西貢松記車仔麵

營業中

休息中

松記車仔麵久享盛名，我亦曾在數年前光顧過，所得到的答案是“不外如是” 這次重臨卻有了不同的感受......這次我們要了招牌雙寶：蘿蔔牛腩($50)和豬手($45)，珍珠奶茶(特價$9)和涼粉(特價$6)。 牛腩充滿着香料的美味，當中包括有不同的部位，令你不會有單調的感覺；豬手亦不錯，膠質豐富又不太膩；珍珠奶茶和涼粉不太特别......但我最想與大家分享的是松記的衞生環境，無論是桌椅、碗牒或洗手間均又乾又淨，難怪連續十年奪得衞生大獎。 員工回答我的讚賞時表示 "不衞生顧客便不會來了！"，確深明生意之道

自己一個人到西貢行街,見松記門口好多人排隊又未食午餐,又未試過松記車仔麵,咁就跟注人排隊,不過好有秩序,而且重有個姐姐安排坐位,唔須要自己揾位真是幾方便,同普通車仔麵一樣排隊自己叫,但有好多種選擇,我選了豬手牛根腩河$29元,加多個咖喱魷魚小食$20元,要多枝無糖可樂$8元. 先講碗豬手牛根腩河,豬手得一件,牛根兩舊,牛腩兩舊咁就收$29元,而且份量真係好少,食落真係好普通,沒什麼特別驚喜,而咖喱魷魚只係將魷魚加點咖喱汁, 跟本魷魚就無味重要二十元,如果本人覺得比較好味是牛根,夠淋夠入味,牛腩比較瘦但唔痴牙,豬手未夠淋但味道可以.總括來講五十幾元食車麵真是有點貴..................

一行八人行完山, 極度肚餓, 聽講松記好出名, 就一於試下 採取自助形式先選擇食物和付錢之後店員將食物送上本人叫了魚皮餃魚蛋蘿蔔粗麵 粗麵好一般, 而且有梘水味 湯底淡而無味, 比得上滾水 !!魚皮餃剩係食到d皮, 四海既好食好多 魚蛋蘿蔔都係無mud 味各朋友叫了各式各樣 : 八寶麵, 4/ 5 / 6餸拼幼麵/油麵/米線… 結果大家評語非常一致 : 唔好食 有人加了腩汁, 都一樣話無味最ok 既就係汽水lar ~真係大失所望 ! P.S. 而家睇番食評先知好多人有同感 !

每次經過松記門口的小巷，　都見人龍。　今次都唔例外。排左十分鐘左右，終於到我了。係揀食物時，　會見到松記車仔麵Ｄ食物，整得好整齊，好乾淨。之後我講左要咩食物，店員會好快咁將Ｄ食物放上碗，而且仲排得靚靚地。店員會幫我拎碗麵到我個位。我都係食返招牌菜之一的豬手同豬腸。豬腸仍然係咁爽口同入味。　豬手會有兩件，一件係腳指，一件係腳中間的位。　兩件都炆得好軟熟又好入味，正！　食完豬手之後，　咀邊會有Ｄ粘粘地的骨膠原黏住，呢個時候，　就要叫返支汽水。

因為係自己搵位所以不用等位... 但在排隊買麵時，見到待應姐姐不停安排和疏導等位客人，值得一讚 其次係客人點餐後，員工會幫客人將食物送到座位，可以避免倒瀉食物；不過導致門口位擠滿員工和客人正題 - 食物方面，選擇尚算多元化，但可能明星效應及食材價格上升的關係，價格較高。一碗四竇 - 牛筋、牛腩、牛肚及豬手 $42 ； 一碗八竇 - 雞翼、蘿蔔、魚蛋、豬皮、魷魚、紅腸、豬紅加菜 $45豬手、牛肚唔淋、牛肚直到咬唔開.... 可能我地無牙喇 八竇 - 成碗野都係唔啱味... 我地食既係生幼麵...好重梘水味 湯底可能有味精，所以食完好口乾 >"<總括而言，偏貴，唔太好食同埋坐得唔太舒服....

星期日去西貢玩, 見未夠鐘就整碗車仔麵先車仔麵其實都係食D基本野, 只係唔明點解而家周街都係D難食既車仔麵..........今次叫左油麵底, 跟豬腸,雞翼, 蘿蔔. 油麵冇淥到過淋, OK; 豬腸夠乾淨, 不過再諗D更好; 蘿蔔夠淋不過唔甜; 雞翼都夠味, 不過得兩隻. 鬼叫而家百物滕貴咩平心而論. 食物只係一般, 不過已經比好多而家求其到爆既鋪頭好

次次入西貢，都見到成村人排隊，今日趁住下午茶時間，應該無咁多人，即管試吓，結果令人失望。服務：一般啦！D阿姐態度算OK，但係買嘢食嘅程序就奇奇怪怪，要自己排隊買，都唔緊要，但俾錢就要去另一邊，人又多，又要你快，當正每個入去食嘢嘅人都明白買嘢程序咁。其實點解唔用紙點餸呢？我老公話可能佢地想多D人排隊，製造好勁影像咁！味道：都好一般，最奇怪係叫淨餸的話，係唔俾你叫牛腩的，真奇怪！價錢：貴！咁嘅價錢，好多地方都食到！以後都唔會再幫趁！！！

八月上旬‧晴三十七度去練山，用十五分鐘上天梯，大家可以想像有幾甘。當然之後要找點東西吃一吃，路經此地，吃碗湯米也好。要了牛筋腩，不韌，但沒有什麼牛肉味，已經浸到沒味。反而牛筋幾好，腍又軟。服務幾好，而這裡食物選擇也多的。

麵底一般。幼麵（幼麵應該系最具代表性湯底一般。無想飲左佢想法，不夠香濃羅白。味道太簡單，不豐富，只是一般豬紅。不夠質感，只是一般牛腩。食吾到，好過份豬長。吾夠香，而且又是食吾到生菜。正常豆漿。正常價格。非常不合理車仔麵系本人其中一個非常喜好食物，我一直覺得系我幫佢作個名為＂拿揸麵＂，由兩毫子食到而家，不過好奇怪，平民區先食到好的，可能旺區反而因為流量太快，而車仔麵基本運作就系可能攪得夠時間先好食，所以從來沒有人同你講日賣幾多碗，多就一般吾好食

明星車仔麵？﹗不過又真係比一般車仔麵檔寬倘、乾淨、光猛，坐得舒服。而且食材、湯底及醬汁都比一般既要好，選擇算多，而且味道唔算差，滿意 ﹗最差係辣椒油囉，係現成街買既桂林辣椒，唔係自家製。今日遊船河，所以一早入到西貢，想獨自嘆個早餐。原先去左對住小巴總站既茶餐廳，點知佢地話好忙唔得閒，只供應餐肉、火腿、雞蛋既三文治同即食麵，又或煮現成既粥同炒麵。佢地真係擺出唔休做咁既姿態，嬲嬲地即轉場。招牌四寶幼麵，即係牛腩、牛根、牛肚、豬手同生菜，事實係比起坊間一般既車仔麵質數為高。牛腩夠棉夠腍，部份仲係爽腩位，其他都唔錯，生菜爽甜，平均大路。麵烚得剛好，不會過腍，雖然未可以話非常好食，滿意啦。湯底香甜、味精少。售價 HKD42，都物有所值既，份量夠足，早餐黎講就真係太 HEAVY 喇 ﹗

因公事要到西貢一趟, 平時去西貢我就郊遊比較多, 好少在西貢市中心搵食, 跟同事二人四圍行下有什麼好地方先搵食, 行下行下入了條小卷, 見到有間車仔麵比其他的食店人多, 而鋪面面積又比附近的小店大間少少, 同事話這間人咁多, 應該都唔會差得去邊, 而且仲係有冷氣, 唔駛在outdoor area食飯, 咁兩個人如事者就入左去啦. 雖然是午飯時間, 但大部份客都係食完就走, 所以都不用等位.一坐低阿姐就問食飯定食麵, 食飯就落order, 食麵就自己去車仔檔到叫, 咁我唸這間店主力是食車仔麵, 咁就食車仔麵啦, 咁我就出去叫了一碗米粉底, 加了雞奕, 魚蛋同冬菇, 這三樣野咁就食左二十六大元了. 而同事就叫了油麵底, 有蘿白, 牛腩, 豬紅. 好, 開動!!!! 我覺得唔知何解個湯底會咁油, 我都無邊樣餸特別油呀, 奇怪, 先飲啖湯, 得一個字, 怪... 唔係好鹹, 但好似淥麵水的感覺, 不是好的湯底, 雞奕是很正常的卥水雞奕, 都幾入味, 不過得兩隻仔, 唔多夠, 冬菇原隻就幾大隻, 不過這個是切開的, 唔止一開二, 一開四都有啊, 菇味就無咩, 不過蠔油味都OK既, 只係油

星期日入西貢散下步, 順便食個early dinner 成日聽人講話要入西頁食松記, 作為西貢區居民, 我無理由唔O黎試下...O黎到6點3, 可能因為好多人遊完船河, 所以好多人排隊買O野食等O左超過15分鐘先到我O地點食物我O地點O左幼麵一碗+五花茶幼麵: 河粉, 銀針(應該無聽錯), 同米線都賣晒, 無晒我最鍾意的河粉, 唯有是但要幼麵 有2個麵餅, 不過最後上碗o既份量依然少得可憐牛腩: 好腍, 份量都好夠, 唔舍係要加幾$呢?釀豆腐: 魚肉OK, 但豆腐炸到層皮好"UN"魚蛋: 好似得4-5粒, 又細, 份量太少, 味道OK啦雞翼: 好肥好飽滿, 賣相唔錯, 有2隻, 味道就唔知, 因為我無試到五花茶: $7, 算係最抵, 唔係好甜, OK啦埋單盛為$45...雖然味道唔錯, 但係實在太貴啦環境方面, 坐位都幾窄 , 即係食完好走啦...service可以話無...除O左不停問你有位未, 點O左野食未...呀姐個個都係口黑面黑, 不過可能因為今日實在太熱啦

今天下午，我前往西貢及橋咀洲一行，在前往橋咀洲之前，當然是要在西貢"醫肚"了。我抵達西貢時，已是下午二時半，時間也變得十分有限，所以要儘快找個地方落腳。就在那時候，我在西貢專線小巴站後面的一條兩旁佈滿食肆的小巷，找到了西貢松記，二話不說就走進內坐下。由於我是第一次光顧該店，不大熟習該處點菜的程序，所以我招了幾次手，但都未見侍應前來，直至一位侍應前來，告訴我應先到櫃檯選擇麵條及餸菜，然後走到座位坐下，再向侍應點飲品。此時我才如夢初醒，匆匆走到櫃檯選麵條選餸菜，結果我選擇了米粉配四道菜：牛丸、紅腸、冬菇及雞中翼。點選完麵條和菜式後，我在侍應的安排下，到店內一處空位坐下，接著又把我選擇的"車仔麵"端上來。此時我又點了一杯熱西洋菜蜜。不消一會，西洋菜蜜又端上來了。我吃了那碗"車仔麵"後，覺得無論餸菜、米粉以至湯底，味道和口感，都與外間的"車仔麵"店，沒有多大分別。至於熱西洋菜蜜，喝起來也與外間的茶餐廳差不多。至於價錢方面，尚算合理，"車仔麵"配以熱西洋菜蜜，合計只是43元。整體來說，這一餐算是不過不失的了。

聽聞“松記車仔麵”此食店很久，但多次經過也是人山人海，一直未有機會品嘗。剛好本星期去西貢釣墨魚，特意預早時間到此店食麵。可選擇的麵底及餸款很多，多番思量後叫了個“八寶麵”。賣相可以，但價錢偏貴，而且味道真的很一般。特別係魚蛋，質感比街邊3元1串的更差；豬紅也是死實實。唯獨值得一贊的是厚切紅腸。食完有啲後悔。

趁著假期，來西貢這個香港後花園打個轉，看看海，看看天，與大自然親近一番。雖在來西貢前已吃過午餐，一輪閒逛之後，老婆仔已有點累，但又未感肚餓，於是拉了她到這間西貢有名的車仔麵店「松記」歇歇腳，她喝杯消暑的凍飲，我吃碗店中馳名的車仔麵，好一次過滿足她和我的願望。這店子確是多人，店中坐著等吃的人固然多，排隊揀車仔麵和餸的人更多，多得常時店外都排著長長的人龍。這車仔麵店的麵款和餸料雖然多，但最有名的離不開豬手和牛筋，既然如此，第一次來這店吃東西的我當然以為叫這兩樣餸料最為穩陣啦！於是叫來一碗「豬手牛筋腩雙拼粗麵」作下午茶。「豬手牛筋腩雙拼粗麵」有兩件豬手、兩件牛筋和少量的牛腩，份量不算太少。但在味道方面，豬手醃得不夠入味，偏瘦的豬手也不夠膏腴肥美，牛腩就只是平常的牛腩，質素未算出色，粗麵條索了味道尚佳的湯汁，倒還不錯，但已令自己感到大失所望。都怪老婆仔三心兩意，本來打算叫「凍檸茶」的她在餐牌見到有菠蘿冰供應，臨時改變主意改叫「菠蘿冰」，結果出事。這「菠蘿冰」一送到來，我已知道應該不會好喝。這「菠蘿冰」的顏色明顯地溝了紅糖水製成，喝來淡淡的，根本喝不出有多少菠蘿味，這冰用的雖似是新鮮菠蘿粒，但菠