蠔站 (荃新天地)

營業中

休息中

老友同我慶祝生日又知道我鍾意食蠔其實都有好多地方食嘅但係呢間唔錯因為地鐵沿線打風落雨唔使擔心環境唔錯同埋疫情下都叫做寬敞少少喺OpenRice唔可以即日訂位唯有打電話啦好彩有位⋯服務員話用膳時間個半鐘⋯ OK啦到最後都可以坐咗兩個鐘因為一邊食一邊傾計一邊再叫嘢食一入去可能行到好熱覺得好似冇冷氣一樣服務員都好好揀過第二個位但係我話坐吓先啦坐下又OK喎不過見到身邊嘅情侶入到嚟話冇冷氣都離開我覺得冷氣呢方面真係要改善一下佢呢間我每次都係食生蠔🦪同埋食pizza梗係叫兩杯梳打飲下啦吹水吹到口乾服務態度唔錯嘅不厭其煩都OK 㗎生蠔我哋兩個人叫咗兩打每隻都係$10雖然細隻但係過吓口癮唔錯嘅Pizza我哋就叫咗黑松露OK 㗎每人三小件其他嘢就唔吸引啦😅

今晚約左D fd去食生蠔，最後叫左4打生蠔、5成熟肉眼扒、香芒牛油果生津、卡邦尼意粉、3杯1664、2杯雞尾酒。先講生蠔唔知點解頭三打D肉都好小最後個打正常返D，可能同價錢上有兩款以上選擇可惜無人介紹過，依樣野有待改善味道黎講係ok ge有D海水味，最緊要無沙肉眼有唔少根位，最好食係薯蓉點醬沙津黎講佢ge菜就真係好少（真心）個人唔太鍾意個醋味太好濃烈啦但牛油果出奇地整得好食卡邦尼味道幾濃，ok好食～最後9折後1800鬆D各位朋友自己衡量下啦～

見佢做緊七折優惠同埋$10.1隻生蠔所以就去咗試吓呢間有開分店嘅餐廳。入到去大約12:00可能因為平日關係暫時得我哋同埋另一台，可以自己揀位。但係坐落咗先知原來七折優惠呢係單點嘅嘢食，即係如果嗌一個午餐又或者係生蠔都係冇七折優惠嘅。如果想去食嘅話要喺落單之前問清楚邊啲有七折邊啲冇。叫咗一打$10生蠔同埋佢有一個一打promotion嘅生蠔set,$280,有愛爾蘭新西蘭等等產地嘅生蠔。另外再叫多咗一個鐵板牛同埋豬柳嘅set lunch生蠔方面， $10嗰啲生蠔好似平buffet食嘅生蠔咁，細細隻，重海水味，不過$10來講，過吓口引都算OK，而$280.1 set嘅生蠔就大隻啲同埋cream呢啲都可以一試，唔錯。性價比高。兩個lunch就冇七折優惠，大概百零蚊一個，豬柳嗰個都中規中矩，而鐵板牛就有少少過熟。建議來呢間餐廳都係食蠔算喇。服務方便有小插曲，個侍應搭緊我啲蠔有咩分別嗰陣，唔小心將成杯水到咗落我個身度，不過佢都有即刻講唔好意思同埋掉位。

之前，我無 Idea 週末食什麼？！於是，看看 Openrice app 訂座餐廳！發現位於荃灣荃新天地一期的 <Q Plus 蠔站> 訂座堂食可享6折優惠！(現時只有7折優惠) 還有60積分或50飛行里數！疫情下趁有優惠期，不容錯過！星期六的中午 2:00，店內食客約三至四成！ 限聚令每枱限坐兩人！店內播放輕鬆的英文歌！服務方面，負責 Reception 及收銀的男店員，幾好笑容！而另一位男店員都主動勤力反應快，兩位也值得一讚！店方好貼心，除了餐具之外，還有提供消毒濕紙巾給食客防疫！Menu午餐 $68~$168 (不可享6折優惠)散叫：黑松露野菌薄餅 $158呈長方形，送上桌時，已傳來香濃芝士鹹香， 黑松露不知加在哪裡？濃厚的芝士可達到拉絲效果！ 完全只有芝士口味！蘑菇富彈性的嚼勁，餅底更不似預期，好似食餅乾咁！食完薄餅不夠飽，再點小食！法式煎鵝肝 $128煎鵝肝火候恰到好處！外層微脆，內裡甘香豐腴！ 與香脆塗上牛油的多士同食，滿口香脆滋味！ 配上混合酸中帶甜而杰身的黑醋醬，有解膩作用！荔枝乳酸梳打 $38 少冰味道酸甜不會輸！ 

上個月有日收工帶個女去食晚餐，個女話要食牛扒，於是帶佢黎這間餐廳，因為我都想食佢d生蠔。十蚊隻，上次老婆食過話幾好味！7點幾入去，自己揾位，都好full, 只剩近門口幾張枱。職員好少，全場見到只有2-3人，見佢地忙到暈，落單都等左好耐下。西冷牛扒要左5成熟，賣相好靚，煎得啱啱好，但係暗藏好大條筋，切左好多食唔到既。生蠔要左8隻，前面食果幾隻都幾好，夠鮮甜，但係最一隻係臭既，嘩！即刻嘔返出黎，唉，咩心情都無晒。賣單用匯豐卡有9折

Longing to be whisked away to a foreign beachside oyster bar? This local bistro near the waterfront can satisfy those cravings right here, right now 🌊〘 Linguine with Soft-shell Crab with Salted Egg Yolk Sauce 〙HKD138One of our favourite creamy sauces paired with a fleshy soft shell crab that’s perfectly wonderfully crunchy on the outside - a 10/10✨〘 Fresh Oysters 〙HKD10/1Shipped in from all across the world, these fresh bivalves are limited to dine-ins and a HUGE steal!〘 Classic Pepperoni Pizza

呢間餐廳主打$10蠔任嗌，叫咗3轉1打蠔&白酒。雖然細細隻，但都屬creamy但味道偏淡口，都可以一試既。間中會食到殼碎，所以都要小心。但小妹係到上咗一課，就係呢啲主打優惠咁出名既餐廳，就千其唔好期待佢啲主食喇，事關我叫咗份西冷，我好耐都未食過咁難食既牛扒🥲食第一啖已經有大舊筋，韌到咬唔到，迫到我都吐出黎，連續三啖都係咁，$298都唔洗咁呀麻...🥲搞到失禮人又失禮自己😓結論係happy hour去叫打蠔食，嗌杯嘢飲hea下都還可以啦，但食飯就不了。

And I Say The Oyster is Your World! As the popular saying goes, the world is one’s oyster, the contrary is true too at Oyster Station. Fresh oysters are affordably priced at HKD10 per piece, one can feast on dozens without worrying about breaking the bank. For optimum freshness, I would recommend finishing a dozen before ordering the next as the serving speed here is pretty prompt and quick. Besides oysters, there is a wide variety of pastas and mains to pick from. We had the chef recommended Li

話說同女朋友一齊黎食蠔 諗住放假可以去chill 下 去到叫左一打蠔 點知等又等 等又等 等左成個鐘 都未上到 本應係頭盤既野 去到最後都未黎到 問服務員我坐左一個鐘都未有蠔 佢同我講蠔係要耐啲 我心諗 我自己開都唔洗5分鐘 你同我講要一個鐘 都未有 真係得人驚 永不錄用

特價生蠔 $10/隻我地兩個人叫左一打，非常新鮮，好抵食，配埋新鮮檸檬汁，夠哂fresh雖然size比較細，蠔味唔係話好勁，岩哂我哋嚟做個頭盤，有胃口食其他野，加上$10一隻蠔仲可以去邊度搵，合符預期。香芒牛油果大蝦沙律大蝦鮮甜爽脆，好彈牙，配埋清甜芒果粒，牛油果同埋沙律菜，配埋個黑醋好開胃不過略嫌牛油果未夠熟….太有口感喇特級西冷 講到是晚主角出場：西冷。我哋request五成熟，煎到恰到好處，口感軟腍，super juicy配搭粗鹽，芥末我覺得已經好夠味食左咁大塊扒，梗係要繼續食返啲菜啦配菜有粟米，番茄，翠玉瓜同薯蓉，絕對可以中和食肉嘅油膩感不得不讚下個薯蓉，做得好幼滑creamy

餐廳環境幾好，夠安靜，生蠔$10隻好抵食，每一隻都冇沙，仲有附送檸檬同埋tabsaco。而risotto都幾入味，黑松露味夠曬香。軟殼蟹意粉有鹹蛋黃味，非常香濃。而且waiter嘅service quality好好，送餐速度都快，有online booking可以即時入座唔洗等，個view就望著city walk 嘅中庭，都算唔錯。去到sitting方面張凳就稍嫌唔夠舒服，不過sofa嗰邊就幾好。下次一定會再黎

想食蠔又想懢荷包, 就走左去oyster station食10蚊蠔! 之前同朋友食過大家都讚, 10蚊既生蠔都可以有質素。Menu有多款蠔種同酒類, 豐儉由人, 今日嗌左1打10蚊蠔, 即叫即開!首先賣相討好, 雖然係10蚊但唔會勁細隻, 入口鮮味有蠔既甜味, 略帶海水味, 肉質偏爽口, 絕對唔似10蚊貨仔!食完1打忍唔住叫多幾隻, 第2round同樣高質, 唔會品質參差, 真係好抵食!另外叫多左個24months既parmaham配哈蜜瓜, 略嫌哈蜜瓜唔夠香甜, 但parmaham則咸香滋味, 個人好喜歡配上黑橄欖,帶出不同層次既美味。飲埋杯青檸soda, 哩個tea勁滿足

疫情下好耐冇去食自助餐，但又想過下蠔引，所以就去左呢間專食蠔嘅餐廳😋餐廳做緊$10一隻蠔嘅promotion，所以我同朋友一嚟就點左一打😍 蠔嘅大小適中，溫度都夠凍，而呢打食落口嘅味道就非常creamy🦪食完呢打覺得唔係好夠喉，所以再嗌多左碟 $199嘅生蠔拼盤，有8隻來自唔同地方嘅蠔+一杯白酒。可能因為貴價嘅關係，食得出味道係比較鮮味啲，海水味程啲，亦都肥美啲👍🏻最推介都係法國嘅gillardeau,個陣甘甜味真係會留喺口腔一段時間呢🤣最後仲嗌左碟冬陰功海鮮意粉～佢哋嘅意粉都煮得好出色😍意粉夠哂入味，而且海鮮都好新鮮！不過就真係辣咗少少，但整體都好滿意如果想食蠔同埋意粉牛扒嗰啲嘅話，呢間餐廳都係唔錯嘅選擇💕

話說網上面見到呢間餐廳有特價$10/隻嘅生蠔，仲要啲評價唔差，冇人話佢得個平字而唔好食，反而近全好評！雖然Cress係唔食生蠔嘅，但都激起咗我嘅好奇心去一探究竟。咁平嘅生蠔，究竟食唔食得落口？？店內環境好大好多位，窗邊可以望番出citiwalk中庭。食物選擇唔算多，但店員都幾積極，見我哋決定唔到，會主動上前推介。《特價生蠔 (Tatihou)》$10/隻唔講咁多廢話，即刻嚟評評呢個生蠔！今日嘅生蠔係嚟自法國嘅 L'huitre de Tatihou，睇嚟佢哋每日/定期都會轉特價生蠔品種？蠔身非常細隻，好似發育不良咁，但蠔不可以賣相嘅，食入口先！佢嘅肉係好薄但口感細滑，入口一陣清甜，去到最尾吞咗，啲海水味連同少少腥味就會滲番出嚟。而個貝柱肉係重甜味～配埋啲醬辣辣地會辟番陣腥味，會更好食。雖然話唔飽滿，但係味道都算易入口，腥味有但都唔重，以$10嚟計的確唔錯！至少連唔食生蠔嘅我都覺得ok~~咁入到嚟冇理由齋食生蠔㗎嘛，就順便試試佢其他食物。《香草忌廉煮馬尼拉蜆》$188本身係想要青口但冇貨，就改蜆。其實一上檯都幾失望，蜆嘅份量得好少，成碟嘅份量都好少，感覺好唔抵⋯蜆嘅肉質正常吧，唔特別新鮮

嗌咗生蠔20分鐘都未到就上主菜,塊肉眼又唔靚， 切開暗紅色嘅 ！仲要燒到啲味一達達！ 生蠔又唔太新鮮，比起其他分店，荃灣真係好差， 直頭係西臨！ 免費都唔食! 食得好唔開心