西佑定食屋 (已結業)

Went here because no one was dining there but it makes sense because the food takes ages to come.Ordered the cheese and ham toasties which comes with a side of weird salad because it is dressed in sweet sesame sauce.★☆★☆★☆★☆★☆★☆★☆★☆★☆★burnt toast:It was so uniformly black on the burnt edges that it had a lovely bitter taste.This is probably the prized activated charcoal that health shops are trying to sell!!The ham was a too salty as well.★☆★☆★☆★☆★☆★☆★☆★☆★☆★◎ⓢⓤⓟⓔⓡⓢⓤⓟⓔⓡⓖⓘⓡⓛ◎The bill: $4XService:

前日同朋友去食下午茶，見餐廳環境係幾靚，坐得幾舒服，唔太多人唔洗等位，咁就入左去試下，點知中晒伏！我地叫左個$49 雜錦刺生飯 同$33 滑蛋雞肉飯，加2杯薑味汽水。首先雜錦刺生飯，第一，刺生非常少，薄薄一層，鋪唔滿，一望就會見到晒下面啲飯，食到後期， 刺生根本唔夠食，好似食緊豉油撈飯咁，比爭鮮都不如，味道？唔覺得同爭鮮有分別…滑蛋雞肉飯，開頭以為係鹹，點知係甜，仲係好甜，上面加左勁多黑椒，成個飯只有甜同黑椒嘅辣味，蛋同雞肉原全食唔出味道，比大家樂都不如。不過呢，哩個飯都比雜錦刺生飯好啲，起碼滑蛋雞有鋪滿面，唔會食到後期食白飯拿，個薑味汽水雖然我飲唔出薑味，但味道都ok唔算係伏，但前提係你願意比40幾蚊成餐就係得杯汽水好味間野仲有加一，下午茶埋單90幾蚊，仲要難食，我不如去食大家樂

下午茶時間無人等位,之前又剪低d優惠券,所以就黎開餐。石窩飯必叫,石窩熱力真係有飯焦架!完全無因為下午茶而減料。至少砌得好有睇頭。豚肉拉麵,尚可接受。湯底唔夠熱,麵質有點硬。麵底“揚”散都幾大碗架!魚生飯,可見材料鋪唔滿,材料新鮮,下午茶既咁抵價錢就無問題啦！芥辣唔夠,問待應等左好耐先比多小小芥辣。下午茶時段待應唔多但會密密添茶抵讚。

同男朋友兩個黎食，平安夜都只係等左10分鐘，唔知係咪新開既關係？侍應對於客人食完既碟冇乜反應，唔會主動執走，加水只係加半杯，好奇怪，但普遍禮貌ok。總結係不過不失，有待改善！

初開業的時候都排長龍,,所以未試過時至今日才去一試味道~~和老公一樣都是點石鍋飯我點了海老帶子那款老公則點了海鮮飯~~材料份量OK我那石鍋飯的帶子size也不算太細隻可接受~~~但味道很淡!!!老公那款有醬汁的,,比較好吃~~石鍋飯還是惹味些較好~~後追加了抹茶芭菲濃濃的抹茶味~~紅豆不會太甜~~兩者一起吃,,味道很配!!靠抹茶芭菲加分!!但整體來說都算貴啊!!!這價錢可吃些更好吃的~~

放假我與妹妹去了一間新開不久的「西佑定食屋」，正是中午時間都不會太多人，所以都好快入座，食物方面選擇都晤少，有丼物、石鍋、刺身、沙律、甜品及飲品。逢星期一至五(1:30pm-3:00pm)惠顧任何3個套餐即額外免費享用1個套餐。所有丼物、石鍋都包括沙律及麵豉湯，因為下午會再約朋友再食tea ，所以我們只點咗兩款食物share 一起食。健康的理由點了一客豆腐沙律(芝麻沙律汁)$39及一客咖喱豬扒飯$59，豆腐沙律的份量都不少，感覺都好清新，沙律菜都好新鮮加上豆腐都好香滑，芝麻汁更令簡單的沙律菜添上香口及濕潤的口感，簡單中帶有天然。 另一款咖喱豬扒飯，咖哩也包括細碗的沙律及麵豉湯，炸豬扒的炸粉都不會好厚，色澤金黃入口香脆晤油膩，豬扒的肉質好爽口juicy ，飯粒是珍珠飯，粒粒分明又不太黏口，咖哩汁少辣中帶微甜，整體都幾好食。服務都不錯都會主動幫客斟水收碟，地方的空調適中，環境都好乾淨整潔。

從未如此難食……今天放假同家人去食日本野，點知差到……先講下食物: 滑蛋吉列豬扒定食，等上菜超過十五分鐘，吉列豬扒冧不脆，滑蛋變熟蛋，味道又甜又咸，我即時叫侍應生換過，因為實在不能食，點知佢黑面兼唔係好想換，後來我說換同款，佢才說好。其實如果我換其他也打算加錢，但佢D態度真係要改善，仲同其他侍應討論，完全不理會客人的感受。再等了十多分鐘後，那碟滑蛋吉列豬扒都是太甜，但就沒那麼咸，碟吉列豬扒依舊冧而不脆及細件了，薄了，我好失望……点解日本店會這樣？？？？另外点了咖喱牛肉烏冬，有點甜帶辣。我還点了野菜焗芝士，雖然份量少，但芝士味濃郁，好味。

如果有人約我去新都城食飯都會幾頭痕,因為真係無咩好食.是日係新都城找完客人,就搵野食.見到西佑定食屋坐左7成滿,就入去試下.呢度基本上係食定食,反而唔似係居酒屋既模式.如是者叫個滑蛋豬扒鍋$62試下,加$5有野飲,再加$12將飯變成香蔥紫菜溫玉飯凍咖啡叫了少甜,但係都好甜,甜到喊滑蛋豬扒鍋豬扒夠脆,肉質帶實身,醬汁好甜,仲要加洋蔥,甜過MACARON.我反而覺得個味幾正宗,雖然唔合我口味反而個飯就簡單得來又好食,玉子帶少少流心,蛋心帶甜,撈埋香蔥同紫菜,亦有少少豉油,綜合起黎唔錯.定食包埋沙律同味噌湯,味道合格埋單約$86,不算便宜,但係以新都城餐廳既質素來講佢唔係差嫁啦

一切緣於一份報紙專欄的推介. 話說老爸看了推介後, 想去一試. 上星期剛好經過此餐廳, 見人龍不長, 決定一試. 以為要排隊是因為食客很多, 入內時卻發現原來有大量空枱，只是店員沒有時間去收拾.我們被安排坐在餐廳內右手邊的偏室，環境尚可，以木色為主. 侍應放下熱茶後便離去，之後再也沒有出現，連我們點食物要出外找侍應. 坐了一會，覺得環境很熱，冷氣很弱. 問侍應可否開大一點冷氣，侍應竟說因為商場冷氣很熱, 所以環境才會這麼熱云云. 再坐了一會，實在又熱又焗得要命. 眼見其他位置有空位，而且冷氣涼快得多，於是要求調位。我們點了三款食物, 每份都附有味噌湯和沙律. 味噌湯內只有少量海帶和豆腐粒, 味道偏鹹. 沙律是用了不少沙律醬, 味道一般.南蠻炸雞定食 $49南蠻炸雞的份量頗多, 有五六件炸雞. 炸雞味道不錯,  外層炸得有點焦黑, 但入口沒有燒焦味, 炸得夠香口; 雞肉雖然調味不足, 但卻出奇地不嚡口, 頗滑, 而且還有肉汁! 價錢雖然是最便宜, 卻是當日最好吃的一道.雜錦刺身壽司飯 $59看餐牌相片很精美, 但上枱時卻是另一回事. 雜錦刺身壽司飯賣相很不濟, 看起來也不大新鮮. 所有刺

多次路過這食肆都有很多人在排隊，今天走過竟然沒有人在排，於是便走去試試這新餐廳。點選了鐵板吉列豬扒飯，另外還附有沙津及湯。吉列豬扒雖然夠脆，但汁太咸，在佐飯的前提下也是略為過火，而其它食物的味道都只一般，有點失望。

此店前身也是同集團的意粉店，定價以其食物質素來說是偏貴，故不算多食客，服務一般﹑餐牌食物選擇少，相信正是因為如此，故開業好像不到一年或剛過就結業，改為現在的西佑了。由於我有此集團的會員卡，正常時段光顧有九折，反正想不到晚飯地點，故跟老公來這裡。餐廳以排隊方式候位，等了二十分鐘左右可入座，每枱椅子下均有一個籃讓食客放個人物品，貼心。餐牌簡單食物款式較和民少，以定食為主，但印刷尚算精美，而且定價合理，部份食物可散點。由於剛從泡菜國回來，故看到泡菜豚肉鍋定食即點，老公則點了咖哩豬扒定食，另外再多點一份唐揚炸雞。每客定食均附有味噌湯及沙律，味道正常。咖哩豬扒定食($59)先到，豬扒雖是吉列，但被咖哩汁浸腍了，而粉太多，故相對一般，猶好咖哩汁調味不錯，杰稠度適中，拌飯很不錯。泡菜豚肉鍋($65)材料豐富，有豆腐﹑大白菜﹑金菇﹑冬菇以及7﹑8片腩片。想不到有這麼多腩片呢！湯滾了先試一口，沒有韓式泡菜湯濃味，但此湯豬臊味濃烈，腩片如是，如不喜歡豬肉或怕臊味者如老公，肯定不愛。最後來的唐揚炸雞($35)反而好味，新鮮熱辣，調味鹹度剛好，雞肉嫩滑，讚！整體味道不錯，全單總數$159，算是經濟。本來還想點

新都城新開的日式家庭餐廳, 一般定食都是$49-$69左右, 有其他和食, 小食, 感覺是和x 的簡單版。 8:00左右到, 門口已經有7-8人排隊。  好奇怪的現象是, 門外有人等位, 餐廳內是有大量的吉位, 但又不安排吃客入座。 又沒有人執台, 觀察了一下, 原來人手超級不足。 好不容易入了去, 落了單都說要等半小時才有得吃, 最離譜的是最熱門的豬類食物竟然是沒有, 簡直就是O 嘴。 餐牌已經不太多選擇, 沒有買豬, 只好吃雞, 牛, 魚生。 因為這樣都沒有什麼期待, 只叫了兩個簡單定食。 食物其實是不錯的, 味道都吾差, 但真的人手很不足。 感覺未準備好就開張。 希望盡快改善, 否則真的很趕客。 

拉麵湯底淡，麵質差同硬，蔬菜配料未煮熟好硬，叉燒烚岀黎冇味，成個感覺係水同硬麵。另外，服務慢，有幾張空枱都冇入客，有枱又好耐先執。總結，完全唔值平均50蚊嘅價錢。

放工經過新都城廣場，見到新開西佑定食屋，睇睇餐牌定食都係49-69左右。見6點半啱啱座滿，一個人唔會等好耐，便排隊等入座。不要十分鐘便有位，立刻睇牌點了個炸豬排定食，一個人唔使煩，定食有埋麵豉湯，小份沙律及白飯，才59元，抵過返屋企煮：）好快熱辣辣炸豬排定食送到，豬排非常crispy 其他湯及白飯均熱孚孚的，不夠十分鐘就搞定一頓晩飯。一個人簡單就好。下次約埋朋友一齊可以叫啲一品料理share來食！整體合格，但人手不足，翻枱比較慢。