蝦麵店 (蘭杜街) (已搬遷) 新店位置

今日嚟到灣仔搵食 原來你發咗呢間食馬來西亞野 好有驚 佢係一間小店嘅一個嘅感受 佢入邊嘅裝修都好有馬來西亞風味叫左個喜馬來咖哩雞飯 賣相企理乾淨 味道係勁地道 完全feel 到好似置身係檳城咁 個咖喱好香好濃 份量好多 薯仔同雞件分別都有五六件 特別一讚個飯 粒粒企身 撈咖喱汁絕配馬來香炸雞翼 即叫即炸 好好食 而家唔會好乾身好juicy馬拉盞醬通菜 留意佢唔係炒個隻 係隔尼配左個調味醬比你自己撈 呢個做法都好好 可以自己調味 馬拉咖啡 唔會太甜 好好飲

the best curry soup based noodles in town.it smells very good and taste very think.you will definitely love thishowever the shop is a bit small and maybe you will have to wait for some time as this shop is popular.you can now order with your phone and do not have to talk to the waiter.they are now distributing discount coupon as well.love it

門面簡單整潔，入到黎都有種地道嘅感覺。咖喱叻沙湯海鮮麵一大碗有齊唔同配料：大蝦、魷魚、青口、腐角、蟹柳等等，我另外加咗豆卜。湯底真係非常濃郁，用咗豬骨、鮮雞、香茅同埋薑等等嘅配料熬製，真係具有南亞風味！辣味蝦湯蜆肉肉骨麵湯底一樣非常吸引，用咗辣椒、蝦乾、洋蔥等等配料，加上肉骨手炒超過七個鐘，做成嘅肉汁再熬製。雖然湯底層次豐富，但係都冇阻擋蜆肉嘅鮮味，加上大大份嘅肉骨，真係令味覺有新嘅衝擊。另外order左兩款小食：馬來香炸雞翼同沙嗲醬魷魚翼。雞翼就香脆可口，魷魚翼喺市面上就比較少見，食落去非常彈牙，而且仲配上清新嘅秋葵，我自己好鍾意呢個配搭。分別叫咗呢度好出名嘅冰糖檸檬薏米水，飲落去非常健康，我仲order左多薏米，真係成杯啖啖都係薏米好滿足。另外仲有一杯白咖啡，係馬來西亞嘅咖啡，鍾意飲咖啡嘅朋友可以試吓。呢度仲有好多香港人嘅紀念品可以購買，全部都好有創意好特別！

成日經過都見到呢度好多人排隊，今晚終於來食。呢度嘅麵比起其他馬來西亞餐廳總類更多，亦都更地道正宗。推介叫檳城路邊攤一人套餐，除左可選麵之外仲包一款小食同飲品。咖喱喇沙海鮮麵海鮮有蝦、青口、蟹柳、魚腐、魷魚，幾足料。喇沙湯底就經常食到，呢度嘅喇沙湯底用椰奶同香茅等香料熬制而成，仲加入左咖喱，喇沙同咖喱味都一半半，整體唔辣但都幾惹味。福建滷麵-蝦肉肉片麵羹第一次食呢種麵，湯羹嘅質感幾稠，好似食碗仔翅咁，裡面有蝦肉、肉片同蛋絲，味道都唔錯。五香脆炸豆腐豆卜豆腐上檯之後要趁熱食，凍左個外皮就會無咁脆口，就咁炸豆卜有d寡，加埋個粉調味就剛剛剛好。馬拉盞通菜通菜係灼過，再加一d馬拉盞醬係旁邊自己點，本來以為會係馬拉盞炒通菜，不過食返個菜清清地都幾好。馬拉雞拼盤拼盤有沙爹雞脾肉串同馬來香炸雞翼，雞串同雞翼本身已經好入味，雞串加埋沙爹醬味道就更香更吸引！

蘭杜街這間蝦麵店最有名係喇沙，當然要試試佢！有別於新加波喇沙，有青口，蝦，魷魚翼，蟹柳，豆卜，超級豐富！湯底有豬骨and鮮雞熬製既湯頭，食落去香料味夠濃郁又入味但唔會過咸，最正既係椰香味道幾突出，質感濃厚！味道幾惹味。油麵底質感幾正，吸哂味好入味。馬拉雞拼盤，有4隻炸雞翼4串馬來沙嗲雞肉串燒，雞翼炸得香脆可口！但又唔會食到食口油，唔會過油膩，雞翼夠滑。正！串燒個汁醬超正，好惹味！燒得夠香，唔乾柴。好食。用電話 qr code落單，方便又夠快！正。

話說間中都會喺灣仔附近覓食，行行吓見到呢間馬來西亞餐廳所以就入咗去～果然好先進依家都係手機落單😛😛叫咗個咖喱雞飯，一個腐乳通菜，再加兩個小食～••🍀咖喱雞飯呢個咖喱雞飯嘅咖喱夠濃郁～雞肉都唔錯～送飯一流～••🍀腐乳通菜通菜都稱得上新鮮～最後食晒成碗菜😂😂••🍀魷魚魷魚都幾爽口，下低仲有啲芽菜調味，少少辣辣地嘅感覺～••🍀炸豆卜我最最最鍾意嘅就係呢個豆卜小食！因為真係好！脆！！再加上佢啲調味粉，絕配～

最近同朋友👬🏻行行下灣仔，我哋突然間講起好掛住喺星加坡✈️🇸🇬食嘅蝦麵🍜，無意間搵到呢間傳統檳城蝦麵店🦐！檳城蝦麵店喺香港有五間連鎖店✨！灣仔分店店鋪整體寬敞舒適，門裡門外嘅裝修都好有喺星加坡當地傳統嘅感覺🧮！朋友叫咗⭐️蝦肉肉骨麵：裡面有兩條好濃豬肉味嘅排骨🐷，肉骨毫無掩蓋蝦嘅鮮味🦐💦，豬骨雞湯底富含多種香料，令到湯嘅味道風味十足，加上一隻隻蝦肉及烤蒜，十分滿足，好好味😋！我自己叫咗了⭐️咖哩喇沙湯海鮮摻摻：咖哩喇沙香味十足，湯底用豬骨、鮮雞、南薑、香茅，再連同適量椰奶🥥熬煮而成，裏面有好多款式嘅海鮮🐟，鮮味十足，湯頭微辣，但濃而不膩💫！摻摻係米粉+油麵加上雞蛋、豆卜和芽菜等等嘅配料組成，口感層次豐富👍🏻！我同我朋友叫咗個馬來咖喱雞飯🍛Share食，咖喱汁用超過十種香料手工炒製完成，雞件已去骨，搭配香濃咖喱汁，令我一口接一口食，好味到停唔到🙆🏻‍♂️！我另外還點咗馬拉雞拼盤🐔！一串串嫩滑嘅雞肉同埋雞翼加上特製沙嗲醬🍯，味道好match🙌🏻！飲品分別叫咗凍冰糖檸檬🍋薏米同埋凍青檸梳打！尤其係薏米水真係好啱我飲🧏🏻‍♂️！酸酸甜甜、味道清新🌬！依家夏天☀️飲消暑一流！

潮州派肉骨茶，顏色較淺，但湯裡用上更多的胡椒和蒜頭，所以有較重的胡椒味。 精選的豬肋排，每份2支，每支差不多都有10公分長，肉質厚實甜嫩超過癮～咖喱叻沙麵 Laksa這款麵食曾經被CNN旗下的旅遊網站選為全球50大美食中的第7名，甚至有美國的網路媒體將它列入死前必嘗的世界十大美食之一。湯頭是叻沙的美味靈魂，咖哩叻沙主要使用咖哩醬、椰奶及檸檬葉、南薑、香茅等南洋香草等材料煮出湯底；再淋上助開胃的椰漿奶水，便完成濃郁的湯頭，搭配油豆腐、豆芽菜、雞肉、蝦子及魚片為佐料，即為一碗兼具甜、鹹且微辣的濃濃南洋味湯麵，大大刺激夏天不振的食慾。辣味蝦肉面，唔太辣湯底都惹味，個湯底有海鮮味， 有唔少切半既蝦肉， 大大碗性價比好高燒雞串，肉件夠大，油脂夠多夠香，啖啖肉十分滿足。白咖啡，以咖啡風味為主，又有牛奶的飽滿口感，

蝦麵店的大名聽過好耐，今日終於一嚐所願，下晝2:30都要等一陣位，可能因為是星期六嘅關係。主要食蝦湯底的麵，第一次來當然試招牌。我點蝦肉肉骨麵加腐角$9及大蝦$15加薏米水$16，總共$119食得豐富啲。湯的顏色好得，好似好好味，少少辣，建議揀混合油麵及米粉的摻摻，可以試到唔同口味，有唔少蝦肉，好食，腐角是魚做的，大蝦蝦身已經起殻，幾細心；肉骨頭兩件很多肉大件，應該是煮完肉骨茶的肉，有種特別香料的味道。同伴點蝦肉貢丸麵 $60，冇加其他嘢，基本上一樣除了，貢丸非醬爆嗰種。馬來沙嗲雞肉串六串，每串雞肉都非常大件，炸過的，沙嗲醬已經塗在上面，味道跟一般跟沙嗲不同，大胃王會鍾意，會食得飽。仲點了五香脆炸豆腐豆卜，炸得香脆，唔油，加落湯食好味啲。最後點熱冰糖檸檬薏米水，很能解喝。

灣仔呢間蝦麵店，可以話歷史悠久，我十幾年前係PP返工時成日lunchtime黎食，佢哋個蝦麵個時已好出名，今次黎回味一下。首先叫咗個鷄沙嗲，連埋個醬好好味，唔辣，鷄肉軟熟。以前未食過呢度肉骨茶，有意外驚喜，個骨多肉，肉好淋，好入口，值得encore。另外叫咗兩碗麵，朋友唔食得辣，所以叫咗個豬骨湯底墨魚魚片麵，仲有蛋同豆腐，望下成碗麵鋪滿餸好足料，絕對抵食。我食得辣嘅，當然叫招牌菜辣味蝦湯底，又係好足料，個湯好惹味，夏天食好開胃。

哈哈哈哈哈哈哈哈哈蝦蝦～🎼唱這歌朋友就想食蝦了～行過蘭杜街有間叫🍤蝦麵店，岩哂。環境鋪仔細細的麵店，門面到室內裝修都好簡潔，以白色為主調。朋友叫我地不如坐面壁思過位，因為我好吵，好讓其仔食客樂得清靜。食物主打星馬食品中嘅喇沙湯麺同蝦湯麵，利用源自1942年檳城福建麵秘方，湯底包括：「辣味蝦湯底」、「福建滷麵」、咖哩喇沙湯底」同「豬骨雞湯底」；而麵底可選油麵、米粉、檬粉、摻摻。除左主食仲有小食，好多選擇。🥬馬拉盞通菜鹹香馬拉盞勁重蝦味，完全係自家制醬汁；唔係普通街買到既醬，超重口味人士岩哂。🐙沙嗲醬魷魚翼 魷魚翼其實就係三角位部份，較魷魚腳爽口而又易咀嚼。配埋自家沙嗲質感爽脆彈牙，仲有芽菜同秋葵撈撈，口感好豐富，一次過滿足三個願望。🍞五香脆炸豆腐豆卜 五香粉灑面，口感香脆咬開仲好多汁juicy，點埋酸梅醬食，酸甜開胃。🐥沙嗲雞髀肉串雞髀肉肉肉質厚實無肥肉，配以花生沙嗲，好惹味又罪惡感低，雞髀肉唔肥，可多食🤤🍜福建滷麵（海鮮）像台灣麵線湯羹口感，湯底以蝦、豬骨、雞熬製，再加入蛋漿及獨門調味。配料有大大隻蝦、青口等海鮮。🍜豬骨湯冬菇雞絲麵豬骨雞湯清淡有鮮味，冬菇同雞都好香好滑，唔會太重口嗎得

灣仔超多美食，今日就去咗灣仔蘭杜街的餐廳「蝦麵店」，「蝦麵店」以馬來西亞喇沙為主。呢度喇沙湯底有辣味蝦、咖哩喇沙、豬骨雞、福建鹵麵等四款。餐廳以QR code落單，非常方便。 檳城路邊攤一人套餐，包有細碗麵食一款、小食、飲品，想追加小食，都係加$18，都幾抵食。 咖哩喇沙海鮮摻摻（麵底選擇有米粉、油麵、河粉、檬粉、摻摻） 海鮮餸料有蝦、青口、墨魚、魚片、 豆腐卜等，至於湯底，餐廳標明咖哩喇沙湯底以豬骨、雞熬煮，加上適量香料食材，再加上椰奶等。入口先嚐到淡淡咖哩、椰奶清香，微辣，湯底入口順滑，味香濃，配上爽口米粉、軟腍油麵，非常惹味。馬來西亞雞翼熱辣辣，雞皮炸得香脆，雞肉醃得好入味，好食。 腐乳通菜通菜加上腐乳的咸香，簡直係絕配。 冰糖檸檬薏米（微甜）薏米飲品非常適合夏天飲用，因薏米營養很高，配以滋潤檸檬冰糖煮成，味道香甜細膩。

太耐冇去旅行～揾都要揾返d星馬菜食下以前返工返灣仔耐唔耐都會黎食今日得閒就即刻捉左屋企人黎叫到成檯野辣味蝦麵配肉骨個蝦湯底超濃郁條肉骨炆到好淋好好味簡左摻摻，米粉同油麵真係最強嘅粗合肉骨茶～呢個係新加坡風味胡椒味均重嘅～其實係跟餐小食但係就勁大兜沙嗲魷魚🦑食落涼浸浸好開胃，一啲都唔鞋口雞髀肉串～d雞肉keep到好juicy炸豆腐豆卜～炸到好香口但唔會油淋淋仲落左d五香粉～成個味道昇華左炸雞翼~~呢個好入味好好食青檸梳打、檸檬薏米水青檸梳打應該用左青檸精，有少少失望薏米水堅足料😍

香港有好多西餐廳、日本餐廳、泰國餐廳等等，食馬來西亞菜嘅真系好少見😳蝦麵店喺香港都開咗好一段時間，人氣都keep住做到好高，加上系良心食店，更受大家歡迎。兩年前幫襯過荃灣分店，質素都好高，今次試吓灣仔分店先。馬來西亞菜真系勁耐都吾食一次，就咁一睇就好特別，以小食同埋麵類為主。秘方湯底有辣味蝦湯底同埋咖喱喇沙湯底，各有特色，香港都冇乜邊度有得食。脆炸豆腐豆卜好邪惡，吾喺度食都吾知豆卜可以當系餐廳其中一道小食，好香口同脆身，當係餐前小食都幾適合。沙嗲肉串不論喺泰國餐定馬來西亞菜當中同樣受歡迎，不過馬來西亞風味嘅就當然相對少食，試吓如何先。Hmm，感覺上串燒上面嘅一粒粒就吾系沙嗲，好似系花生醬黎？雞脾肉串口感夠嫩滑同埋實在，加埋花生醬又幾有創意。跟住試吓招牌蝦湯底，用蝦殼、洋蔥、辣椒等材料，加入少量肉骨手炒超過7小時，做成肉汁，再配以米粉、油麵、蔬菜、鮮肉片同埋蝦仁，使得蝦味非常香濃！蝦仁爽口彈牙，肉片就有嚼勁，辣辣哋嘅感覺都刺激味蕾。老公叫咗杯青檸梳打，吾會太甜，酸酸嘅味道夠開胃，夏天好啱飲。

依度嘅裝修樸實無華，嘢食方面，共有三種湯底可以揀，分別係辣味蝦湯底、咖喱喇沙湯底同埋豬骨雞湯底，另外亦都可以揀福建滷麵。蝦肉墨魚丸麵 - 辣味蝦湯底 (另加豆腐卜)湯底其實唔算非常辣，試咗一啖，濃濃嘅蝦味已經散發出嚟，蝦肉爽口彈牙，都幾有鮮味，索哂湯底嘅豆腐卜亦都非常惹味。墨魚丸魚片麵 - 咖喱喇沙湯底 (另加腐角)帶有微微咖喱味嘅喇沙湯底，令到我嘅口腔充滿椰奶同香料嘅味道，墨魚丸亦都幾好味。脆香魚皮香脆可口，而且份量都幾大，夾埋湯麵一齊食真係一流。腐乳通菜食飯點可以冇菜呢？碟菜嘅份量都唔細。熱檸檬薏米水及凍美祿檸檬薏米水可以揀多薏米，酸酸地咁，夠晒開胃。依度平時晏晝唔少人排隊，夜晚終於可以休閒咁嘆碗靚麵。