西鐵燒烤樂園 (已結業)

　　一行三人，行山到達終點元朗市中心，漫無目的之際，經過港鐵站發現剛好坐落旁邊的西鐵燒烤樂園，時間是五點正，眼看內裡已坐滿十幾台客人，應該還是有一定保證，帶著一股饑餓的衝動，已是天不怕地不怕的階段，踏入門口，每位九十，每位送贈汽水及水一支，很不幸，原來四張票尾送海蝦／烏頭一份，此行三人，無奈萬分，幸好三人中之一人面皮較厚，找到園中兩位小女生獲贈票尾一張，最終仍得海蝦半份。　　話入正題，說到食品，得來不易得海蝦還算可入口，其餘有醉雞翼，沒有酒味，連咸味也沒有淡得可憐不知所謂，蒜蓉包事先塗好，可只有那零星一點蒜容牛油，差不多只有一塊包的十分之一面積，我的天，這是通漲的關係嗎？不知所謂，唯一可以的只有豬串骨，味道可以，其他都只可以用到不知所謂來標籤，總括說就是淡到像醫院餐一樣，更可悲的是場內標明任食無時限，那包迷你的炭第二包卻要十五大元再續，可說是悲哀中之悲哀，如慾貪圖交通方便就腳，對食物也萬無要求，大可一試。

我地今次有6個人去BBQ. 本身唔想諗住去E間, 但係想去個實在太遠太難搵...而E間就係西鐵站對面, 入到去,位置都唔係太逼,OK啦...都乾淨, 可能係11月既關係,唔會太熱.等左一陣就有人幫我地開爐, 不過有D奇怪..要自己排隊去攞燒烤叉,餐具, 碟D野食都係個D....不過選擇唔係太多..而攞野食既counter好多人...有D要掙既感覺味道上都OK...D麵包有D求其..加D牛油就算D芝士腸好食....不過選擇真係唔多.入場包一支水同一枝野飲,好快飲曬....再飲要另外買,6蚊一罐, 好似有涼粉tim場入面仲有條友係台唱歌..D歌我都唔識,當係有D音樂啦總括黎講可以接受, 如果只係想一大班人出黎玩..都係一個唔錯既選擇.

上兩個禮拜國慶假期我同女朋友連埋幾個 fd 去咗呢間 BBQ 場燒嘢食下晝 3 點左右去到book 位果個朋友話呢度安裝咗風機，所以先揀呢度點知佢地冇安排近風機o既位俾我地不過還好，叫做有把太陽傘遮頭一開始有一爐 + 一袋炭俾咗我地提供o既食物不外乎都係果啲，但質素幾差我叉麵粉燒賣果陣，一叉，成粒燒賣分開兩半 燒燒下越來越熱，之後發現啲風機停咗後來八到原來負荷唔到跳哂線，風都冇滴聽聞搶修緊，但到日落收哂太陽都未見風機著番到 5 點幾，袋炭差唔多燒完我走去問邊度有炭，佢地竟然話要自己去小賣部買 有冇攪錯!? 食物任攞，炭唔係任燒，叫我地生食呀!?90 蚊唔係平，嘢又唔係特別好食，炭又唔係任燒，只係得交通方便呢個優勢元朗屯門咁多 BBQ 場，點解要揀呢間??

雖然熱 "那那".....但係我都好想去 BBQ........所以就去 "西鐵燒烤樂園"...第一次黎呢度 BBQ.....我覺得幾好.....野食啲味道都唔錯......特別係...咖哩尤魚....雞翼....雞扒....价錢又平. 我覺得下次都可以再黎....hehe

星期六，約左成班舊同事BBQ...一早睇到依間燒烤場最近的食評麻麻...但成班係唔同地方黎..有D又揸車...有D又搭地鐵...又巴士...成個元朗屯門區，最方便就係依間...諗住燒烤場來來去去都係咁架啦...所以都係約左係元朗西鐵站等...一落樓梯就到啦...又有停車場...真係好方便!!! 我地黃昏鐘數去到，環境都幾好...好開揚..野食都係一般BBQ野食...但味道OK啦...肉類都幾入味...係D丸雪得太硬...要等一陣先燒到...我地自己拎左扇貝同蝦去燒...買左個鐵絲網放係面燒...好好味...下次要試下魚...(因為我地見到有燒成條魚..好過癮) !! HAHA~~燒左一陣..同事D小朋友就去左撈金魚...$20一次...老闆好好人..撈唔到都有小禮物比細佬..個個都開心~~燒完一上去就係西鐵站...巴士站...玩夜D都唔怕要出設市中心搵車搭...會再黎既~~

我以前都有去呢間燒烤場既，不過早幾日去過，感覺唔同晒，所有野都差到不得了！野食唔夠不在話下，直情係佢地有乜野食淨既就逼D客仔要，連最基本既選擇權都無，仲點叫"任食"呀！D食物醃得差食淨既野重要大大聲喝住話要罰錢添！大佬，你估呢度係大陸咩！！*線！全港得番你一間燒烤場我都唔會再幫襯架喇！！huffyhuffy

今日同班朋友去嗰度燒野食,點知比咗錢入度去佢話好似入面無位咁咪諗住轉場啦!後來又話入面有位喎...但係入面個埸好迫好焗咁到攞野食時仲攪笑~我想要腸仔!個小姐同我講D腸仔無哂!!(我哋晚8點半到)有無攪錯8點幾黃金時段無腸仔想再攞之前覺得比較好食D雞亦佢話無哂嗱...要金沙骨啦好好食嫁連香港區D人都入嚟食嫁!唔好托手肘啦要啦!!!嘩!係咪做生意嫁!!星期六黃金時段咩都無就唔好開門做生意啦,仲求其塞D野食比我吹哂水話好食我都係第一次燒野食係無基本食物(腸仔),其它野食都麻麻地!!!呢個燒烤場除咗近西鐵站之外都無咩好!我以後都唔會再去呢個垃圾場!!!

本人同D fd去呢個場bbq, D野食勁唔掂, 買啤酒要多D冰又話唔得(D冰好似好貴咁 ==), 最後未比$15佢洗買冰囉!!好喇...到咗11:30PM又話係最後取食物時間(咁都得)...都算!!最離譜就係一到12:00AM即刻熄燈拉閘放狗...大佬呀...要人走都比D光人地收嘢啦!!...所以我講嘅...我以後都唔會再去"西鐵燒烤樂園",

難得聚會，大家打算燒野食，因為多人住元朗個邊，呢度又近西鐵站，所以就揀左呢度眼見呢度食評麻麻，所以都無乜諗住有乜野驚喜，不過我覺得整體黎講都唔差既首先，佢平日四點先開始，價錢寫係八十蚊，不過去到，姐姐問我地，有無coupon呀，減10蚊渦，我地大大話話十幾人，加埋成百元慳返，用黎去第二度買野都好啦，係麻煩在又要上網又要print，為慳錢...無計啦分左兩張檯，一邊一包炭，大約係平時超市見到既一半到，入座即同你起爐包一支水同一罐野飲，都有好多野揀，普通豬牛雞，腸，牛丸魚蛋墨魚丸龍蝦丸獅子狗燒賣外，佢仲有魷魚，多人D大約七點幾八點仲有青椒，茄子，方包同搽左牛油既長法包當晚食仲有豆腐花做糖水，七十蚊玩成日，都算係咁啦，無乜要求勒好食既話，個人覺得佢既肉類同雞翼都醃得ok，只係佢個蜜糖就......搽極都無味..

主要不是講食物 ( 不過總算OK )...星期日 同班friend(9人)去bbq, 感覺有d 迫, 而且坐旁邊有帳篷d位, 燒既時候會幾熱同焗. 有洗手地方, 洗手間幾乾淨 (男) 包一支水 同一罐汽水 炭包2袋, 之後 $15袋 (後來覺得笨左, 其實可以留意走左果d 爐 下面...) 最想提駕車人士, 果度 * 沒有* 免費泊車. (週街泊另計) 不過附近有停車場同咪錶 (8點後唔洗入)

朋友聚舊，一行10人book左西鐵燒烤樂園一試，係facebook睇到有人講星期6好爆，所以預早一個星期打去訂位，免得一大班朋友掃興!!聽電話個姐姐又真係好有禮貌喎，問咩都耐性去答...星期6晚真係好熱鬧，加上d攤位又開齊，我地d小朋友一見到就好開心要玩...玩完又有禮物送，幾好。講真，一般燒烤場食物質素就無咩期望啦...叫做中規中矩啦!!但就無前面d人話到咁無味囉..都ok既...星期6晚市每位90蚊...真係唔貴...比起西貢果d...都幾抵...最緊要有車位嘛!!!再涼DD會再去呀!!!

無啦啦多左一日假期,囝囝突然想BBQ,拖住兩個小朋友,食物水準已經唔係考慮因素,交通方便先係大前提.由上水打的有八折,計落都唔駛九十,point to point好方便.一行五大兩細,由二點幾食到七點,可以話無停過口.其實食物種類唔算特出或者特別多.蒜味雞翼同醉香雞翼: 個人比較喜歡蒜味多d,始終"冶"味得多,反而醉香雞翼酒味唔太突出,醃得亦唔入味.咖喱魷魚: 全部都係翼位,幾味野都幾難出錯,時間夠就好爽口,不自覺地食左幾多下.金沙骨: 唔得,醬料醃得無味無道,燒完同普通一件豬骨無分別.牛扒: 切得比較細件,反而可以控制食量.但同一毛病,唔係好入味.豬扒: 又係醃得唔夠味,都唔知做乜,好多野都唔係好夠味.什丸同腸: 丸都有牛丸,墨丸,龍蝦丸,獅子狗丸,魚蛋,而腸亦有紅腸,芝士腸同香腸,基本上都好足夠.其實一切都好似平平無奇,我都唔會比個喊食評,但服務一項真係好過份,話說今日撞正落雨,諗住用枝太陽傘檔雨,點知個肥老板一野將個已經點左火既爐,推左去我坐係bb車個囝囝旁邊,完全唔理小朋友既安全,佢目的係想攞走把遮,我地梗係唔比啦,結果比我地講左兩句之後,仲要面黑黑走開.有無攪錯呀!

環境ok..交通方便..但食物選擇不多..都係d 大路野...豬牛雞類,腸類方面就一般尢其芝士腸...完全no good.無芝士味又硬有糖水..但好快無晒反而廁所清潔度ok如果突然即興想bbq.地區都方便(for 新界區既朋友)

10 月 2 號約左一班朋友去 BBQ 兼慶祝中秋節，大家本來諗住近近地去美孚果個燒烤場，但最後經一輪決議後，都唔介意遠少少入元朗呢個燒烤場一試。我地大約 7:30 pm 去到門口，果陣見到有大約二三十人排緊隊，原來係等緊俾錢入場。可能係中秋前夕，所以個場收左星期六日既 $90 價錢..............入到 d 位去比想像闊落，冇其他燒烤場咁有壓迫感，而且又有 2 張大檯放食物同用具，好夠用！之後就去拎野食，見到食物種類真係比較少，只係得幾款扒類可以選擇，肉類同海鮮類加埋大約得 10 種左右選擇。除以上外，就有一般既香腸、芝士腸、紅腸、墨丸、牛丸、獅子狗、魚蛋、龍蝦丸、燒賣、番薯............講真果句，去得燒烤場，都唔會預食物非常好食，大家都係為左感受下一邊燒野食一邊傾計既樂趣，所以只要唔係難食到入唔到口就已經好好~~另外個燒烤場仲免費提清熱飲品同涼粉俾客人食，不過就係先到先得，未夠 8:00pm 都差唔多冇哂~~ 入場包 1 支蒸餾水同 1 罐汽水，但都預左買野飲。額外再買一罐非酒精類罐裝飲品都只係 $6，價錢都算合理，但可樂就只有「百事」冇「可口可樂」......

第一次去西鐵燒烤場，之前見到好壞差半，都唔抱好高期望...當晚唔係好多人，環境幾好，有D閃燈閃下閃下...幾有情調!!^^ (因為我同女朋友去嘛..哈哈)出去拎野食，都有幾多野食選擇...除了一般的BBQ食物，不得不提...就係佢地既「肉丁」，超好味!!!果個阿姐仲叫我地加埋青椒一齊燒，即係好似串燒咁...一舊肉丁一塊青椒咁拮黎燒，D青椒吸左肉丁既味，好入味!!!!我地一晚足足燒左4轉肉丁!!!!令到我覺得可以再黎既，係因為佢位置真係好好，就係西鐵站出面，一行出黎就到，其他人話佢地方好細，但佢係市中心..梗係唔可以同郊外果D比啦....,可以成班人話燒就即係可以燒...唔洗大費周章!!都唔錯既...