西塔老太太烤肉

營業中

休息中

嗰日同朋友喺尖沙咀科學館道食晚飯，發現咗呢間人氣燒肉店「西塔老太太烤肉」，見到佢哋五點至七點前離座有半價優惠，就趁機入嚟一試。餐廳裝修光猛企理，員工服務態度好主動，好似係上網見到嘅評語一樣，而且真係唔使加一！首先講下佢哋嘅招牌菜，「西塔老太太特色瘦牛」同「西塔老太太特色肥牛」。瘦牛非常嫩滑，燒製後每啖都充滿鮮甜味；而肥牛油脂分布均勻，不會過於油膩，每啖都入口即溶。另外，「雪花肋条」亦相當出色，外層微焦但內裡多汁，非常滿足。然後就要提下佢哋特別推介嘅鳳梨配搭，「香翁鳳梨牛扒」。我本身對呢個配搭無乜期待，但原來菠蘿與牛扒能互相提升，一齊食竟然可以解膩又變得更嫩！呢個真係打卡必選，加埋賣相已經好吸引。除咗以上幾款之外，我地仲試咗「澆汁橫隔膜」，口感有啲脆，有少少嚼頭，同埋調味令雞排更加惹味。「蘑菇拼盤」則包括多款蔬菜，可口健康。「冷麵」酸辣適中，又彈牙，好適合用作解膩。最後仲有「海带湯」，湯底清甜，而海帶量非常豐富。整體而言，我覺得呢間店不論價格、質素還是環境，都值得推薦。今次兩人只需$298就可以飽飽地走出餐廳，而且套餐份量不少，相信三人份都夠。有機會一定會再嚟一次，再享受佢哋美味既燒肉！

今日去尖東搵食，佢話想食燒肉就試下😄佢地嘅沾醬幾有特色， 佢地自家製麻醬，加啲醬油同醋，有洋蔥同蔥粒，用黎點薄切牛係好夾😌極上牛肉二人份第一次黎都唔知嗌咩好，嗌左個2人餐試下先17:00-19:00前離座仲要係半價！$300都唔洗😆🥢老太太特色肥牛真係幾肥😆燒到著哂火咁要侍應幫我地handle🤣但就係因為燒起上黎啲油脂味出哂黎！好焦香好好味🥢老太太特色瘦牛話就話瘦，但其實食落都好嫩滑，呢款少左啲油脂感，燒起上黎唔會太焦香，但就多左份肉味😋🥢雪花肋條一條條咁口感又唔同😁呢款有啲咬口點埋辣燒肉汁食覺得幾夾👍🏻🥢香翁鳳梨牛排呢個都應該算係佢地嘅招牌牛扒用菠蘿醃過，啲肉好鬆軟好滑配埋菠蘿食一流🥢燒汁橫隔膜呢款比較厚切，燒完都保留左好多肉汁同埋佢本身都有用燒汁醃，唔洗點點汁都已經好好味😌🥢蘑菇拼盤有金菇、雞髀菇，同蘑菇🥢冷麵麵嘅質感幾好🥢牛肉海帶湯

Vivian近排美食之旅，尖東篇～～Vivian經過呢間餐廳幾次都想試，終於有時間食到🥹叫左極上牛肉二人份，Vivian胃表示食完好漲卜卜，仲要$298，包括海帶湯，水冷麵，幾碟牛肉，抵食仲有呢啲免費前菜小食呢間d醬汁幾好味，尤其是呢個醬一定要撈勻到烤肉：用菠蘿裝裝住嗰啲牛肉好嫩，因為菠蘿本身有種酵素可以令到肉更嫩，仲要有陣菠蘿香味，不錯不錯其他牛肉都唔錯，仲有海帶湯海帶湯好鮮甜，仲要份量比得好足同埋水冷麵夏天食燒肉，加落水冷麵食，都幾正

今晚同老公響尖東呢頭搞完結婚啲野之後都唔知食咩好，就開咗個地圖出嚟搵吓，發覺原來呢間喺大陸好出名嘅餐廳竟然係香港開咗~ 我哋之前返大陸都冇試過又咁啱諗唔到食咩，一於喺香港試吓啦~ 我哋因為唔想諗所以就叫咗套餐，啲肉大部份都係有調味，調味偏甜，所以我同老公都覺得幾好食，有啲似韓式烤肉，啲肉嘅質地都好軟熟，幾好食餐廳提供嘅前菜都係泡菜，睇返餐廳嘅發源地都好似係中國東北嗰邊，所以可能因為咁樣有啲韓式烤肉嘅感覺(亂估) ~ 食哂之後我同老公都覺得不得不提嘅係餐廳提供嘅麻醬，係我咁大個人食過最濃郁嘅麻醬，配合埋個肉真係一流，忍唔住一啖又一啖食，另外鐵板芝士粟米邪惡得來都好好食美中不足嘅係聽聞大陸嗰邊係真係用炭爐嚟燒，但係香港因為法例問題所以冇得用炭，變相冇咁香，不過整體質素都相當唔錯，值得一試

多啦A夢黎左香港，去完探佢，所以唔諗咁多，睇下尖沙咀有咩新野食，竟然發現呢間“西塔老太太燒肉”，平時番大陸排晒長龍，依家要book定，應該未係好多人知呢間過江龍啦，可能係新開，做緊優惠-7點前離座「極上牛肉二人份」半價！！$ 298，重點冇加一！！！！入位已經準備好一系列既前菜，沙律，泡菜，薯蓉，食完係可以再加的👏👏👏🐻「老太太特色肥牛」、「老太太特色瘦牛」,兩款牛肉正丫。肥牛肉質鮮嫩多汁,肥肪分佈岩岩好，唔係over俾人一種醇厚和牛美味，而瘦牛口感彈牙,搭配獨特的醬料,層次感十足🐻雪花肋條肉質綿密細緻,脂肪恰到好處🐻香翁鳳梨牛排好出色，將嫩嫩既牛排同鳳梨既酸甜交織一齊，俾人耳目一新既滋味🐻澆汁橫隔膜肉嫩多汁，夾埋生菜一齊食，好正丫🐻蘑菇拼盤口感豐富層次分明，飲食均衡，食左一輪肉，食個菇解解膩🐻冷麵彈牙爽脆，湯汁帶酸味，超解油膩感丫🐻牛肉海帶湯清爽可口，超多海帶，用料十足丫👍👍整講黎講，「極上牛肉二人份」$298呢個價CP值好高，兩個人已經好飽啦，肉肉質素又好好，值得再黎食丫

深圳的西塔老太太烤肉，估唔到來左香港開，仲未去深圳食到，見香港有 早鳥優惠 5-7pm做緊半價，仲要唔使+1添，即刻約同事過嚟試下位置係尖東 噴水池對面 門口正正對住，地鐵站過嚟就要行多少少路。覺得門面不夠明顯，如果再加多少少燈光就更好，可以更容易找到。早了優惠價錢真係好抵，仲要免加一，做到七月尾好似。。。如果可以再做耐啲就好，堅抵。原價套餐係呢個價錢台面仲有張建議你用咩醬料去配搭咩食，好細心。前菜種類就不算多，不過都可以再潻的。蔬菜類，也不算太多款式，不過啲姑好新鮮，燒起唔會太乾仲有汁係入面。肉類分別有，老太太特色肥牛，老太太特色瘦牛，肥牛肥膏比較多，煎起上嚟好香口，油脂爆曬出嚟瘦牛就比較有咬口，肉味較濃。雪花肋條，啖啖肉。香翁鳳梨牛扒，煎起有淡淡鳳梨味。呢個冷麵，好清新，好好味我勁鍾意呢個牛肉海帶湯，佢加左蒜蓉落去，超好飲。整體呢個價錢好滿意，職員仲會主動幫我哋分埋湯同麵，服務態度不錯，再做優惠會再嚟。

這間燒肉店實在叫人垂涎三尺。店家嚴選上等肉品,用心烹調,令人一嘗正宗燒肉的美味。最先上桌的肥牛和瘦牛,肉質鮮嫩可口,入口即化。調味恰到好處,不會過於鹹咸,更增添一份軟滑鮮甜。而雪花肋骨條更是燒至恰當,外焦內嫩,汁水四溢,肉質軟糯帶勁,簡直完美。接著的鳳梨牛排,更是別具創意。牛肉與清甜鳳梨交相輝映,酸甜適中,充滿驚喜。加上獨特的烹調手法,令牛肉更加鮮嫩多汁。除此之外,餐廳還備有蘑菇拼盤,以各種不同菌菇入饌。質感爽脆,汁水豐盈,實在是燒肉佳餚的絕配。而橫膈膜菜式,成就出軟嫩彈牙的絕佳滋味。作為配搭,濃郁鮮美的牛肉海帶湯清新解膩,與燒肉絕配。餐廳還貼心提供精心製作的冷麵,口感細緻,大快朵頤。值得一試！

尋日同朋友出尖沙咀搵食見到有間西塔老太太，平時係深圳幫襯開，膽粗粗入去試吓香港店，一入內侍應好好安排好座位一坐低枱面已經預備好小食配料，睇睇周圍嘅環境，其實同國內差唔多，睇吓餐牌時間尚早叫個極尚牛肉二人份，有老太太特色肥牛特色瘦牛，雪花肋條，香翁鳳梨牛排，燒汁橫膈膜，蘑菇拼盤，牛肉海帶湯同埋冷麵，好豐富，二人食應該好飽，先嚟個牛肉海帶湯好好飲，再嚟個冷麵，天氣咁熱食落口可以減幾度，麵質爽口加彈牙呀！味道仲唔錯👍🏻好回味！上埋肉類，開個炭爐，香港好少用炭爐嘅舖頭，先烤個特色肥牛，肥牛油脂分布平均，烤好一入口好濃既肉味，唔太淋身，仲有雪花肋條，配生菜食一流，仲有擺盤好靚嘅香翁鳳梨牛排，影唔少打卡相，食晒牛排可以燒埋鳳梨，好特別，平時去BBQ先有燒鳳梨，估唔到呢度都有👍🏻燒埋個蘑菇，好攪笑燒個蘑菇嘅時候成個蘑菇會充滿蘑菇汁，好好味！整體成餐飯好滿意👍🏻重點會食到肉質好同埋夠新鮮！待應又夠晒招呼，一叫即到👍🏻滿意！有機會再嚟幫襯！

星期日放假突然好想食燒肉 係尖沙咀見到呢間新開燒肉 聽聞係內地好出名 所以揀咗呢間嚟食 星期日夜晚7點都好爆場下 得反一兩張枱 個店員一開始介紹啲醬料 而個麻醬係最出色😋 我哋嗌咗個二人餐 已經好夠飽 價錢都合理 😋👉🏿老太太特色肥牛&瘦牛呢兩款牛肉薄薄一片 兩邊燒兩下好快熟 好多肉汁 入口好惹味 甚至唔使點個醬都好夠味👉🏿雪花筋條呢個肉質比較厚實 食多咗都唔覺得溜👉🏿香翁鳳梨牛扒菠蘿 令到你清一清口入邊嘅肉汁 再食返塊牛扒 即刻fresh 左👉🏿澆汁橫膈膜橫膈膜相對上就冇咁多脂肪 肉汁較濃郁 但係食落都唔會覺得韌

極上牛肉二人份$298（免加一）超抵食韓國烤肉！只要喺下晝五點至到夜晚黑七點中間嚟咗就可以有半價優惠！套餐兩個人都有啲食唔晒，仲要包埋各式各樣嘅小菜。小菜有薯仔沙律球、蘿蔔泡菜絲、醃蘿蔔醃青瓜。套餐仲會包埋一個沙律前菜。大大碗冷麵！麵入邊會有半隻蛋一個牛腱肉，眼面嘅面非常煙靭，而且冰鎮過所以好有咬口。餐廳仲會準備埋鉸剪俾你好似韓國人咁樣剪咗先食。雪花肋條五星推薦俾大家，油花平均，而且肉質軟腍腍，煎完之後仲有炭燒味。老太太特色肥牛同埋瘦牛總共都有4至5片，同朋友分享每個人都可以食得夠開心。鳳梨牛扒有埋三片新鮮菠蘿，燒完之後食額外甜燒。焦焦地嘅表面，脆脆嘅～ 澆汁橫膈膜比起牛肋條少一啲雪花，但係可以食到佢嘅牛肉香。

📍 西塔老太太烤肉 (尖沙咀)尖沙咀科學館道14號新文華中心地下1A-1C號舖之前返內地見到呢間人氣燒肉店西塔老太太烤肉長期大排長龍，上網見到佢個極上牛肉二人餐五點至七點前離座都係$298仲要免加一!!!!!!好抵呀！😍😍😍😍👉極上牛肉二人份17:00-19:00前離座半價優惠💰$298免加一😋😋😋😋.8/5呢個套餐話就話二人餐，但份量絕不野少！應該係三人餐嚟😂😂仲有前菜任加，沙律🥗，薯蓉，醃蘿蔔等😋😋😋💙西塔老太太特色瘦牛💙西塔老太太特色肥牛💙雪花肋条💙鳳梨牛排💙澆汁橫隔膜💙蘑菇拼盤💙海带湯💙冷麵牛肉海帶湯，海帶超級無敵多！佢個冷麵超級好食😍😍 冷麵酸酸辣辣好彈牙，加上酸酸辣辣，好解膩😋😋😋另外，佢各款牛肉都好鮮味，唔同嘅牛肉部位都有唔同既牛肉香味，仲有菠蘿同牛一齊食都好解膩😋😋😋正！回頭: yesyesyes，餐廳上菜速度好快！而且員工好主動！真係大讚！環境企理乾淨！價錢又讚，絕對會再食😋😋💕

今日嚟到尖東睇吓有咩食 經過呢間 西塔老太太烤肉 知道佢好出名 睇吓個餐牌 見到依家二人餐五點至七點離座 做緊半價優惠😍 即刻二話不說入去食！ 因為五點幾入去 時間尚早 仲可以坐到窗邊位😍入去坐低 所有前菜同埋醬料都已經準備好 開火就燒得😬 前菜有薯仔沙律、醃蘿蔔青瓜、沙律菜、生菜、生蒜青椒、同埋醬料 呢啲食晒都可以無限供應😬 極尚牛肉二人餐 半價優惠 只係$298 仲要免加一 真係好吸引🤩 套餐包咗好多嘢食 有肥牛、瘦牛、雪花肋條、鳳梨牛排、燒汁橫膈膜、蘑菇拼盤、海帶湯、同埋冷麵😋 超級豐富 好足夠兩個人食！ 落咗單啲嘢食好快就到～鳳梨牛排 真係同圖片嘅一樣😆 牛扒沽咗啲鳳梨汁 感覺冇咁油膩😇 菠蘿可以留返最後燒 燒完嘅菠蘿好甜好好味😋 海帶湯熱辣辣煮好就拎上枱 湯唔會好鹹 仲好香蒜蓉味 邊食肉邊飲湯好正😌 蘑菇拼盤 金針菇入面個汁係類似壽喜燒嗰個味 甜甜地燒完又幾好食😋 燒汁橫膈膜 有牛味燒完食落好Juicy 瘦牛 雖然瘦牛唔多肥膏 但食落一啲都唔會柴 仲好有牛味添😌 雪花肋條特別推薦呢一款😍 淨係睇佢嘅雪花油脂就已經好吸引 燒完油香味同埋牛味好香 食落口係完美😋 係我最鍾意

呢間餐廳做緊特別優惠，避開人潮過嚟食晚飯更加平！1. 極上牛肉二人份： - 老太太特色肥牛：這種肥牛切得薄而嫩，入口即化，帶有豐富的脂肪和濃郁的牛肉味道。 - 老太太特色瘦牛：這種瘦牛肉有著細緻的質地和濃郁的牛肉香氣，給人一種口感幸福感滿滿的享受。 - 雪花肋條：這道雪花肋條有著豐富的肉汁和嫩滑的口感，肉質鮮嫩多汁，每一口都令人回味無窮。包住生菜食仲好食。 - 香翁鳳梨牛排：這道鳳梨牛排結合了酸甜的鳳梨和嫩滑的牛排，口感豐富多樣，帶有獨特的風味。 - 澆汁橫隔膜：燒汁好惹味

內地當紅的燒肉店西塔老奶奶燒肉店登陸香港,人氣一時無兩。今次點了極上牛肉二人餐$298是每日5點-7點前離座,仲免加一。個套餐仲包湯,肉和麵。真係好抵食而且有好多唔同款的前菜提供,例如薯仔沙律,蘿蔔泡菜等等,而且全部都係免費任添牛肉海帶湯每啖湯都有香濃的牛肉味,而且有大量海帶,飲完一碗又一碗老太太特色瘦牛牛肉食入口非常嫩滑,由於個爐是炭爐,燒出來的肉特別香口 老太太特色肥牛肥牛望落好似好肥,但其實一燒油脂已經出晒來,令到肉味更香濃汁燒橫膈膜肉是比較厚身,食落好咬口,岩晒鐘意有咬口既人,包菜食致加好食雪花肋條肋條肉食入口很爽,而且個醬汁醃得很好香翁鳳梨牛扒一上檯已經好吸引, 打卡一流燒菠蘿食入口特別香甜而牛扒亦帶有鳳梨的香甜味,2者十分夾水冷麵水冷麵真係解膩一流,酸酸甜甜辣辣的很好食,而且麵質好爽口彈牙,正

朋友話係內地好多分店嘅西塔老太太烤肉係尖沙咀插旗，極上牛肉二人份係7pm前離座仲有半價優惠，一有時間就去食食肉前先飲個海帶湯，海帶軟硬適中，海帶本身有豐富維生素和礦物質，有助緩解疲勞，放工後嚟先飲個湯再食肉平時好少食冷麵嘅我，幾鍾意呢個冷麵，酸酸甜甜，幾開胃極上牛肉二人份，份量十足，肉類有老太太特式肥牛&瘦牛，肥牛嘅脂肪令肉質更鮮美，燒完都仲好多汁，瘦牛就脂肪較少，但食落都唔會太乾我最鍾意食嘅就係鳳梨牛排，有足成個新鮮鳳梨，放係炭爐燒到微焦，在食肉後幫助解膩，更有胃口，牛扒肉質柔軟，超級大片，外焦內嫩澆汁橫隔膜或雪花肋條都可以係燒香後，用生菜包住食，令口感層次更豐富整體性價比高，位置方便，值得一試