西貢金雞海南雞

營業中

休息中

星期六下午一個人無聊行下荃湾有咩食。見到下午茶有細雞飯三十元包湯，心想一人oK喎，就準時二點半入座。即叫了個细雞飯加湯隨即有三款調味料放到卓上，跟住精彩我人生未試過如此沒尊嚴，有一殼油飯加三片雞絲比我，比BB食都不夠啦!我即放大瞳孔三秒食完走人，我從未試過此感覺勁無尊嚴的一餐

在兩節事件中間有少許時間，走到附近，就發現，人們真的無聊，上幾週左邊新開一間台式飲料，就有幾十人在門口排隊；而這個星期有另一間飲料新開張，舊的就立即沒有人，新的飲料店，就立即有10多20人在外邊排隊。這間海南雞飯，也經常經過，但一直沒有試，這天到來不用等位，立即內進。海南雞飯有大的亦都有中的，不算極之肚餓，就隨便點個中的。餐牌上面沒有清楚列明，如果要指定雞脾，用不用加錢。但是竟然聽到，門口有一名婦人說，要中的海南雞飯，不要雞胸。實是厚顏無恥😨，中海南雞飯，只索價＄42，還包熱飲，你指明不要雞胸，就即是最少會給你雞腿或是雞背。如果比着你在比較著名的燒味舖，店方懶得理你。辣醬偏辣，不搭配；豉油飯點不錯，微甜；薑蔥香，夠碎。我想只是因為這間金雞海南雞，裏面比較少人，店方惟有滿足這名婦人😒吧。結果，端出來，還是把一碟雞胸雞背，端給這名婦人，而婦人亦都再次厚顏無恥地怪責店員：「我說不要雞胸的」，沒有尾音，語氣就像呵責👎🏿。結果，店員就將這碟「婦人退回的雞背雞胸飯」，轉贈給我。但其實，雞脾比較肥膩，吃得多也未必有益😏。這間金雞海南雞，那些雞不算太鞋，也不算雞味濃郁，但是肉質不乾不鞋。當然，雞背比低

朋友介紹今晚到呢間食店用膳，朋友先泊車，我先去拎位。點知去到，全鋪每檯都係坐滿人，但間鋪竟然係真空狀態，廚房同櫃面竟然係無人。咁以為咁啱唧，咪諗住企出門口等等啦，轉頭有個西裝男入左去先知原來其中一檯坐左8-9人嘅竟然全檯都係職員，但頭先入去同呢檯人有眼神接觸到，呢檯人都無人主動出黎問下幾位？企左門口好耐先有人問下要咩，最後為有同西裝男搭檯，到叫餐 朋友叫左十次唔該！都可以無人理會，搞左好耐先成功叫餐，呢餐真係食到頂住頂住好掃興😒，絕對無下次。要去嘅人都考慮下先幫襯。

之前好似蘋果請過黃秋生去西貢店試食，評價也不錯。之後見在facebook有賣廣告，馬家開飯都有介紹，才發現荃灣路德圍都有一間。下午茶有細碗海南雞和肉餅飯兩種選擇，$30，可選湯或餐茶，凍飲加$3。是日餐湯是南瓜粟米湯，很甜，但可能比較習慣海南雞配冬瓜湯，總覺得有少少唔夾。下午茶份量，少食多滋味，雞肥美，非常滑，建議不點醬因會蓋過了雞味，特別是那個濃醬油有點偏苦。油飯與別不同，加入炸蒜，味濃，會有偏油，但飯粒粒粒分明有米香。

知道大家都好鐘意食海南雞 所以再推介一間最近食過都ok既海南雞 $156二人海南雞套餐 有半隻海南雞 配滷水狀元蹄 加油飯 時菜 簡簡單單又一餐😎唔洗入西貢都可以食到海南雞飯😂 西貢金雞海南雞 (荃灣)荃灣昌泰街3-5號富榮大廈地下2號舖

行過見到海南雞飯, 好耐都冇食過, 就即刻入左去~店舖一貫茶記格局, 不會對環境服務抱什麼期望太肚餓了, 叫左海雞飯加大, 送了例湯例湯是南瓜湯, 都有南瓜蓉, 少少重味精雖然加大了, 但看到的是正常份量的雞飯...唔覺得比平時大, 我唸中size 應該好細份雞已去骨, 幾滑, 但冇乜味, 都係要沾醬先夠惹味成碟飯清晒都唔算好飽, 要食飽的話建議加配小食價錢都合理啦, 好多地方食個飯都咁上下錢, 呢度既質素都算OK!

大大話話響荃灣返左成年工，差吾多每日都經過金雞門口，但就從來未食過。今日OT 完唸吾到食咩好，行經呢邊發現金雞門口有人排隊，冇咩心水之下就食試呢間啦。兩個人點左個二人餐，去骨海南雞+滷水狀元蹄，時菜，老火湯，飯，餐飲全包。海南雞超大份，雞脾肉好嫩滑，配薑蓉正，薑蓉係自家製，吾多油，食完可以再加豬腳炆得好入味，肉又夠腍老火湯應該係真材實料冇味精，因為飲完成晚都吾覺得口渴。至於飯方面，識食一定食油飯，白飯簡直冇得比！埋單計盛惠$139, 勁抵食食緊果時都有留意到隔離枱點左魚香肉餅，又係超大份，賣相都幾吸引，下次黎就試肉餅。

一向都係呢間海南雞既fans，只不過去開九龍城咁解，無諗過荃灣呢間咁蟹差人意！一去到門口已經話兩位，後面都有個女仔話兩位，個阿姐就叫等等，到派飛個陣就直接skip左我派比後面果個女仔，前晚已經都係咁，唔算多人但都會無視某啲係門口等既客人。到坐低叫左個二人餐，黎到之後啲海南雞咸到似鹽焗雞、肉質就似白切雞，想點樣樣？咸魚肉餅不過不失，一向質素。再黎凍檸茶凍奶茶，奶茶無飲，我個杯凍檸茶完全無茶味，純粹得隻色，成餐飯都不知所謂，荃灣分店完全唔會有下次！

荃灣食街果然好多美食同時又經濟見到有$5豆腐花 好多人排隊。豆腐花店隔離少少就係呢間海南雞飯專門店是夜星期一晚上8點鐘左右見到唔駛等位就開開心心入去坐底搭檯有二人餐，價錢$156。 有一碟金雞，兩碗油飯，一個小菜（肉餅或排骨）兩杯飲品但係因為不太肚餓，就點了一個大海南雞飯，一個中海南雞飯上圖係中海南雞飯 有幾件冇皮其實我鐘意食皮。另一碟就件件有皮有三款指定配搭的醬汁。連一碗南瓜湯雞肉好嫩滑 有雞味，好食油飯都好好，沒有過油既感覺，好香最後見隔離檯點的二人餐應該要比較優惠，有好多件雞的 小菜看似不錯

收工同屋企人一齊揸車入去荃灣食海南雞，就去咗呢間金雞海南雞到食晚飯，鋪頭唔算大，但都可以坐都好多人我哋叫咗三個海南雞飯，睇落去個樣係好得得嘅。啲🐔好靚添。點知食落去雞胸肉系＂鞋鞋＂地。飯又硬，可能落少水定還是未熟。我認為食海南雞應該係好爽口嘅，連雞胸肉都好＂林＂好爽。所以總括嚟講係麻麻哋。還有，D亞姐好似好趕頭趕命咁，D動作令到你好想食完快D走。所以坐得系唔舒服嘅，所以都吾推介😓😓😓。因為本人覺得食野好之餘服務態度都要好。可能我系好麻煩個D人😅😅😅😅

經過荃灣路德圍，呢條街好多餐廳，唔知揀邊間，見到一間餐廳仔，望入去喺滿座，𥚃面好迫，又窄，見到餐牌寫著可以外賣海南雞及滷水豬手，個樣好似好好食，胆粗粗試下豬手飯滷水🐷手飯上枱嚇左一跳，豬手同飯分量好大，下次可以叫少飯豬手好腍，肉質好香，豬皮好滑，豬手入左味，比較咸，一定要配飯一齊食下次可以外賣豬手回家加餸

今日經過荃灣 見到間海南雞專門店 咁梗係要試下佢個海南雞啦 海南雞有全日套餐 唔會午餐晚餐一樣餐單但改價錢 海南雞飯（大）仲唔到大都幾多雞 雞夠味 又好滑 雞皮唔多肥膏 做得好爽 正！ 不過油飯唔太夠味 搞到要撈汁至食到同平時一樣 有三款汁 不過得辣個種最夠味 甜醬油太甜 唔夠香 葱油big fail 真係要搞搞佢 不過50蚊食個快飯 認真唔錯

男友一直都推介呢間海南雞飯，但一直都未有機會試到，呢日我終於睇到佢有幾斤兩原本打算叫一人一碟海南雞飯，之後男友點醒我原來有二人餐，本人最愛叫二人餐，因為多啲餸試之餘又有野飲個set 156蚊就有3餸1湯飯2碗2杯野飲凍飲加3蚊味道似青紅蘿蔔湯，但係係南瓜取代左青蘿蔔，家的老火靚湯味道飯可以揀白飯或油飯，咁我緊係揀油飯啦，食得海南雞點可以唔配埋油飯呢海南雞一到雙眼發哂光本人最愛食雞仲要係要啖啖肉個隻，呢碟海南雞岩哂我，因為係拆哂骨加上肉質嫰滑，表示愛不釋手肉餅真係估佢唔到既好味，蝦膏味濃，一開頭男友話叫肉餅我都出奇左，以為普通野啦，點知係煎既肉餅仲要有咁香濃既蝦膏味，食過返尋味喇要菜心上味既唔係蠔油，係鹵水汁如果更多的話味道更好，因為有啲唔夠點，會唔夠味總結我係會再黎食，因為堅抵食個2人餐，好味到要掃哂啲飯同餸，係要捧住個肚走人，因為碗飯好滿，食到好滿足

去骨海南雞飯 $48呢間野我幫襯左無數次，因我都一直都鐘意食海南雞，但！好失望！！連比左幾次機會，真係忍唔住了！！一次又次差，一次比一次貨不對版！今日今時呢間野已正式被列入為黑名單了！😡😡食到我怒火中燒😡👎🏻 ·以 $48 唔太便宜嘅價錢來講，叫咗一碟海南雞碟頭飯，加上係專門店，每次都比足機會地期望質素唔好差，點知連續幾次去食，比足咁多次機會都好，間野都係比白切雞我地食🖕🏻🖕🏻🖕🏻🖕🏻仲要係好難鞋口、又少雞肉😲😲然後我同朋友叫左走翼，即唔要翼換其他部分既肉食，點知無走到翼之餘仲非常好心地送咗個鹽焗雞翼俾我哋食添🖕🏻🖕🏻🖕🏻🖕🏻🖕🏻🖕🏻🖕🏻🖕🏻🖕🏻🖕🏻完全無心裝載咁我試過有次嚟食，當時唔知可以走雞翼（海南雞飯食雞翼唔太抵而且無去到骨）然後，$48叫海南雞食，但間野比左左全隻口味99%類似鹽焗雞翼 + 2小條白切雞胸肉我食，我當下真心勁O咀無言到想發脾氣拍枱走人！😡😡係咪以為我地唔知咩叫海南雞飯？？？明明之前嚟食點差都好，一半海南雞肉一半白切雞肉都已經算了，我忍，但近幾次，全部都比白切雞想點先？係近幾次！！全部！都係！白切雞！！知唔知道食白切雞或者鹽焗雞嘅價錢係等同於海南雞嘅一半😡😡我唔需

之前都去幫襯過堂食午餐，叫咗無骨海南雞飯(中size)，但分量就少咗啲，飲埋成碗湯先剛剛夠飽。所以會推薦大家要食就食個大size 餐廳環境好狹窄，坐得唔太舒服，適合快食快走，唔適合大伙兒去食，因為座位較少。小妹今次就外賣再試。外賣無骨海南雞飯 大size $49包一碗湯~應該係青紅蘿蔔豬肉湯，湯味道較清，無咩料。外賣都會附上醬汁，雞肉雞皮都好滑，雖然見到盒底有好多雞油，但入口唔算太油。油飯都算ok，但要加埋醬汁先夠野味。今次食個大size都算飽，總括嚟講都好味，但無咩驚喜，同連鎖快餐廳分別唔太大。普普通通吧。