蝦蝦燒

營業中

休息中

好耐都冇食過燒海鮮放題，係時候約埋朋友一齊去好好享受食番餐，今次去咗荃灣大鴻輝中心呢間蝦蝦燒，俾一個合理價錢已經食到自助形式任飲任食放題最吸引之處一定係呢個海鮮檔賣相十足，眼見有差不多十多款時令海鮮類供應之餘仲有坐位旁邊已有一個長方形水缸放滿活生生嘅大頭海蝦俾大家任捉不過都要講技術，最緊要放入冰桶浸暈左一陣先至可以燒得，係燒緊各有款海鮮同時係出面自助區仲有多款熟食小食同炸物&涼拌等俾人大家食住先攞了咖喱魚蛋好入味、辣酒花螺夠刺激，酸菜豬肚又開胃，終於開始食海鮮時間，先有肉質爽彈大頭蝦肉口感飽滿再來有大大粒帶子同元貝，放入牛油蒜蓉一邊燒香味十足，入口啖啖肉又多汁，又有每人一串厚鱔片係一次性嘅，識食就要燒至皮脆肉嫩咁食先至滋味繼續係海鮮檔取生蟓同吊魷筒，一邊燒住一邊食滿足晒我嘅食慾，咪以為只有得食海鮮啦仲有數十款肉類串燒同丸類食物任你食，食返幾串串燒先，食到最後食埋甜品雪糕，又品嚐一餐豐富嘅任食放題美食。

蝦蝦燒📍荃灣眾安街55號大鴻輝(荃灣)中心11樓=====================今次已經係第三次黎食，因為實在太好食，而且服務態度非常好，所以趁朋友未離開香港，帶埋佢地一齊黎試下😋😋😋朋感覺都好中意今次主要烤海鮮食大推：貴妃蚌、扇貝、花甲今次我地在海鮮上面加➕蒜蓉➕辣椒🌶️➕牛油🧈，扇貝上面仲加粉絲，燒到粉絲有啲脆，再加埋溶左的牛油🧈🤤🤤🤤諗起都好想再食🤣🤣🤣另外仲食左燒蕃薯🍠，蕃薯細細粒，可以一口入口，不要太膩，而且炸完的蕃薯好香甜中意食菠蘿的我，今次都繼續食😋😋😋燒菠蘿🍍真係好甜又多汁，一定要試下最後再推埋烤格仔餅🧇➕蒜蓉包，大滿足，因為掛住食，所以主要係海鮮的相，食到後面就專心食🫣🫣🫣

我又來食蝦蝦燒啦😋今次來到荃灣呢間分店，地方更加大更加寬躺，呢到重有落地玻璃，可以望街景，都係有一個個魚缸養住啲蝦比大家任夾任燒，啲蝦全部好生猛架🤤出面有海鮮區，肉類，蔬菜，汽水，雪糕，熟食，粉麵比大家任選👍🏻超多款式～ 今晚我食左好多蝦🦐🤤隻隻個頭都爆膏架😍好痴線🦑🦐🦀海鮮重要全部新鮮大大隻，有蟹，扇貝，鮑魚，魷魚，魚，螺等等⋯⋯真係好抵食😍我會喺出面攞埋蒜蓉，擺落啲扇貝到一齊燒，將佢變身為蒜蓉燒扇貝❤️呢度啲店員好貼心架，得閒會幫我地剪鮑魚👏🏻超級抵讚🧆熟食嘅手拍青瓜同涼拌魚皮，醃得好入味👍🏻啲燒嘢未熟之前，食住呢啲小食頂下肚先😬🧇格仔餅我每次必食，記得搽埋牛油燒，每邊燒一分鐘就食得架啦，有少少燶邊🤤勁香口，正到暈，然後我會燒幾塊菠蘿🍍來食，因為頭先食左太多海鮮同肉，要食返啲水果消下膩，啲菠蘿燒左之後又清甜又多汁🤤👍🏻🫙呢間分店有任飲支裝水，比較少有👍🏻尾聲我重去淥左個烏冬來食😬佢會有一壺豬骨湯比你加落去，最後我梗係食埋佢嘅雪糕🍦先走啦😂有唔同味道嘅雪糕雪條，一定有一款岩你❤️

[ 蝦蝦燒 ]今日約埋朋友一齊去試吓流水蝦，聽人講得多，但自己未食過🫣🫣✿ 蝦蝦晚市 $348 (星期一至四) 任飲任食2.5小時新鮮流水蝦🦐大量新鮮流水蝦任夾任燒，一夾起隻蝦新鮮到即刻彈起🤣🤣因為蝦實在太生猛，店員教要用冰水浸一陣先可以燒。燒完即食，蝦肉新鮮又好味😋唔洗點調味已經好好食！海鮮🐚🦀🦪呢個價錢除咗蝦任食，仲有超過十款海鮮任食呀😍最推薦係鮑魚、扇貝、大花甲&蠔。每款都燒完即食，非常鮮甜。自助串燒燒烤食完海鮮緊係要食下肉，雞豬牛羊任君選擇。仲有唔少嘅蔬菜可以簡，例如必食嘅燒翠玉瓜&燒菠蘿🍍而且餐廳仲擺咗4款味粉比你調味用，燒肉加埋孜然粉，味道一流👅👅總結🫦呢個價錢CP值好高，有得食又有得玩。海鮮質素高😋😋😋食到超滿足呀！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿蝦蝦燒地址: 荃灣眾安街55號大鴻輝(荃灣)中心11樓電話: 62796299✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

Badboy喺荃灣shopping完就趕去同朋友食呢間任食2.5小時嘅蝦蝦燒，呢個時段每位$348，除咗蝦仲有好多種新鮮海鮮食：鮑魚、蠔、帶子、蜆、魷魚、魚等等。仲有好多種肉、蔬菜、熟食、飲品、甜品可以自助任拎。另外每人仲會送一大串厚厚嘅鱔。每枱隔離就係魚缸，可以邊食邊夾蝦嚟燒。啲蝦好生猛，有啲一夾就彈到好遠，要小心啲水花彈到隔離枱😂雖然燒前會用冰筒凍暈佢哋先，但badboy都係唔太慣親自下手🙊🙊🙊爐係用電發熱線式，上下兩層都可以燒，一次過都燒到唔少嘢😎效率高啲食得多啲😋職員提我哋鮑魚要剪走殼先燒，蠔就放下層燒，蠔放下層燒會燒到面脆脆哋幾好食🤤。其他肉類同蔬菜質素一啲都唔差，三百幾蚊食到咁多海鮮真係好抵食🤭好岩幾個朋友一齊燒一齊食，幾過癮，食得滿足又燒得開心。

經朋友介紹 黎到任飲任食既蝦蝦燒一入門口就見到大大個招牌仲勁有聖誕節氣氛啊😍.我地被安排到魚缸旁既座位可以即夾即燒流水蝦食 真係好正啊有得食又有得玩🤣🤣期間店員仲不停加蝦 啲蝦仲好生猛架.出面仲有個海鮮區 款款海鮮都好新鮮有幾種不同既魚、扇貝、鮑魚、魷魚等 任你拎忍唔住咩都拎返埋位慢慢燒🤣🤣.肉類、串燒區牛、豬、雞、羊等應有盡有 真係滿足晒唔同食客既需要.熟食區選擇都唔少 有海鮮揀 仲有炸蟹鉗添啊有辣炒蝦同辣汁花螺口感同新鮮既都係差唔多 而且已經調左味岩晒我呢啲懶人啊🤣.另外仲有甜品區同飲品區所有提供既雪糕同飲品都係任食任拎連平時放題好少見既真露燒酒都有😱即刻可以同朋友飲返杯🍻.成個爐都係我地既海鮮啊🤣.我同朋友都覺得呢個泰式汁真係好好食食任何海鮮 點左呢個汁都勁鮮味又開胃.朋友仲整左隻香蕉船作為今餐既甜品 又真係幾似樣喎🤣

海鮮愛好者既人必定要試哩間蝦蝦燒，海鮮種類非常多，同埋好多野食揀。海鮮有生蠔、沙白，帶子、扇貝、魚、蟹、螺、鮑魚，當然唔少得仲有蝦哈哈，真係好多野揀，同埋非常新鮮！仲有啲肉類、串燒類可以燒🍢當中我最鐘意食既就係鰻魚！但鰻魚唔係任食，每位只有一串，鰻魚皮燒到乾身，塊皮脆卜卜而肉質好嫩一啲都唔乾，再岑埋啲調味粉，真係好好味！！！另外海鮮係好新鮮，如果見到水缸冇晒蝦都可以叫員工refill，隻隻跳跳紮好生猛同埋大大隻，蝦肉係爽口的，同埋有好多蝦膏，鐘意食蝦膏既人真係食到lamlam脷😋😋最後緊係要講下幾多錢，見到咁多野食又咁高質係咪以為好貴呢，星期一至四晚市時段6:00-12:00(任食2.5小時)$348/位，好抵食！

荃灣店-蝦蝦燒一想食左好耐既蝦蝦燒之前兩次wall in 都無位今次早少少book位先任食兩個半鐘，晚市價348荃灣大鴻輝個棟，成層都系佢，空間好大近排聖誕節，重有聖誕佈置添。位置坐得舒服，枱同枱都好有空間，可以慢慢坐，傾住燒。一成缸流水蝦，任您夾，夾上水後放冰水凍暈佢我就食左十幾只，只只好肥大，又爆膏但食唔到咁多，因為佢重有超多好野食好多海鮮，又蠔，又鮑魚，又元貝，又魚，又蟹，又花甲，多到眼都花🤣重好新鮮，啲鮑魚重識郁既一另外重有好多串燒類一口牛粒，豬頸肉，羊架，雞軟骨，多到數唔哂一野飲，雪糕小不了，食哂好滿足👍🏽

Hello 大家好👋🏻！今日我嚟到位於荃灣大鴻輝嘅「蝦蝦燒」美食攻略：整體都幾正，海鮮新鮮，鮑魚仲係識得陏勁生猛，佢地嘅蝦一啲都唔細隻，帶子，扇貝，蜆，全部都唔差，雖然佢其他嘢食都十分多種類，但我自己就覺得「回本」就係轉攻海鮮，值得一提，佢嘅飲品都十分多樣化。連韓國燒酒都任飲，值得encore！美食指數：5🌝最高味道：🌝🌝🌝🌝🌚環境：🌝🌝🌝🌝🌚服務：🌝🌝🌝🌝🌜賣相：🌝🌝🌝🌝🌚

冇錯，呢間餐廳已經係第二次食！😂諗諗不忘佢嘅串燒同埋大頭蝦！第一次去嘅時候，冇咩策略，又掛住影相😂未試盡所有嘢，今次醒咗好多，俾d新攻略大家！😼餐廳主打流水蝦任夾，但想講串燒、熟食都幾出色😀海鮮都超過10款！串燒、肉類、蔬菜有接近50款！多款飲品、包括啤酒燒酒都係任飲！仲有個重點，入座每人會送一串白鱔⭐️，味道調好曬，燒完鱔肉又嫩滑又彈牙，仲要好多汁，外層薄脆，真心勁好食！🫠流水蝦係好生猛，夾完要先放入冰桶！蝦要雪一陣，再剪腳先攞去燒。活蝦嘅蝦肉都比較彈牙，頭有好多膏，香濃嘅！😍📍海鮮：扇貝、鮑魚、蠔、蜆、魚、魷魚等等。📍 串燒/ 肉類：雞軟骨、雞皮紫薯、金菇肥牛、翠玉瓜、羊架、芝士腸、鴨胸、鵪鶉蛋、雞翼、玉子等等。佢個爐下層可以燒串燒，上層燒海鮮，幾有效率！🤌🏻🌟私心攻略：1. 熟食區嘅麻辣椒鹽蝦，非常好食，因為炒熟，蝦膏仲留係蝦頭入面，麻辣椒鹽好香口！重點係唔洗燒就食到😻2. 佢嘅泰式辣醬非常出色，沾各款海鮮都非常好味😍雪糕方面，有Coco Berry 同埋阿波羅，我就加埋香蕉、朱古力醬，整咗個香蕉船。😉2.5小時任食，都幾抵食，因為食物選擇真係好多，質素亦不錯！🫶🏻

一直都見好多人分享蝦蝦燒嘅任食海鮮燒烤🤣覺得好有趣，可以自己炮製美味海鮮🦐做大廚🖖🏻燒烤爐有兩層～每次都可以燒到好多野👍🏻又唔會好佔空間海鮮全部集中晒係一個地方～蟹、鮑魚、扇貝、青口等等全部任食🖖🏻除咗海鮮，食物櫃都就有齊晒燒烤必食嘅各種肉類、串燒、蔬菜😋大把選擇！座位隔離就係裝住蝦嘅魚缸！可以一邊食一邊夾蝦🦐實在太方便，唔洗行嚟行去🖖🏻仲有幾樣熟食可以拎～燒到攰都可以直接去拎整好調過味嘅熟蝦食🤣總結嚟講多幾抵食👍🏻

我同友人都係海鮮控，一直都想試下任食流水蝦海鮮BBQ，網上見到蝦蝦燒任飲任食2.5小時，$348加一，真係心動不如行動🤣聽到都食指大動，即刻BOOK位去食好西🤤餐廳環境寬闊，有多條流水道。職員會為初次光顧既客人簡介流程及指引位置，進食時勤快清理枱面，不時遞上濕紙巾，服務態度友善周到👍🏻每枱送一人一鱔串，肥美厚身🤤肉質好有彈性大部分流水蝦都好生猛，記得先夾起隻蝦用冰水浸暈1-2分鐘先再燒，咁就食得更人道更放心。蝦肉爽口彈牙，蝦膏結實夠肥美😋海鮮區非常豐富，有鮑魚、扇貝、沙插、生蠔、沙白、魷魚、三文魚鰭、蟹、馬友、黃花魚、泥鯭等，職員會不停refill海鮮，唔洗擔心缺貨☺️沙插👍🏻肉質鮮甜爽口，小心燒太耐個殼會脆同易碎😂扇貝👍🏻大大粒厚身鮮甜彈牙，可自己加粉絲、牛油、蒜蓉鮑魚👍🏻唔算好大隻，但新鮮爽口，職員都會協助食客剪鮑魚起殼，以免燒爆殼。三文魚鰭👍🏻油脂豐富，燒至外皮金黃滲出魚油，加少少鹽，食落非常嫩滑，充滿油香菠蘿👍🏻厚切香甜多汁，中和返食串燒既油膩同熱氣，BBQ必食之選雞軟骨👍🏻燒到卜卜脆又香口串燒區有多款雞、豬、牛、羊及蔬果串燒熟食區辣酒煮花螺、醉蝦、麻辣椒鹽蝦、泰式酸辣凍蝦等多款

天氣變冷了，約了朋友到蝦蝦燒相聚， 來到這邊不用多說，當然時立馬走去海鮮區拿我愛的鮑魚、蟹、生蠔、扇貝。 記得在旁邊取一些牛油和蒜泥，因為枱上還放幾瓶調味粉，在烤串燒時可以隨意的放很棒呢！來到這裡一定要夾蝦，很有趣要眼明手快的，太慢蝦已經跑掉，這裡的蝦，蝦頭有膏蝦肉鮮甜。座下時侍應生給我們送了一份鱔片， 鱔片和豬大腸烤到外脆內嫩很好吃呢！ 蒜泥包烤得脆脆和 窩夫烤過後放雪糕在上面一起吃很配呀！飲品選擇多樣化，汽水，果汁，茶， 連水也有， 配合不同人的需要。

🔹️蝦蝦燒🔹️自助流水蝦放題盛行左好耐，我都未試過，今晚朋友帶我黎荃灣《蝦蝦燒》品嚐流水蝦，好彩有先預約，晚餐時間好旺場😊店舖位置好寬敞，每枱旁邊都有流水蝦道，放有好多蝦比我地即夾即食，保證新鮮又好食。先係流水蝦道夾起想要既蝦，再放入預先準備既冰桶，先將蝦凍暈，再放上燒爐燒。燒到兩邊橙紅色就可進食，每隻蝦都好多蝦膏🤤又彈牙有咬口場內有大量海鮮供應，有鮑魚、大蜆、生蠔、魚、扇貝、魷魚及蟹，海鮮都好新鮮鮮甜，職員都Refill得好快，真係食極都有，大飽口福串燒區既種類都好多元化，肉類、蔬菜、蔬果、麵包都一應俱全，而肉類都有醃製過所以唔需要落調味料都夠味飲品區既飲品都多選擇，有汽水、茶類、多款啤酒及韓國燒酒-真露可以揀，夠特別🍺 同朋友都掛住食，食到成手都污糟晒，職員都好好不斷幫我地Refill濕紙巾👍服務態度又Nice

呢排好鬼凍, 朋友想食海鮮, 我又突然好想食熱辣辣串燒點算! 點算! 最終搵左蝦蝦燒, 一次過滿足哂我地兩個嘅要求, 用餐時間2.5小時, 實夠我地慢慢傾慢慢燒。一入門口, 果個海鮮台好吸睛, 帶殼類有鮑魚,生蠔,蜆,沙白,貴妃蚌,東風螺,帶子,扇貝,蟹等..魚類有𩶘魚,黃花魚,深水泥鯭,三文魚等, 而且仲有我最愛大大隻魷魚,好想整燒尤魚再點泰式辛辣汁啊!行前DD, 飲品櫃好多款式,串燒櫃都有4大個。除左好多腸類,仲有牛柳粒,腩肉串,牛扒,羊鞍,雞翼亦有全翼同中翼,唔同口味都有 蔬菜類除左有燒烤必食既燒菠蘿同茄子,仲有粟米,翠肉瓜,南瓜,什菌,豆卜,青椒,蕃薯仔, 好多我都好想食,真係未出發先興奮。因為爐面夠大,而且仲有雙層, 熱力好夠, D海鮮同串燒話咁快就熟哂, 燒大腸同燒雞皮上面既油仲係度沸騰緊,香到飛起,個串鱔片不得了,燒到脆卜卜,油香好足,好掂啊!!海鮮果邊都無令我地失望,因為係即撈即燒,真係好新鮮,蝦頭好多紅卜卜既蝦膏,蝦肉鮮甜爽彈,鮑魚大大隻厚實彈牙,D蠔加左牛油同蒜蓉超惹味，貴妃蚌好鮮甜,平時買1斤食可以唔夠喉, 買多又食唔哂, 今次真係可以按個人喜好,樣樣都食D。最後