蛇王易 (已結業)

今日同朋友去左灣仔呢間餐廳到食dinner，呢度有唔同既燒味、仲有燉湯同埋蛇羹，好岩冬天食養下身。我地點左兩碟雙併飯，分別係雙腸+燒鵝同埋油雞+燒鵝。燒鵝燒到好香，層皮薄薄地唔會好油，啲肉質亦都唔錯！雙腸係鮮鴨潤腸同埋切肉臘腸，有香濃既酒味，幾好味。追加燉湯只需要$30一盅點左菜膽燉豬肺同埋沙參玉竹燉生魚，燉湯真材實料，非常養生。豬肺處理得好乾淨，成個湯都勁清甜！平時出街食飯好少可以飲到咁正既燉湯，下次要再encore先得！

蛇王二番黎啦😀專買燉湯和燒味飯😊燉湯都有十多種選擇😊店內倒吊著一孖孖的臘腸，好壯觀呀😙今晚主打雙拼燒味飯🥰媽咪嗌左燒肉併雞飯，我就叫左潤腸叉燒飯😄黎到點可以唔食佢啲潤腸喎😍首先我中意佢既叉燒，肥瘦適中而且汁夠多，脆皮潤腸飯，油份控制得宜，滿滿香溢，一啖潤腸一啖飯真係好不錯喔😃燒肉併雞飯啲燒肉大大舊，嗰皮燒得好脆口，讚！雞係成隻脾黎架🥰最後嗌左碗冬瓜燉老鴨湯，飲落就知係足料啦😄飲完真係暖粒粒😃😀

呢幾日天氣反反覆覆，昨日熱到似夏天，今日就翻風兼落雨，氣溫急跌到好似冬天咁！經過灣仔道，見到一間裝修新浄的飯店，見差不多近中午食飯時間，就坐低食個午餐先。原來呢間係由老字號蛇王2班底主理的燒臘飯店，除咗有出名的蛇羹糯米飯之外，仲多左燒臘選擇。點咗雙拼叉燒切雞飯，再加潤腸😄切雞好滑又夠熟，好怕啲骨有血紅色👍叉燒唔肥但又唔會柴皮，正！第一次食潤腸係脆皮，而且焗過唔覺油膩，咬落仲好香添。飲埋杯凍檸茶，呢餐好滿足。

正所謂秋風起三蛇肥雖然個秋都過左好耐不過都唔影響食蛇嘅加上妹扭左好耐要食好啦就陪佢食番一餐—————————————————前身係銅鑼灣嘅老字號「蛇王二」原班人馬主理變左「蛇王易」叫左個蛇羹餐果然係老字號差唔多每一枱都見到佢嘅出現太耐冇食過蛇羹已經唔記得係咩味🤭蛇羹好足料 啖啖有蛇肉咬落都唔會好柴味道適中唔會死鹹同太杰加埋我最中意食嘅脆脆一流如果可以自己加就好啦！😂叉雞飯又係好多人食油雞雞皮好爽好彈牙平時唔食雞皮都忍唔住食左幾塊🐔肉質細嫩叉燒睇落油水幾靚食落仲有陣陣玫瑰露味一啖肉一啖飯真係一大享受😌仲有個脆皮膶腸飯咬落去真係會「卜」一聲爆開又香又夠油潤仲有盅靚燉湯真係好夠料個湯啱啱可中和燒味嘅油膩感👍🏻—————————————————✓ 叉雞飯+蛇羹+油菜 $123✓ 脆皮膶腸飯 $50✓ 冬瓜燉老鴨 $30

還記得舊年，聽到老字號「蛇王二」要結業的時候，令到一大班食客感到愕然及可惜。轉眼接近一年，蛇王二的班底在灣仔道新開了一家同樣以蛇羹、燒臘和燉湯為主打的「蛇王易」。地點不同，但味道依舊，價錢方面跟以前相約，相信一定吸引到不少粉絲到來捧場。蛇羹餐（HK$110)蛇羹餐包括秘製菊花蛇羹、脆皮膶腸飯和蠔油生菜，價錢$110，比起以前蛇王二$114，還平了四元啊！秘製菊花蛇羮👍👍👍👍👍來到蛇王易，蛇羮當然是必吃的！蛇羮的濃稠度剛好，蛇肉幼嫩細緻，加入冬菇絲、木耳絲等配料，最後舖上薄脆、菊花和檸檬葉，令每口香濃的湯羮倍添香氣。脆皮膶腸飯👍👍👍👍👍簡單的白飯放了兩條膶腸，平實並沒有花巧。一口咬下去，膶腸果然是皮脆肉香，甘香的鴨膶散發著淡淡的酒香，香氣在口腔內留下絲絲的餘韻。蠔油生菜👍👍👍👍一碟白灼生菜佐以蠔油，令套餐更健康。燒味雙拼飯（HK$55)👍👍👍👍👍燒味雙拼我們選了蛇汁浸雞和蜜汁叉燒，切雞部位雖是雞胸位，但肉質鮮嫩，用蛇汁浸過的雞肉比起一般切雞更鮮甜。叉燒肥瘦適中加上少許燶邊，甜甜的蜜汁令叉燒更誘人。菜膽燉豬肺（+$30)👍👍👍👍👍原盅的菜膽燉豬肺，味道清甜又潤肺，大白菜和豬肺燉至又滑又稔，

最近天氣又再變冷，當然也就是吃一點補品的日子，補一補身，而當中令我最期待的就是吃蛇羹。 這間餐廳位於銅鑼灣出嚟銅鑼灣地鐵站路程需要十分鐘左右其實位置上面正正位於灣仔和銅鑼灣的中間還算方便快捷這次挑選這間蛇羹的原因全因為蛇王二洞的朋友自然擋在蛇價已有一定的知名度沒想到這次原班人馬改頭換面搬了過來。食物方面，一定要挑選的當然就是蛇羹， 味道和以往的沒有大分別，最重要的就是真材實料，份量十足， 入口十分暖胃，又不會太燥熱， 我就是這樣被他吸引住了。

相信你一定知道失而復得嘅感覺，但如果失而復得之後，你仍然唔識得珍惜，咁真係無話可說喇！曾經喺銅鑼灣開業多年，未食過都一定經過嘅蛇王二，原來由原班人馬喺灣仔重開，新開嘅舖頭重新命名為蛇王易，餐牌同以前大致一樣，除咗蛇羹，仲有糯米飯同燒臘飯，夠晒港式地道。秘製菊花蛇羹有人話「秋風起，最啱食野味」，但喺香港，蛇係唯一可以合法食到嘅野味，所以每年嘅秋冬季節，香港人就鍾意食蛇宴補身暖胃。蛇王易嘅菊花蛇羹材料十足，湯色清澈但味道濃郁，蛇肉比例多，唔腥又夠鮮甜，濃稠適中，味道好有層次。蛇羹表面放上幾片有清肝明目功效嘅菊花，又可以增加蛇羹的清新口感。淮杞燉竹絲雞湯A姐唔食蛇羹，所以就叫咗一個燉湯俾佢，燉湯原汁原味，夠晒足料，入面有一大舊烏雞雞胸肉同烏雞雞全翼，當然仲有唔少淮杞啦！燉湯無加味精，湯色清澈池，味道鮮甜。臘味糯米飯冬天除咗食蛇羹，又點少得糯米飯呢位朋友呢？糯米飯有好多臘肉同蝦米，糯米飯索晒佢哋嘅香味，油香十足，加埋花生一齊食令口感大大提升。我哋特別加咗半條臘腸同半條脆皮膶腸，脆皮膶腸係呢度嘅名物，個皮真係超級脆，而且肝味濃郁，爆juicy。脆皮燒肉配燒鵝飯燒臘飯亦係呢度嘅代表，燒肉一層肥一層

老公喺跑馬地長大成日都會食同呢間餐廳同名嘅蛇羹知道原班人馬喺灣仔開咗店去試一試久違嘅感覺😘估唔到價錢比以前更加平😱.✅蛇羹套餐 $110菊花蛇羹啖啖肉 佢菊花感覺好清新 足料夠曬滋補大大碗 性價比高有返曬以前嘅感覺糯米飯份量都唔細 糯米飯整得煙韌有咬口好多臘味 非常邪惡😂再加上自家製臘腸加潤腸 真係飽到上心口配埋蠔油生菜簡直有畫龍點睛懷舊嘅感覺返曬嚟😌✅馳名梅菜扣肉飯配菜膽燉豬肺湯喺灣仔嚟講呢個簡直係良心價梅菜扣肉份量好多 扣肉整得好 入口即溶梅菜用甜梅菜非常好送飯菜膽燉豬肺 真係好多豬肺菜膽都有幾條兩樣嘢咁足料 先至第七十五蚊喺銅鑼灣平時叫個燉湯都五十幾啦簡直超值！.乾淨企理 門口仲有好多燒味味道唔錯 會再翻兜試多啲👍👍

銅鑼灣蛇羹老店蛇王二結業後, 原班人馬開了間同音的店舖蛇王易在灣仔區。喜歡食蛇的我, 當然要出動了。首先叫了一個餐, 有蛇羹、糯米飯和菜, 營養均衡又飽肚。蛇羹蛇羹配上白菊花, 比平常吃的多了一份清香, 脆脆帶點粉紅色, 已添加在蛇羹中, 蛇肉一絲絲粗幼度適中, 肉嫩無渣, 配上冬菇片及木耳絲, 暖笠笠的滋味感覺。糯米飯一向不算很喜歡糯米飯, 但這裡的糯米飯有驚喜, 首先它一點也不乾硬, 可能混入蠟腸潤腸, 間中有些油脂JUICY的味道, 香味十足, 加上蔥花及花生, 沒有單調的感覺。瑤柱雜錦冬瓜盅熱辣辣, 湯頭清甜滋潤, 少鹽, 健康的感覺, 喝到底見到大大粒瑤柱, 當然也不錯過啦。叉燒切雞飯蛇羹店食燒味飯真不多, 本來沒什麼期望, 想不到也都幾有水準, 叉燒肥瘦適中, 味道香甜, 切雞分到的部分肉質鮮嫩, 燒得不錯。凍奶茶連奶茶亦都很有茶香, 高質。朋友很口渴急不及待喝了..

新店乾淨又光鮮，人手充足，好有效率好勤快，服務又好。燒味雙拼飯 $55揀左蜜汁叉燒同切雞，份量夠大碟，叉燒上色靚，邊位燒得香口，蜜汁味濃香，叉燒入口鬆化。切雞肉質十分嫩滑，雞皮唔肥又爽滑，沾埋蔥油更美味。有多款燉湯選擇，我地追加左燉湯 $30揀左少有的菜膽燉豬肺，熱辣辣一盅上，好多菜乾，燉至軟綿口應，菜乾味幾清香，個湯都唔油，飲落溫暖滋潤，仲有四件豬肺，乾淨靚仔又好味。燒味四寶飯$55有脆皮燒肉、蜜汁燒骨、滷水紅腸、咸蛋……賣相吸引。燒肉整得幾好，豬皮勁鬆脆，燒肉又柔軟唔硬。蜜汁燒骨好香好惹味，仲連住少少脂肪，所以肉有油香。滷水紅腸個外觀幾靚，味道唔錯。好耐無食咸蛋，有油光又甘香，咸度剛好，唔會咸到苦個種，送飯一流。凍飲加 $3 叫左凍檸茶，食燒味飯比較口乾，飲燉湯最岩，但如果太飽，配返冷/熱飲 幾好。

門口有張紙話蛇王二原班人馬，有安心碼，有紙筆摘名。蛇羹餐($110)，好似有加咗幾蚊。蛇羹上枱就見到脆脆顏色有點偏粉紅，嚇一嚇；入口第一啖就係脆脆菊花檸檬草味；都係偏稀湯水，味道同以前好似差不多，又好似有啲唔同。良過蛇王良之後就覺得蛇王易蛇羹肉少好多。潤腸飯皮依舊脆；味道差不多，但又好似有唔同；腸裏面嘅汁好似少咗。記憶中，以前感覺「嘩！好好食！」今日感覺係「嗯，都好食吖！」佢以前燒味都好食，下次會想試下燒味飯加其他湯水。

第一次食蛇，嗌咗個蛇羹餐加個下午茶，燒鵝瀨好味，瀨粉夠彈牙，潤腸味夠濃，蛇羹層次分明，不錯！間鋪開咗冇耐，窗明几淨，光線充足，唯一不足之處係廁所係踎廁，但無傷大雅。

去年蛇王二關門的消息，令不少粉絲傷心得很，為左朝聖，曾經晚飯時間要排兩個小時才能上到尾班車。 差不多一年過去，想不到有些東西能夠失以復得，原班人馬係灣仔開左蛇王易。 想不到為什麼名字同音但轉左字，但我send呢幅相俾朋友，佢就立刻知道係蛇王二嘅出品。 新店就係vtc附近，食唔飽附近也有元朗合隆。 老實講，味道同成個setting都完全一樣。 這個晚上，一個人獨自來到吃晚餐，最好係叫個蛇羹套餐，捉緊冬天的尾巴。 記得之前蛇王二人情味一流，呢度還是同樣感覺。 臘味飯的膶腸同臘腸，同樣精美，可惜，當晚糯米飯已經沽清，下次再吃。 蛇羹當然精彩，加上薄荷葉和脆脆，份量還是咁勁。 加一碟油菜，均衡飲食，來個清清地尾聲。 我已忘記了當時阿二的價錢，但聽講呢度減左租，得益者當然係消費者，而家只是$110一個餐，算係幾超值。 最少，蛇王二的味道，還可以承傳下去，welcome back 。 蛇王易 灣仔灣仔道218-220B號利昌大廈地下4號舖

天氣涼了，所以想吃一些暖胃暖身的食物，見到門口寫着蛇王二班底主理，蛇王二？豈不是銅鑼灣已經倒閉的那一間？點了一碗菊花蛇羹，這裏的蛇羹配料如薄脆，檸檬草都是餐廳直接放入蛇羹上，餐桌上是沒有擺放配料給你隨意添加的，這樣給人感覺比較小氣，菊花是白色的，但是吃下去並沒有菊花的味道，蛇羹的份量比想像中少，蛇肉亦不太多，不過味道挺不錯，可惜略嫌吃得不夠盡興，價錢有點貴，另外點了一種冬瓜老鴨湯，冬瓜已去皮，有很多薏米，味道不錯，鴨味道都很突出，湯底很清，價錢不太貴