影片
真的好耐冇感受過西貢既夜繽紛了。所以，這一次一家空住肚回到西貢墟，立即決定食埋個飯仔才返屋企。之不過，西貢的夜市餐廳，除海鮮酒家，西餐廳及泰國菜之外，想平民一點食個炒粉麵及小菜晚餐，選擇的確係好少。尤其在疫情後，更少。幸好，有好幾家老字號的茶餐廳，依然會開到好夜的，而其中的一間，就是《西湖餐廳》了。平時來《西湖》，都是早餐或 lunch time。夜晚，仲要成8點半才來到，倒是第一次。餐廳的老闆娘認得我們，叫我們快點進來。原來，疫情之後，他們調整了關門的時間。他們9點多就會打烊了，因為根本沒有更夜的食客。而這，也是近年來，香港餐飲業的悲歌。晚市沒有太太喜愛的焗飯，所以只好叫一碟羅漢齋炒麵。純蔬食的，也不會整到成碟野都係汁。大大片的荀又增強了爽甜的口感。再加上十分脆的麵底，是二十分的可口。我同小朋友就叫小菜食飯。其中的一個，是老少咸宜的咕嚕肉。這咕嚕肉，基本上是一片片的，甜酸汁亦緊緊地扣上肉片上。入口甜美，口感亦非常之脆，伴以菠蘿同青椒，味道又多了幾分的清新。給小朋友伴飯吃，十分之好。來到的當日，是溫度很低的一天。天氣凍，當然食羊腩煲保一保暖啦。一個爐，一個煲，一盤菜，再加每人一碟仔腐乳醬，這就是港式羊腩煲既精神所在。滾起來了，充滿了大蔥，充滿了羊腩，枝竹及馬蹄的羊腩煲，絕對是香味四溢。羊肉不算很羶，但其獨特的肉香味，絕對會令人吃不停口，以這一個羊肉湯煮過的菜，更加是香口惹味。食完，全身有暖意，口腔亦能嘖出香氣。喜歡吃羊的人 (即是我)，係會感到萬分滿足的。《西湖餐廳》的早餐同午餐，我們一家人吃得多。這次難得一試他們的晚餐出品，同樣係可以令我們開心的啊。沒疑問了，這《西湖餐廳》，奠定是我們一家人，在西貢墟的飯堂。
繼續閱讀
去完西貢沙灘，出返市中心搵野食。平時近碼頭一帶既餐廳多數都會貴少少或者坐得逼，朋友介紹左行遠少少黎呢間西湖餐廳去食小菜。我地叫左幾個餸，每個餸都送一碗飯同湯。第一個避風塘雞翼，非常入味，但又唔會好辣，好惹味。第二個京都骨，個汁既味道就幾好，酸酸甜甜，但肉既質地同肉味就麻麻，唔知係咪有用粉 拿過。第三個沙爹金菇肥牛，個人覺得都係一般。唔太有味，牛肉好似比較碎。呢度既小菜份量都好大，每人叫一個餸，都可以食得好飽。但個人覺得味道方面就一般，但係西貢黎講，都算抵食。
繼續閱讀
一間離西貢市中心還少少，係天后廟旁的兩層村屋，又抵食又夠鑊氣的街坊餐廳👍 見好多街坊入嚟食嘢都會打招呼講下生鎖碎事，做街坊生意的一間小店。 除了味道還有人情味🥰避風塘茄子 ⭐必食⭐薄薄嘅脆漿包住茄子去炸， 一上枱心急放入口，熱到辣親😅 咬落去索一聲好脆，外脆內軟嘅茄子真係炸得恰到好處👍 加上避風塘嘅碎蒜 辣椒簡直係絕配🤩沙薑雞腳 都係每次嚟都必食👍 一定要趁熱食， 雞腳已帶有淡淡的鹽水味，想再濃味d 係沙薑醬油碟幫隻雞腳轆個地沙就更惹味😋例湯 唔好以為係例水呀，係足料無味精靚湯😋豆苗扒什菇 豆苗幼嫩唔老加上什菇嘅汁好夾😋香煎蓮藕餅呢款都係每次去都會叫的食物之一，今次個肉比例多咗，鞋咗少少。 之前食過表面煎得香口內肉餅仍嫩滑。 期待keep返次前水準每次去西貢行完行山玩完水都喜歡大班人去西湖食晚飯😋 小至4人枱大至12人枱都有，加上冷氣充足唔洗坐戶外大排檔，價錢合理，碟頭都夠大👍 係晚飯聚腳嘅不二次選😋
繼續閱讀
臨近農曆新年前夕，兼且最近家庭成員裡面，發生身不由己的重大事故（原因不便公開，請見諒），令我無法正常享用肉食，只能夠在正餐裡面，享用素食和齋菜等等的蔬菜食品。結果中午我選擇了，在舊墟門口的茶餐廳「西湖餐廳」裡面，享用「羅漢齋炒河粉」配凍「柚子蜜」飯，作為午餐裡面的食品。反正我這段時間裡面不能夠食肉，所以改食炒河粉代替「白飯」。由於「羅漢齋炒河粉」裡面有很多味道偏鹹的醬汁，所以炒河粉的實際口感沒有我原本預期那麼乾，實際味道也都是有鹹味，只是沒有肉類伴食，感覺有點枯燥而已。而且河粉已經被「西湖餐廳」廚房所完全拆散，所以每條河粉都總算是分明而有條有理，完全吸收醬汁裡面的鹹味，彌補「羅漢齋炒河粉」本身沒有肉類的先天缺陷。至於「羅漢齋炒河粉」裡面的蔬菜配料，包括有「小白菜」、「蘑菇」、「玉米筍」、「紅蘿蔔」、「黑木耳」、「芽菜」等等新鮮蔬菜。至於「紅蘿蔔」、「玉米筍」和「黑木耳」等蔬菜的實際口感感覺都算是十分爽口，配合鹹味而稠密的醬汁一起享用的實際效果甚佳，當然配炒得十分均勻的河粉一起享用，味道效果比只食蔬菜更加濃厚。至於飲品「柚子蜜」方面，底層有很多被切成碎的「柚子」果皮果肉，「柚子」本來的味道就已經有一陣甜味，單單享用「柚子」就已經感覺到甜味。本來屬於甜味的「柚子」，再加入甜味的蜜糖糖漿作為調味料之後，令「柚子蜜」飲品實際製成品的味道，充滿了感覺十分濃厚，不需要刻意另外大量糖漿，只需要攪勻能夠喝到濃厚甜味的「柚子蜜」。不過「西湖餐廳」「羅漢齋炒河」實際售價，比「咖喱牛腩飯」來得更加昂貴，「咖喱牛腩飯」只需要港幣五十元，反而我的「羅漢齋炒河」卻需要港幣五十二元。所以下次有機會在不再需要食素食齋的情況下再光顧「西湖餐廳」，在「咖喱牛腩飯」跟昂貴兩元，賣港幣五十二元的「羅漢齋炒河」裡面二選一的話，我寧願享用「咖喱牛腩飯」好過。
繼續閱讀
話説行完山之後就坐車去到西貢市中心, 大家都知道西貢碼頭附近食肆林立, 咩野食餐廳都有, 所以響果度住嘅話絕對係餓你唔死, 重可能食到你肥都似不過我因為太耐冇去舊式茶餐廳嘅關係, 好掛住當中嘅炒粉麵, 所以就選擇左一間其貌不揚嘅茶記食個下午茶了好少茶記嘅下午茶可以比到肉絲炒麵, 咁個麵底都脆口, 乾身唔油膩, 邊位有少少燶燶地更增加風味, 上面嘅芡汁同埋肉絲好多, 芶芡效果好好所以個芡唔會食到化水,而肉絲都好新鮮唔會梅, 整體都幾好食星洲炒米就相比下比較失色, 因為唔辣, 只係得薑黃粉調色但冇果種辣去刺激味蕾, 我期望佢咖哩粉會落重手d, 不過都炒得好乾身, 要有嘅野都有, 例如火腿絲, 蝦肉, 叉燒絲, 蛋絲等等, 明明炒得好好但調味保守搞到浪費左個炒底, 可惜d凍檸茶好大杯呀, 不過比較甜, 建議少甜少凍, 岩岩行完山記得要補充水份呀最後埋單兩個各47蚊, 價錢還可以啦, 但環境舒服自在
繼續閱讀