西貢星越泰風味館 (已結業)

去到唔使等位．坐都坐得好舒服　本來諗住叫二人餐１６８好似幾抵，但裡面有幾樣野麻麻．比如粟米餅，所以最後都決定散叫。原先叫左兩個撈檬同豬頸肉，點知侍應竟然轉頭同我講無檬粉！聽到當場打左個突，７點未夠無檬粉賣，太誇張了！最後叫左個海鮮炒飯　好多材料呢～　　燒豬頸肉　好味！特別係個汁　鳳尾蝦春卷　非常抵食，＄２５／４隻　咁既價錢味道算好正。仲有個　椰汁西米糕，非常好味！荷葉包住滿滿既西米，又唔會太甜，正！

今日同班D同學去屯市LUNCH, 決定去西貢星試下, 我係第一次食呢~去到立即有位, 可能已經14:00, D學生走哂..我一行8人, 去左間房仔, 有電視睇, 不錯~我叫左牛丸扎肉湯濛, 飲凍檸茶, 24蚊.飲品先來, 一飲, 茶OK, 不過糖水略嚴偏多, 可能不小心落多左啦好~ 等左陣, 碗湯濛到了, 賣相OK, 味道呢? d 濛粉淋左dd, 而牛丸比以前在建生食果間好d, 而扎肉有d肉味, 不過在卓爾居果間之下.湯, 係大路果d湯濛/米線湯我增加一項評分: 飲品: 3.5/5不過有不少同學話份量不太夠, 如果自問好肚餓, 食量大, 就不太適合叫這個湯粉類食評寫到lee道, 其他野食就交比其他網友分享~

之前睇OpenRice 呢間西貢星評語唔錯，所有就選了呢間。星期六晚上7點來到，已經要等位，大概10分鐘就有位，不過不是卡位，可聽得見隔離檯食客聊什麼。炸春卷︰在沒什麼期望下出奇地好食 鮑片粉絲雜菜煲︰鮑片有咬口，不過粉絲份量較少法包咖喱牛腩︰牛腩一般，但法包蘸咖喱汁很香口，當然也很熱氣越式菠蘿炒飯︰水準還可以可能因為食客多，每次叫侍應加茶都要等一下。

在屯門華都商場靠裏一點的走廊，有幾間食肆，那天晚上就是徘徊在幾間之間，最終選了這間西貢星。不想左揀右揀，要了個二人餐。越式炒河 - 夠鑊氣，條條河粉沒有黏在一起，好味~原個法包焗咖喱牛腩 - 牛腩和薯仔都夠林夠入味，咖喱汁好味，法包吸收了咖喱汁也很好食~ 而且很飽肚~~牛油雞翼 - 比較肥膩，而且因為食到最後比較飽，沒法食完，於是打包回家不要浪費~

是日又係到西貢星的時間我又叫左最愛既凍檬今次係牛肉鴨胸凍檬本身唔鐘意食鴨胸但都試下啦味道ok唔會太咸凍檬真係好正跟佢既醬汁配搭得好好好醒胃服務都唔錯上菜好快因為我地係學生所以25蚊唔洗加1絕對抵食

今日去西貢星諗左好耐食咖哩海鮮炒飯定食撈檬好撈檬成日都食但今次撈檬有雞翼我好想食XDD但.....友人們次次都話炒飯好味好啦今次就試下啦咖哩海鮮炒飯1上台咖哩味好重好香呢睇下有冇料先料都幾多有好細粒既蠔仔有魷魚有蝦仔味道唔錯而且份量好多餓到死既我都食唔哂果然炒飯真係好好味下次去西貢星又多多樣選擇

叫左2個湯檬....味道都ok的~不過食左少少已吃不下了因為賁在太oily喇....成碗湯都是油.....佢d 春卷都好油...好滯......下次唔會再叫食物還是其次...服務態度還真是mama....我地點野食時得好少人點左之後等左成3,4個字都未有野食....催一次冇反應....要催多次佢地先識著幫我地去kitchen睇下好喇~~到D野食來到佢竟然來少了一樣....(我叫了雙併...佢比漏左樣野我)我同經理講不如你收番我單併價錢...佢又話落左單廢事改好...咁即是又要我等啦....唔好意思都唔講句....到左埋單喇~好唔明點解佢地成日要我地催先肯做野佢地又唔係忙woo~個個都是行行企企....催左2次先有人慢條斯理地比張單我地佢望住我...我又望住佢....幾多錢呀???唔係應該講"多謝你$XX呀" ?我要自己望張receipt先知lo....佢地咁ge服務態度如果比mystery shopper check實扣哂佢分!!我地決定下次唔再去呢間又不是好好味又成日要我地等ge食肆食野~

其實今次係我第3次黎西貢星上個禮拜2同禮拜6都黎過我覺得1次比1次好味呢!!!我仲記得星6我係食左扎肉牛肉凍檬凍檬夠凍扎肉終於唔係圓look look的我最鐘意係1片片既扎肉彈牙唔會太林正牛肉都有好多味道唔錯食落去真係好醒胃今日本身想揀海鮮炒烏冬因為星6見我個fd食得好開心侗話好正點知今日冇唔緊要啦咁又係凍檬既時間今次係雞絲漢堡扒凍檬本身覺得漢堡扒同凍檬唔可以並列原來得架味道唔錯好足料又大碗食完已經飲唔到野飲不過我覺得要改善既係野飲既甜度真係好甜呢-v-食凍檬又想平平地西貢星絕對係不二之選ps因為我係學生所以25蚊有埋凍飲如果唔係學生或者假日的話就係30蚊左右

半年無去過，琴晚約埋5個friends，又去試下d 野有無up or down！睇下個餐牌，依！又多左好多款野窩，店員特別推介「紅燒大頭蝦」，話係以前唔知邊間出名越南餐廳大廚「老趙」的私家菜，睇張相又好似幾ok，就一人要半邊試下，再加幾個新、舊(必食)菜式！好、開飯！ 蒜蓉包：必吃之一，而且一次比一次進步，雖然係好簡單的食物，但經常 被忽略，要做到外脆內軟、味道濃淡適中，雖然唔係話好難， 只係好多時好多餐廳都無用心去做！ 芝士焗青口：必吃之二，唔使講，你自己去試下！ 馬拉盞炒通菜：必吃之三，我鍾以佢香得尼又唔咸。 生蝦剌身：必吃之四，實在太抵食，每次都會叫兩、三楪。 炒牛柳粒 ：驚喜之作，我唔知佢用左邊種牛肉，但做到剛剛熟，入口香 軟，size真係剛剛好，男人就可以一啖過，女士們就可能要分 兩啖食，咁先致有咬口，我最鄫有d 餐廳會切到粒骰仔咁細， 食藥咪！ 橙香骨：我不丑對用檸檬、橙等做菜式無好感，今次都唔例外

搞到兩點幾至揾地方食午餐 , 記起呢到有下午茶 , 而且唔洗加一 , 就貢左入去喇叫左個自選越泰式湯粉 , 單拼只需$18 , 仲包熱欽 , 凍飲都只係加$2揀餸方面有好多選擇架 , 有香茅豬肉,牛肉 , 生/熟牛肉 , 春卷 , 豬扒 , 雞翼 , 扎肉 , 泰式雞扒 , 餃子 , 墨魚丸等等.........粉方面可配河粉 , 湯檬 , 湯金邊粉 , 湯粉絲 或 凍檬除左湯粉麵 , 佢哋下午茶仲有炒粉麵飯同其他小食 , 勁多選擇呢!我點左泰式雞扒凍檬 , 碗嘢份量唔似下午茶 , 其他配菜如青瓜 , 紅&白蘿蔔絲亦不少.雞扒煎得幾香 , 雞皮仲有d脆脆哋 , 加埋d魚露好好味啊!叫埋凍檸茶 , 廿蚊埋單抵到爛! 好滿足

今次專程黎試下，皆因上兩次太多人既關係．杯茶似係玄米茶，但是店員話係泰國出產既香片，好飲．叫左個二人套餐加一個小食，加一後，承惠$163．服務都不錯，不時為你加茶，幾有笑容．１．法包焗咖哩雞：泰式咖哩唔太辣，都幾香味道，可接受．２．牛油雞翼：炸到香脆可口．３．越式炒河：雖然係無咩材料（蝦，芽茱，肉碎），唔太油，辣度適中．４．飲品－熱檸茶５．小食－蝦春卷：點魚露食，帶出了鮮味．

和朋友慶祝生日, 諗起呢處座位舒服而設計幾靚, 正好讓我們暢快食一餐。我們爭先點菜, 食了泰式豬頸肉炒烏冬, 很惹味又足料, 豬頸肉新鮮好咬口, 雜菜牛肉粉絲煲, 材料豐料, 越式春卷好鬆脆，包上生菜點酸汁好好味，炸蝦餅很有"口感", 芝士焗青口很香口，泰式牛仔骨, 入味又香口, 牛腩焗法包,配搭出色, 甜品係千層糕及椰汁西米糕, 很好味呀！食物方面我地都幾滿意, 但唯一要改善, 是侍應的態度較懶散。我們下次會再試其他食物, 今次食得很滿足呢！

見無乜胃口, 想食番d酸酸地開胃既野, 於是決定食越南野, 本來諗住去小巴黎不過同事話呢間都唔錯所以就去左呢度食.叫左個豬扒撈檬＋紅豆冰豬扒撈檬好食, 塊豬扒煎得好金香又唔多骨, 檬粉都唔錯, 夠凍, 撈埋d泰式酸汁真係好開胃, 最欣賞佢仲有d青瓜絲, 蘿蔔絲, 生菜咁做配料. 雖然係配料但係份量都唔少, 好開胃紅豆冰就出事喇. 好難飲, 成杯都係椰奶咁制, 太甜! 但太甜之餘都仲飲得出佢開左水！d椰粉仲未溶晒飲個陣會飲到一pat pat 粉咁好奇怪-__-lunch 時間雖然多人但都幾舒服, 同埋張椅子好林好舒服 一個笑一個喊, 拉番個平衡呢餐比個ok 啦, 都會再黎既

夜晚7點9去到，唔駛等位仲對住電視機坐，GOOD，點菜寫單快、落菜仲快15分鐘到齊。泰式豬頸肉炒烏冬$42: 大大碟既炒烏冬，味道夠入味，豬頸肉又多。雜菜牛肉粉絲煲$42: 超級大煲，牛肉又多又新鮮，雜菜又爽脆，湯汁有好香既麻油味。泰式燒牛仔骨$58: 雖然D牛仔骨比較肥，但味道足夠又香口。

星期五既晚上~相約好友返屯門dinner.由於朋友仔成日黎食間,又覺得唔錯~所以就提議我要試一試~19:40黎到唔駛等位就有卡位座~o係星期五既屯市黎講好少餐廳唔駛等~可能呢間餐廳夠大卦~總之到約20:15先見有人等位啦….由朋友全權點菜: 咖哩牛腩焗法包-$68, 越式炒河粉-$36, 馬拉盞炒通菜-$32馬拉盞炒通菜夠大碟~而家通菜係當造期~所以好靚, 見到大多數客人都係叫通菜~炒得好夠味~但好油….一望個咖哩牛腩焗法包, 就知唔多掂~ 係我食過咁多個以黎, 個法包焗得最差既一個…此菜式法包同咖哩汁同樣重要~但竟然:一, 法包焗得唔脆…淋得滯~唔通好趕時間?二, 咖哩汁比得少~ 要叫佢另外比一小碗黎蘸麵包~不過~ 可取既係牛腩炆得好淋…同埋份量好多~朋友話之前lunch食過係好食既越式炒河粉…唔夠熱~味道淡…~配料有扎肉條, 蛋絲同少少蝦仁同椰菜絲....份量大~食唔曬~打包返去比哥哥食~連佢都話冇味~..菜份量幾多~我將食唔曬既牛腩同法包拎番屋企~第二晚自己焗番黎食~好食好多呢…..~服務就普通啦~d waiter 見到都會斟下水既…不過~收碟收得真快~有少少想趕你快d走既感覺呢