西川風味餐廳 (已結業)

今日難得入屯門，興致勃勃諗住去食雞煲，點知未食已經一肚氣。佢門口寫住開到凌晨三點，咁我十一點半入去諗住無問題啦，坐低其中一個待應拎左張任食既配料紙同調味盤放低就行開左。調味盤其中一個裝蔥既兜係得幾粒蔥，咁當然同佢講叫佢加啦，換來一句，下要蔥呀？我真係莫名奇妙，好我算，繼續畫野食。畫完落單，等等等，等左15分鐘有啲唔對路，因為見到後面個枱八個人入面，有兩個係著住制服，一問其中一個待應話，下我地食緊飯。噢真係對唔住！原來係我阻住你地食飯。120分鐘任食，15分鐘後我一問之下先知原來我要等員工用膳後先入去煮。原來120分鐘係包括60分鐘員工用膳，我地得60分鐘食。當然我最後梗係起身走人，嗌左支大藍妹飲左兩杯仲有半支未飲都算，當$28買個教訓。

本身我都成日食西川，不過最近聽講有任食就約埋班fd去食，一黎個雞煲有d慢，等左好耐先黎，不過其他配料都好足，叫好多次都黎齊冇漏單，驚喜地方有hoegaarden紅苺味飲，不過不失，唔會因為做左任食食物質素下降，又多左一個同朋友食飯ge聚腳點不過地方比較細，建議訂左位先

食物一般，環境就真係主要想寫既內容，個事頭婆好煩，完全破壞左食野既心情，建議要食的話坐遠d，成間餐廳好似得一個伙記咁，舉手冇人理，一心來試下，就好似伏伏地咁，試之前請三思！

放暑假同D朋友幾個捉完精靈個肚又餓,我地成班好想食放題,平平地我地又食得飽,咁我地走去咗西川食雞煲放題!咁就可以慢慢食一路比較邊隻精靈勁D,我地年青人喜歡激D所以叫咗個大辣,開頭食好似唔係十分之勁辣但D雞就好入味因為肚餓好快食哂D雞!之前己準備好叫定咗其他食物,肥牛有油花和有牛味,鵝腸有肥膏食落有油香,牛丸雖然唔係手打但都好彈牙,豬皮一定要先落等佢吸收哂雞汁和精華食的時候會係口內爆汁非常邪惡!最後推介係個通菜跟呢個雞汁係絕配!個通菜滾兩滾便馬上食又爽脆又野味,認真值得推介!

火鍋任食以$168呢個價錢來講可以有好多選擇，而且平過佢，款式多過佢，材料比佢新鮮，服務態度比佢好，環境舒適過佢！第一次攞起張紙想剔第二round但唔知有咩可以encore, 一句講晒「無下次」，間舖又焗又熱，d阿姐大呼小叫，嘈吵到死！

聽朋友推介 黎左食 點知伏到死 不知所謂 叫得重慶雞煲 最基本要夠辣 本來都驚太辣 所以叫左中辣 點知毫無辣味 問可唔可以加辣 呀姐話唔得 要加15蚊要辣汁 雞煲唔辣點會好食？所以我加左辣汁 要大辣 點知所謂既辣汁就係雞煲既汁....加埋落去 得個鹹字 連譚仔嘅10小辣都冇...同老闆娘講 佢換左兜比我 同上一兜嘅分別就係多左好多辣椒 我驚鹹所以淨係筆左啲辣椒落去 點知都係咩辣味都無 再同佢講 佢就比多兜我 又係好多辣椒 但係完全無辣味 佢就話無計 話係辣椒問題 食到成肚氣 環境好差 冷氣完全唔夠 食到流曬汗 環境好唔舒服 服務態度極差 鹹到阿媽都唔認得 真係唔洗錢都唔黎呀！唔會有下次仲好意思收我15蚊辣汁錢呢個價錢既雞煲 元朗大把好食過十萬倍

放暑假同男友去睇返場戲,係戲院門口收到張傳單,當日票尾可以係西川風味餐廳當10蚊用,我地睇完戲9點幾心思思去試吓先!呢間餐廳係食放題,平日$128減10蚊超正!唔知食咩好?個侍應就介紹個西川烤魚,反正未食過試吓先!條魚外面香口皮脆,内裏D肉鮮嫰多汁,啖啖肉呢種魚冇咩骨(我最怕多⻣)!然後就叫咗D肥牛,丸,炸枝竹,豬皮,豬大腸,冰豆腐,後面呢4樣食材專吸汁,配呢個濃味汁底一流,豬皮爽口而帶點辣味,豬大腸就最邪惡完全入哂味!枝竹和豆腐當然會在口内爆汁,雖然係任食放題,但些食材都好新鲜!差不多飽飽個待應姐姐話重有時令甜品送(佢話送完即止)咁!價錢又好味又親切!值得推介

其實西川我都成日嚟!因為我係住得近和我比較喜歡佢個雞煲個汁好野味上次個待應介紹個海鮮半自助放題今次我地3個人決定試吓!我地今次轉咗新嘢叫個西川烤魚煲條魚表面香脆內裏嫩滑個汁帶有四川麻辣香味先來個海鮮拼盤有我喜愛蟶子元貝象拔蚌生蠔鮑魚海蝦等等聽個待應講D海鮮每日由市場直送所以食落比鮮甜美味尤其是蟶子和象拔蚌特別鮮甜好味然後再來安格斯肥牛肉質幼嫩又有牛味跟著再叫些其它配料必要一提就係要叫個通菜佢同個汁好配合有咁多嘢食3佰都唔洗下次一定再食!

之前食開慈雲山覺得好味，點知原來屯門都有當然就腳想去試。點知原來這裡係任食，都冇所謂，但烤魚冇得選擇只有一款，而雞煲放題食得多，烤魚就堅少見…魚有半條一條選擇，今次2個人要一條，配料芽菜偏少，肉質都滑而少⻣，味道滲晒入去又吾太咸不錯。食物方面都選擇多而且新鮮乾淨，份量吾多可以每款叫d....飲品汽水啤酒，仲有大電視。不過唯一吾好係位置比較迫，吾坐得耐

本身約左朋友係荃灣食一品雞煲, 但因為朋友病左, 食唔到， 我立即約左男友係屯門食西川。 幾年前都食過其它分店, 印象唔錯 但屯門呢間就未食過西川有分任食 (139-169蚊一位)同散叫兩種, 今次我地想食質素好啲既野, 所以叫左散叫。 橫掂我地又細食, 不如食啲好啲既果日星期6, 我地唔想等位, 所以6點3就到左, 得3至4張枱有客, 正合我意! 但好可惜, 雖然好少客, 但老闆娘好似食左火藥咁, 不停大聲話啲員工, 對客人又無禮貌! 成晚都比佢嘈住晒, 影響晒心情, 隔離枱都頂個老板娘唔順, 直接問佢 “做咩咁燥, 宜家咁早, 又唔係多客”。之後老板娘好左少少, 但都係好嘈好惡, 反而佢啲員工態度ok我地叫左鮑魚雞煲半隻, 小辣。 入面有4隻飽魚, 好爽口, 好味, 不過記得初頭就要食,唔好放到後尾!之後仲叫左手打墨魚丸, 手打鯪魚球, 本地手切牛肩脊, 響鈴!墨魚丸同手切牛都好好味, 鯪魚球同響鈴就可以唔叫。

一落船就又約腳去開餐喇!幾個人圍埋緊係食烚烚烚最方便啦!呢間其實都食咗好幾次，係我喺呢區食得次數比較多嘅一間，而且新虛呢邊西川雞煲叫唔錯嘅選擇。先嚟一碟先，唔係片到薄切切，三文魚有小小雪味，雖然唔係咩上盛三文魚質素，但78蚊_仲要足一磅，過吓食刺身嘅口癮都唔錯呢個醬汁都係重口味，偏鹹，食到肉香，肥膏白色部份咬口實在，所以食落唔覺好漏。主菜嚟喇!今次只係叫咗半隻雞，但份量都好足吓，味道夠濃但偏鹹，花椒味唔算太重，乾身雞煲嚟講個汁都叫多，啲汁可以包住晒每舊雞，雞肉唔柴口，整體ok!再嚟點咗啲烚烚烚配料：呢個滑嘟嘟，因為本身無咩味嘅，所以係未加湯前放落去淥，吸晒啲汁嘅味，正原本叫蜆嘅，靚姐話今日啲蜆沙比較多，叫我地試呢個，我仲叫佢揀大隻啲比我地，唔使我多講，海鮮夠新鮮就自然係好食!呢個手切肥牛厚薄適中，入口肉香味濃178蚊咁大碟另外仲點咗脆脘腩加，都係夠新鮮配料!當然仲有幾支大啤，啤啤佢嘛

之前試過這裡的水煮魚火鍋，未見突出，只能說不過不失！今次就試下這裡的小食，最重要還是因為這裡有我喜愛的hoegaarden和三文魚刺身不過試完後還是覺得應該不會再來，食物水準一般，服務態度亦未見好（隔離枱的客因沒溝通好重複了訂枱，結果俾阿姐罵）老

今晚屋企冇飯食, 約埋細佬過新墟食雞煲~好耐之前食過一次, 味道幾好,今次再黎幫襯, 反正細佬未試過.簡單叫左半隻雞($128)嘩, 成煲芫茜, 掉都掉唔切....我地揀左個小辣既, 不過D味好似都幾攻鼻...但食落其實係好入味, 辣得黎, 唔駛流晒鼻水咁辛苦咁食丫.雞亦算滑, 唔鞋口, 而且有一陣麻辣味道, 正!細佬話雞煲烚下烚下一定要啤啤佢, 阿姐俾左個冰杯黎, 又幾好喎!!食完隻雞, 係時候要加湯打邊邊喇!唔覺唔覺, 兩條友竟然叫左咁多餸...今晚真係食到攬住個肚走....牛柳粒 ($68)放入個"喱"度烚, 大概數十秒就食得, 未完全熟透的話, 食落仲係軟身既, 總之有流血就食啦, 好有肉味~唐生菜 ($28)臨尾落菜食, 其實都幾油, 但唔叫菜又唔得, 菜本身其實都幾新鮮既~極黑豚肉 ($78)肉片上有少少豬軟骨, 個人覺得陣味有少少羶~手打三寶丸 ($38半份)有蝦, 有墨魚, 仲有"靚"魚球, 樣樣都好彈牙, 好好味, 所以忍唔住要叫多碟手打墨魚丸!手打墨魚丸($38半份)紅薯粉 ($25)湯底咁正, 當然要叫埋個薯粉黎食啦, 今晚真係滿足到爆呀!!!

跟朋友在家附近食飯, 永遠第一句：”食咩好?” 然後兩人沉默半秒, 再沉默半秒, 還是想不出來。的確, 在屯門區找不到好食肆, 所以我們永遠都是隨街找火鍋吃吃便算。這次都是走不出打邊爐, 但朋友竟然一想不想的說：”不如去西川試試, 反正你未吃過。”餐廳是雞煲格局, 先吃雞, 後火鍋。兩個人點了個中的花蛤雞煲。薑蔥蒜椒不少, 芹荽也多, 小辣惹味。雞肉雖較淋, 但入口算滑。雞味都因被汁醬蓋過, 都不用講了。花蛤殼大肉小, 有點乾韌, 不好。雖說只是小辣, 但湯汁慢慢收乾, 味道越來越辣。調味上, 花椒不多, 所以麻味不強。進入火鍋程序, 一碟黃喉也許是這裡名物。爽口不韌, 嚼落有勁。手切牛肉絕對是香港火鍋的必備之選, 可惜手切肉片厚薄不一, 令肉片有些腍滑, 有些鞋韌。相比牛肉, 這個黑豚肉片更好, 而且價錢平一半。肉質有彈性之餘, 也有豬肉的腍香, 不錯。這裡最好的是大部分配料都可以點半份, 兩個人食飯, 多點不同類型而食不下是浪費。可是半份卻可滿足口慾, 又能符合實際。魚片頭有彈力, 但是口感太鬆, 有點虛空的感覺。響鈴只要半份四條, 不如食友般瘋狂。亦不需如靈符作法般煮, 落湯兩秒

想起食火鍋~到哩度見到有個湯底幾新穎即試。。。三文魚刺身:很大片,很新鮮;豬肚雞湯底:有豬肚,有胡椒,再放雞入去滾,無諗過味道真唔錯,鮮甜湯底中帶有胡椒辣辣地幾醒胃,雞肉都好滑;野生竹笙:一般般啦，都係咁，爽口囉;响鈴:好脆,雖然唔知道係咪自家炸的不過真的堅脆,唔淥都好食;手切安格斯牛肉:好新鮮,肥瘦剛好,肉味鮮,睇到已經覺得很不錯;手打三寶丸:很爽口彈牙,味道都係咁上下啦！大眾化價錢,不錯的出品!