更多
2016-10-04
119 瀏覽
星期五晚同一班朋友食下野傾下計,係香港人 一般嘅節目,今日同大家介紹呢間專係食生蠔串燒又可以慢慢地傾計嘅地方,餐廳位於九龍城交通非常方便適合一大班人去傾計嘅,講番食物佢哋有生蠔刺身串燒仲有唔同嘅 各式各樣嘅酒,因為今次只係得兩個人去所以冇叫酒飲,希望下次有機會介紹啲酒畀大家啦 呢間名叫豪門宴,顧名思義一定係食生蠔啦!生蠔其實佢有好多種,主要係日本廣島嚟嘅 ,廣島蠔方面我今次試咗一隻,叫做小町嘅生蠔仲要係食2l size嘅,原價七十八蚊一隻但係like咗佢facebook,就全部生蠔都有7折 除咗食咗2l size嘅小町之外 ,仲叫咗兩隻日本珍珠蠔,先講小町嗰隻先 2l size,有手板長一樣大食落去有一浸浸嘅海水味,非常肥美,日本珍珠蠔比較細隻但係會比較creamy同埋甜好多,如果個人喜愛上會比較喜愛日本珍珠蠔,另外我仲叫咗少少串燒牛脷雞翼,牛脷肉質鮮味非常好食,雞翼燒得唔太乾 有留住雞翼嘅肉汁非常好味, 另外仲叫咗兩日燒扇貝,扇貝上放咗好多調味料,但係都冇減低到單妹嘅鮮味值得推介俾大家,因為今次只係得我同我太太兩搵食所以食嘅嘢唔得太多,希望下次有機會再介紹畀大家啦
張貼