西鐵燒烤樂園 (已結業)

好老實講 , 如果唔係朋友推介 , 我同我屋企人都唔會咁遠去到這裡 bbq 。 1) 先講地方 , 中肯的講一句 , 不大 , 位與位之間都好迫 ... 又唔可以自己揀位 , 根本就蝦我地一家大細 , 有老有嫩 ... ( 果時果場都冇咩人)2) 我地有 7 個人 ... 不過未黎齊之嘛 , 俾錢時要求 2 個爐 , 俾錢果個姐姐話 ok 架播...之後 , 就有一個自稱老闆的人出黎 ...勁兇咁 ... 兇住我地黎講道理 , 佢話要 8 個人先可以2 個爐 , 仲話我地玩亂佢地個場 d 規矩 ... 仲叫我地走 , 話唔做我地生意 , 之後我地話走 ... 又話我地拎左佢 d 野食 ( 其他我地根本未開始燒 !! ) 唔肯退錢 !!真係咩都佢講哂 ... 打開門做生意 , 咁樣對客 , 真係會嚇親 d 老老嫩嫩 !!服務態度超級差 !!!3) 我地去拎野食 , d 呀姐話兇 ... " 要幾多隻幾雞翼呀 ?!! 六隻 , 食唔食得哂呀 ?!! " 嘩 ... 好似去佢銀行拎佢 d 錢咁 ... 入場時唔係話任食架嘛 ??!!總括 : 老闆&員工咁既態度對客 , 就算d野幾好食

未試過平日既放工去到咁遠bbq, 其實地點算是就腳, 一出西鐵過條天橋就見到環境況算衛生, 有冷氣的廁所, 同埋有好多洗手盆, 好方便至於食物方面, 要自己拎d碟出去叫阿姐夾, 而方飽, 法飽, 粟米, 茄子, 青椒就自助既, $80任食連2款飲品, 算係咁喇, 食物味道都奄得ok, 但蜜糖似加左水, 唔夠杰同甜

我元朗的朋友介紹，所以棄小欖試新野。一去到，個場勁細，得小欖既八分一呱服務都ＯＫ，比人揀位又會有個姐姐帶位我至愛芝士腸，勁難食，無芝士爆出黎，入面仲乾憎憎我至愛廚師腸，勁難食，腸皮同腸肉可以燒到離晒罩，唔知係咩腸黎架！Ｄ蜜糖搽完，被燒過之後，好似有層脆皮痴住Ｄ野食＝。＝雞翼無味！無醃到好似，仲要無雞味～Ｄ丸好似大家咁講，雪到結冰！好少款揀，好少味道揀。唯一可取之處，佢地會燒Ｄ特別既野食比人排隊拎，每人一兩件咁囉。我去到坐得幾完，又無電視睇，又無野玩，未試過去ＢＢＱ咁鬼靜架囉！仲要呢間貴過小欖，完全唔值！唔會再去！都係去返小欖有保證！

地方超方便~西鐡樓下 有睇open rice介紹本來以為多劣評 ,無咩期望, 點知去到都有希望~ $98(一水一汽水) 約20人(約3包炭,用完要比$買十多元,我地剛剛好)最好早幾日打去booking~ 聽電話個姐姐超好人~我開頭book 15人,之後再打去改20人,佢話我早打去安排左d好位,有蓋的,坐20人怕迫,叫我去到如果見迫, 就轉坐露天, 仲講明一定是無之前的位咁好~ 最後我地坐原位~ 坐位每人一張~ 地方好大~ 有免費泊車~ 有冷氣房book(上 或 下) 要另付房費~ p.s.無得打麻雀架~鍚紙要比錢~ 野飲有特定,其他要付錢~有投射電視, 不過閃閃下,仲要入黑先睇倒,射牆上,白天好難睇見~ 佢地有個攪左個露天自加蓋位取食物 : 講比佢地知你要咩,就少少咁幾件比你, 佢地話重要放其他食物,所以樣樣比少少, 佢地掛左d相有咩食出來架~ 員工態度都ok~ d野食~雪到變冰~ d 燒賣要一早攞放下解凍, 如果唔係一叉即分開~ 野食都係大路野~味道都ok~ 比較好味 有 黑椒腸

我都沒試過燒野食,燒到禁唔開心!!: D服務員,黑口黑臉,我來燒烤是開心的, 佢地個樣臉黑黑禁......好似欠左佢! 服態度好差! : 食物款式很小, 唔多選擇!! : 食物質量很差,最機本的香腸一D都無腸味 ,都唔知食左D嘜野落口! D什錦丸雪到變冰, 燒到粒丸外熟, 內仍然係冰......D扒好似無醃過禁, 好慳皮! : 燒野食只送一包炭.點足夠ar !! (買炭又要$12一包,size 又細) : 去攞野食時,好似要你推我搶.......已付了錢入場....要我去搶野食, 激死人呀!!!! 唔知是否怕噪親附近的居民, 然後被人投訴過, 11pm 就趕人走........好無引!我同D friend 唔會再幫襯啊!!!!!一肚氣!!!!

以下是在下親身把鬼經歷, 去之前, 停一停, 諗一諗 :上星期六, 我地一行4 人去呢度bbq, 貪佢勝在夠近西鐵元朗站. 我地6:00去到, 當時唔算太多人, 但是d燒烤爐, table & chair 已排到密麻麻 , 登貼登, 非常迫夾.之後每個爐只有一包炭, 試問可以燒幾耐仲有野食方面, 一如之前既食評, 最基本既丸丸同腸仔係唔店. 丸丸係冰粒, 腸冇腸味. 原來蔡生講得啱 : 餅有餅味! 原來唔係廢話. 本人幾個fd bbq 必燒方包, 大家有冇諗過攞方包係要搶? 搶亦唔代表可以攞到, 最後我地只搶到兩片包皮服務方面, 工作人員可能受到金融海嘯or雷曼兄弟影響, 個個黑口黑面, 問佢野佢唔知, 攞野食果時仲慘, 好似攞住個碟去乞佢施捨咁! 大佬ar!做好你份工啦! 我比左$, 你老闆黎ga!最後要一讚佢地做足準備(收工)! 明明話收00:00, 點知10:00pm已經開始收野, 要攞野食就要行3分鐘最尾尾既地方. 有冇攬錯!! 我地都不厭煩行去拎, 但所餘既食物唔多.好!! 到11:30佢地已經熄左一半燈, 即代表你地好走喇, 要byebye!

爆場呀！今次已經係第二次來這兒燒烤，不過今次我們選擇 boxing day 來，好爆呀，好彩有 book 檯啫！不過入場時 d 職員差 d 同前面班人鬧交咁滯，雖然職員態度麻麻，但都係那班人你一言我一語，confirm 唔到人數，惹人誤會啫！一如以往，食物款式唔係好多：雞、牛、豬、腸、魷魚仔、多春魚、獅子狗、魚蛋、龍蝦丸、牛丸、粟米、法包片、豆卜和金菇，飲品仲係大陸野添，不過味道都 OK 既。例如雞扒，味道調得適中，加了蜜糖燒變得很惹味！但花雕雞翼就一d都唔入味，用來燒野食更加怪怪地，食落好似在家中煮餸咁。另外，佢地除左普通芝士腸、紅腸和腸仔外，仲有一種黑椒腸，d friends 覺得好味呀，但我地兩公婆就覺得辣左 d，各人口味唔同啦！最小家係 d 牛扒好細塊，又碎濕濕，真係要高手先拮到來燒呀！素食方面，好彩都有粟米、法包片、豆卜和金菇，不過金菇係無錫紙架，想要就俾錢買啦！都幾奸！所以我地無食金菇。Anyway，最緊要玩得開心啫，現場四周圍 d 人都不時起哄，氣氛好熱鬧啊！

上星期同一班朋友去左西鐵燒烤樂園, 10 個人開左個爐, 到左發現weekend 加左價. 都黎左咪試下啦.食物都一般, 有 D 食物都未完全解凍, 個心仲有 D 冰凍, 搞到燒完出面黑晒,但個心都唔熟.仲有燒野食必備既腸仔,本人懷疑係大陸腸,好咸而且冇腸仔味,失敗......燒左 45 分鐘左右,D 炭用晒, 我地去問工作人員想加炭,佢話要俾 $ 買. 冇野嗎?!?!十個人用一包炭,有常識都知唔夠啦.....有冇搞錯.....真係想唱首豈有此理俾佢聽!!!燒完之後,友人係網上發現,東方日報係 2008年11月29日 報導西鐵燒烤樂園無牌經營.....http://orientaldaily.on.cc/archive/20081129/new/new_k1cnt.html 嘩..以後都唔去呀,攞自己條命黎校飛

食物: 冇擺出黎，有個員工叫我D客人，係個唔知咩入口個度，話同佢D員工講食咩，係入邊執出黎，所以都唔太清楚有咩食。一般腸仔，就算唔係廚師腸，就係其他牌子腸仔，但呢度隻腸係黒椒架喎，大人就無所謂，細路仔就唔岩食。服務，打電話BOOK位個陣，己經幾侮氣，去到帶位，更加要睇個帶位面色，真係幾奇怪。都冇咩所謂啦，比得個$80，都唔要求佢星級服務啦。但，燒燒下，我個fd就起左身攞野食，個張椅就"吉"左，有個員工，走埋黎攞走佢張椅，話一枱只有6張椅，哦，咁冇所謂，多左張，你咪攞走返張lo，但我諗咩鋪頭都唔會將個客頭先坐個張攞走掛。要攞你咪攞走冇人放野冇人坐個D lo。跟住我朋友有D唔滿意，咁佢仲聲大大話燒烤係要用藍色個D椅，你坐呢D白色有背椅，我都未話你呀。我地幾個真係地點就真係幾就腳，一出火車就係。

地點:方便，元朗火車，一出就到。食物: 普通服務: 一個字:差。環境: 過得去，但攞食物好奇怪，唔知點攞法，又唔知有咩食，衛生程度透明度不高。$80/任食，炭燒晒要比$$再買。1汽水1飲品。錫紙要比$1/張。椅每枱是有限制的，燒烤時，有員工說只可用圓椅，不可用有椅背的椅。總結:自己就唔會再去，朋友貪方便或者會考慮。

之前幾日打去訂位, 2008年11月29號去, 發覺openrice個電話係錯0既, 打去叫我打另一個電話, 同埋個價錢都係錯0既, 平日八十, 星期六日九十, 個阿姐話九月已經加左價去到拎完用具同野食, 第一野拮入去發覺真係好硬, d 丸麻麻地, 有時以為熟左但係裡面係凍0既, 牛扒d味ok但係真係咬唔入, 最好食係雞, 腸, 豬同腎總括黎講, d野食算ok, 係有某d野食唔得, 不過就冇咩特別野食, 野飲唔洗錢冇可口可樂, 得百事, 七喜同d唔知咩0既汽水, 要飲可樂要俾錢 有大屏幕播電視, 不過窒窒下

2:00PM入場，己提早訂枱，全場得2,3枱。跟住比個全場最衰的toilet路邊位。希望要求可以要另一張，佢態度好差，黑臉話唔得。服務態度認真唔得。最後，燒左幾個小時，我都走啦，佢話比人訂左個D枱，一路都空左冇人坐。講返食物，D食物唔知擺係邊，叫我地係某個入口度，話比個個阿姐知，想食咩想食咩，係入邊執出黎。所以有全部有咩食就真係唔係好清楚，都係叫左D大路野，講左幾次想要紅腸，幾次都話冇，轉過頭見到隔壁枱又有喎~~香腸係黒椒味，幾好味。雞翼過得去。總結，唯一好處就係近西鐵，但都唔會再去，員工態度實在太差。

於11月22日（星期六）與朋友一共7個人，下午４：００就到達，去了這裡地方不錯，地點的確好方便,晌正西鐵站隔離．入場後，我們沒有得選擇位置燒烤，因為大多數都訂左位，只有給安排於一個很少的地燒烤，空氣都算流通，不過到了晚上６：００左右就好暗，因為現場燈光不足．食物質素很差，大部份都未解凍的，石頭咁硬，拮都拮唔入，食物完全沒有味道飲品方面,除了正常的支裝水和百事可樂,其餘的罐裝飲品都要比錢買入場費每人要＄９０元，罐裝飲品＄６元（每人差不多都要買兩罐）總括而言，這是我去過最差的一間任食自助bbq，好難想像咁簡單的東西都可以辦得咁差，老細似乎食水太深了，以後唔會再去,亦唔會推薦俾其他人．總括而言在這裡最好的好處只是門口就有巴士站及輕鐵站可直接回家．

前後剛好一星期，又來到西鐵站BBQ，今次人數比上次還要多接近30人左右，開左4個燒烤爐。唔知係唔係星期六關係，今日食物好新鮮，D肉類起碼有返D肉既光澤色，燒出來有肉味好食左，完全同上星期係兩回事再兩回事來。(我諗應該上星期是星期日關係，所以都係賣淨的尾貨好難食)呢晚仲試埋蕃薯好甜...唔錯唔錯。不過終歸還是咖哩尤魚、牛油+蜜糖麵包最好吃，另外，試左肉丁，細細粒易入口…都係不錯的選擇還發現好多一對對情侶二人行來BBQ(是不錯的拍拖選擇)

早前有朋友生日，一大班FRIEND走左去呢到BBQ仲book埋冷氣房睇家好月圓大結局。可以過下冷氣河，汗都出少d...哈！----講返食物先，真係唔多good，食完返家仲肚痛去左2次廁所！丸類係冇丸味的，職員話呢d係廚師腸，也不是我們食開的廚師香腸。肉類方便好唔新鮮，而且好多都未溶雪，所以叉食物時要比較小心。而小妹呢晚食得最多係咖哩尤魚同埋牛油麵包(加少少蜜糖燒)，算係咁多款食物，味道最好。----順帶一提，如大班人book冷氣房請預早兩星期，因有分樓下同樓上，樓下比較方便，所以相對地也十分搶手。老闆娘說，如中秋假期等節日，更要早2個月(我聽完都"嘩"左聲)