西江薈河鮮小館

營業中

休息中

今日在深水埗偶然走進一間小店，點了他們的招牌清蒸鯇魚飯，結果出乎意料地驚喜。魚肉鮮嫩、沒有腥味，蒸得恰到好處，配上香濃的醬油與姜蔥調味，味道相當出色。白飯粒粒分明，吸收了魚汁後更添香氣。👨‍🍳 店員服務態度親切有禮，主動關心客人需要，感覺非常有人情味。店舖環境整潔，光線柔和，令人感到放鬆舒適，非常適合靜靜地享受一餐。💬 整體而言，這次用餐體驗非常愉快。如果你在深水埗一帶想找間舒服又有水準的街坊小店，這間絕對值得一試！

在深水埗這個平民小區，已經路過此館不下數次，因為從來都是喜歡食魚的人，今次有機會去試今這店，店面沒有豪華裝修，有卡座位，也有圓台，環境都10分寬敞闊落，不停有一團人訂咗枱入嚟，相信係一啲老友記，係叔叔們嘅聚頭熱門地點親戚介紹來這家店，星期六晚上六點到店，整晚顧客不多。揀左2-3位的套餐，再加其他菜式，最後點了：今次叫了一個套餐，裡面包括一條清蒸筍殼魚，魚肉又嫩又滑，有個魚肚浸娃娃菜，魚肚好吃，那個欖菜骨惹味送飯一流，為另炒飯粒粒分明，滿足。推薦：清蒸筍殼魚

嚟到深水埗大埔道嘅西江薈河鮮小舘，雖然喺大街但店舖唔多起眼，推門入去店舖唔算大，但擺設整齊，枱與枱之間比較有距離，坐落幾舒服。叫咗幾個小食同小菜，五香牛腱、魚餅拼豆腐，蘇梅欖角骨、葵花鴨、xo醬炒陳村粉。先講牛腱，係失敗，味道係ok但可能煮唔夠時間，或者係部位問題咬都咬唔入，同侍應講都同意換第二樣值得一提。欖角骨咸咸香香係幾惹味，不過又唔似好有特色。魚餅豆腐，魚餅係鯪魚肉加咗啲配料煎香，唔錯。豆腐類似玉子豆腐上面係紫菜炸，外脆內嫩。葵花鴨就係鴨，正正常常。Xo醬炒陳村粉就好似炒河粉，都幾惹味，比河粉煙韌。

之前同屋企人食好好食，幾年冇食再去！非常失望！真係差咗好多！好多菜式好鹹，一定要食飯同埋飲啤酒，如果唔係鹹到懷疑人生🫨但係環境就幾舒服，冷氣夠足！啲炸嘢都OK，其他菜式真係唔掂

今日一班同事開會，散會後去食飯，諗住去警察遊樂會對面食，我地一行8人卻比張6人枱真係好逼，所以掉頭走，同事話不如去大埔道食順德菜，，真心我地一班同事成日經過竟然無人留意到呢間菜館，餐廳裝修唔錯，店員比咗張大枱舒服晒。先來個小食涼拌爽魚皮，真係好爽脆麻油好香。蘇梅欖角骨，先炸再炒咸香惹味。新會葵花鴨，鴨肉好結實，淡淡嘅咸味有鴨味。欖角蒸西江邊魚，同事重點推介，話稱號係淡水石斑，的確好滑，欖角咸香，不過好多骨，仲要係丫叉細骨，食嘅時候要好小心。西江小炒王用料足，同其他餐廳小炒王差唔多，無特式但係好食嘅。魚香茄子超多肉碎，有落咸魚有鑊氣，好食但咸咗少少，餸白飯就正。豉油王炒麵，面係方形麵條，麵質彈牙加洋蔥芽菜炒得好乾身美味。

今日去幫襯午餐，眼見選擇勁少，本以為係貴精不貴多，最後叫左兩份，食物上分別咸雞飯同梅菜扣肉飯，雞只係得啲頭頭尾尾，扣肉只係得三件，例湯仲帶有漂白水味😓以厘個質素深水埗黎講，50蚊嘅午餐，可以有更多選擇。

🍚出色街坊小菜🍚-對比西餐，司令一向喜歡食中餐🤣，最喜歡周圍發崛好食既小菜，今次介紹喱間，位於深水埗同石硤尾交界，好多手工野都做得好食，而且價錢超抵，絕對值得一試！前菜必試佢地既三層豆腐($45)，外表炸到好似臭豆腐咁脆，咬入去係玉子豆腐質感，底層仲有菠菜增加口感，滿意！玫瑰頭抽雞($128/半隻)個人覺得都係必食，出奇地肥美，做得好入味但同時keep到雞肉嫩滑，再配少少佢既汁拌飯完美。陳皮雞蛋焗魚腸($98)而家好少餐廳做，喱到魚腸完全唔會腥，而且魚腥比得多，配少少胡椒粉已經好好食。另外點既二人套餐($328)，有清蒸筍殼、蘇梅欖角骨、魚肚浸時蔬，有三道餸超抵食！睇餐廳名就知一定要食魚，蒸筍殼肉質嫩滑，蒸既時間把握得好好，加埋蒸魚豉油已經好好食啦。欖角骨口味酸甜，口感微微焦脆，都好唔錯。

呢日一個人路經深水埗，唔知食乜好，見呢間店有飯餐，又想食魚。就入去試下。店鋪唔算大，枱同枱之間都有距離，同埋有背有墊座位，坐得都舒服。梅菜蒸筍殼魚魚肉蒸得剛好，魚肉鮮甜又滑，個餸大都是魚汁，少許醬油，配埋梅菜。送飯食一流。我見餐廳都算多選擇，平民價，可再光顧。

第一次光顧有驚喜，絕對會回頭。一行七人點了八個菜：蘇梅欖角骨、魚香茄子煲、魚肚浸時蔬是三個最帶給我驚喜菜式👍👍👍每款$98，價錢公道。魚片釀勝瓜也很清新，$88抵吃。油浸筍殻魚做得有水準，沒有辜負餐廳以河鮮菜式作為招徠。其餘還點了新會葵花鴨、花膠奇味雞煲和蜜椒脆魚球（我們要了鱔）當中個人比較最不喜歡密椒脆魚球，味道有點過甜同埋過鹹。菜館走大眾格局，但坐得仍然舒適服務亦到位。所有菜式都鑊氣十足，未吃入口已經贏咗一半😀地點不算太方便，但由石硤尾或者深水埗或者太子地鐵站行過去都係大約6至8分鐘,如果冇老人家同埋小孩仍然係可步行距離。

位置不太方便, 但喜歡河鮮的朋友值得一去, 比起很多順德菜餐廳煮的淡水魚更為吸引. 點了清蒸鯇魚, 只是用剁椒和豉油處理, 這條魚一點也沒有腥味, 大而有當, 魚皮彈牙肉質鮮嫩. 當然吃河鮮最有挑戰性的一點, 就是多骨, 這條也不例外, 但用筷子叉開魚肉, 見到肉汁流出的一刻, 挑骨這件事也會拋諸腦後.除了原條蒸魚, 煎魚餅也是這裡必點的. 陣陣陳皮的清香除了清除魚肉本身的腥味外, 更能令其味道更多元化, 肉質軟糯但外面煎得香脆, 伴上特別的海南黃椒醬, 帶有微辣, 更為惹味. 魚香茄子煲的鹹香味十足, 送飯一流; 而豉油雞的豉汁香甜, 其汁液滲入雞肉之中, 加上新鮮雞才有的鮮雞味, 又是令一道令人歡喜的菜式.

不論男女老幼，中菜永遠都屬家常便飯，今次再來到這間河鮮中菜廳，菜式也比較特別。其實也來過很多次，所以今次簡單介紹下。粟米魚肚羹的魚肚多的是，很不一樣的出品。這個名叫魚肚炒蛋的小菜，其實我覺得是蛋炒魚肚多少少，或再過分啲叫佢做炒魚肚，因為真係多。。。。。。。肚少蛋。這味甜椒鱔球是叉燒妹的摰愛，有蜜糖的菜色不論是海鮮或肉類，小朋友都十分喜歡，就算是平常不吃的食材轉眼間也加分了。至於鱔魚方面，是非常健康的，對日本人來說這類鰻魚是男仕們應該多吃的😋😛。欖角骨也是帶有蜜糖的，所以大家也吃得很高興。不過今次肥肉偏多，有失水準。雜菜煲不用多解說，就是貪佢有湯有菜夠健康。總括來說香港吃河鮮的地方不是太多，除了這店以外，我記憶中就由九龍灣和佐敦等等。雖然河鮮不及海鮮，但是河鮮也有他的美味之處，在香港大家都是吃海鮮的主要原因都是因為價格，感覺上比較”值錢”。雖然這店的河鮮選擇不是很多，但是它的菜式選擇也不少，家常便飯以致大排檔等等的出品可供選擇，有興趣人士可以嘗試新口味。

<呢間好好食 要試！>😀深水埗區不嬲好多野食 尤其係中菜大排檔 今日 random網上 search到呢間西江薈 有唔同特色中菜 佢寫得河鮮菜館 所有好多野食都有魚類 好似蒸魚 魚餅 魚肚等 另外 雞都好正🐥 雖然佢地址寫長沙灣 但其實佢係喺深水埗同石硤尾之間 大家唔好撈亂👍🏻 佢個地方係中菜館甘 坐位都算闊落 我一行8 人 加個 bb都坐得舒服 🍴6 人餐6 樣餸 638 蚊涼拌爽魚皮 🐟例芝麻大葱 葱花椒絲等等整成既醬汁撈落爽彈既魚皮 凍食既魚皮好入味 口感好好 正！ 🌶🐟 🍴6 人餐6 樣餸 638 蚊蘇梅㰖角骨🐷個醬汁酸酸甜甜 應該係類似梅子之類 既醬 㰖角唔多 個味幾出 佢個豬排骨整得幾有鑊氣🔥 出面有 d脆 肥瘦一半半 我都忍唔住食左 d肥膏🐷 🍴6 人餐6 樣餸 638 蚊 魚片蒸勝瓜🐟佢個豉油汁唔勁 完全用魚同勝瓜既味蒸出黎 清清地 加 d炸蒜調味已經唔錯👍🏻🍴6 人餐6 樣餸 638 蚊魚肚浸雜菜煲🌿魚肚好多🐟 都整得幾爽口 同幾厚身 個湯有少少紀子調味 都幾清甜 入面既雜菜 好似主要係菜心 印像中都好新鮮既 唔錯 🍴6 人餐6 樣餸 638 蚊 清

帶老爺去吃生日飯，之前來過這裏覺得不錯，所以預早訂了位今天再來。我們訂了六點，八點就要離開，時間還算充裕。今天沒有點套餐，選擇散點，我們點了幾個菜。《武昌邊》老爺喜歡吃魚，就點了一條邊魚，大概一斤半左右，之前吃的一盤都是薑葱蒸，這次是用欖角蒸，很特別，熟成剛剛好，肉質非常嫩滑很鮮。《芬香鹽焗雞》老公喜歡吃雞肉，所以點了半份，皮薄，肉質亦很嫩滑。《蘇梅欖角骨》上一次都有點這款欖角骨，覺得很好吃，所以這次也點了，但因為上一次是點套餐的關係，分量相對比較少。《蒜蓉炒油麥菜》點了好幾款肉，不能沒有蔬菜，所以點了油麥菜，非常清甜爽口。還點了一支啤酒。最後再提一下，這裏只收現金。

今天去拜山之後，老人家提議晚上到這裏吃晚飯，所以就訂了位。還好我們有訂位，要不然可能就沒能吃到了。首先店員會問我們要喝什麼茶，有普洱和鐵觀音兩種，我們點了普洱。之後點了二人餐，這個餐有三個菜，分別是《清蒸筍殼王》這條魚真的非常好吃👍🏻肉質很滑嫰很鮮，骨比較多，吃的時候要小心喔。《蘇梅欖角骨》這道菜我比較少吃， 一般都是吃什麼沙拉骨，梅子骨，但這道是用欖角煮的，真是第一次嘗到，味道很特別，欖角味很香，肉質惹味香脆，甜甜的，小朋友應該會喜歡，但是有點油膩😅《魚肚浸時蔬》這道菜很清淡，娃娃菜很鮮甜，魚肚軟腍，吸滿了蔬菜的鮮甜味，很好食。我們還點了一個小吃《葵花鴨》，肉質嫰，沾了點白醋吃，味道可口。另外還點了白飯和啤酒。#這店暫時只收現金

上個月同女朋友一家人去到深水埗嘅西江會河鮮館食飯，地方位置都算方便，距離石硤尾站只不過係10分鐘嘅路程。我哋一行九人叫咗非常之多的餸菜，最值得一讚嘅係條魚，非常之鮮味。我哋個個都對佢哋嘅食物質素讚口不絕的，雖然間餐館嘅裝修只係傳統嘅中式菜館，但係味道就給人驚喜。侍應上菜嘅時間都非常之快，同埋都係周不時都會同我地吹水傾計，感覺上只有傳統嘅中式菜館先至會比到呢種人情味嘅感覺俾我哋。埋單最尾都係$1000左右，以咁多碟餸菜來講都算十分之抵食，下次有屋企人生日會再過嚟食飯。