蛇王熙

營業中

休息中

今日天涼涼地，就去幫襯闊別兩年嘅蛇竇，(以前叫阿二，而家叫阿熙），👍我覺得比以前好，因為依個套餐有蛇汁浸雞飯，以前只得膶腸飯和生炒糯米飯，要我加錢去轉，同埋個青瓜都幾好味，今日意外居然有雞髀飯😆。蛇羹值得一讚，除咗同以前一樣味道外，仲有大大塊花膠，以前好似冇，雖然當然係好普通嘅花膠，但係都好淋，以前個套餐係有菜，不過依家轉咗做涼拌，有青瓜和木耳，個人覺得好過以前嗰個菜，要俾錢由西生菜轉菜心，不過今日去到啱啱人哋係lunch time，所以排咗2分鐘隊，雖然迫迫夾夾，但都好有懷舊feel.

去得銅鑼灣波斯富街， 梗有幾樣嘢要做 ， 一係搭叮叮去跑馬地 ，轉右你識去時代，但識食既你梗係去食蛇，係啊無錯，蛇王番來了，由以前蛇王二店長熙哥主理，不過因為蛇王二個名已經比人註冊左，於是熙哥用自己個名開鋪。鋪頭唔係好大，但饕客熟客識食就自己埋位，而且蛇羹臘味糯米飯等舊鋪招牌菜，用料配方無變，都係原汁原味。 招牌蛇羹 8款食材，包括蛇肉、雞肉、冬菇、木耳及陳皮等等，啖啖足料。熙哥甚至「加料」，係 蛇羹之中加埋花膠，加埋菊花同埋南乳薄脆， 蛇羹飲落味道清甜，濃稠度適中，淡淡足料口感豐富，幾乎每啖都有蛇肉同花膠分量足，陳皮香氣回甘，是熟悉的蛇王二味道，也有熙哥的心思。 入得去蛇王二當然不能忽略 高高掛喺牆上的 臘味吧，簡簡單單脆皮潤腸配飯已經係超好食，鮮鴨膶腸「七潤三肥」， 脆皮潤腸的 鴨油滲入白飯裡， 一入口「卡嚓」一聲外皮脆得過份 ，每一啖都是鴨油香，入口油香十足，吃完，不得不外賣半斤再番屋企簡單蒸煮，將滋味延續。除了潤腸另外叫了燒味飯， 蛇汁浸雞，雞肉嫰滑，鵝肉也油香滿滿，簡單配 蛇羹吃錦上添花。前菜青瓜本耳也正好開胃。臨走時隔離叫了 川芎白芷魚頭燉湯，魚頭湯香氣 撲鼻，Ok, 下個

（秋風起， 食臘味）呢句成日都聽到，其實我每年都有個習慣就係點都會食蛇羹配臘味飯的💪，因每次食完個胃都會暖笠笠。今次為大家介紹呢間蛇王熙係銅鑼灣波斯富街， 行完sogo覺得累，過來食都好方便。我地就一口氣叫左以下食物：⚛ 花膠燴🪱蛇羹 ～ 材料包括蛇肉、花膠、冬菇、雞肉、木耳、陳皮等等，口感豐富唔會過於濃稠，蛇羹上都有南乳薄脆和檸檬葉，呢個食法最傳統的，因檸檬葉可以帶起獨特的香味，令成碗蛇羹更多層次感。⚛ 臘味糯米飯 ~ 臘腸油潤感豐富，肥瘦有致，謙謙獨享的臘味糯米飯夠哂軟糯，每粒都鎖住臘味的油香。⚛ 燒鵝腿雞腿飯 ～ 超邪惡但美味極了的一碗飯， 本來因為蛇羹而來，但見每枱食客都有點燒味飯，我亦忍唔住叫了我喜愛的燒鵝腿了，咬一口燒鵝腿，d鵝油香充滿口腔，而雞腿又夠滑， 加上自蔥油豉油 ，成碗飯比我ko哂。⚛ 拍青瓜🥒 ~ 食咁重口味的食物後，再食返幾件拍青瓜豆可以解油膩感。呢到服務員親切有禮，主動介紹食餐會抵d ， 好 warm 呀！

天氣開始轉涼，係時候食返碗蛇羹暖下肚。以前不嬲食開嘅蛇王二執咗笠，今次嚟到前蛇王二店長熙哥新開嘅蛇王熙，依然係熟悉嘅感覺，依然係咁好味。花膠燴蛇羹招牌蛇羹自然必叫，非常足料，一絲絲嘅蛇肉、木耳絲、冬菇絲都好多，仲加入左爽滑花膠，好味又滋補。表面再灑上菊花、檸檬葉同薄脆，清新芳香，口感加倍。臘味糯米飯糯米飯煙韌乾爽，軟硬度啱啱好，臘味香口惹味，其中潤腸更經過廚師嘅秘方，做到外脆內軟，別具特色。最後加上蔥花同花生，真正色香味俱全！涼拌拍青瓜雲耳蛇羹套餐附送嘅小食，青瓜脆、雲耳爽，酸酸辣辣，解膩又開胃。茶樹菇鯊魚骨燉瘦肉除咗遠近馳名嘅蛇羹，仲有唔少燉盅老火湯，今次試咗呢款用茶樹菇同鯊魚骨嘅配搭。一打開蓋，已經見到滿滿嘅湯渣，飲落甘醇帶點清甜，而且鯊魚骨仲可以補鈣壯骨添。燒味雙拼(燒鵝拼燒腩仔)燒鵝皮脆肉嫩，油脂感重，十分香口。燒腩仔皮亦烤至脆卜卜，肉同肥層次分明，肥瘦適中。

人生第一次食蛇, 襯住今年踏入人生新一頁, 黎試個新野!!上年過年食過蛇王熙既潤腸, 個人覺得非常出色!! 唔油之餘仲好香!!今次專誠黎食個蛇再買下腸XD原來食蛇既店, 都有其他小菜, 最多人點就係燒味飯配蛇羹, 我地揀左一個雞飯, 一個糯米飯好耐冇食過啦~個人覺得糯米飯非常出色!! 真係好耐冇食過, 依家都唔多地方仲有得食。蛇羹我第一次試, 覺得藥材味? 都少少重, 蛇本身應該冇乜味, 不過食完會唔會成個人好熱又未至於, 幾好食又大碗!!另外再叫多個豬肺湯, 聽老人家講, 最緊要係乾淨, 我覺得呢個都幾好呀~~臨走買多幾孖腸先!!~

「秋風起，三蛇肥」「秋風起，食臘味」🤘🏻今日我就要襯天氣涼涼地一次過食哂蛇羹同臘味🤩蛇王熙✌🏻 銅鑼灣最近大熱的食蛇羹小店👅👅夜晚去食要預少少時間排隊喔👍🏻 好味既野真係值得等架😍😍😍🐍超人氣蛇羹套餐 $ 118 套餐包括花膠燴蛇羹🐍、臘味糯米飯🍚、涼拌拍青瓜雲耳👅👅首先呢個天氣梗係要食個蛇羹補一補 🤘🏻暖暖身啦💪🏻💪🏻呢個蛇肉相當多🥰真材實料！湯羹濃稠，味道濃郁🥰🥰而且食完全身都暖笠笠🔥呢個真係冬日的美食✨臘味糯米飯🍚凍冰冰既時候有一碗熱辣辣嘅糯米飯真係好幸福🤩膶腸潤香味道濃、臘腸衣脆肉質嫩😈😈再加埋冬菇🍄、蝦米🦐、同花生🥜 口感豐富！真係好好食好好食啊🤘🏻🤘🏻川貝海底椰燉瘦肉 $54 真材實料足料燉湯👍🏻👍🏻去到真係見每枱都會叫湯飲就知佢有幾勁啦🥳🥳燉湯飲落去好清甜🤩養顏補身靠晒佢😈超高cp值 ！扺讚~燒味三拼飯 $80 叫左我最愛既三款 - 蛇汁浸雞、肥叉燒、燻蹄！燻蹄平時真少燒味舖頭有😣但真係勁好食😋佢個口感好爽口，而且仲不油膩👍🏻而且仲要有肥叉俾到我 ！真係好驚喜🥰🥰

進入冬天又是進補時間，襯凍凍地去了銅鑼灣的蛇王熙食蛇羹，星期五晚市時間門口大排長龍，但翻枱的速度都算快，等了十分鐘就有位。每枱都必點招牌套餐，有花膠燴蛇羹、臘味糯米飯及拍青瓜雲耳。青瓜爽脆開胃，有淡淡蒜香。蛇羹濃稠程度適中，以雞湯做底，花膠入口帶點爽，木耳、冬菇等配料，當然不少得主角蛇肉，味道鮮甜。糯米飯煙韌軟身，臘腸一咬開油脂滲出、潤腸皮脆肉香，反而臘肉就比較肥。這裏還有多款燉湯，其中川芎白芷天麻燉魚頭更是我至愛，濃郁的藥材香味溶入湯內，入口帶點苦，然後回甘。除此之外，燒味都是招牌菜，燒腩仔皮脆肉嫩，半肥瘦的腩肉入口鬆化。叉燒比燒腩更好味，半肥瘦的梅頭肉燒至表面帶焦，蜜糖甜香滲入肉內，肉質嫩腍帶點肥。

蛇羹雖已無分時令，但係都係秋冬既時候食係最啱feel，😀😀😀😀😀😀尤其冬風起，手腳冰冷既時候，黎一碗。😋😋😋暖笠笠，睇番個湯顏色清澈、濃稠適中，蛇絲啦肉絲，仲有冬菇絲木耳絲，全部切得幼細整齊，入口香滑又有咬口。食個陣放埋菊花瓣、檸檬葉絲，就更加清香誘人，食完暖身又滋補！ ！ ！仲有食個陣一定要配埋臘味飯先完美。臘腸，潤腸加埋花生同糯米飯真係絕配！今個冬天，我已經預備好要再黎幾次了！正！

🍽 Set 💰 HK$118 (lunch)🐍Snake soup is always my favorite to eat during 🆒weather! Usually traditional snake soup will come with Chrysanthemum. 🌼This is one of the new restaurants opened in Causeway Bay. The texture of the snake and taste was spot on. It also came with fish maw. 🐟 For the rice with preserved sausage, it was crispy. Will go again when the weather is cold soon!

As the weather suddenly turned cold, everyone was rushing to have snake soup. As we have sudden craving for it as well, we decided to go to 蛇王熙 for dinner. They offered signature snake soup as well as a wide range of herbal soup, and rice etc. They have set for their snake soup, consisting of rice, snake soup and appetizer. Black fungus and cucumber salad - They were crunchy and juicy, with the Thai sweet and spicy sauce making it appetizing.Snake soup with fish maw - Given the price, it was ver

今日係銅鑼灣行街經過見到呢間係以前蛇王二班底重開既店因為太掛住佢地既燒味飯同蛇羹就決定入去回味一下餐牌同以前大同小異，依舊好多選擇蟲草花燉老雞首先叫個老火湯暖下胃好足料，湯頭好濃郁藥材味同老雞好夾飲完令我胃口大開招牌花膠燴蛇羮終於食到蛇王既蛇羮，不知等左幾耐依舊咁足料，每一啖都好滿足蛇肉唔腥，好易入口花膠軟淋入味未試過既朋友一定要試係會上癮架燒鵝腿雞腿飯太豐富啦！一個飯有齊鵝脾同雞脾一見到就決定要試鵝腿燒得皮脆肉嫩將肉汁鎖住，一咬就係口到爆發太滋味了雞腿肉味濃，肉質嫩滑推薦必試！

最近看到食評之前長龍店蛇王二關門之後，一班舊伙記令起爐灶，在附近開了一間名為蛇王熙的新店。花膠燴蛇羹、臘味糯米飯、涼拌拍青瓜雲耳每位$118。花膠燴蛇羹，材料有蛇肉、瘦肉、冬菇絲、荀絲，湯頭味道鮮甜可口，蛇肉口感紮實，配上其他配料和檸檬葉及菊花，非常正宗。臘味糯米飯，內有半條臘腸和半條潤腸，臘腸口感比較紮實，潤腸味道甘香，兩款都很美味，糯米飯內還有蝦米和花生，整個組合是冬天的最佳食品。涼拌拍青瓜雲耳，蒜香味道十足，帶點微辣，非常可口。西洋菜燉陳腎$36，湯頭味道鮮甜，喝得出沒有添加任何味精，這個湯非常清潤降火。 川芎白芷燉大魚頭$54，藥材味道甘香，材料豐富，如果減少一些川芎和白芷，味道更佳。

秋風起，又到食蛇的季節，今次來到這間新開的餐廳，餐廳其實是之前銅鑼灣時常好多人排隊的蛇王二負責人主理的!而新店位置都是在波斯富街，近Times Square!超人氣蛇羹套餐，這個套餐都幾豐富，有花膠燴蛇羹、膶腸飯和涼拌拍青瓜雲耳！店長推介蛇羹套餐，而這個套餐一樣有蛇羹和青瓜，不過飯就轉了蛇汁浸雞飯！花膠燴蛇羹，這裡的蛇羹比起平時出面吃到的大碗，而且好足料，味道好鮮甜，口感十足，而且還有大大塊花膠，很惹味呢！脆皮膶腸飯，膶腸外皮脆卜卜，內裡唔會好肥，而且味道好出，好美味！蛇汁浸雞飯，雞的份量都幾多，肉質嫩滑，而且大大碗，非常飽肚！川芎白芷天麻燉魚頭，這裡的燉湯比平時飲到的燉湯大碗，而且價錢不會很貴，材料好足，湯好有回甘味，而且很鮮甜，很久沒有試過一碗這麼足料的燉湯!

「蛇王熙」位於銅鑼灣波斯富街59號地舖，原來由前蛇王二店長熙哥主理，味道依然得到食家認同，秋風起，三蛇肥，我都唔執輸去補一補😁😁超人氣及店長推介蛇羹套餐$118/份*套餐已包括花膠會蛇羹，臘味糯米飯/蛇汁浸雞飯，涼拌拍青瓜雲耳*招牌花膠會蛇羹非常鮮味，口感細緻，味道清淡甘香，非常足料，每啖都吃到蛇肉肥美，不覺得有腥味，每碗蛇羹都會配有菊花，檸檬葉和薄脆，加了菊花，檸檬葉蛇羹會多了一股清香別有一番風味，再加了，花膠更顯得滋補養生😍😍臘味糯米飯糯米飯在秋冬季節特別常見，又常與蛇羹配搭成套餐。口感軟糯，臘肉、臘味、花生，蔥花、增加層次味道。蛇汁浸雞飯用蛇汁浸透雞件，嫩滑補身👍👍涼拌拍青瓜雲耳清甜爽口，加點酸酸辣辣醬汁，更開胃😘川芎白芷天蔴燉魚頭$54湯濃味醇，清香四溢，甘甘地，飲一啖就知落足心機燉嘅禦寒湯水😘😘

你係阿熙？你真係阿熙？大家唔好誤會，講緊嘅呢位阿熙係前身蛇王二老店嘅店長 - 羅長熙。呢位阿熙喺銅鑼灣波斯富街開設全新嘅蛇王熙，餐廳主打蛇羹。正所謂「秋風起，三蛇肥」，所以今日我哋就嚟到蛇王熙嘆吓蛇宴啦！蛇汁浸雞拼燒腩仔飯食蛇嘅地方，好多時都會做埋燒臘飯。蛇王熙嘅燒臘都唔簡單，雞件用蛇汁浸過，索晒精華，仲有淡淡蛇嘅味道，但食起上嚟一啲都唔腥，令本身嫩滑嘅雞肉更有層次。涼拌拍青瓜雲耳講到餐廳最受歡迎又抵食嘅就梗係超人氣蛇羹套餐啦，呢個套餐嘅前菜就有涼拌拍青瓜雲耳。青瓜同雲耳都非常爽口，配上酸辣醬汁就更加開胃。茶樹菇鯊魚骨燉瘦肉燉湯非常足料，茶樹菇係呢個湯嘅靈魂，濃郁嘅菇香，夠晒養生健康。招牌花膠燴蛇羹重點當然係蛇羹啦！蛇羹足料啖啖肉，仲加埋花膠一齊煮，令蛇羹嘅湯底更膠口，充滿骨膠原。其他配料仲有豬肉、雞肉、冬菇、木耳、陳皮、薄脆、菊花同檸檬葉，令呢碗蛇羹味道非常有層次，新鮮濃郁。臘味糯米飯入秋除咗食蛇羹，仲有糯米飯。糯米飯入面有臘腸、膶腸、臘肉、花生同蔥花，飯底煙韌，配料十足，口感一流。