街邊檔車仔麵 (已結業)

同男朋友去睇戲.誰不知下雨了,想平平地食個晚,.行行見到有間車仔麵又見唔係太貴..就試試吧!餐廳大而舒服,唔算多人,枱和枱分得很開.不會坐得很迫 !價錢不貴,$5一個餸,!!豬腸魚卷河,他的鹵水野真是唔差..鹵水豬腸好味呀..但好肥呢,原本想叫魚皮鮫但見唔係好靚!!男朋友叫了很多.牛肚,生菜,鹵水雞翼尖,蘿白,油麵還有我的馬蹄露..抵飲..都是$5但很足料 ~

五月四日(日)今日又同老婆出左旺角度準備好一整天行程，下午就去左尼檔車仔麵度食，尼檔車仔麵個人覺得唔錯，因為食量大，尼度加多$5就可以加底，仲真係俾足兩份麵你，絕對唔係象徵式個碗大小小麵多DD果種，非常唔錯~今日午餐唔太餓，所以只叫了一份麵:我：油麵、生菜、牛腩、豬腸、魚皮鮫老婆：米線、生菜、牛肚、豬紅、腸仔油麵油麵係我食車仔面最愛既麵底，個人覺得佢配合腩汁湯底仲好食過拉麵~湯底有腩汁同辣汁非常好味，味道濃郁，夠香~ 送麵一流~牛腩炆得幾淋，但爽爽地，唔係正中間既腩，腩汁味道幾好，好味~豬腸較肥，但味道一流，亦係本人車仔麵必叫既餸牛肚剪得細條，無咁好口感，但味道幾好，幾淋幾入味，都唔錯~魚皮鮫唔多得，皮小硬，成舊餃實實地，味道一般~ 走時候見到應該係批發買番黎貨式豬紅食落幾夠味，亦幾好味，不過都係有D擔心衛生情況~生菜、腸仔咪就係烚生菜同腸仔~ ~"尼度$5一款餸唔算貴，加底就超底添~ 但係唔知點解得雞尖無雞翼之前都好似有..... 如果麵底可以有埋公仔麵揀就太好~尼間車仔麵絕對比掛住大大隻車仔麵牌附近既"極X好"茶餐廳抵同好食~聽講花園街明記好掂，得閒過去試試先！

成三點先去食lunch, 都唔知叫lunch 定tea 喇，左揀右揀，最後入咗去呢間自助形式ge車仔面店。要了豬腸、魚旦同牛肚河。豬腸份量超多；有肥有瘦，我自己牙力唔夠，覺得有d韌，不過阿媽話唔韌，咁先有"趙"頭喎！味道也ok，不會太咸。魚旦也是很實很細粒那種。老實說，我是看到有細粒魚旦才被吸引入去。又是那細粒實得得同帶少許陣皮味那種，是兒時味道。但呢間好似比起我食開嗰間爭少少，淋了少許。牛肚：好味又唔韌，味道調較得宜，不會過咸。河粉份量ok, 質地也夠滑。

星期六和男友看完戲，打算食少少之後等食宵夜。於是，我就提議來這裡。這間車仔麵和深水步的是同名的，而味道又差不多，我猜應是同一檔來的吧!男友點了墨丸、魚鮫幼麵，墨丸只有兩粒，太少了吧!幼麵又有很重的"簡"水味，似乎不要得!我點了咖哩魷魚、豆卜米粉，咖哩魷魚是完全沒有咖哩味的!而且魷魚太腍，一點都不爽口。另外此店的辣汁太辣了，少少已令我頂不住!此店賣的是便宜，味道我覺得深水步分店比較好。

尋晚收工忽然間好想食車仔麵, 本來好想去明記, 但因為夜所以唯有去第二間, 於是靈機一觸諗起呢度, 決定再黎幫襯!今次叫左幼麵, 豬紅, 豬皮, 豬腸同牛肚! 幼麵硬硬地咁, d麵好似浸極都唔開, 唔算得, 始終都係偏愛明記幼麵, 呢度一般啦; 豬紅真係值得一讚, 一粒粒但係唔會一夾就碎, 係唔夠滑身, 不過味道唔錯, 可以架; 豬皮始終都係差d, 唔夠爽口; 豬腸有少少肥, 但唔會太韌, 幾好味; 牛肚唔韌又淋又夠入味, 可以呀! 再黎幫襯, 水準依舊, 埋單唔貴, 承惠廿三! 豬腸同牛肚要五蚊雞, 其他就四蚊雞, 不過小弟發現五蚊雞係好味過四蚊雞, 下次有機會, 試埋其他五蚊雞先!

有一晚行開旺角, 又唔知食咩好, 行行下好想食車仔麵, 但又唔知邊間好味, 見到對面有一間食車仔麵, 而我呢面又有一間, 十五十六咁, 於是本住搏一搏冇頻撲精神, 就入左呢間度試!入到去地方幾大幾寬敞光, 十分光猛, 環境絕對比到我一種乾淨舒服感覺! 起初以為坐底先叫, 點知原來係叫左先坐底, 好有車仔麵feel!於是叫左米線, 豬紅, 豬皮, 豬腸同牛肚而友人就叫左紅腸, 豬腸同牛肚右米粉!米線煮得幾好, 唔硬唔太淋, 有口感好咬口; 豬紅唔會一夾就碎, 味道都幾好, 可以; 豬皮就麻麻地喇, 因為唔夠爽口, 都算入味, 一般啦; 豬腸唔會太肥, 又唔會太韌, 味道唔錯, 好味; 牛肚唔韌又夠入味, 算中規中舉可以啦; 至於紅腸就普普通通啦, 冇咩驚喜! 湯底都幾好, 唔會太咸太重味精, 再加少少辣汁就非常惹味!埋單貴, 四個都係$23, 抵! 都有驚喜架, 皆因車仔麵旺角區做咁價錢有咁質素, 實在係食客之福, 絕對好過極之好多多聲! 下次有機會一定會再黎!

有一晚行開旺角, 又唔知食咩好, 行行下好想食車仔麵, 但又唔知邊間好味, 見到對面有一間食車仔麵, 而我呢面又有一間, 十五十六咁, 於是本住搏一搏冇頻撲精神, 就入左呢間度試!入到去地方幾大幾寬敞光, 十分光猛, 環境絕對比到我一種乾淨舒服感覺! 起初以為坐底先叫, 點知原來係叫左先坐底, 好有車仔麵feel!於是叫左米線, 豬紅, 豬皮, 豬腸同牛肚而友人就叫左紅腸, 豬腸同牛肚右米粉!米線煮得幾好, 唔硬唔太淋, 有口感好咬口; 豬紅唔會一夾就碎, 味道都幾好, 可以; 豬皮就麻麻地喇, 因為唔夠爽口, 都算入味, 一般啦; 豬腸唔會太肥, 又唔會太韌, 味道唔錯, 好味; 牛肚唔韌又夠入味, 算中規中舉可以啦; 至於紅腸就普普通通啦, 冇咩驚喜! 湯底都幾好, 唔會太咸太重味精, 再加少少辣汁就非常惹味!埋單貴, 四個都係$23, 抵! 都有驚喜架, 皆因車仔麵旺角區做咁價錢有咁質素, 實在係食客之福, 絕對好過極之好多多聲! 下次有機會一定會再黎!

呢頭又有一間叫街邊檔車仔麵，同深水保果間可能同一個老細，因為食落其實水準差唔多，都係屬於好味抵食，本來可以比返個笑面佢，但唯獨係牛腩就差到飛起，無乜肉，得兩舊唔知係咪筋既物體硬到完全食唔倒。其他豬腸同湯底就真係唔錯，可以再黎但牛腩就咪攪我囉。

星期日約了男朋友去行街,因為佢要換銀包了,所以去完mk 拎野之後就去TST 睇銀包了.途經MK,我很肚餓,嚷著要食車仔面,所以男朋友就帶我到呢間食. 其實呢間,我地都食過幾次啦,佢地夠平,"食送" 又好味.坐位又唔迫.0係MK 的環境黎講算幾好坐啦!阿姐服務態度又好.我要左個米粉,小辣."食送"有:豬紅/魚蛋/魚皮餃.全部都好好食.