蛇王熙

營業中

休息中

一見到無人即刻walk-in 食番舊味道 叫咗個叉燒油雞飯 一落完單 一人一碗老火例湯 以前既味道番哂黎 湯都未飲完已經上左個雙併飯 就咁睇個賣相已經忍唔住 即刻攞起筷子食 味道同以前差唔多！ 呢度冇以前坐到咁迫 但係都係咁少位 都算係呢度嘅特色嚟

在銅鑼灣 near times square , finally opened a snake soup place 🐍🐍🐍🍲藥材味幾濃 湯幾好飲 蛇肉唔算多 豬肉絲就好多 份量比較少 價錢小小貴 overall OK ✅

朋友極力推介呢間既脆皮臘腸同潤腸，話一口咬落去 "卜"一聲，於是乎慕名而來！黎到就緊係叫佢個$118超人氣蛇羹套餐：花膠會蛇羹,臘味糯米飯,涼拌拍青瓜雲耳我揀左雙腸(臘腸同潤腸各半條)糯米飯，說好了的脆皮呢？點解人人都話會"卜"一聲，但我兩條乜聲都冇喎😅！糯米飯配有蝦米,花生,冬菇,蔥花。老老豆豆…糯米飯實屬一般。主角蛇羹…比一般蛇羹鋪矜貴，因為有花膠，同埋除左檸檬葉外，仲有白菊花。我"了"勻成碗蛇羹，想搵條粗壯d既蛇肉黎睇下都搵唔到，可能切到好幼好幼，食左唔知係蛇肉定瘦肉？其實成碗蛇羹，你會覺得佢唔似羹而係似湯，水汪汪，我食晒d料，最後剩碗水。成個套餐最出色既原來係涼拌拍青瓜雲耳😆，十分入味，好醒胃永遠隔離飯香，我偷望隔離檯個哥哥仔碗潤腸飯勁多潤腸，多到鋪滿成個碗，再望一望自己果碗好寒酸咁😛

“超人氣蛇羹套餐：花膠會蛇羹+臘味糯米飯+涼拌拍青瓜雲耳”($118)“燒味雙拼飯：蛇汁浸雞+燒腩仔”($60)雖然話秋風起三蛇肥,但宜家食蛇邊有分季節架😆次次經過時代廣場附近都見蛇王熙排哂隊咁上網睇睇先知原來前身係蛇王二新舖由蛇王二店長打理,保證食得返以前嘅味道😋趁住下晝時間人流少啲一於去試吓😛叫咗個超人氣蛇羹套餐🐍當中包咗花膠會蛇羹,脆皮潤腸飯/臘味糯米飯仲會配上涼拌拍青瓜雲耳蛇羹會加上白菊花,檸檬草同薄脆大大碗超足料,每啖都食到蛇肉,雞肉,花膠而且陳皮香氣回甘,好食到一啖接一啖🤤臘味糯米飯大大碗,有半條臘腸同潤腸潤腸食落超級濃味糯米飯乾身,配有蝦米,花生,冬菇,蔥花,夠香口😚另外仲叫咗個雙拼燒味飯揀咗蛇汁浸雞🐔加上燒腩仔🐷個飯上枱時嚇一嚇,因為超大碗😂蛇汁浸雞色水比較深,雖然味道同切雞其實分別不大但食落的確夠哂嫩滑😋燒腩仔皮脆,肉質一啲都唔乾柴☺️跟燒味飯仲會配例湯/飲品食完超級飽😆細食嘅朋友記得叫少飯🤣

天氣轉涼，很多人會想吃一碗蛇羹進補。由前蛇王二店長熙哥主理的蛇王熙，從臘味零售的小舖，到了今個秋天於波斯富街重新經營餐廳。名物蛇羹套餐包括花膠燉蛇羹、膶腸飯或臘味糯米飯，特別在蛇羹於燉煮時添加了花膠，在保暖的基礎下加入養顏效用，既溫暖亦滋補。下次定必要再來試試另一招牌燉湯，重溫以前喜愛的菜膽燉豬肺。

🔸花膠會蛇羹湯頭帶有淡淡嘅藥材甘香味，食完唔覺得鹹👍🏻面頭有檸檬葉同白菊花😂 蛇肉切得比較幼，份量尚可👌🏼花膠仔軟滑，口感幾好👍🏻🔸臘味糯米飯臘腸同膶腸一般啦👌🏼糯米飯幾入味，但如果粒粒分明啲就更加好食啦😂📍#蛇王熙 (#銅鑼灣美食)銅鑼灣波斯富街59號地舖

冬天凍冰冰🥶最好就係食啲暖笠笠嘅嘢，呢日就去咗食蛇羹，我都係第一次食架咋，見好多人係銅鑼灣呢間蛇王熙排隊，入面又爆晒場就試下先。原來蛇王熙係著名老店蛇王二嘅舊伙記主理嘅，所以質素應該都有啲保證🙌🏻花膠燴蛇羹超級足料嘅蛇羹🐍蛇肉份量好多，第一次食嘅我又覺得好容易接受，好似食緊雞肉咁，肉質比較實淨。除咗蛇肉之外仲有花膠、冬菇、薑絲、木耳、陳皮、檸檬葉、脆脆同菊花瓣，花膠都有唔少，而且爽彈有少許膠質😗😗所有配料嘅配搭都幾好，不過我個人就唔係咁鍾意太多檸檬葉，味道有啲太搶。臘味糯米飯蛇羹同臘味飯絕對係最佳組合，香口嘅臘味加埋脆卜卜花生，連同黏糯嘅臘味飯一齊食，冬天食一流👍🏻涼拌拍青瓜雲耳套餐包埋嘅小食，清爽嘅青瓜同雲耳浸住酸酸辣辣嘅醬汁都幾惹味。菜膽燉豬肺超級超級清甜又滋補嘅燉湯，真材實料又冇味精，豬肺都有唔少舊，好飲😋😋人均消費：$100推介指數（10分為滿分）：8.5分

蛇羹是中國南方嘅獨特美食，但在絕大部份外國人眼中，食蛇（爬蟲類）卻是中國飲食文化中最噁心之一；即使中國人，也未必個個可以接受。蛇羹究竟源於何時何地，已經無從稽考；但使其發揚光大者，非清末廣東南海人江太史莫屬。由他的家廚所炮製的太史五蛇羹更成為之後美味蛇羹的代名詞。20世紀初，香港的商易及碼頭都集中在中上環一帶；由於貨運原因，早年的蛇舖也是在中上環開業。時至今日，百年老店例如「蛇王芬」、「蛇王林」仍然堅守中上環，只是舖址已經歷幾番搬遷。另一間老店「蛇王二」早年亦在上環開舖，30多40年前才遷至銅鑼灣黃金地段；自此生意蒸蒸日上，雖然店舖租金年年暴升，仍然無礙。豈料卻敵不過新冠肺炎疫情，在2020年4月光榮結業。以為香港的美食老店又少一間，原來店長靜悄悄起革命，於今年10月初捲土重來，並索性用自己名字開店。雖然店舖名字變了、老闆轉了，但幕後掌廚及部份老員工亦加盟新店，而且宣稱「食材不變 原汁原味」。趁着今晚天氣開始轉凍，儘管已經食飽飽，也決定去「蛇王熙」買兩碗外賣蛇羹回家品嚐。作為宣傳策略，由店舖招牌、以前門面大大將藝術化照片，皆有提及「蛇王二」。在商言商，無可厚非。難得「蛇王二」後人及商

由蛇王二啱啱開張嘅年代，已經同父母幫趁，雖然唔算熟客，都有回憶同感情。知道易名重開，今晚特登去買外賣支持下。目測舖仔細細，明明堂食有位，冇人招呼舖外嘅客入去坐，所以有啲客投訴等左好耐。諗住買外賣唔關我事啦，點知收銀超慢，可能新收銀system D items太細，阿姐睇得好辛苦，其實我前面得一個堂食客同一個太太比錢，都搞極未完⋯⋯一心諗住支持下，算啦排下啦，好食就得⋯⋯結果排咗十幾分鐘，有個四眼阿叔出嚟，直接走去龍尾幫兩個太太落單，然後完全無視我同我後面個客，直接入去舖頭入面㩒機，仲要講到出口幫佢地落單先，之後冇再出嚟！而我前面個太太張單，都仲係未搞掂！真係火都嚟埋！點解可以咁唔fair?!大家都比同樣咁多錢㗎！即走！

一直係銅鑼灣返工，間中lunch都會去食，因為疫情結業，一知道捲土重來重新開返，即刻搵日收工去幫襯 間中都會去食佢既蛇羹補一補，特別係冬天，一凍，手腳成日冰凍，去食返一碗，就成個人暖笠笠，而家蛇羹仲加埋花膠，更加滋補 招牌花膠燴蛇羹$75蛇羹好真材實料，食到啖啖蛇肉全部切得幼細整齊，入口香滑又有咬口本身已經放左撒上菊花瓣、檸檬葉絲味道清鮮, 湯色清澈, 濃稠適中, 好暖胃 三拼燒味飯(叉燒，燒腩仔，蛇汁浸雞)燒腩仔一層肥膏一層肉，有齊油香和肉香，食左幾舊都唔會覺得好肥膩叉燒都好味，燒得入味，偏向瘦又唔會好柴身蛇浸雞食落似普通油雞，肉質嫩滑套餐全相$143

第一次食。蛇羹入面蛇肉正常份量。OK的。但肉絲比較細同薄，口感唔夠。臘味糯米飯好油，米質好淋同埋好爛。第一次食到咁嘅糯米飯。加上好胡椒粉味，食完幾口喝下。唔叫野飲解喝會覺得幾難頂。唯一抵讃嘅係蒜味雲耳拍青瓜。夠入味。但試過一次唔會再幫襯。

當日天氣轉涼，正當係銅鑼灣想搵啲暖身既食物，見到蛇王熙(寫住蛇王二前店長熙哥主理)，就二話不說去左排隊食。兩個人食我地叫左個套餐加個雙味燒味飯，跟餐加左個燉湯，完全夠食👍🏻❤️蛇羹套餐 ($118)涼拌拍青瓜，花膠燴蛇羹，臘味糯米飯-蛇羹好大碗好足料，有蛇肉、冬菇、雞肉、木耳絲等等，仲有令人驚喜既花膠🤩面頭仲有薄脆、菊花，食落去味道鮮甜又帶點清新既口感，仲要每食一啖都會有好多料擺入口😋-糯米飯煙韌，飯內潤腸臘腸各半條，個人比較中意食臘腸，唔會太肥，仲有花生、葱花、蝦米同小小蠟肉，仲要大大碗，好好味好幸福😋❤️雙拼燒味飯(燻蹄，叉燒) ($60)燻蹄口感有層次，入口鹹香。叉燒有幾舊燒得有燶邊，唔韌，加上小小甜甜地既汁👍🏻❤元貝什錦冬瓜盅 (跟飯餐+$24)大大舊冬瓜係湯入面，仲有冬菇片、元貝、瘦肉等等，味道非常鮮甜，襯熱飲最佳👍🏻總括而言，食物都好好味冇咩點變過，而且員工服務態度有禮，絕對值得稱讚！味道：⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️衞生：⭐️⭐️⭐️⭐️抵食：⭐️⭐️⭐️⭐️

凍凍哋，最啱食蛇羹臘味🌬😂蛇王二返嚟啦❗️依家叫蛇王熙‼️特別推薦大家✅花膠燴蛇羹➕脆皮潤腸飯➕涼拌拍青瓜雲耳✅花膠燴蛇羹➕臘味糯米飯➕涼拌拍青瓜雲耳《花膠燴蛇羹➕脆皮潤腸飯➕涼拌拍青瓜雲耳》️花膠燴蛇羹熱辣辣🔥，成個蛇羹都好足料，加花膠幾特別，感覺高級咗😂，面頭嘅薄脆好鬆脆，想要多d🤭脆皮潤腸飯係超級好食😭，有兩條潤腸，個皮真係脆架，食落會有卜一聲🤤(屋企好難整到呢個效果)，好香，有玫瑰酒味，食落好醇，配飯一流🍚 涼拌拍青瓜雲耳，青瓜好厚身、爽口🥒，雲耳都好大塊，辣辣哋🌶💰$118💰$55 (單點: 脆皮潤腸飯，跟例湯/飲品)《花膠燴蛇羹➕臘味糯米飯➕涼拌拍青瓜雲耳》花膠燴蛇羹、涼拌拍青瓜雲耳同上面一樣😌️臘味糯米飯，會有半條潤腸同臘腸🥰，可以一次過試晒兩隻腸✌🏻，臘腸都唔錯，肥瘦適中，唔會好硬，不過我都係覺得潤腸好食d😂，食落濃d香d😋而糯米飯就幾乾身，配料仲有臘肉、花生、蝦米🦐、冬菇片、蔥花，食完唔覺好膩😌💰$118💰$55 (單點: 臘味糯米飯，跟例湯/飲品)*單點跟嘅例湯都唔錯，我嗰日係木瓜湯🟠🍲，另外都可以加錢轉燉湯，加💰$24有西洋菜燉陳腎/菜膽燉豬肺etc (原價係💰$

秋風起，三蛇肥，係時候食蛇羹補補。呢間新開蛇王熙門口不停有人等位，真係要試試。好，坐低睇下有咩好食先。招牌花膠燴蛇羹，比起岀面食嘅蛇羹大碗，上面有香草檸檬葉，好香好清新，薄脆又香口，成碗好足料。花膠份量都好多，大大舊，滿滿嘅骨膠原。涼拌拍青瓜雲耳，個汁係微辣，仲有爆香嘅生熟蒜，超惹味。佛山燻蹄，估唔到呢度都有得得，仲要做得唔錯，肉味啱啱好，又爽口。臘味糯米飯，有臘腸潤腸，我地可以一人一條，個糯米飯好夠味，又唔糊口，煙煙韌韌好味呀！

超人氣推介蛇羹套餐$118/份套餐已包括花膠會蛇羹，臘味糯米飯、涼拌拍青瓜雲耳👍招牌花膠會蛇羹非常鮮味，口感細緻，味道清淡甘香，非常足料，每啖都吃到蛇肉肥美，不覺得有腥味，每碗蛇羹都會配有菊花，檸檬葉和薄脆，加了菊花，檸檬葉蛇羹會多了一股清香別有一番風味，再加了花膠更顯得滋補養生😍😍臘味糯米飯🍚糯米飯在秋冬季節特別常見，又常與蛇羹配搭成套餐。口感軟糯，臘肉、臘味、花生，蔥花、增加層次味道😋涼拌拍青瓜雲耳清甜爽口，加點酸酸辣辣醬汁，更開胃😘