西塔老太太烤肉

營業中

休息中

極上牛肉二人份$298（免加一）超抵食韓國烤肉！只要喺下晝五點至到夜晚黑七點中間嚟咗就可以有半價優惠！套餐兩個人都有啲食唔晒，仲要包埋各式各樣嘅小菜。小菜有薯仔沙律球、蘿蔔泡菜絲、醃蘿蔔醃青瓜。套餐仲會包埋一個沙律前菜。大大碗冷麵！麵入邊會有半隻蛋一個牛腱肉，眼面嘅面非常煙靭，而且冰鎮過所以好有咬口。餐廳仲會準備埋鉸剪俾你好似韓國人咁樣剪咗先食。雪花肋條五星推薦俾大家，油花平均，而且肉質軟腍腍，煎完之後仲有炭燒味。老太太特色肥牛同埋瘦牛總共都有4至5片，同朋友分享每個人都可以食得夠開心。鳳梨牛扒有埋三片新鮮菠蘿，燒完之後食額外甜燒。焦焦地嘅表面，脆脆嘅～ 澆汁橫膈膜比起牛肋條少一啲雪花，但係可以食到佢嘅牛肉香。