蛋哥 (已結業)

我同同事閒日晏就出去搵野食，呢間睇落價錢吾係好貴，於是我地就簡左呢間，我簡左個流心蛋包飯，係佢地既推薦，睇落賣相都吾錯。價錢也很抵，包熱飲，凍飲加3蚊，特飲加8蚊。個飯食落都吾錯，有味道既飯，吾知係鰻魚汁定豉油個蛋包飯我想睇既效果應該係一切出黎會流蛋汁，張相我吾記得左影但都有呢個效果既，食落都吾錯，不過吾會話好突出甘整體黎講，還可以，價錢係抵既，整體餐廳比我既感覺都可以，幾乾淨，店員都好好服務。野食可以一試，賣相也不錯。

閒日3點幾，2位，唔洗排隊。餐廳位於地牢。鰻魚蛋包飯｜$78（是日menu）鰻魚好普通，蛋包飯既蛋好熟，個茄汁炒飯底係幾好，但成件事係普通茶記質素。芝士蛋厚多士｜$38（下午茶餐）本身以為係炒滑蛋，但原來係太陽蛋，芝士味太搶，略咸，蓋過左蛋味。熱檸蜜｜$15跟餐+$3凍檸蜜跟餐+$5十分欣賞餐廳用環保飲管，但我有潔癖，所以無用到。餐廳用得蛋做主題，我期望會更有特色，可惜味道真的非常一般，無野推介到。

同事之前已經食過呢間野，話幾得但我又無食過，今日要來試下差唔多一點去到，仲有位。但到1點半就開始多人。來之前已經研究左個menu椒鹽豬扒係最吸引的所以一坐低就落order。個煎蛋的蛋黃好橙好似好好味咁。個豬扒勁得，外脆內juicy，又夠厚切不過佢的椒鹽同一般的唔同，就係淋左一pad醬係面，唔係一齊炒，有少少辣。唔好的係啲飯太硬，食到好辛苦同事叫左個邪惡三眼仔，有三隻煎蛋不過啲午餐肉就好似煎得唔夠火喉。不過都會再encore因爲daily menu有牛舌

When boyfriend asked me where do I want to have for lunch, I remember this place we walked by one evening called Egg For All. It was closed but I thought the name was funny along with the logo. Looking it up, I discovered they served omurice. So, that was what I wanted for lunch. Omurice.The place is located on the bottom floor of an industrial building. Walking in,  it was larger than expected with all sorts of egg themed decor.Menu is in Chinese only. There is no English and no 10% service cha

位置處於觀塘工廠區，佢啲餐牌都係蛋，我諗啲大隻佬食都幾啱做完運動就過嚟補充啲蛋白質，但講真啲價錢性價比來講真係唔高，啲名就改得好似好特別，但其實都只係個餐蛋飯，另外叫左佢個流心蛋包飯，但我想講係冇流心囉，味道一般，同埋價錢都偏貴，總體來講冇乜特別，真係快趣填飽肚就算。

用openrice系到前15分鐘落order好方便第一次連mastercard比錢仲有優惠已經幫襯好多次， 蛋既香味同融合芝士既口感外脆內軟😊朝早食個靚早餐心情靚靚咁開工

又係觀塘發掘新餐廳~~!!蛋哥~以雞蛋做主角嘅餐廳。係限聚令之下，枱與枱之間有充足嘅距離。望落去午餐選擇唔多，全部都係飯類，但偏偏隔離食緊常餐，仲好香tim~~! 一問之下，原來仲有個常餐menu~!最後叫咗沙嗲牛肉麵，一個配奶油豬一個配多士常餐：沙嗲牛肉麵，煎蛋，多士，熱飲($38)，揀奶油豬要另加$5。奶油豬好好食，足料，麵包又夠脆。煎太陽蛋，顏色好靚，但略嫌有少少生，可以煎多幾秒，沙嗲牛肉麵肉嘅分量唔算多，有d唔夠淋，但味道唔錯。P.S.最後發覺原來係黃店，值得支持下🦾🦾

疫情下的午餐時間，食客不多，大概是Home Office下少人返工吧！之前來過食早餐，印象不錯，於是再來午餐，沒有吃飯，因為不太餓，點了吞拿魚蛋三文治和熱檸檬茶。吞拿魚蛋三文治：侍應有問我要不要烘底，因不想太熱氣，沒有烘吞拿魚蛋饀料份量適中，不會太少，混合了沙律醬，恰到好處，不會太多而感覺很水只可惜是麵包不新鮮，像放了很久被吹乾了，感覺不好！熱檸檬茶：茶不苦澀，不錯。食後感：服務仍然很好，侍應有禮待客，三文治麵包確令我有點失望，不過，會再來的，因他們的服務質素而再來支持蛋哥。

星期五,一人前, 試新店, egg for all.中午1:00 , 到觀塘工業大廈,睇完餐牌, 全部都是有蛋既飯菜, 最後決定,食常餐, 試炒滑旦,多士, 沙爹牛肉麵,沙爹幾有特色, 相信落足心機研究, 值得推介.蛋,當然一流啦. 沒有地方可挑剔, 香, 滑, 足料,裝修很可愛, 牆, 檯,環境都尚算舒適(可能疫情,比較少人),  杯碟及托盤都有齊 egg logo (蛋哥),投資唔少.下次可以試下叉燒蛋飯, 

在工業區的一間餐廳，有別其他茶餐廳，環境裝修得很像cafe😙食物都以木托盤盛載，杯子都是印有餐廳名字，很有心思。🔻椒鹽豬扒飯 附送咖啡 $58味道沒有太大驚喜，豬扒調味稍鹹，伴飯的話剛好。豉油分量少了點，如果要吃完所有飯會覺得太乾，幸好有太陽蛋的蛋汁撈飯🤣才不至於太乾。咖啡頗有驚喜，香濃而不會太苦澀，我爸挺喜歡👍

午餐去蛋哥一試, 選擇唔算特別多, 但全部都係加蛋椒鹽豬扒飯感覺不錯, 豬扒不會炸得太乾, 加埋隻靚靚太陽蛋賣相幾靚. 三眼仔原來係餐蛋飯, 但足足三隻太陽蛋真係好邪惡但蛋包飯就略嫌失望, 只係炒蛋鋪上炒飯面, 唔係那回事. 杯咖啡反而幾好飲.整體價錢不貴, 都係可以一試.

主打食蛋既呢間餐廳位於觀塘工業中心四期地下，差唔多行到觀塘游泳池對面，地點唔算吊腳，亦都唔洗搭工廈果d貨𨋢就去到。同朋友試下佢lunch menu，有5-6款選擇，泥到一定要試試佢最出名既三眼仔餐蛋飯啦！朋友就叫左個滑蛋牛飯，調味唔重手，師傅話淨係落少少鹽吊一吊味，仔留返個蛋香。重口味既朋友，可以落佢跟埋既特制鼓油。野飲都算係多option，有柚子蜜、檸蜜、生薑蜜同咖啡茶水。下次晚市過泥試下佢既招牌蛋包飯同鰻魚蛋飯先！

平時官塘區返工會過去lunch，今次試吓晚餐先，反而晚餐嘅餐牌唔啱食，佢哋都願意做返晏晝嘅餐俾我揀食過幾次冇失望，我覺得應該要寫食評讚一讚！環境舒適乾淨，可能位置較隱蔽所以店內未有太多人，約朋友傾計一流，食物水準不容置疑，服務員態度友善，價錢大眾化，感覺店員是用心制作食物，因為佢哋會主動問及聆聽食客意見！希望小店可以繼續營運下去！

因為好鐘意雞蛋料理🍳，就慕名去試「蛋哥 Egg for all」, 身為路痴又想行捷徑，當然係行錯路了!! 🤦‍♀️其實餐廳就係觀塘道觀塘工業中心二期地下入面，雖然行咗冤枉路，但去到餐廳無令我失望!!餐廳環境新淨企理，人員好友善!! 可能我早到，人流不多，有主動問對食物既意見!!本身戒咗午餐肉，但呢個「邪惡三眼仔」令我破咗戒!! 個飯味道不錯，差不多 KO 曬!! 😋午市飯連飲品只係 $46, 價錢係觀塘算好抵!! 睇咗晚市餐牌，價錢都好合理!! 相信好快會再去「邪惡」一下!! 😆😋

餐廳名字為蛋哥，故名思義以蛋作主題，就算只是頹飯— 餐肉煎蛋飯也可以很優秀，是近期在觀塘最喜愛去吃午飯的餐廳！邪惡三眼仔｜三眼仔正正是三隻會流心的太陽蛋，不是分開而是連在一起的，看上去很吸睛！蛋沒有煮得太熟或太生，香滑的蛋汁再配上秘制的甜䜴油拌飯，就算是普通的餐蛋飯也很美味！餐肉煎得皮脆，厚度適中～午餐會送飲品，我們多數會點柚子蜜～另外這裡服務也很好，我們之前來過一兩次，店員都記得我們上次吃過什麼再推薦新菜式給我們。他們不時也有限定菜單，用時令的食材，大家可以留意一下那個大黑板喔～