西貢松記車仔麵

營業中

休息中

在Firenze的一頓稍稍留了肚，因老公來西貢的目標之一，就是重溫松記車仔麵；而其實，我是一次也沒去過的，也很想去見識一下!　由海旁沿福民路一直走，想不到松記要轉入小巷方可到達，而且入口處還頗狹窄，不過同時也幾有風味。第一頓午餐已經吃得遲，再來到松記的入口，已是三時左右，估不到仍有超長的人龍，嚇了我一跳! 後來聽朋友講起，此店是長期人龍滿佈的，真的很厲害!幸好人龍只是排隊買麵，店內搵位則不難，而且環境尚算光猛舒適好坐，還並有大大缸金魚作佈置。不過是日所見，此缸有過窄之嫌呢! 　等約8分鐘，老公點完麵回來，至於麵就有店內阿姐代送。成品上檯，份量再次嚇我一驚，因為，真的很大碗麵! 據老公講，由於不想揀不想煩，這碗龐然大物主要是松記招牌四寶麵($42)，另外再加冬菇(+$7)而成。　第一件事，就是撥開眾多的車仔餸，吃一口我要求的粗麵。除了米粉，粗麵算是最能吸收湯底的麵類，而這裡的湯口味微甜，但並不如元朗永年士多的鮮美，粗麵配搭上去只是OK。其次是吃老公特意加的冬菇。這菇在一眾車仔餸中是最貴價的級別，原因是成品特別肥大肉厚，吃來口感豐富飽滿，又沒有異味，個人幾喜歡的!麵中四寶則有兩件豬手、大量

本人一向愛吃車仔面, 但這間是本人吃的最難吃的一間車仔面餐廳, 豬紅, 牛筋淡而無味, 而且還有一種受騙上當的感覺, 餐廳門口的餐牌上沒有豬腸和九筋的價錢, 但走進去郤在看見了, 於是叫了豬腸, 牛圓, 魷魚, 和一個油面, TOTAL 港幣30多圓, 原來叫豬腸一味己過20圓, 真是一碗價貴又難吃的車仔面, 請聰明的消費者不要再幫襯

未有一間食肆令我差到吾想寫, 西貢松記車仔麵倒是唯一的一間!這裡採用自助形式, 先在鋪外排隊點餐, 食物後上.差到不能以筆墨來形容, 一個字 “劣”豬手,牛筋腩, 雞翼,豬大腸, 冬菇, 油麵, 蘿葡、 煎釀三寶甚至於涼粉和飲品樣樣不行, 淡而無味, 味同嚼蠟若果不是和好友郊遊, 我相信我必按奈不了揮袖而去的衝動!

係門口見到咁多明星相,嘛入去試下.原來係自助形式,要自己點嘢食,並且有限最低消費,叫咗炸魚皮麵,及招牌豬手麵,但味道一般,望落去出面d點吸引多一點,一入完去無耐又有好多人來,好彩入得快.

呢個標題係取自我在FB分享我呢個可怕經歷時，一個朋友俾既回應，真係貼題到不得了。本人好少寫食評，但呢間野真係令我忍唔住要出山寫佢一寫。同男朋友去西貢食飯，本身我地都係西貢友，之前有間好正既車仔麵執左笠，突然靈光一閃話去松記試下佢既車仔麵，點知換來悲劇收場。八點半前入到去，個阿姐已經好似好唔耐煩係咁叫人落車。好唔客氣咁問，你要麵定米線......好啦，食車仔麵梗係要食油麵啦，叫完之後，先點送。我話要一號餐，佢話當中有兩樣送無既，咁都算。想換個啲送，又話呢樣唔換得，嗰樣唔換得。算﹗我就只叫蘿葡、豬紅同魷魚。埋到位，一食啲魷魚，一啲味都無，好似食梗舊膠咁。第二樣蘿葡算有味好少少，但係食到成口根。最慘係豬紅。平時我一個人可以KO成碗韮菜豬紅既人，今日居然得四舊式豬紅都要食淨兩位，就知幾難食。坦白講，我自出娘胎以來重未食過啲豬紅係又腥又苦既，如果唔係有枝可樂頂住，真係可以即吐。我唔覺得係貨源既問題，因為食左幾十年豬紅，未食過一間咁差既，佢真係好勁，連咁穩陣既野都可以煮成咁，只可以俾佩服兩個字佢。佢真係對唔住啲豬紅。講完啲送，講番個主菜即係麵，除左少之外，個油麵無𡁻口，唔知佢烚左幾耐同幾多轉，淡到

電視飲食節目時常有介紹這一間， 那星期天便滿心歡迎的駕車，扶老攜幼的打算吃餐好。 不知是否沒有選其招牌菜如牛筋呀等， 只叫了普通的車仔面；不吃還不吃， 一吃便出事。只怪戲子 (飲食節目主持人）確實好戲，在節目裡一邊吃一邊讚，我卻一邊吃一邊嘆；車仔面的餸的味道差到我半路中途已想放棄，姐姐那碗因為沒有所謂的辣汁，整碗像是由白開水做的，貢丸沒有味道；吃魷魚就像吃膠！小事如侍應亞姐竟然要我們分開坐我也算了，但我只不過希望為外賣餐加一只膠羹而已，那個化了靚妝的侍應竟然命人在單上加五毫子！！！　天呀，外帶的碗你已計錢，為何一只膠羹你也。。。實在無法接受，只好做好港女本份，說’要錢的麼？那不要了！’　這間食店有食客在外排隊，而店舖地方有限，所以要求食客在排隊時已經選好面底呀，決定好餸呀等是無可厚非；但其這般鼓勵人們環保，以徵費來鼓勵人們不用塑膠餐具，那真的有點無情。須知道，這間食店的車仔面，真的一點也不好吃啊！！！我所吃到的，是令人嗟嘆的車仔面！

今晚本來懷著開心的心情去享受車仔面 , 選好了送, 坐下來開始食之際, 不如意之事情發生, 以至到這一個原本開心的晚餐由10分變為零蛋. 事原有一女上司責罵一位女員工唔用腦, 在我們這麼多人客面前大大大聲說她放汽水入雪櫃之問題, 又不說清楚怎樣做, 做了之後又話不是這樣又不是那樣, 又說她不是機械人, 又不滿說她已做了2個月. 她都有亞媽生, 駛唔駛媽人媽到敢. 我們在食這餐車仔面變得無味,直情覺得食得好辛苦, 草草了事. 其實人家都係搵食啫, 人與人之間互相尊重, 如果2個月都做得唔好, 上司都好有責任, 想在一個好好氣氛下食碗面, 唔想見到D 殘酷現實. 其實D野話到點好食,都要加D人情味先得啦.......

周日又是行山日，同食家由北潭涌出發行入浪茄來回，24km﹗路不難行，但行左成六個鐘成個人好似虛脫似的，一上小巴出西貢已瞓到成隻豬咁，又是搵食既時候﹗上次食左海鮮唔太鍾意，今次又去試試其他野，到了小巴站旁的.....西貢松記車仔麵﹗呢間野好多電視節目都介紹過，開業於1978年﹗鋪位都幾大，茶記格局，燈火光鮮，不過要留意既係夜晚八點就收鋪，我地七點幾去到所餘的食物已不多﹗麵底$8一個﹗再加$4-$8的餸菜任擇﹗食物選擇也不少了﹗亦有0的招牌粉麵可以揀，$30有交易，價錢合理﹗買野食要自己出去揀餸，揀完之後就有人整好攞埋來座位俾你慢慢嘆﹗自己揀餸有樣好，就係見到邊樣賣相好就點邊樣﹗這是我的四餸麵，我點了魷魚、雞翼尖、墨魚丸及紫菜，再配上粗麵﹗原本有個驚喜係呢度有得點我好想食既銀尖粉，點知又係因為就收鋪賣哂，慘呀﹗麵底夠哂多，一個麵已是滿滿的，魷魚彈牙爽口無皂水味﹔雞翼尖一份竟然有成六七隻，夠哂多，鹵水入味﹔墨魚丸內有彈牙墨魚粒，口感足﹔最緊要一樣野係佢既紫菜，大餅得不得了，一箸麵配上紫菜味道更鮮美﹗由於點得太多餸關係，試不出個湯底龍與鳳﹗食車仔麵，點會唔點炸魚皮，成碟上啦﹗薄身香脆，絕無走氣

同友人行完山勁肚餓，立即去西貢市中心搵食醫肚朋友話食車仔麵，點知入到去，見到餐牌，已覺得係非一般既車仔麵我地看圖揀食物，分別叫了年年行好運招牌四寶湯底濃郁，甚至食落有D膠質，正!!! 唔似出面一般車仔麵既味精湯底，係會食到你想連D湯都飲埋佢!!!同埋食完次後一D都唔"確"喉!!!配料夠份量，豬手都有兩隻!! 炆得夠"林"，十分入味，其他豬腸牛筋牛腩份量都好多，雖然要4X一碗，但份量同價錢係成正比，計落同平時出面食既價錢差唔多唯獨菜得2條，相比之下真係少左D，同埋食粗麵渌過龍，林左D，建議食河粉或米粉等比較索湯既粉麵，就可以連湯食晒成碗麵LA!

I have been been twice now, the noodles are OK.The fish balls - OK, like supermarket qualityBeef brisket - very average, fatty and not much meat. Soup base - very averageI think I would have been more satisfied with an value meal at McDonalds, its not to say that this place is bad but a bit pricy for the very average quality of food offered.

Walking through the alley behind the wonderfully named Fuk Man Road in search of something cheap & cheerful, we were drawn to this place because it was bright, clean, crowded and had huge photos with English names for all of the dishes. The design of the place is more modern and the place seems cleaner than many of the hole in the wall joints nearby. At 2PM on a Saturday afternoon, it was close to full so we had to share a table. The woman at the cash register asked if we "knew how to eat thi

去呢間野食之前無睇過食評,唔知Ｄ職員態度差,原來真係好差。禽日幾家人同行十多人,有大有細,入到去,有一大桶瀼水放係地下度,都唔知點坐,咁咪等人搬去囉，有個載眼鏡女人要送麵入嚟比客入唔到黎,就係門口到哎「唔該」，唔係好禮果隻，叫我地坐低先比個餐牌,我哋以為可以order後送黎,點知佢話要出去排隊叫餸,咁我地話要個餐牌都冇用,個載眼鏡女人就開始發老脾,話「有Ｄ人會厭貴,比你地睇定Ｄ價錢先，你地唔鍾意食可以咪唔好食囉！」食到咁委屈,我地咪走囉,我地一路行出門口,一路比佢鬧 直至我地走左成半條巷,重聽到佢把聲，終於我地去食隔幾間嘅泰國小食,佢地態度好好,間直係地獄去到天堂咁。

去完橋咀島，行完個連島沙堤真係用晒我d energy。搭街渡出番西貢，即刻去松記食車仔麵。呢間野好似好出名咁，梗係要試一試。3個人，叫了兩碗，合共叫咗7個餸。魷魚、豬腸、豬皮、牛丸、魚皮餃、豆卜同豬紅。仲叫咗一個涼粉同一杯芒果QQ。先講涼粉同飲品。涼粉正常，夠凍又夠奶。芒果QQ超甜，好似糖唔洗錢咁。最衰無帶水，如果唔係實會加落去。QQ勁多，正，好彈牙有咬口。D餸令人失望，全部都唔夠味。魷魚完全係白灼，加上呢d魷魚比化學品嗱過，本身已經無味。佢地又唔用蠔油汁炆炆佢。所以魷魚完全無味。豬腸都係有色無味。牛丸不過不失。魚皮餃都係入貨嘅質素，餡肥肉多。豬皮ok夠味，不過仲多咗陣油益味。反而個豬紅最好味，炆得入味又軟滑。整體毫無特別，也不用前來一試。

我地７點未夠就去到西貢市中心，由於太大雨啦，我地就係車箱入面等雨細ｄ先起行去食車仔麵，我地２個都好心急，因為【松記】收８點架，我地已經特登早ｄ入黎就係想試下【松記】ｄ車仔麵，點知落大雨阻礙我地既進度。可能距離佢地打烊既時間仲有幾個字，我地叫咩冇咩，百無囉！（車仔麵最基本要有既配料係無既，好失望！）豬紅→無豬皮→無同埋佢地唔係樣樣餸都有囉，一係叫佢地既招牌麵再另叫餸去配搭，完全失去哂車仔麵既自選餸料既特色。評語唔多講啦，只係覺得唔駛山長水遠特登入到西貢食車仔麵，老實講求其搵間都好過【松記】。我：招牌金錢肚麵 $19 +（另加）蘿蔔 $4 + 魚旦 $4親愛的：招牌豬大腸麵 $19 +（另加）魷魚 $6 + 魚旦 $4飲品跟餐另加９蚊，我地２個都係飲香艼珍珠奶茶。埋單７４蚊，價錢都唔平，呢個價錢【車品品】好食好多囉！

我與男友去完甜源居吃tea，因為我全日只食咗一個甜品，食完都仲有點餓，所以再與男友來這兒吃車仔麵。因為，夜少少會去食海鮮，所以也不想太飽。所以我只點了兩個餸，可惜沒有瀨粉，所以改食米線。我選了豬紅與魷魚，味道一般，魷魚不入味呢! 男友選的豬皮、貢丸及蘿蔔，也是不過不失。