瘦均勻有油香，肉質軟滑😋其他配料嘅款式算多。肉類方面，雞牛豬同埋內臟都有，最估唔到真係有牛柳粒同埋牛黃喉。丸類就十幾款，海鮮類就有魚、青口等等仲有成廿款蔬菜揀。仲有一啲小食，例如涼拌雲耳拍蒜青瓜子薑皮蛋辣味螺肉芝麻八爪魚川汁皮蛋同黃金饅頭都有。Btw, #炸饅頭 好耐無食過，正呀！😝我地當然唔係每款都食晒，其實食完雞煲已經飽咗一大半，不過咁多嘢揀真係好開心仔😎😎😎

雞煲同烤魚，你會揀邊一樣？其實我毫無疑問就會揀雞煲，因為我勁鍾意食雞😌喺太子發現咗呢一間任食放題嘅小店，地方唔算大，所以如果想食最好就訂位。價錢係每位$228，火鍋料任點任叫，加多$28仲可以享受埋飲品放題，除咗常見嘅汽水，竟然仲有加多寶同果粒橙，仲要連青島啤酒都係任飲！！首先嚟嘅係雞煲，芫荽鋪面，下面嘅雞件每件都沾滿左麻辣汁，唔好講笑，食完個雞煲都已經飽飽地。食晒啲雞之後就加湯開始我哋嘅火鍋，安格斯肥牛肉質軟腍，同埋油花均勻。其他火鍋料都係常見嘅款式，有唔同嘅海鮮類同埋蔬菜，最驚喜就係竟然有牛膀、牛筋、豬肺。呢啲都係坊間比較少見嘅款式。丸類有10幾款，自己最鍾意就係陳皮魚蛋同埋午餐肉🤓🤓🤓仲有幾款涼拌小食或者炸饅頭可以揀，總之係一定食得飽。

今日去咗朋友介紹的一間烤魚餐廳食飯。之前一直都好想食烤魚，可惜因為疫情關係一直冇機會食。結果，我同我朋友只係去左一次，真係會令你食上癮。因為烤魚烤得好香，魚烤得非常脆口，好似食緊炸魚皮咁。條烤魚亦好大條，兩個人食完真係可以唔使打邊爐😂😂。咁嘅既然係任食，又冇理由唔食多少少😉！我揀左安格斯牛肉，淋身有牛味，好味！任叫嘅美國肥牛都一樣好食！至於其他配料都係一般出面都食到嘅嘢食，OK嘅。不過喜出望外的是竟然有魚生食，雖然在烤魚火鍋店食，但完全冇因為在火鍋店食，而處理魚生處理得唔新鮮。魚生係新鮮兼好食嘅😋。食完之後，我同我朋友都話值得再去食多次，試埋餐廳個雞煲，我哋估一定同樣咁好食！😁😋😋😋